小時光 (已結業)

老實說不是美食家，要求也不高，但小時光的性價比實在低到一個點....環境復古懷舊是特色，但四周鋪塵不代表懷舊吧....整個環境都令我覺得很污糟...食物完全不值他們set的高價..小食拼盤 $50 我O咀，爆hea之作！只有5粒炸波波，每粒味道相若....10蚊一粒？太搞笑了吧！麻醬麵，果真對得起名字，只有麻醬和麵=_=感覺在食街市腸粉，貢丸湯咸到喊....魯肉飯餐，我們3個人分都吃不完，不是太細食..而是不好食！好乾無汁，碗飯凍的....魯水汁的配餸不入味.....dry到喊另外飲品一般，而且點餐和取餐要自己動手，沒有服務，憑什麼收比大家樂貴幾倍的價錢？重點是大家樂更好吃..哈真心覺得去街市食煎釀三寶和腸粉，會更好吃和更值得....

叫咗台式牛肉便當$60，夜市香酥雞便當$58，東坡肉套餐$58，炸花枝丸$35，酥炸豆腐$30，2杯荔枝梳打$35杯，1杯蘋果梳打$35 （所有便當套餐味道都較為清淡，沒有什麼特別，感覺好似家庭菜）（炸物一般，都是沒有什麼特別）（梳打都係一般枝裝飲品）沒有驚喜，沒有什麼特別.....另外叫咗宇治抹茶蒙布朗$38（冇咩抹茶味），五分半熟巧克力蛋糕$42 （好味，但太細件）*朋友係自助餐具枱上，攞咗隻黃色膠杯飲水，當飲完後先發現原來隻杯好污糟，內有白色滑潺潺， Cream狀物體，唔記得影低，都幾肉酸。另外玻璃碗同玻璃杯都係崩咗嘅.......好多擺設都封晒塵，枱面盞燈都係，感覺好污糟。另外有一邊枱同櫈都好矮，坐得好唔舒服。自助形式，好似我哋叫咗幾樣嘢食咁，個掣一響就要出去攞嘢食，但每樣嘢分開出，如果同朋友食飯傾計就真係幾分心，傾5分鐘計就要行出去攞嘢，總共行咗6轉，d嘢食到齊，但講多兩句，d嘢食就好快凍晒，好似感覺係一大兜煮定晒咁，食物唔夠熱。

入到黎 睇到場景有學校氣氛 感覺不錯不過坐落後 打算先涼下冷氣先落單卻沒想到冷氣不夠涼 坐位又不舒服本打算先點食物才下定論於是點了 三杯雞便當和排骨湯面但三杯雞的味道不夠地道 雞肉也不夠滑而排骨湯面的排骨是浸汁的 汁的味道不夠味道 排骨也炸的不夠好食湯面更是像未熟一樣 套餐的飲品更令人失望 很淡 很不好飲這間餐館是自助形式 沒人會幫你收拾餐具 也沒人會送餐 只見很多服務生在那行行企企本身諗住黎觀塘試吓新野 睇到呢間係推介餐廳 諗住應該唔會好難食 點知真是令人失望 也不會推介別人來食

慕名而來失望而回 。餐具超級污糟、 水杯的污漬好似真係用左40年前一樣、 水杯黐立立。 嗰啲筷子全部都未乾淨、有味。 冷氣仲要超級熱、 直情好似入咗熱爐一樣、 環境整體非常惡劣。牛肉麵已經係最好食、 炸豬扒飯啲豬扒完全林曬、 薄到紙張紙咁。 豬手麵硬到不得了。'東坡肉飯好乾。 總之就好難食。 其實食物質素都算啦但係佢啲杯杯碟碟碗碗碟碟真係好污糟。 裝住食水的樽真係污糟到嚇死人、 全部有曬黑邊 。我都好希望店主睇睇情況 、多加留意。

地點5難搵，係華嫂附近d工業大廈。上到去睇lift指示就已經搵到。入到去都幾懷舊feel，職員著校服，好多漫畫係書架，好似話可以隨便睇，免費既。餐牌上面寫左自助式點餐取餐，全單點，冇套餐。叫左幾樣野，冇套餐，2人黎講5係平。排骨炸得5脆，浸左落小小汁到，但5夠味，個排骨有d硬。個麵d湯5係落左d辣椒油可以話係冇味，口淡淡咁。牛肉麵同牛筋都夠林既，但男仔既話個飯5夠食。蘇打同latte普通啦，正正常常。再去就5會架喇，又5係特別抵，野又5好味，但環境ok ge。呀，仲要隔離枱見到小強出沒

觀塘工廈中隱藏不少餐廳,這天來到了一間懷舊裝修台式餐廳。地方不好找,佢擠滿了人。餐廳採用自助點餐形式,顧客自行出去點餐取餐。我點了一個紅燒牛肉麵,配上3款配菜。牛肉約有3-4件,還有些牛筋,面的份量不是很多,對女生來說卻剛剛好!牛肉夠淋,面條沒有煮過軟身,湯底正常,$60價錢可以接受。🙂另點了一份酥炸雞扒,很大的一件,才$30簡直超值!炸得香脆,醃得入味!喜歡美祿,見有美祿恐龍,也就是美祿加入美祿粉和朱古力早餐波波,點了一杯,用上實驗室器皿盛放,有趣,好飲😍我覺得餐廳是享用環境多於食物,值得一試,但以觀塘選擇之多,也許下次會試其他多於小時光。

慶祝妹妹的鐵票，3姊妹相約重溫屬於我們仨的小時光餐廳環境內有好多舊物小玩意，餐具都有點特色，但舊唔代表臓滷水拼盤除了豆腐太淋太鹹之外，其他都可以。炸花枝丸好香脆，仲用左架購物車盛載，好睇又好食，值得一讚水餃配酸辣湯麵因無酸辣湯改用清湯，淡而無味老實說食物一般，希望飲品有驚喜，妹妹點的紫薯Latte值得推介，喜歡試不同Latte的朋友可以一試至於鹹檸七，普通野無咩特別我點的玫塊洛神花茶，不太酸，不太甜，很好喝，還配了洛神花乾後悔點了甜品

係觀塘工業區搵到一個屬於童年嘅回憶嗰度有好多系列嘅漫畫有部份係90後童年會見過嘅漫畫餐廳沒有時限你可以一邊享受餐飲另一邊回憶童年餐廳裝修亦都好非常復古食物方面係台灣小清食品供多飲品我比較推介

星期六的午餐時間，餐廳剛開舖不久，入座人數已經接近三成，比想像中多。餐廳環境似是在努力營造台灣國中班房的感覺，就連侍應亦穿上國中校服，點餐就採取自助形式。可是營造氣氛的同時，亦應該重視衛生，感覺有少少的捂味。餐牌中的都是大路的台灣食物，紅燒牛肉、炸排骨、三杯雞，只是找不到最台灣的珍珠奶茶。結果點了炸排骨麵與及紅燒牛肉麵。炸排骨麵頗為令人失望，麵身本身沒有甚麼特別，中規中矩，可惜炸排骨完全過晒火喉，又乾又韌，十分之差。與炸排骨麵相比，紅燒牛肉麵比較好。但是與心中的期望還存有一段距離。紅燒牛肉麵理論上是應該帶有一點辣度的，可惜近乎全無辣味。另外，牛肉亦無牛味，説它淡而無味也不為過。而且每啖都有滿滿的油。價錢雖然不算十分貴，但性價比的確有點低。

想飲水 個杯又油收得貴 但係完全無服務(明明得4枱人)多選擇 但係全部都話無 沙津又話無其實第一次食果時真係唔錯，但係今次真係徹底失望，不論食物質素又好，服務態度又好，衛生程度都低左好多。我想飲水果時，明明無咩客人，又無野做，個服務員都可以就咁望住我用隻油林林既杯斟水，應該好好諗下點樣去改善一下。如果你覺得係特色既話，我都無野好講，可能您話預左係咁，但係相比第一次食，雖然要等幾張枱，起碼最後都笑住走，依加真係笑唔出，仲有好多空位任坐，點都改善下好d

口痕想食台灣野咁岩又同個朋友去觀塘所以就一齊去左試小時光 好似之前都幾出名係門口排隊 都有十個人係前面差唔多等左成半個鐘 都預左排隊 但係門口堅焗其實成間餐廳都好焗咁… 好似無開冷氣咁?!!一坐低就叫左個牛肉飯食本身幾口乾 但原來無餐可以叫 只有單喊飲品覺得唔抵 唯有飲水…個飯等左十分鐘左右 牛腩加埋牛筋有大約五舊 但其實都唔大舊咬落覺得幾淋 但入味程度就好一般講真落樓下食車仔麵既牛腩都濃佢好多同台灣既更加無得比而且飯又好濕 唔太想食如果你話多D汁撈飯都仲好D結果食唔哂D飯 好浪費成個最滿意就個前菜 有D菜同蕃茄食下咁.........但就算唔洗排隊都無咩興趣再黎…點解咁出名既??!!!!

第一次去到一間又污糟又有發霉味嘅餐廳！全間餐廳都係塵，一d都唔好坐又有唔舒服想有立即走嘅感覺！叫左碗紅燒牛肉麵d牛肉又硬，湯底冇乜牛肉味道而且一般，仲有餐牌上有說明🌶，但其實少少辣都冇，可以係失望另外個東玻肉飯d肉好似食更舊膠咁，而且味道太喊！碗白飯仲有玻璃碎片而且又有「叔」味🤢其他嘅豬排飯同三杯雞飯真係麻麻地講真周圍環境咁鬼污糟，連張桌子都係塵，仲點可以好舒服咁坐住食！😥建議食環處d人派人去查下！佢比大排擋嘅環境仲要差

去台灣住完兩個月之後，一直都好想食翻地道既台灣美食，炸雞排，紅燒牛腩飯etc.特登入到觀塘諗住試下，點知！呢到d野食完全無台灣風味，而且好難食，雞排炸到又硬又乾，醃得唔夠耐又唔入味，超級中意食炸雞排既我竟然食唔曬，唔係因為塊雞排太大舊，而係太難食！認真豪大大d雞排都好過佢，男朋友叫咗個牛腩飯，佢要鼓油撈飯先食得落。60蚊一個咁既便當真係超級唔值裝修雖然懷舊，但比人感覺似係污糟多d，食得好唔舒服......服務方面自助式既點餐取餐同台灣都好相似，呢方面係ok既只係d野食實在太差，不可一不可再！

放假諗住約朋友去食下好野及傾下偈，本身自己喜歡食台灣野，咁就諗起小時光，不過平日唔可以訂位，於是我地決定過左lunch時段才去幫襯，我和幾位朋友下午3點幾去到，都有半成客人。我地點了兩個麻辣雞絲冷面及一個台南鹽水意麵，自助點餐，去cashier俾錢，然後回座位等餐，有個響鬧裝置器，餐到會通知，然後自己去拎餐，所以無服務，好似快餐店咁！這個麻辣雞絲冷麵，麻辣醬放一邊，隨自己喜好加到麵上，麻辣醬夠辣，幾野味。冷麵唔係軟淋淋，有點口感，不過本人不太喜歡這種麵質感，比較喜歡吃乾伴麵那種麵條。而飲品我點了水蜜桃紅茶，其實無特別，紅茶底唔夠濃，只係飮到好甜，蜜桃味都唔香濃。外面街的台式飲品店既飲品都比這個好飲吧！另一個餐係台南鹽水意面，是我朋友食，他說味道都幾好，有個併盤份量多，我食左少許豬耳及蘿蔔，味道還好，但唔算好味道。之前聽聞過這間店一段時間，睇到相片店內裝修幾特別，但食物真係好普通，而且音樂突然好大聲，有點嘈吵。唯一好的是沒有限座時間，一班朋友聚舊可以考慮選擇這個地方。

店內既設計很懷舊，枱係用以前年代學校用既枱，待應都會配合店內既設計穿上傳統校服，很有學校感覺。而且宜家有兩層等候時間唔會太耐，lunch去食都唔不等好耐。要自助式去買野食，我叫了夜市香酥雞便當，估唔到個雞扒幾大塊，好香好好味。賣相都唔錯，旁邊重有好多漫畫書食完飯可以拿來看。