小時光 (已結業)

完全中伏！男朋友未到，我先去點小食，雞扒和炸物拼盤。好彩我淨係叫咗兩個小食，發現左中伏即刻止蝕離場！首先落單後唔使兩三分鐘就已經有雞扒，雖然有懷疑過究竟點解可以咁快整到出嚟，不過唔緊要，但塊雞扒係又酸又臭，而且唔熱！大佬呀，平時炸左嘅嘢食通常都會遮住臭味，但係呢個真係完全遮唔到，最後我忍唔住同佢換過碟，跟住個侍應拎去廚房，好大聲同埋好串咁樣同個廚師講「有人話你啲雞扒孫喎」，跟住就傳來一陣笑聲，唔使兩三分鐘又有另一塊雞排出嚟，真心有啲懷疑佢哋可能加咗料！加左一陣炸物拼盤又來啦，我未試過出去可以炸到啲嘢食一舊炭咁，有圖有真相！完全垃圾！服務方面完全冇服務，唔緊要，我知道係自助。但係張凳一坐去就搖下搖下，個侍應棋我隔離喺度玩電話完全冇反應，要我自己將啲凳搬嚟搬去，完全冇服務！食物垃圾、侍應態度差，永遠唔會再嚟冇下次！好彩叫咗兩個小息之後已經知道中伏，所以即刻離開，嘢飲都冇叫就走，費事浪費金錢又浪費quota！