富臨漁港囍臨門酒家 (已結業)

今日同事們想去飲茶，我就一早致電book位；我book 1點鐘，佢叩我準時到。我同兩個同事12點50分已經到達，點知佢話仲有10張枱先到我地~唔係卦，10張枱? 再問清楚門口個知客"男妹"，佢答係呀10張枱:。咁無法啦，米死死地氣等囉；等下等下，見到d好唔公平既野，果d無訂枱但6位以上既竟然唔洗等位就可以即時有位，問下"男妹"點解啦，佢話大枱嘛，你地4個人唔可以坐6人枱架。咁我地又再等，點知走左個應該係VIP既人過黎，嘩..."男妹"佢即時變臉變key，佢地兩個人唔洗book枱，知客即時通知經理比張4人枱佢。4人唔可以坐6人枱，咁點解2人可以坐4人枱呢? 我唔明~~~我地足足等左28分鐘，lunch time得1個鐘，我地咁等法係超級浪費；咁你唔好話我知可以book位，又叫我準時到又可以準時交枱比人，做唔到咁多booking就唔好接啦。我地終於有位喇，嘩...一入到去，我個同事就火都黎埋；竟然係比張6人枱我地囉，咁出面個知客之前講果一大堆道理即係"水"我地啦~~吹水吹到自己踢爆自己，咁下次我地仲點會黎呀?最後4個人勁匆忙叫野食，勁匆忙咁食野；食得好唔開心~~香蕉豆沙餅: 超難食，好難擺

7月26日放工約左2個朋友去呢度 lunch ...劃左幾個點心，總係會漏2個，問侍應，她答我們“冇可能會漏單，係咪你地畫漏咋”嘩 ... 咩服務態度呀？ 我地再加單叫點心，同樣都漏單，叫另一位女侍應，她話替我們跟一跟，但 10 分鐘、20 分鐘、35 分鐿 ... 我們這樣等、也問返佢，佢都答我地“跟緊”，冇理由跟咁耐都仲未有點心囉！朋友話唔等喇，賣單兼取消 (大家吃到一肚火)，賣單時部長走來話唔取消得叉燒包，單落了冇得取消，也不可賣單，叫我地點都要等埋叉燒包才可以賣單，結果我地足足等多 27 分鐘後才吃到叉燒包 & 賣單！總之都唔會再來幫襯了，吃得唔開心！

清明時節，如果唔係因為要在附近開會，都幾難山長水遠嚟到呢度食晚飯。六時許，從外望下一層的潮濠城只有一兩枱客，沒多大信心，都係去呢間，起碼多些人氣。每枱都預先放了一支果醋，簡體字相信係國產，對不起冇興趣。菜牌好似有不少選擇，但撇除了我們不打算點的湯及龍蝦伊麵底，似乎又冇乜嘢可揀... 來來去去都係用幾種食材( 豬肉、野菌、XO醬、帶子、豉汁) 撈亂來整，再加上菜或豆便成。很不容易才點了醬汁涼瓜豬頸肉、醬爆西芹帶子、茄子鵝掌煲。每道菜都用一隻白瓷碟盛載。涼瓜那碟「原本」是一朵花形，我指係原本，因為依家已經崩裂到不似花形。唔係一兩處，係周圍都係，有些撞崩之後再撞裂，裂痕清徹可見，啲餸就咁鋪在上面，望到渾身不自在，擔心會否食到啲碎瓷片架…第二道菜用一隻長形帶尖的碟，好啲 --- 只崩了三四度，至於各人的骨碟亦無悻免。呢啲餐具實應一早便要write off ，亦好應督促侍應及洗碗員工要小心啲擺放，否則遲早出事。難道集團只着眼於高檔市場? 就算鮑魚好賣，也要兼顧吓呢啲基本配套，以免趕客。講番味道，總括來說都過得去。涼瓜炒得幾入味兼爽口，如果落少啲糖會更好。帶子好大隻，可惜已雪到冇乜味，微辣醬汁幾惹

致尊貴的食客，先感謝閣下對本集團有關出品的意見反映。本集團一向追求對外三優回饙客人：優質環境、優質出品、優質服務。為了進一步改善及提升，本集團已將閣下的寶貴意見上傳至管理層，務求提供更高質素的出品水準。如閣下日後對本集團有任何疑問，歡迎於辦公時間致電到本集團顧客服務熱線:2353 5866(辦公時間:星期一至五早上十時至下午五時)富臨集團敬上

2008年4月4日, 清明節放假, 訓醒一家大細嚟到依度飲茶醫肚, 點知食到一肚氣.......先講服務態度, 真係超級唔掂, d待應叫極都唔應, 就算見到你都當見唔到咁, 嘩, 真係好忙咩, 又唔係呀,攞住張點心紙舉高隻手成世都冇人會理你, 手都軟埋, 好啦, 見到應左你啦, 但係又唔係幫你入紙...ok, 算, 終於入到紙啦, 但係d單又錯鬼曬, 果碟甜品咩糯米卷, 明明叫住唔係依度, 張單都寫明唔係我地張枱, 果個待應係都要放低....好啦, 後尾叫個經理嚟攞番走叫佢再改番張單啦, 又好似愛理懶理咁, 叫幾次先叫第個嚟跟, 叫佢下次我地嚟點心就畫少個圈...嘩, 想點呀, 你知唔知畫少個咩點呀...仲有叫待應攞碟辣油同淴汁嚟, 叫成世先會應你...食物方面, 講真, 真係好一般般啦, 不過最唔掂就係果碟蒜蓉蒸鮮魷, 一食入口就有浸酸叔味, 嘩, 真係lue都lue唔切, 叫個經理嚟同佢講叫佢取消左佢, 佢居然話入面會取消唔使改我地張卡...吓, 好明顯畫左個大點響上面喎, 唔使改一陣咪會入數....跟手叫第個經理嚟先肯改... 酒樓賣叔左既點心已經好唔要得, 阿經理又冇講對唔住,

幾年黎都無一齊飲茶好耐...拜完山諗住搵間茶樓落腳...黎左長沙灣呢間....門口好多人等飛...我地4個人等左半個鐘都唔使就有位...我地唔係太肚餓,所以唔係食左好多野...果碟干炒牛河唔錯!炒得好乾身!其他點心都幾好食!環境同服務太致都幾好~係個樓底太矮...好有壓逼感!

致尊貴的食客，先感謝閣下對本集團宴會櫈 的意見反映，為了令客人享用更舒適的環境，本集團已即時作出跟進，並將閣下的寶貴意見轉交到有關部門跟進。如日後對本集團有任何疑問，歡迎於辦公時間致電到本集團顧客服務熱線:2353 5866(辦公時間:星期一至五早上十時至下午五時)富臨集團敬上

上星期我在"囍臨門廰"那邊食飯, 一坐下, 就發現每張所謂<宴會櫈>烏糟到不堪, 櫈邊粘滿塵, 椅背又有烏漬, 簡直見到都無胃口食飯, 我想問下究境你地幾耐清潔一次架, 隔幾耐會換一批新櫈架, 口講係婚宴尊家, 人地見到, 我諗對你地個名都打晒折扣啦, 枉我仲支持左你地咁多年! 真係氣憤!!

跟老爸入馬場後，撈些財後便到這兒吃個晚餐。男人上館子吃晚餐，點魚係指定動作。今晚亦不例外，點了「栗子雞煲」和「星班兩味：炒球；蒸頭腩」、配三個白飯、一支啤酒。埋單$542，又一餐！那「栗子雞煲」，雞無肉，大都份都後下胸部，好多骨，仲油淋淋！那「星班兩味：炒球；蒸頭腩」巳經第20+ 次食，味道依舊，那炒球依舊油浸般。講真果句，腸胃不佳者，吃著那麼油膩的一餐，恐怕會拉肚子！然而，富臨的味道依然比較有水準，差極有個譜！

致尊貴的食客，先感謝閣下對本集團時令食品的意見反映，本集團已將閣下的寶貴意見轉交到有關部門跟進。祝　新一年食得開心，笑口常開！如日後對本集團有任何疑問，歡迎於辦公時間致電到本集團顧客服務熱線:2353 5866(辦公時間:星期一至五早上十時至下午五時)富臨集團敬上

四個人，點了四款菜式，係「大班兩味：炒球、蒸頭腩」、「酥炸蠔」、「炸子雞」、「雞油炒豆苗」、四個白飯，合共$75x。炒球偏油膩；蒸頭腩OK 夠‘膠’；蠔炸得很香酥；炸子雞冇肉；雞油炒豆苗好香！味道勉勉強強，大時大節呢間野D 服務好差，部長落單似審犯（若不是老爸常常來，相信都會係同樣對待）；坐位超擠迫。

老爸轉贈糕卷比我們，pick up 才知道係雙拼：蘿蔔糕、年糕。前者初一煎過，好鬆散，腊味沒有爆香便蒸糕，唔夠香，部份腊肉腊腸更是生貨（裝假狗），未煎透巳經散到七彩，唉！味精下得很凶！年糕就拿來責年用，放在大廳做裝飾算！明年都係送都唔要！

繼續反傳統，聖誕節不吃西餐。兩個人到酒樓晚膳，可以點的著實不多，難得有特價菜，而且份量不大，快快手的點了三樣小菜海鮮豆腐煲($68)－－大大的一煲，可以夠一家食，海鮮份量和種類都多，絕不欺場，起碼蝦肉彈牙有蝦味。兩人努力地吃都剩下幾件豆腐千枼豆腐－－考刀功的一道菜，2mm的豆腐一片片的圍著碟邊排陣，連上菜的阿姐亦讚了一句：好靚。豆腐滑滑的，推介的一道菜雞湯煮海石蚌($68)－－食海鮮經驗尚淺，不知石蚌為何物，但一吃亦知道魚蒸得過龍，肉質鞋口。另一樣奇怪的地方是浸魚的似魚湯多過雞湯…其實三碟菜已經可以好飽，但開頭唔知所以加左一個竹筒臘味飯，飯就無咩竹味，純粹焯頭而已。飽到連生果都食唔落，埋單$268，如果點少一碟菜就岩岩好啦。

好激, 完全冇服務, 冇人理, 食餐飯要受氣.

今日公公婆婆生日, 唔想公公婆婆去太遠, 就去左呢到食飯.不嬲去開尖東嗰間, 第一次去呢間, 以為唔會差(由於尖東嗰間好好), 點知一肚氣.我地先到(7:30pm), 公公婆婆同表弟未到, 坐底一陣, 啲侍應荒死我地白坐咁, 死吹落單, 叫左等等先, 轉吓頭又死嚟問, 你話多人等位就話想我地快啲食完走啫, 但係根本冇人等, 免佢煩住哂咪落左order先, 叫左個套餐再加半隻燒鵝同糯米飯, 個套餐有例湯, 什麼爵士燉羊湯, 舅母病緊, 問可唔可以轉清淡啲湯, 個部長不斷由說我地飲個羊湯, 同佢講唔飲羊湯, 又有人病左, 點知佢話個"羊"湯冇"羊嗰喎, 吓... insist唔要, 就話問吓先, 問左九世都冇覆我地, 出聲問啦, 佢就話已經轉左個燉雞湯, 嘩...你唔使問聲我地架, 自把自為, 仲要話問左經理, 非常皇恩浩蕩咁已經轉左俾我地, 問轉其他兩款湯, 就話賣哂, 擺明吹水, 算......叫住唔好起菜, 等齊人先, 轉吓頭就出個湯, 大佬仲有4個人未到包括公公婆婆, 你唔係要老人家飲凍湯呀, 初初仲多多藉口唔想收番個湯入去, 低能...... 點知唔夠5分鐘又出個中虾伊麵(第一道