小時光 (已結業)

今天晚上，來了這間有懷舊特色餐廳。位置不太容易找，工厦的位置比較隱密，大家要詳細地了解地圖。踏入餐廳，周圍都放滿了懷舊的擺設，主要以童年為主題(請參閱圖片)，而且可以任意觸摸，大家可以回憶一番。開始討論食物，我自己叫了東坡肉飯，價錢58元。豬肉與肥豬肉的比例約7:3，豬肉比較實，如果大家不介意膽固醇高的話，不仿試下連肥豬肉死，味道不錯。飲品方便，我叫了黑糖奶茶，黑糖會另外用細玻璃瓶盛載，而這些黑糖是啫喱粒的，你可以倒入奶茶內。奶茶味不及茶餐廳濃，但以台式真珠奶茶來比較，也算不錯。總括來說，晚餐飯和麵算平，飲料就貴了小小，而且沒有套餐。要特別一題，上層有地方給小朋友玩，適合一家大細。但變相環境超嘈，傾計極不適合，如要安靜的話，記得坐下層。

個個嚟到觀塘都一定知道，工廠大廈裏邊有一間叫小時光嘅台式餐廳。位置都有啲難搵，要經過停車場入口，不過嗰度嘅保安會指示你位置，因為太多人專誠黎食。台式酥炸排骨飯＄58 6/10環境就幾特別，好有校園風味，但係嘢食就真係麻麻，個排骨好厚粉，炸得亦唔鬆脆。

在網上看到好多人來這裡打卡，便趁星期日去一次。由於是週末，工廠正門沒有開，繞了一大圈才找到。一進去，餐廳的燈光很暗，餐廳內的佈置也蠻复古的，見到有舊電視，舊娃娃玩具等等，還有一整排的書架，擺滿漫畫書。(看起來很髒，不敢碰)餐廳的人不多，不用排隊就有座位。課桌椅是用餐的地方，模擬班房，這一點很特別。要到櫃臺點餐，而且需要自助去拿。當天點了一個涼麵，一個滷肉便當，還有一份水蓮，飲料是蘋果蘇打和奶茶。拿到食物，裝飲料的杯子是化學容器，多了一份"上學"的感覺。食物總體來說，很一般🙈🙈，價錢略貴了一些。為了打卡，食物好不好吃就算了，但環境衛生真的很差！ (這點應該放前面說🙈🙈) 在吃飯時，見到有小強爬上桌子上，馬上就不想繼續吃了。所以，這麼特別的經驗一次就夠了🙃

特意走去工廠區工廈裡的餐廳試試看， 看到照片這家挺有feel的，所以決定來。餐廳環境的確很有趣很可愛。周圍都充滿著懷舊的學習風，拍照一流。連餐具也花了小心思，筷子是筆頭設計，挺有趣。點餐是要走去櫃台點和付錢的，稍後會有指示，自己出去點餐。食物來了，賣相OK但吃下去真的非常失望。太淡的味道，無論湯，麵還是肉，都超級淡味。連奶茶也淡味到誇張。非常非常失望呢。朋友吃的食物也是。總之這家食物和餐飲都很不堪，感覺只吃了它的環境，吃飽了相機。好傷心

服务态度很差，点了米线，放了很久才端上来，已经硬成一块板没办法吃。音乐很吵，很难听！服务员收完现金没洗手，又去接触食物。再也不会来了，失望之极！还是慕名前来，真是好搞笑……

同舊同學聚會，有人提議去試小時光。 餐廳有上落樓梯，兩層每個位都佈置得好好 ,有 重返校園既感覺。 餐檯座椅都係學生以前坐用既木檯椅， 就好似返到校園時代返學坐係班房咁。🙂大阪有著不停既話題，談近況，環境是非常適合朋友聚會的。 點餐需到樓下一層先點再由侍應送到， 就好似以前去小食部買野食咁上下：p 台式食物既主打 燥肉飯 多汁 ,水準出色， 但更令我驚喜是他們上餐的托盤及筷子，見微知著，從細節中帶來不一樣的平凡，絕對是老朋友聚舊見面， 充滿回憶窩心既聚餐好地方！

餐廳午市人流比較多，而且餐廳屬於自助點餐模式，建議入到去最好放低袋係張椅到就即刻去排隊啦至於餐牌就放咗係櫃桶入邊，可以一邊排一邊諗食咩！一入鋪頭第一時間既反應就係：「哇！文青的最愛，男人的浪漫」因為鋪頭入面有好多漫畫（係可以攞黎睇架）裝修亦都好特別！而且食飯枱係台灣中學上堂用既木枱🔨碗飯雖然睇落$55好似好貴，但都幾抵食架，配餸算多，每樣餸菜都有起碼2件！而且送熱飲架對比同區其他餐廳都叫算係咁啦最重要既係食飽可以攞本漫畫慢慢睇唔睇漫畫唔緊要😏可以好似我咁係咁影相👅影番夠本

小時光出名以學生年代嘅裝修風格吸引客人。餐廳以自助形式為主。食飯用嘅枱凳係學生時代嘅書桌同椅子，感覺似回到以前學生時代。呢間係台式餐廳，所以食嘅飯離不開肉操飯，排骨飯，香酥豬扒湯麵⋯⋯我就叫左香酥豬扒飯，賣相就好吸引，但係個豬扒好乾身，同埋煎得有啲過火。但總算一個唔錯嘅體驗。

食品：三杯雞便當+熱蘋果綠茶～HK$60味道：以快餐店嚟講，算可以👌🏼，食物温度一般，不太熱。食材普通。賣相可以👌🏼環境：以懷舊為主題，氣氛唔錯，不過比較嘈等位：平日中午12:30到，都可以立即有位，但1點就應該要等衛生：始終係工業大廈之内，不算很好、可接受性價比：⭐️⭐️⭐️（最高5星）註：有人帶位，但買票比錢、提取食物、餐具要自己嚟！

古早味炸大排骨便當 ($55) 免加一估唔到係觀塘既工廠區竟然會有一間可以令人回到過去返老還童既台式cafe舖頭裹面擺滿上一代既漫畫書連餐枱，餐具都充滿懷舊既味道唯一不足既地方就係佢地既冷氣微到feel唔到所以大家要帶定風扇仔去除左餐廳既環境靚之外佢地既炸大排骨都好味平時既炸漿食落會好粉但依到既炸漿食落唔覺又粉又厚有一粒粒既芋頭碎包圍住整塊大排骨夠脆，夠香，夠惹味！唯一缺點就係偏乾，加埋啲紅米飯就更乾所以我建議大家點杯野飲尤其係凍既咖啡！P.s.係觀塘B1出口，直行1個街口見到興業街轉左 直行就見到，因為通常都排長龍~ ⇩ ⇩ ⇩

點佐三杯雞同紅燒牛肉飯，d 飯勁濕，好難食。牛肉味道ok, 雞肉鞋，味道一般。最差係個開胃前菜，三格入面兩格係菜鋪，一格雪菜，同時我碗飯上面有一樣嘅雪菜，係咩玩法?

2個人叫左2個麵餐同2杯飲品，無得跟餐，埋單差不多$200，食物沒有特式，地方懷舊裡帶點污穢，冷氣又唔凍，仲要自助式落單同自己攞野食，同價錢仲有好多選擇，無下次

完全中伏！男朋友未到，我先去點小食，雞扒和炸物拼盤。好彩我淨係叫咗兩個小食，發現左中伏即刻止蝕離場！首先落單後唔使兩三分鐘就已經有雞扒，雖然有懷疑過究竟點解可以咁快整到出嚟，不過唔緊要，但塊雞扒係又酸又臭，而且唔熱！大佬呀，平時炸左嘅嘢食通常都會遮住臭味，但係呢個真係完全遮唔到，最後我忍唔住同佢換過碟，跟住個侍應拎去廚房，好大聲同埋好串咁樣同個廚師講「有人話你啲雞扒孫喎」，跟住就傳來一陣笑聲，唔使兩三分鐘又有另一塊雞排出嚟，真心有啲懷疑佢哋可能加咗料！加左一陣炸物拼盤又來啦，我未試過出去可以炸到啲嘢食一舊炭咁，有圖有真相！完全垃圾！服務方面完全冇服務，唔緊要，我知道係自助。但係張凳一坐去就搖下搖下，個侍應棋我隔離喺度玩電話完全冇反應，要我自己將啲凳搬嚟搬去，完全冇服務！食物垃圾、侍應態度差，永遠唔會再嚟冇下次！好彩叫咗兩個小息之後已經知道中伏，所以即刻離開，嘢飲都冇叫就走，費事浪費金錢又浪費quota！

我幫襯過小時光兩次，兩次都接近爆場。首先服務方面，其實無乜服務，你都係要好似快餐店咁自己出去買同拎，咁都無所謂，買完佢會比部機仔你，響就返黎攞。果部機仔唔知佢地有冇試過響係有幾大聲呢？我就覺得仲大聲過手機鬧鐘，不停咁BBBBBB.....成個場不停咁B，你想食啖麵果陣你隔離枱又B , 嘈雜既人聲加埋此起彼落既響機聲，真係以為去左交易所，小時光都變大時代。何況佢食物其實唔算出色，只能算係不過不失。間野本身都只係食裝修同環境⋯我會搵間靜少少既餐廳，至少唔駛再次經歷大時代。

今日約左中學同學一齊來小時光食，見到裝修好有心思，用學生書桌做飯桌，餐廳員工又著校服，鉛筆造型的餐具，令人懷念起學生時代的回憶，好適合同學傾計。台式滷水套餐野食份量多，價錢相宜，味道不錯。