富臨漁港囍臨門酒家 (已結業)

今早,我們一家人和奶奶及姑仔相约到墳場掃墓。 直到11am便行去富臨飲茶, 嘩! 我估工廠區會無咁多人, 點知......有位啦, 叫點心, 總共叫了18樣, 结賬總共$4XX, $4XX????, 後來喺唔知那–張點心紙才見到價钱(绝不是正式那張), 小點$14.X起......我們叫了:蝦餃(4粒): 普通貨式烧賣(4粒): 普通貨式雜菇餃(3粒): 菇菇好味, 用澄粉做皮(超透明, 好像玻璃般), 但一夾便黏筷子, 一分開筷子便爛餃。菜苗餃(3粒): 用澄粉做皮(超透明, 好像玻璃般), 但一夾便黏筷子, 一分開筷子便爛餃。柚皮排骨: 他們說柚皮甜(我無食), 排骨的骨多過肉鳳爪: 超鹹, 未煮淋蜆介鯪魚球(6粒): 不是即炸, 淋的义燒腸粉: 普通貨式炸兩腸粉: 普通貨式燒腩仔: 太鹹潮州糖醋麵: 最好吃, 可惜是凍的粉果(3粒): 普通貨式蘿蔔絲蘇餅(3粒): 算好吃南瓜露: 熱的, 普通貨式红棗糕(4粒): 普通貨式, 都有棗味可能是我麻煩, 我覺得一點兒也不值及不好味, 可是我奶奶就很是喜歡。另外是時常漏單！

My husband's mom recommended this restarant for CNY eve dinner. As most of the local people, we chose the set instead of a la carte. We picked the dinner for four (@ HK$1288). The final bill was about HK$1,577. The steamed abalone was not bad. The lobster with noodle was my kids' favor. My husband's mom enjoyed the deep fried chicken. I like the red bean sweet soup. The dessert Chinese sticky rice dumpling was a surprise. It tasted like the sticky rice ball with funny texture and ingredie

同媽咪食飯,想食好D,叫咗個$288足四位稱有八兩翅,但係只有翅膜,翅只有十數條,看似好多但其實大部份只有包住翅的厚膜,十分唔抵!其他菜:鷄-好味魚頭煲-很香很野味除咗這一間還有其他酒樓也有同樣的問題,總之太平的翅就唔好食!

仲以為工廠區响假日會少人d, 但估唔到假日都咁多人, 好彩我地早一步到, 所以有位坐............但d點心真係越來越差, 以前食都覺得唔錯, 但經過今次之後, 我諗都唔會再幫襯........ 蝦餃 -> 有4大粒, d蝦都算大隻, 但d蝦腸仲勁, 成條又長又粗又黑, 仲要唔只1條, 而係幾條........... 豆苗餃 -> 呢個主角唔係蝦, 所以d蝦腸冇咁明顥, 可以放心一啖放入口......... 芝心牛肉卷 -> 個皮係類似海鮮卷果種炸皮, 入口d牛肉比起山竹牛肉d肉再實少少, 冇乜牛肉味, d芝士好少, 少到唔多覺, 整睇上唔係好得.........叉燒腸粉 -> ok, 雖然個皮唔算滑, 不過又唔會太厚......... 燒賣 -> 一夾即散, 太多肥油............

每次回母親家中和家人見面也很少出外用膳,原因當然與家母厨藝有關!不想每次四個人食飯也出現八餸一湯的場面(煮嗰個你估真係唔辛苦),偶爾也要找個借口外出!南乳香燒骨----非常惹味的一款菜色,排骨醃得入味,南乳香味十足,炸得酥脆不油膩.花膠鵝掌煲----除了鵝掌是炆得夠淋之外,花膠及海參都是偏硬不夠軟身.魚湯粉絲雜菜煲----魚湯味濃不腥,蝦乾的味道很出.椰皇燉海星----火候十足,有淡淡的椰香及螺頭的味道,不會感到黏著嘴角,飲後感覺不錯!脆香燒雞----水準頗飄忽的燒雞,每次來也有分別!但這次是屬於高水準!外皮脆而皮下脂肪不多,肉質嫩滑入口還温熱,近骨的位置不見血.蒸魚----真不知母親的雀友們如何常常獲得這些什麽燒鵝換領卷、蒸魚換領卷!每次來這裡吃飯梗有一張在手!只知大約斤半重左右不懂分種類,蒸的時間掌握不錯!豉油的調味適中,魚肉不黐骨仍然嫩滑.大閘蟹----純為一過心癮,蟹的肉質是屬於"削"的一類,膏的顏色深沉,味道欠甘香.不過$28蚊隻仲想點?!看來最近晚市的生意真的差了很多,整間酒樓用圍板間開了一半,只用半邊做生意!但以乎更能讓侍應的服務焦點集中,沒有了如上次像快餐店式的服務.

茶記食得多，也想吃好一點，老總提議去飲茶，大家都樂意奉陪。之前吃過樓下的潮濠城，這次也該更上一層樓到富臨去。部長極力推介套餐，$398合四至六位用。套餐有點心、有涼菜、熱菜和例湯，應該是幾抵食，經老總同意，就要這個。點心是蝦餃皇，對複敏感的我沒有福份品嚐，皮厚厚的，單睇外表似乎不太吸引。一如所料，大家都說是皮厚餡不鮮，不是太好，那我也沒什麼損失；涼菜一款，青瓜海哲。青瓜係脆爽，不過完全沒有味道，海哲亦然，更有點韌，可以用難吃去形容。是日例湯為合手瓜煲豬肉，看侍侍應把湯料「筆」出來，份量也不少。湯是清甜，應該冇放味精，湯料的豬肉夠稔身，點些鼓油食也未嘗不可。隨後的泰式鳳尾蝦，又無我份。罷放得零零亂亂咁，唔慌好食。又被我估中了，大家都說只是脆口，蝦肉則很一般。火朣蛙蛙菜，我可以吃了。蛙蛙菜清甜爽口，感覺清新，金華火腿咸香味足，亦不過硬，濕濕地的一道菜，幾開胃；至於那條青斑，火喉控制差了一些，稍嫌蒸得過了火位，肉有丁點嚡口。其實條魚幾鮮味的，若然蒸少一分鐘左右，必會好吃。瑤柱貴妃雞，肉質相當嚡口，相信隻雞生前跑了很多，肌肉太結實了。同埋，雞肉鮮味欠奉，就連皮也不好吃，可惜。最後是生果拼盤，就

友人生日，再次吹雞咁多個好友一同來呢度做生日﹗其實由於上一次好多味餸都好食，所以翻抄左好多，在此不再提，只說新吃的菜式﹗德國焗豬手，豬手腍滑入味，個醬汁亦都香甜惹味，相當醒胃﹗生炒骨也做得不錯，炸得香脆，甜酸汁味適中，不會下得太多油，送酒不錯﹗當然重點就係今日為壽星仔叫既壽包，$12個，$50就半打，隻隻蒸得脹卜卜的相當可愛，入面是蓮蓉同埋成隻蛋王，放入口可以用三個字來形容 --- 香、鬆、軟﹗ 個包皮已經做得杷當好食，再加上蓮蓉滑溜而香，蛋王油多夠豐腴，吃過多間酒樓的壽包，間算是最好的了﹗生日有好吃的壽包，已經值門票價，一定要給回她一個笑﹗

呢日老友約食飯，揀左去長沙灣既呢間富臨﹗未食過，原來呢度最好既賣點係唔收開瓶費，帶紅白酒來飲無任歡迎﹗我未到友人們已試左個燒汁鱔，佢地話幾好味﹗部長一行埋黎就推介燒鵝，原來係要飲嘉士伯加$28就有半隻，嘉士伯都成廿蚊支啦，咁樣即係半賣半送﹗以為隻鵝都應該係流野，點知來到半隻都相當大隻，皮脆油脂少，肉質又香又嫩，呢個真係超抵食，來呢度食飯記住要試﹗要左個$88蚊既螺頭湯，清甜而夠肉味，螺片瘦肉倒番哂出來蘸豉油也相當好吃﹗再吃貴妃蚌皇帝菜，價錢不貴四十幾蚊夠大碟﹗茄子炒牛肉粒，略嫌佢牛肉醃得太鬆，失卻本身牛肉味﹗不過味道還可以﹗本來都食得幾開心，可惜最後來個敗筆就係蒸奄仔蟹，蟹仔細隻得不得了，成六十幾蚊隻我地仲叫左三隻，仲細隻個0的十蚊雞大閘蟹，咁大間酒樓我覺得如食材不靚好應該唔攞出來賣吧﹗街市得咁自己都唔會買來煮啦，難為佢仲推介俾我地話清蒸好吃，唉.......埋單位位百二﹗只可俾個OK吧﹗

晚上吃飯選址這裏,全因是每天親友午飯時的飯堂!曾經週日在這裡飲過茶,感覺是環境擠迫!座位是背貼背編排加上樓底矮所以感覺侷促.論輩份埋單一定無得爭,所以一行七人選了$1688套餐平平地唔駛諗.上菜次序亂晒大籠!成班厨房師傅好似鬥快咁!同一時間有三個菜一齊上,五分鐘後上埋個翅大約二十分鐘內其它菜連埋隻燒鵝全部到齊!根本張枱唔夠位擺,只有不斷夾起幾件就大碟轉細碟.大班兩味----炒球的鱼是新鮮貨色,肉質彈牙.而炆頭腩的那碟亦都一樣,骨腩連魚皮的部位有很重的膠質,炆得非常入味!上湯龍蝦伊麵底----用的是本地龍蝦體形細小,肉質結實但味道偏淡,伊麵麵身煮得太淋!瑤柱節瓜甫,西芹炒雙蚌----兩款都味道偏咸但可以接受.乜鬼肉絲翅----七個人係都要分八碗比你!杰到點止掛晒碗!有一碗放耐咗直頭變啫喱!炸海鮮卷拼炸椰奶----海鮮卷剩係食到一條酸芒果同沙律醬,其它咩料都食唔到!炸椰奶就做得唔錯!夠滑夠椰香!燒鵝一隻----味道比深井那幾家老字號做得更好!夠熱,外皮脆脂肪算少,肉質滑夠入味!水準以上之作!差不多食完先提醒你仲有汽水啤酒未飲.其實食物質素整體不錯,但出事在上菜程序及一班遊魂的侍應身上.埋單

1. 漏單唔認 -- 等個幾鐘!!!我地7:00p.m.去到點左三個餸. 最後一個"香芋南瓜滑雞煲"8:25p.m.先上. 催個阿姐同部長, 7:40p.m.時頭先寫餸個"經理"走黎話, "仲未有得食呀!你地點左個香菇煲呀嘛!同埋..." -- 錯啦! 我問"你係咪漏單呀?"佢話"唔咪!我寫齊晒!"又問清楚我地要乜. 其實我地其中一個餸係例牌燒鵝. 點會切左大半個鐘呀! 漏單唔認. 對唔住都無句. 2. 訂左位. 仲要坐門口臨時搭的枱. 滿左又唔講, 訂位又唔留枱. 要客人坐門口臨時搭的枱. 唔夠光. 但見都有其他幾枱都有人坐就坐低. 早知走人啦!3. 湯匙有逹野, 粘手的, 我叫人換. 元貝係切開放係粉絲上, 粉絲再放盖上的, 不知是否原隻. 唔知係咪我吃到一肚氣, 我返到屋企肚痛要去toilet!我決定左 -- 唔會再幫襯長沙灣廣場富臨!!!!!!!

今日難得放假，就同家人去到呢度飲茶。呢度早少少到就無咁多人，一到午市就座無虛席。我地四個人嗌左十幾碟點心。呢度既人手好唔夠，我地要加水都嗌左三、四次先有人理我地。鮮蝦腐皮卷真係幾好食既，蝦又大大舊。腐皮又脆口，好想食多碟啊。黑椒牛仔粒牛肉有好淋，有好韌。但唔計呢黎講，都算唔錯。因為牛肉既醃味幾好。雞扎、蒸魚雲呢兩樣我都無食過，但我媽子話呢兩碟都唔錯，可能太耐無去過飲茶既關係啦！蝦腸呢個就普通啦，蝦就好大粒。但腸粉唔夠滑，微波爐既叮叮腸粉仲好食過佢。芋絲炸春卷其實配料就唔錯既，真係有落芋頭度。不過春卷太油啦，我覺得唔係太好食。脆鹵豆腐呢個幾好食，豆腐好滑加上炸過既脆皮，口感一流。青瓜海蜇我無食過，但媽子話青瓜麻麻地。瑤柱西施炒飯個炒飯好多料，又夠穫氣。飯又唔會整得太差。算唔錯既。奶皇包對佢無乜期望，但食落都唔錯。唔算太甜，奶皇又幾滑，拍得住稻香。食物就唔錯，但服務就一定要改善。唔夠人都事小，但有個叫冰冰既侍應既服務態度好差。我想要消毒tissue，佢居然同我講，唔使驚，我實俾你既。本來我無乜野既，聽完佢句野之後就心驚驚啦。茶餐廳都唔會講呢野啦。更何番大酒樓呢！

中午同同事去長沙灣廣場的富臨飲茶, 因為之前收到一張COUPON, 叫燒鵝同粉麵有特價因為未齊人的關係, 所以先叫了一碟燒鵝 $38又真係唔錯的, 皮夠脆, 肉還熱, 可惜都幾肥, 食多兩件就好"漏"了齊人後想叫埋個特價粉麵,OH, SORRY, 原來要兩樣一齊叫先有特價的, 沒有就算了叉燒包, 不是一般的港式叉燒包, 有點像北方的款式, 叉燒份量都幾多鮮竹卷, OK啦, 無乜特別蘿卜糕, GOOD, 好多蘿卜絲, 煎腸粉, 好大的一條, 同平時食開的SIZE, 起碼大一個DOUBLE蝦餃 : OK啦, 鳳爪 : 無寫, 不予意見另外還有數款點心的, 但忘記了五個人, 大約10個點心, 加一個燒鵝 $38 連茶芥加一, 埋單居然要 $350, 一睇張單, 原來小點都要 $16.8, 中點係$18.80, 大點係20.8, 嘩, 真係好貴呢

昨天晚上o係荔枝角富臨食飯, 已經預早book定枱同order定$1488餐, 點知....... 到晚上一家大細坐底後, 伙計話1488o個餐無哂, 要定! 我地話我地己經係電話book枱同order咗$1488o個餐. 伙計話張紙無寫到我地有定1488o個餐. 根著, 就拎哂D餐牌就走咗. 等左10分鐘, 又有另一個伙計講同一番說話, 咁我地話有定無, 有就上菜, 無就比番D餐牌我哋睇, . 又等左10分鐘, 佢哋講比你哋啦....(乞丐......) 我地話起得菜, 等左30分鐘先上個燒味拼盆 (仲要追咗三次), 個餐包的飲品又唔上, 又係要追. 差不多每一個菜都係要追. 問個姐姐可唔可以快D, 我地食晚飯, 又唔係"飲", 佢竟然諗都唔駛諗就話"無得快, 係咁架!!" 最奇怪就係D菜, 翅 上到枱係凍冰冰.(都唔知係咪有心唔拎出離, 等我地追先拎出離) 我地七點四十五分到, 到九點都係食到燒味拼盆和翅正常叫餐的話, 都應該跟菜單上的次序, 就算唔完全順序, 都唔應該上完拼盆, 跟住就上菜, 跟住就上翅, 跟住上埋條魚, 雞.......問個姐姐點解唔順次序, 佢都話"係咁架,

話說上次係因為間酒樓態度極好 (從來唔俾貼士的我, 居然主動俾左五大元 )所以小妹今次再去幫襯, 點知....態度180度大逆轉 首先介紹人物 (全部一律見佢著老西先估佢的職位)女部長A女部長B男經理男店長 o係我食緊飯時, 隔離張枱的男女話唔要生果要糖水有個做細話唔到事的, 就叫左女部長A埋黎跟住個客話, 我唔想要生果呀, 要兩碗糖水啦, 跟住就推張糖水的單張俾女部長A個女部長A就細細聲同個細的講一論, 之後我就見到有兩碗糖水送到佢地面前跟住我同老公講, 又話唔送得糖水, 點知隔離的又可以送喎 (因為上次黎已經問過) 因為老公鍾意食糖水的關係, 所以我就趁食完野, 老公去左廁所洗手時,就同女部長A講, 可唔可以唔要生果要糖水呀?佢話唔得, 因為呢排追糖水追得好勁, 我地有生果送, 唔可以送糖水我話...唔係喎, 剛才我都聽到隔離話糖水你都俾, 咁點解唔肯送俾我地呀? 佢就轉口問我枱面d野要唔要, 我話我就唔要, 唔知隔離果個要唔要喇(廁所中)我再問佢, 咁即係送唔送? 佢答話轉頭先咁我就一心一意等佢返黎, 到時問我食乜糖水啦 點知條友專登去第度服務其他人, 死都唔過返黎,

當日去完旅行由機場回家途中去食飯, 由停車場搭電梯上到2樓見到個知客. 佢望一望個手錶問我地係唔係食晚飯, 咁我地唔打萛打邊爐當然就答佢係食晚飯啦. 當時既時間係8點57分到啦, 坐底叫部長寫菜問有無咩食. 佢就話特價野要9點後入座計, 我地即刻O晒咀因為只差幾分鐘. 個部長睇一睇錶就話好啦, 我開過張咭俾你地啦. 轉個頭個知客拎住張咭企埋黎訓話咯, 同我地講問左我地係食晚飯至開咭, 9點就要係萛宵夜, 我答佢我唔知你地有宵夜喎, 佢竟然仲要不停咁話我地唔岩咯...俾佢吹漲, 佢知唔知自己咩職業...呢間野我一定唔會再去~