小時光 (已結業)

對此店滿有期望，但由街上搵間工廠大廈，工廠大廈中搵呢間工廠食堂牌的餐室，招牌都無，指示又無，門口又細度呢，只有問人，打開門長而窄，室內懷舊，很多影相特色擺設，晚上七時多，店鋪內很多客人，女孩子佔大多數，女孩子可能很喜歡，感性與理性，但食後確實價錢貴，食物味道麻麻，碗牛肉麵，咸味而已，服務更係零，坐下想柯打，樣貌似職員話出去，自己落單比錢先，自己去比錢落單，自己取食物，自己取用具，自己取水，服務員在傾談，笑容欠奉，和你講嘢都傻，（我就好想做呢度職員）， $60.- 碗麵，飲品欠奉，另外買，$20.- 杯 咸檸七， 滷水豬耳硬生生，又唔入味，廁所。。。生晒鏽，真係店鋪賣點，五十年前懷舊風，總結評語，只是特別設計概念的影相位，食物服務環境係*差差差*

自從上次食完"阿元來了"，就好想再去食多次台灣菜，今次就到訪左其中一間好多人打卡既台式餐館"小時光"，試下佢地既餐牌。 一入到去，就已經感受到個種台灣校園的青澀味，有唔同的海報，亦都有一排排的漫畫書。而且，所有侍應都一致著上台灣的校園，好有氣氛。我地叫左個炸雞便當，魯肉飯，同埋一杯蘋果綠茶。魯肉飯的肉不太肥膩，偏瘦，汁有香香的魯肉味，鹹鹹地，餸飯一流!分量尚可@@炸雞塊便當，炸雞有肉汁，不會炸得太乾，調味較重偏鹹，炸粉略厚。絕對一讚，同超有驚喜的，一定就是呢杯蜂蜜綠茶。一來佢個綠茶就用量杯盛上，好風有趣，而且仲好貼切校園風格。兩來佢仲俾 俾多左隻杯，入面有好多蜜糖味的爆爆珠，質感豐富好多。

依間就主打台式，裝潢就做台灣舊式學校咁，而且四處都有漫畫書任你拎黎睇，連員工都係著台式校服做制服，有種無形既人情味咁食物我就覺得普通，不過個種普通係，係台灣四維都食到既普通，不過個牛肉好硬，可能我黑仔，見隔離食佢好似好冧反而我最鍾意個面，清清地味又濃，同埋特飲會分開杯依個都令人幾開心，好普通咁分開左，但令人覺得都幾體貼

夜市香酥雞便當 58$ @小時光炸雞扒超大份， 好似比手掌🖐仲要大少少，外皮炸得酥脆，加上七味粉，啖啖都好惹味，雞肉仲好嫩滑添，至於配菜則無甚特別🙈。另外要了杯 桂圓紅棗茶( $48)，感覺有點貴，原來係原壺咁上既，都幾大壺，仲備有紅棗乾比你加落去增加紅棗香味，感覺夠哂滋潤💆。….

在星期五晚上到達餐廳，雖然已有不少人，但仍可即時入座😁餐廳環境十分懷舊，很多漫畫和模型，很多值得打卡的地方👍🏾想了一想，點了紅燒牛肉麵、滷肉便當、香酥雞便當及黑糖奶茶，價錢上也算合理，飯麵大約$60左右，而黑糖奶茶是$28紅燒牛肉麵的湯底濃味，但不是太咸，牛肉和牛根都十分淋，麵質類似刀削麵，正合我本人口味😋香酥雞便當的鹽酥雞蠻香，雞肉不算太”諧”（sor,字盲😂），也不錯滷肉便當給了我們驚喜，有肉燥飯及滷水拼盤，看起來十分豐富，滷水拼盤十分入味，不錯整體上，值得一試，價錢合理，環境十鑽好，最後需要自行回收餐具及托盤，讓大家成為有手尾的食客👍🏾😂

觀塘區工厦cafe林立，要突圍並唔易！呢間就有齊台式及懷舊呢兩個重點，岩曬我呢d偽文青！檯凳都係細個學校的座位，旁邊有漫畫做擺設，四周都有懷舊公仔，配埋全部普通話歌曲，就好似去左台灣小學！食物方面，份量都幾多，但價格都唔低，食環境都ok！我叫左滷味拼盤，滷肉飯最好食，肥肉同瘦肉比例各半，其他事物我有覺得都唔錯，不過唔係話好驚喜！另外，呢個鹹酥雞飯，雞肉因為用左雞胸，無咁嫩滑，皮唔算厚，但亦都唔係好脆！不過飲品就好有驚喜！實驗品咁上嘅水蜜桃紅茶，蜜桃另上，唔會太甜，又有果香！抹茶拿鐵，拉花靚，抹茶味濃，好飲！

今日下午去觀塘搵朋友有食lunch，佢話介紹我食一間很好吃的餐廳，跟住佢就帶咗我去小時光，佢係一間位於工廠大廈一樓嘅台式餐廳。我哋揀左兩個午餐，我揀了一個台式滷肉便當他就揀了豬手麵檔豬手便當台式滷肉便當佢個滷肉飯都幾好食，佢係半肥瘦的滷肉，個汁都幾香嘅，食落去感覺唔會好油膩，雖然有少少肥豬肉。佢啲滷肉都整得幾入味，我很喜歡白蘿蔔和滷蛋。豬手便當我朋友食咗呢個豬手便當，佢話佢好鍾意食呢個便當嘅菜莆，佢嘅豬手都幾入味同埋有點兒肥肉，但食落都OK唔會覺得太油膩。都幾推介嘅，之後都會再返去食因為個環境很好。正！

就在公司附近，所以都不時去午餐。地方很大，而且有很多漫畫借閱！主打台灣校園風格，店員都是穿台灣款式的校服。台式魯水拼盤 58蚊要了這個午餐定食除肉燥飯外，有魯水牛肉、豬耳、魯蛋、海帶、羅白、豆乾十分豐富！同事叫了個炸雞排定食，雞排超大塊！size比得上豪大大，不過就前者好吃一點，這裡雞排都有點硬。。。但味道也不錯食物都不錯，分量也多，整體不錯👍🏻！唯一想講是，木做的餐具有點清洗不淨的感覺我都不敢用，只用檸檬茶的鐵匙吃飯。

一個滷水餐，有滷肉飯同埋一盤滷水野，以為幾豐富，點知啲滷水汁淡茂茂，一啲都唔入味，仲要苦苦地，滷肉飯簡直係我成世食過最難食嘅滷肉飯，啲飯一啲汁都冇，肉係半肥瘦，但係份量少得可憐，滷水同啲飯都凍冰冰，全部餐都唔跟嘢飲，起碼二十幾蚊一杯，叫了冬瓜茶，味道不濃而且很細杯，我去貢茶10幾蚊都買到大大杯😓而且服務人員一點也不像在服務人，常常在旁閑聊，點餐取餐又一句多謝都冇，而且點完餐之後係自己等號碼出去攞，毫無服務可以言，完全沒有值得去的理由

这家小时光之前有看电视上推荐过的，台湾菜，店铺的特色是用回收学校学生用的旧桌椅，布置成台湾旧学校教室，连餐厅服务生都是穿学生制服，店铺位置比较难找，需要问下保安员台式卤肉便当¥58卤肉饭比较小，感觉没什么特别反而卤水牛腱，猪耳都卤的好入味香酥鸡块¥30鸡排还蛮大块的，味道还不错红烧牛肉面¥60这个面我真的蛮失望的，应该是我吃过台湾牛肉面中最差的，汤汁跟酸菜都是淡而无味的。美祿恐龙 ¥20不错，很多特色咸柠七 ¥20非常一般，茶餐厅做的比它好喝多了炸花枝丸 ¥35餐廳環境廁所

如題，真係應該唔會再去。裝修唔錯，夠懷舊。可惜食物真係麻麻，味道偏淡，牛腩汁乜味大家都知，呢基本冇乜味。杯碗碟最失望，有裂痕又有蹦口……服務員態度都一般，你好聲好氣都冇用。

觀塘工廠區好多食肆，好多選擇。小時光係其中一間幾出名的。首先，午飯時間 如果你12：30先到，sorry 已經要開始排隊等候！我地總係要跑住12：30之前到手，才有望有位食到。佢成間格局都係台式學校，好有 那些年 場景感覺~~檯椅都係書檯椅，餐具，水都係自助的。收銀姐姐都係台灣人講國語的。好似去左台灣咁，好有特式。重點：食物質素如何呢？佢餐牌就係一張紙咁多，分左 飯類／麵類。朋友點飯餐。我就點左 香酥雞湯麵 $58@好。好。食！！！！雞非常酥脆，但唔油膩。湯麵亦有驚喜，湯底感到是濃郁的，有點奶油雞湯的味道。為了這個香酥雞，我可以再重覆來很多次！！這個價錢，這個質素，抵！！

今日我同中學同學食飯，大家一起諗起以前中學嘅一啲開心生活，所以突然想回憶下以前，就提議去觀塘呢一間小時光，重拾以前嘅校園風光。呢一間餐廳位於工廠大廈裏面，以為好難揾，但原來好多人專誠黎，所以問附近嘅人都知道呢間餐廳喺邊度。佢係一間台式餐廳，風格就係校園風。餐廳嘅枱凳都係以前讀書嘅書桌，好懷舊。呢度係自助形式，所以要自己先俾錢買嘢食，再攞嘢食搵位。我叫左個台式炸豬扒飯，個炸豬扒炸粉比較多，有點硬身，唔太酥脆。味道一般。不過呢度環境真係唔錯，係影相嘅好地方，試吓都無妨。

官塘工廠食肆各式其式要吸引食客一定要有噱頭，今晚朋友帶我去這間台式餐廳就令我想起小學時期，有點時光倒流感覺，小時光真的難忘。台式三杯雞便當味道似在台北食到的感覺，醬油、醋汁不過飯是常溫比較失分。賣相不錯！夜市香酥雞做便當咸香為主味，外脆入味可口小食拼盤芝士薯仔丸最合我口味，算炸得乾身，面層不帶油份。童年時學校檯椅，加添不小兒童氣氛！童年回憶，鐵甲萬能俠，年齡大概都出來了喔這裡是自助形式，由落單取餐到還盤都是自己動手，穿着校服的學生們只會幫你抺檯，故大家要主動去落單啦

今日同一班朋友食飯，唔想好似平時咁食得太頹🤦🏼‍♀️，但係又唔捨得比咁貴食飯，本來諗住搵間樓上Cafe坐低邊食邊傾下計😆，後來發現左觀塘工廠大廈呢到有間樓上嘅台式餐廳😛😛呢度嘅環境佈置得幾好，喺度食嘢又好舒服嘅感覺，地方都幾寬敞，樓上仲有一層。呢度食嘢係自己過去落單俾錢先嘅，然後嘢食準備好就自己出去攞。🤓🤓啲嘢食嘅賣相都唔錯，啲杯杯碟碟同埋筷子嘅設計都好特別，最啱鍾意影相呃like嘅朋友haha不過我覺得唯一美中不足嘅地方，就係佢嘅嘢食唔算特別好食，我覺得個飯有少少乾，所以冇食晒就走左。🤦🏼‍♀️