寬巷子 (已結業)

有聞這家台灣的人氣火鍋店已久，其麻辣火鍋和精緻火鍋料最為聞名。餐廳裝潢以紋理石牆配以紅、白、灰的楕圓型吊燈，感覺時尚，又帶一點古典與高雅氣質。除了座位和枱的間距十分寬濶外，還設有幾間包房，私隱度十足。午餐有13款選擇，主打麻辣湯麵，另設幾款乾麵和美人湯麵，價錢由$98-$128。墨條和牛美人湯麵$128Beef noodle in beauty soup with calamari mixed with chicken soft bone和牛有三片，和平日認識的日本和牛有點不一樣。和牛片體積比較小巧，是乾滷的風味，肉質結實帶一點嚼感，但又不太乾硬。墨條片口感爽彈，有濃濃的墨魚味，但由於是薄片的關係，口感稍遜。美人湯即是豬骨湯。湯汁奶白，唔係咁油膩，有著淡淡的豬骨鮮味，味道唔太濃郁。溏心旦唔太流心，也沒有滷味。麵條是中等粗度，掛湯力不錯，囗感軟滑，而份量比較少。墨條和牛胡麻千叟麵$128Wagyu beef noodle with sesame sauce和牛片和墨條配上胡麻千叟醬，味道更為香口。和牛片唔太軟腍，主要都是瘦肉為主，帶一點口感，而黑卒卒的墨條口感Q爽。麵條是中等粗度的乾撈麵

朋友生日點名要打邊爐咁梗喺穩間好啲嘅就search到呢間嚟自台灣嘅火鍋店(雖然寬窄巷子好似喺成都著名景點)好啦入正題，呢啲餐廳喺旺區梗喺限制用餐時間，2小時其實乜都夠咖啦不過就唔知道點解間餐廳喺不停趕客，趕客唔緊要你唔好趕得咁明顯先得咖食食下無啦啦行埋嚟有問有無last order，一個鐘咋worOk fine我地又真係好飽所以都無出聲，話無order啦條友就走左陣間食完啦攞張單過嚟，因為慶祝生日我地仲喺到計緊撇除壽星幾多錢個waiter竟然再串串地咁問：介唔介意埋左張單先呢喂大佬呀計數需要時間，你大可以放低張單陣間先翻嚟collect使唔使全程企喺到gup實，連我地四個中最溫順嘅frd竟然都開口話：可唔可以俾我地靜靜咁用最後十分鐘食埋剩低啲野個waiter先識得呆識趣咁行開四個人食2400人均600就喺咁嘅服務質素我仲未講野食呢，都唔好得去邊咋逐個逐個講，從最滿意講到最差費事好似我有bias咁香港人鐘意食裝修食fancy我明白嘅但係全晚竟然由擺碟最唔起眼嘅牛肉獲得我地四個嘅好評肥瘦均一，簡單涮一下就啱啱好薄片未熟得曬，放入口充滿彈性(因為啲雪花都幾均一)滿口爆出天天嘅牛肉味非常滿意，

又靚又好食既台式手工火鍋值得帶你黎香港玩既朋友黎體驗火鍋視覺藝術感！雖然鴛鴦鍋底巳經$300幾，香港店比台北貴好多、但餐飯值得既！每碟擺盤設計都好精緻同有創意色香味俱全，完全’instagrammable’ 玫瑰松板 （盤下面既金魚好真實感，待應會幫我地處理，整朵入鍋）菠菠糖 （菠蘿味）海斑片美國特級牛小排 （肉質鮮嫩）杏香野菊+ 墨條牛軋枝仔冰花團錦簇（菜籃好驚喜 擺到好似花藝盆栽咁靚，廚師太有才）另外，叫左野菜豆腐，鳳梨酥同埋魚片蛋都唔錯 幾好食

♨️🇹🇼《珍稀食材篇》《食用指引及食評於下方位置》我的紀錄習慣一向都是幾分感動幾分誠意🤣，今次這篇食記介紹定當要長篇大論，要盡快開工！- - - - - - - - - 食店吸睛點 - - - - - - - - -開設於維港臨海自然會租金高昂，不過食店方面沒半點在食材上節省成本之意，反而花大量人力時間在菜色設計上，單計這份心思已經值回票價。-當中跟日本的廚師發版相似。要發揮食材的最美味並不在乎於其新鮮度，而在於配菜組合、烹調手法、食用次序。好比脂香味重的大拖羅多以最濃味品種的海膽作為陪襯食用，兩者互相協調突出主體又能更顯矜貴。寬巷子了解這份料理深度又能發揮極致，以下將逐一回味，方便下次能更之細味😋。===========品味指引===========鴛鴦鍋《元珠小染 養生白鳳》 HKD 338簡單來說是藥膳鍋跟麻辣鍋，白湯藥材味濃，有甘香味，不過味道偏淡，特意為食材的味道複雜性而設，避免反客為主。-紅湯敢說是暫時香港食過的最好味。辣味適中又辛香味濃。普遍食店忘卻麻辣湯的重點只著重辣味，在這裡能品嚐到惹味的辛香。本人心目中第一位《無老鍋》以辛香而不辣見稱，《寬巷子》就以兩者恰到好處為賣點

好期待今晚的台式火鍋，因為很喜歡他們的麻辣湯底還有好味得不得了的鴨血，這家火鍋店令我最意想不到的是不單止湯底美味，而且每一道食物都擺盤精緻，吸引眼球，如花茹夢，令人都捨不得吃了，我們叫了很多食物，其中我覺得最好食的就是大蝦，每一隻大蝦有我成隻手咁長，可想而知嗰啲蝦肉啖啖肉，喺口中有幾美味！一定要食！

常開台灣旅行既人應該對寬巷子呢間火鍋店不陌生，佢地出名玫瑰松版豬，仲有好似藝術品般既各式火鍋材料。寬開子開左係尖沙咀海港城，可以飽覽維港景色，岩晒拍拖人士去食個浪漫火鍋。同朋友七點幾放工去食，接近全場坐滿。翻開餐牌款式都幾多，不過價錢唔算平。首先叫左個鴛鴦鍋$328，有晒想試既紅泥小染，即係麻辣湯底同養生白鳳鍋。前者用左多款香料同辣椒去調味，湯底真係幾辣架，不過辣得黎好過癮，入面仲有凍豆腐同鴨血，食唔停口。養生白鳳就偏向燉雞湯的味道，較為養生，很岩女士們享用。另外叫左招牌玫瑰松版豬 $230，價錢唔平，但粉紅色既賣相真係幾靚，食呢個松版豬想保持其形態仲要有技巧，就係搽上蛋漿再慢慢放落鍋，咁就唔怕會散晒。仲食左菠菠糖 $88，賣相有趣，麻醬味幾重幾好食。仲叫左一個白菜豬肉餃 $78，每隻都好飽滿，食落已經覺得係新鮮包起；仲有花團錦簇，成個菜籃入面有好多款菜，仲排得好靚，剩係食菜都食到好飽，建議3-4人叫會比較好，因份量真係好多！

話說今日朋友好想食養生火鍋見到海港城入邊有一間寬巷子可以望到海景就即管嚟試一試但因為我哋太遲訂位嘅關係海景枱已經冇晒我哋又唔想等到接近九點所以冇景嘅位都照入座雖然今次有啲可惜食唔到麻辣湯底侍應都有介紹我哋嗌咗美人鍋入面藥材味好濃 冇味精之餘仲好甜浸到啲香菇熟咗之後極度好食而且個底仲有唔少鴨血湯底可以一上碗就即飲我哋仲係餐前帶咗個老大腸做小食佢切開晒中間/走晒肥膏滷水汁入味又唔太鹹有蔥花好香配料方面我哋嗌咗兩款唔同嘅牛一款係大牛肉卷有10塊另外一個係和牛我冇等到全熟上碗即刻食入口即溶嘅感覺真係好微妙牛油同牛肉嘅香味交融再配合埋藥材湯底另外嗌咗豆皮 鮮蝦雲吞同鳳梨蘇首先豆皮放落湯底浸到林左之後有晒湯嘅精華鮮蝦雲吞要一讚因為入面真材實料每一粒入邊都有一兩隻鮮蝦同啖啖肉仲落咗啲大地魚粉添本身見到鳳梨蘇呢個名都覺得幾得意原來係雞肉入邊釀咗一啲菠蘿餡做配料熟咗之後味道清新同埋覺得好新奇 第一次係火鍋入邊食到有菠蘿本身睇到圖嘅時候我哋淨係覺得好靚佢擺設成一朵玫瑰嘅款式放落湯底一陣即刻食得一上口嘅時候我都估唔到原來係咁爽口味道同層次同其他火鍋嘅材料一啲都唔同好少食到牛肉嘅部份係咁爽口我哋另外仲帶咗日本

一早電話預訂了靠窗的位子，可以一覽維港美景，享受美食的時間總是令人期待，這家火鍋店不是我們平日裡普通的肥牛鵝腸魚丸，每道食物都像被精雕細琢過一樣 美輪美奐，特別是鴨血，讓人越吃越想吃，我們加了兩份，還嫌不夠，值得推薦！

繼續信用卡 promo 「餐廳週」，今次來到在台北試過、出名食物擺設到好似藝術品的「寬巷子」。上次在台北，感覺貴到離曬譜。今次有 $398 一位的套餐，菜單裡包括了主打食物，所以再來試下。門口裝修幾靚。好多人忍唔住留影一番。Reception 都好有心思。有預定，可以坐在全海景窗口位⋯⋯ 嘅隔離檯。鍋底可以選兩種，一辣一唔辣。食物唔使一一介紹啦。質素係唔錯的。樣樣都擺得好靚。尤其盤雜菜，好似插花咁。服務非常好，副經理吳先生非常熱情招待，收費亦人性化：我地唔記得左個套餐其實包了水果茶，自己點了2罐可樂。後來問了一下，都可以扣返；另外我帶了兩瓶紅白酒，開瓶費方面經理亦給了彈性的收費。套餐之外我們在加了一盤「溫體牛」和一份蝦滑。居然由7:30食到11點幾！埋單4個人 $2700 左右，以小群人、無食海鮮來講，人均消費稍比九龍城等火鍋店高。但係考慮到環境、服務，亦算是合乎預期。不失為高檔打邊爐的好選擇。

雖說寬巷子走的是精品火鍋路線, 但其價格的定位確實有點嚇人. 當三朵松板豬玫瑰也要收費三百五十大洋, 第一個問題是, 那些豬是鑲了金嗎? (笑)和台北的比, 在麻辣湯料上面十分接近其原味, 比起四川及重慶式的又麻又辣, 台式的麻辣度較為溫和, 也沒有太多的油膩, 附加的甘香味更令我會將成碗湯喝下去, 配上手工麵而成了一碗湯碗, 有一種刺激得來Comfort的感覺.肉類如溫體牛和松板豬的質素還可以, 當然在視覺效果上很吸引, 但其份量和質素對得住定價嗎? 這有點見仁見智. 其創新的配料比起肉類, 也許才是這店的靈魂, 例如是菠菠糖的菠菜卷著芝麻蓉腐皮, 又或者是墨魚牛札糖的墨汁墨魚配軟骨, 以及鳳梨酥的肉𥚃夾菠蘿, 味道上和視覺上的創新會令人記住這店子, 但手工複雜, 利錢不高, 還是肉類和海鮮, 才能支撐其位置海旁的高昂租金吧!

上年發現依昌間店時就一直很想黎食但一直無機會知道是一個一個叫，所以一定唔平，加上佢地Ｄ野好有噱頭，有賣相特色的藝術品風格路線！！結果唔記得事先了解一下價錢，點知一去坐底哈哈不過食材都好靚 ,好有特色 都打返和喇玫瑰松阪🐷🐷🐷🐷🐷🐷湯入面的豆腐好有特色，好軟的豆皮，好吃花團錦簇一上枱 果陣WAAAAA!好正呀覺得好似盆栽咁大盆。當食完打邊爐店舖會有專人服侍，將啲菜插在鍋中整成一朵花，食完職員會幫你插菜咁，整到靚

鴛鴦湯底　(東方美人同紅泥小染)東方美人係好濃豬骨湯，入面好多養生材料例如紅棗杞子咁，紅泥小染姐係麻辣湯底，入面有好多辣椒粒🌶好麻，但唔算太辣，淨係望住個湯底都覺得係享受玫瑰松板黎到必點既玫瑰花，好靚既玫瑰🌹玫瑰花上面會加蛋白漿，令到個豬頸肉更爽滑。每一朵玫瑰花都要放入去湯底，紅紅白白再放落湯底時勁靚。手工蛋餃 無影到相~~~~香港店獨有既蛋餃，用蛋黄整成餃子皮🥟再包豬肉。餃子皮好薄，而且非常有蛋香，正

精緻台灣邊爐 寬巷子係好食嘅 打邊爐完美咁團年豬骨湯好好飲 我起碼飲左五碗 價錢有少少偏貴 淨係湯底都人頭費一個人就80 肉類有好多選擇 蔬菜類無乜點點 因爲唔抵😂😂湯底值一百分💯精緻小碟影相效果好靚，亦都好好吃建議4個人以上去會易d叫餸！玫瑰松板造型好靚，但價錢。。好貴😂 附上一碗蛋白，waiter會協助將把成朵花淋蛋白然後落鍋煮，肉質好彈牙牛五花因為其他肉太貴，所以叫個平既🤣墨條牛軋好多人很推介叫依個，但其實係牛奶糖糖漿+黑墨魚汁🦑+雞軟骨+花枝塊的組合，無咩特別會再黎

裝修得極具中國風，桌上的爐具別出心裁。荔枝皮革的menu觸感好軟 紅泥小染鍋係四川式的麻辣滋味 東方美人鍋用豚骨熬的白湯 紅同白湯都加了不少藥材，包括紅棗、龍眼乾之類的。紅湯味道偏於香麻而不太辣，口味溫和，煮得越久，麻度越高。 比較貼心是紅鍋的辣椒、花椒等香料放在中間隔開的小圓爐裡，這小爐與紅湯相通，花椒的香麻便會滲入紅湯，而且撈起食物時，不容易撈起這些香料。 每樣食材有建議的烹煮時間，可使用小沙漏來計時。 玫瑰松板 師傅刀功一流，薄厚一致，豬肉片擺成玫瑰花樣，但又冷凍過，因此每片肉都黏在一塊，不易散開。店員建議整朵花丟進鍋中煮，煮之前先淋上蛋白。下鍋煮熟後口感幾好 花團錦簇就像花藝作品似的，美的好像可以拿回家當擺飾 底下是高麗菜 上面有萵苣、娃娃菜、甜玉米、香菇、美白菇 波波糖係用日本的豆皮層層包上了芝麻與芝麻醬，放入白鍋煮才吃得到豆香 

早前小弟生日，感謝各位友好請食飯，陸續會和大家分享。今次就是吃台灣過江龍火鍋店 -「寬巷子」，亦是首家它在台灣以外的分店。先說一下背景。此店在 2012年於台北士林區創立，憑自家手功製火鍋菜式及麻辣湯底，在數年間由一家在士林窄巷內的小店，成功打出名堂。 店的理念是「創意之寬，沒有邊界，料理之本，從巷子通往世界。」寬巷子的「寬」所指是一種生活及創作態度，而美食則來自巷弄： 大門是有過百年歷史，來自台灣鹿港大戶人家的老宅門，整道門原件由台灣運送到香港裝嵌： 室內裝潢有甚多一件件古董珍藏和古玩： 今次我們坐在窗邊，可以看盡維港夜景： 先上熟食小吃「麻辣千層 / 牛𦟌」$68，兩者都是麻比辣强。汁是暖的，暖場前菜： 「鴛鴦鍋底 : 紅泥小染 / 養生白鳳」$328 「紅泥小染」就是 signature 麻辣湯底，也是火鍋靈魂所在。用新鮮花椒、豆瓣、辣椒等十多種香料炒香，加中藥材調製而成，以麻引辣。吃後感覺是香麻不油膩，辣度較溫和。 火鍋中間就是辣度高的醬料，它會隨着火鍋慢慢滲入紅湯底。若你覺得不夠辣的話，也可直接將食材放進中間沾它： 「養生白鳳」是不辣的人蔘雞湯，配海鮮不錯，內有半隻烏雞，可