小時光 (已結業)

好少去觀塘，但聽朋友講小時光幾好食，所以就去一去啦門口已經幾得意，之後入到去個佈局都好似學校。餐具同水都係自助形式，同朋友邊吹水邊食野，環境都幾好我同朋友都order左依個，好多野食都幾豐富食完捧住個肚返去，不過真係離我好遠，所以未必成日去到lu

剛剛打電話去訂座，打了三次竟然接通後掛我線，我再打第四次，有位女服務員接聽，我問她為何掛我線，理由是機件故障wow! 之後我話book3月18日，講完人數，語氣不好又趕收線，問完我電話號碼就話ok, 簡直不知所謂，時間都沒問清楚就想掛線，好趕咩，仲要駁咀話我，我可以自己講，一間食店除了裝修，食物質素，服務態度都好緊要，觀塘區咁多食店，競爭咁大，我好懷疑咁既服務態度好似唔想做生意!

觀塘工廠大廈有好多CAFÉ係人都知, 相信小時光呢個名都有好多人聽過, 出名以台式校園風格做裝修, 充滿文青味道。去到發覺有好多熟識既台灣菜式名!!店員又超nice!!超有身在台灣嘅感覺!! 台式滷肉便當 $58滷水有牛腱, 滷蛋, 豆干, 蘿蔔, 雞翼，成個便當最關鍵就係個滷肉飯!滷肉其實好講心機先做得好，台灣人話要選新鮮豬肉，手切成粒，與油、蔥、蒜煸去腥，配合醬油、米酒煮成。小時光稱用了台灣公賣局認可既米酒同埋獨家既香料來製造!! 我覺得滷肉汁真係好香，豬肉入口鬆化，幾肥都想繼續食!!美褖恐龍咩係美褖恐龍? 啲人中意係冰凍的美祿上再添上未溶的美祿沖劑，稱為美祿恐龍!!呢個外表睇黎樸實, 不怎麼樣, 喝了透心涼, 從小就中意飲既美祿真係好味。 香酥雞湯麪 $58湯麪用了清雞湯, 好清甜, 香酥雞另外上, 唔使放係麪度林晒, 雞咬落去香酥鮮嫩,多汁!真係抵擋唔住繼續食!!感覺佢係炸完無回鍋油, 吃起來外酥內嫩!!!! 紫薯LATTE紫薯LATTE就冇咩驚喜, 紫薯味好淡, 不過放係旁邊既曲奇就唔錯!! =]可愛既筷子

同朋友係附近畫完畫，即興食個late lunch，一諗就諗到呢間小時光入口真係比較格懾，不過可能因為係工廈先可以keep住較平民嘅定價我叫咗滷肉便當，朋友叫咗滷排骨一拎到就覺得好豐富，有前菜，碗飯裝有滿滿嘅滷肉，碟上亦有好多滷物：三大件蘿蔔，底下有好多豬耳，仲有幾片滷牛腱，豆干同兩條海帶結白蘿蔔索哂啲滷水汁，但亦不失清甜，豆干偏硬但好香，牛腱肉入面但偏硬，豬耳炆得好淋滷肉飯一啲都唔吝嗇，雖然睇落得細細碗，但係食落十分飽肚朋友叫嘅滷排骨對比起我呢個有啲失色，排骨都有點兒乾，不過好彩佢嘅特製醬汁好惹味之前嚟食過佢嘅三杯雞，不過最終得出結論係滷肉便當最抵最好食

岩岩係觀塘區做完野，有點肚餓想醫下肚，即時諗起呢間好耐之前食過一次既小時光點解會諗起佢？因為呢間餐廳裝修擺設都以台灣學校為主題，連啲待應都係著台灣校服咁，入到去坐低食野，以前學生時代既畫面，好自然地即係係腦海入面勾劃返出黎，唔食野只係影相打卡都好好玩叫左個排骨便當，滷汁稍為偏淡左小小啦，但啲肉就勝在夠腍，唔會又乾又硬既但價錢都唔算平，50幾蚊仲要無野飲，飲品要另外加正價咁買...除左麵飯外，仲有甜品揀，不過留返下次再試先煮過

夜晚約左朋友係觀塘陪佢買野，之後諗住係附近食。諗起之前已經好想試下小時光，今次難得經過呢頭，緊係去試下。地點係工廈區，都要行幾入，平時少嚟開所以都搵左段時間。6點令嚟到唔洗等位，7點開始多人，要撘枱同排隊等位。同朋友一人叫左一個麵，再加個小食。台式紅燒牛肉麵$60-紫薯拿鐵$35-每個麵都有3款配菜，但個人只對菜甫有興趣。牛肉麵湯底濃，唔會好喊，麵係似手工麵夠彈牙好夾，仲有啲青瓜粒同雪菜，增加左口感，唔錯。紫薯拿鐵是朋友的，佢話好香紫薯味。台式醉雞冷麵$65-呢個醉雞麵幾特別。醉雞已去骨好細心，而且浸得夠耐食落好香酒味，份量都唔少。麵係幼身麵線咁，湯底好清，凍凍地如果夏天食一流。綜合拼盤$55-美祿恐龍$20-想食滷味既小食，但樣樣都想食放是叫左拼盤咩都有。有牛𦟌、滷蛋、豆干、蘿蔔、海帶、豬耳。牛𦟌同滷蛋好食，夠入味。豆干太硬、蘿蔔有啲苦、豬耳好食但有啲太肥。美祿恐龍用實驗室量杯裝住，幾趣至。鐘意佢冰加美祿粉放另一個杯，飲幾多倒幾多，仲食到啲粉，夠香濃，好飲！

menu有好多汁既漬😂掂都唔想掂去一次就夠 應該無下次地方比較難揾可能因為星期日大廈正門無開要行停車場路先上到去叫左碗清燉紅燒牛肉麵 $60出餐係出得快到有啲驚清燉湯底又無理由無味掛🤦🏿‍♀️肉質好in 好似無炆過咁 好硬唔好抱任何係食物上 堅失望野飲百香梳打$28？正正常常無乜特別 但如果咁普通都做得唔好都無話可說😓環境一般 懷舊得黎又唔算精美午市時間去唔多人 唔太嘈 同朋友吹下水都ok 但張枱好似無抺過咁 我明佢要玩懷舊 用木去砌 但真係好多漬🙈如果可以用心係食物上面會好好多伏

「小時光」係觀塘區其中一間喺工廠大廈裏邊嘅餐廳，餐廳環境擺設都係好似學校嘅課室一樣，木書枱、木凳、漫畫，連待應生都係穿着校服嘅，書枱上仲有塗改液或者原子筆畫過嘅痕跡，真係充滿着學生時代嘅回憶！由於佢呢度係食台灣菜，所以侍應生都係講普通話，唔肯定佢哋係台灣人定還是香港人，不過成個配套都感覺好有台灣嘅小時光一樣！哈哈🤗不過佢呢度唔係淨係搞gimmick 嫁！佢嘅台灣食物同飲品都好有水準㗎！用餐之後仲要自己將餐盤同餐具歸還，守秩序感覺，不錯不錯！♥️

一直都聽過呢間好有Feel的小Cafe了。今次同朋友仔過黎tea一tea。兩個女仔叫左每人一杯珍珠奶茶及一份炸花枝丸。珍珠奶茶以小樽裝住，讓食客自行倒入有冰的杯入面，之後再加入黑糖啫喱。珍珠奶茶的味道唔算太甜，貪玩的我覺得倒黎倒去都幾好玩。另外，炸花枝丸的外皮都幾得幾香口，質感唔會太乾，味道還可。

前幾日經朋友推介，所以去左觀塘依間食台灣野，一入去已經覺得好特別，好有台灣感覺，侍應都是著校服的，枱椅都是以學校為主題，野食雖然比較一般，份量較少，但食環境已經抵哂。

星期日係觀塘附近睇西裝🤠，係openrice見到呢間高評價同價錢唔算貴，所以就去試下，老實講，佢地地點都比較遠，係m記轉入去，差唔多行到街尾咁濟👣好有懷舊特色，好像返左細個鄉下感覺😬Menu, 有簡介啲飯有乜設計得好raw同懷舊😈台式滷肉便當：有肉燥飯，比平時係香港食個啲足料好多😋，配料有滷水蛋，牛腱，豆干，海帶，豬耳朵，足料，而且牛腱好入味，滷水蛋好味唔好以為我用畫筆食飯，其實佢係支筷子黎架，haha😂

呢間聽同事成日講 成日介紹話好好味 終於有日搵到機會上食喇！ 我地一行三人 一人一個set 講真 第一次上去冇熟人帶好易以為自己行錯路 我就係差d以為自己行錯 好彩有個搬運伯伯教我地去 原來一出lift左轉直行就已經係喇！首先講下坐位先 因為我個人比較大件 所以我覺得唔係坐得好舒服 再講下佢地既食野物 我覺得冇同事講得話好好好好味 至少我唔會來話特登黎食 經開既一試無妨最好味係呢個蛤利湯麵 好鮮甜 不過 如果胃口有返咁上下既人 食呢碗應該唔夠🤭😂

無套餐係咁既格局環境算高價錢，又要自助，有被搵笨既感覺份量又細 又吊腳 去左附近好多cafe都無開先勉強黎呢到。 成間野充斥住洗潔精味食到頭痛，d白飯仲要竟然係硬既？炸雞炸到石頭咁硬。。。

去到觀塘仲有幾個鐘先開工，又唔想行商場怕使錢，今日去呢度，都係有朋友好耐之前講過，但一直撞唔啱時間。今日得自己一個人，又要hea時間，所以就嚟左呢度一試，點知俾我發現新大陸。首先呢間野係食台灣野，款式都算多，同埋係半自助形式，提提大家，係要先自己走去點餐同俾錢，再自己去取餐，係就麻煩左啲，但好彩佢地啲野食同飲品都好啱我口味。而最令我大愛就係佢地除左有無限wifi，仲有好多漫畫呀，對於我呢漫畫精真係一絕，就算唔睇漫畫，有WiFi只要帶住手提電腦，就可以即時開工做野，都幾爽㗎！P.S. 因為地點係工業大廈入面，我由觀塘地鐵站行去唔算遠，但行到附近就有啲迷路感，而且入口位唔明顯，如果我係夜晚先去，我諗我未必揾到兼敢行入去囉！

黎到觀塘 大家多數會上工廠大廈搵食呢個時候 就要出動OpenRice search啦始終花多眼亂嘛🙆🏻今次黎到主打台式懷舊餐廳🍴門面好細 好容易miss左😅入到黎 好似去左去台灣好有校園風枱 椅子 甚至職員制服都係好有school feel👍🏻好味指數:❤️❤️❤️❤️唯嫌雞乾了少少 炸過火如果可以改善下就更加好滷水汁偏甜 但滷得好入味加上有滷肉飯配 滷肉飯選肉偏肥 但徹合台灣風格好味指數:❤️❤️❤️❤️❤️餐具好有特色👍🏻