小時光 (已結業)

今日我同中學同學食飯，大家一起諗起以前中學嘅一啲開心生活，所以突然想回憶下以前，就提議去觀塘呢一間小時光，重拾以前嘅校園風光。呢一間餐廳位於工廠大廈裏面，以為好難揾，但原來好多人專誠黎，所以問附近嘅人都知道呢間餐廳喺邊度。佢係一間台式餐廳，風格就係校園風。餐廳嘅枱凳都係以前讀書嘅書桌，好懷舊。呢度係自助形式，所以要自己先俾錢買嘢食，再攞嘢食搵位。我叫左個台式炸豬扒飯，個炸豬扒炸粉比較多，有點硬身，唔太酥脆。味道一般。不過呢度環境真係唔錯，係影相嘅好地方，試吓都無妨。