富田和食亭 (已結業)

朋友介紹這間放題, 好多選擇, 上菜又快, 不像有啲放題專登拖你, 等到夠鐘都冇上到菜, 所以到來富田試一試,果然沒有失望呀! 先叫了中華沙律及螺肉, 沙律好爽口, 螺肉醬汁鮮甜喎, 叫了個海膽三文魚手卷, 三文魚腩好香滑, 海膽好甘香呀! 當然唔夠喉,再叫了三文魚及帶子刺身, 好新鮮, 大舊, 厚身; 帶子爽滑, encore咗幾次, 金菇牛肉卷, 金菇爽口, 牛肉汁浸透金菇, 正! 清酒煮蜆, 有好多隻, 熟食還叫了沖繩牛肉, 好嫩滑呀, 好多汁, 入味; 還有好Creamy的奶油娃娃菜, 而黃金蝦, 好脆口, 呢度最好, 就係服務, 叫左單, 啲野食都好快上, 唔會拖時間, 而且侍應勤力, 翻枱好快手。

不用HKD200，便可以享受到日式放題120分鐘，食物選擇有魚生、壽司、卷物、手卷、天婦羅、揚物、燒物、火鍋、料理、扒類、飯麵、飲品、清品啤酒、甜品和雪糕，你又會否去大吃一番?很多人都會有一個想法，那麼平的收費，質素一定很一般，食物選擇也不多，還只有120分鐘的時間，一定不足夠時間吃的。我就決定帶著家人前去覓食，一於以身品嚐，給大家一個答案。富田和食亭地方也算多坐位，店舖位於商場之內，環境也很舒適，服務員也很用心安排坐位，無論送上食物或收拾食物餘碟也很快。 從餐單之上，食物或飲品，選擇真的不少，食物份量也不是細細件或很細份量，食物味道和質素也是不錯，還有甜品提供，120分鐘絶對足夠時間讓客人吃飽，如此抵食的放題，心動不如像我一樣去行動吧!  *******************來到富田和食亭，門外還有人等候，基於120分鐘的放題，晚點前去都已經開始有人離坐，所以不用等多久，便安排入坐。富田和食亭位於商場之內，所以環境也很舒適，坐也不算不少，所有坐位空間足夠，不會很逼的。飲品是自助形式，都是以罐裝汽水、啤酒為主。汽水提供了7UP、橙汁、提子、忌廉、可樂，還有冰紅茶、冰綠茶，紙包飲品

朋友約食放題，佢話佢屋企樓下個商場開左新日本舖，價錢平到笑，近近地公司放工一齊去食喎，又好吖，返正星期六返半晝，下午都係出街hea㗎啦。嘩嘩，七點前離坐$138，星期六日都係$148，放題黎計又真係幾平喎，睇下咩質素再講。飲品雪櫃自取，有百氏，康師傅系列，果汁先生等，都幾多款揀。先點刺身，都有十幾款揀，不過朋友佢只鍾情幾樣，點少少試下得唔得先啦。黎到魚幾新鮮，咬落無雪味，肥美可口，雖然唔係一級靚魚，但呢個價錢收貨了。唯一不滿係份量除意比嘅？定睇錯單，帶子寫了二卻黎左五六粒，甜蛋寫六卻只有兩片，不過唔緊要，放題黎嘅可以再order 當然要點下壽司卷物咁，火灸三文魚超好味，入口甘香副魚油，飯軟綿不大舊，食幾件都唔怕飽。溫泉蛋，麻醬拉麵，沙律，味道一般，拉麵太淋太濕。小丸子同紫薯波波，無醬汁嘅小丸子梗係差咁啲野。各種串燒，即叫即燒熱辣辣，原汁原味無加調味料。豬扒，牛扒，漢堡扒，雞扒等，啱哂食肉獸。黃金蠔同蒜香蠔，兩種都好味，但蠔偏細隻，多點幾隻才夠喉。再叫甜蛋，實在太好味，點都要encore。又叫炸物，個芝士通心粉原來係炸的，三角形個件高係，咬開真係好多芝士，味道ok又得意喎。不過咸，有豆

住觀塘的朋友選擇了到藍田區搵食, 我們在Openrice找到一間有口啤的好介紹 - 藍田的日式放題,餐廳簡潔舒服，和知已傾吐心事, 把酒談歡是最好不過的! 價錢平日每位$168 2小時放題任食, 特價時段每位138, 生日月份還有88折,早一天訂位有9折, 青酒,啤酒,汽水, 雪糕, 甜品及放題食物包羅萬有,任飲任食!放題食物款式豐富，各式各樣刺身，壽司，火鍋，天婦羅等樣樣有齊。肥美新鮮的三文魚和晶瑩剔透的甜蝦刺身是必要再翻單的，個人情有獨鍾 - 爽彈墨魚片也不能不encore, 鮮甜味美! 此外,北海道蟹粥,棉滑鮮味也是必試的…

提起日本放題, 好多時都會去旺角/尖沙咀附近, 出開藍田探完朋友, 開餐時間發現呢個商場有呢間日式放題, "餓底"上身之際咁就試下呢間!好彩早D去到, 一入去已經見到坐滿八成, 枱面上放置左一系列既點餐紙, 見佢種類都算幾多放題包任飲罐裝飲品, 望下仲會發現有甜品專區, 鍾意飲咩食咩甜品就隨便自己攞起動吧.............食日式放題, 點可以無刺身呀?上枱賣相都算吸引, 點了幾款包括三文魚(味道幾鮮味), 甜蝦(頗大隻, 鮮甜感OK), 貝柱粒及魷魚都有口感, 唔會食到好大陣雪味壽司大細適中, 唔會用太大舊飯"質飽"你, 呢款馬都貝壽司食落爽口, 推介呀沙律小食方面都叫左幾款, 蟹子沙律好味; 枝豆食到豆甜味天婦羅都以蔬果為主, 有南瓜(唔太甜), 蕃薯(香甜), 炸蝦(蝦肉唔係"梅"), 若然可以配埋專用醬汁一齊食會仲好味D串燒我地叫左鷄軟骨(有咬口); 秋刀魚好大條, 燒到幾香口, 肉都嫩; 紫蕃薯仔都幾香甜, 一啖一舊岩岩好, 全部都熱辣辣上枱都幾唔錯個人好推介個燒菠蘿, 甜度有仲要燒到一咬就有汁標出黎, 估佢唔到咁好味道每人埋單都係一百八十幾蚊, 有飲有食, 包你食到肚

好友住喺藍田, 是日同佢整完部機話要請食晚飯先好走, 唔想友人破費, 問有冇平平地, 友人介紹富田和食亭日式放題, 連加一都唔過二百, 既然友人話ok, 咁一於信佢起行開餐.去到餐廳差不多全滿, 好彩仲有位.日式放題選擇同一般同類型差不多, 有刺身壽司天婦羅沙律燒物料理火鍋食事甜品飲品.飲品有清酒梅酒任飲.刺身上枱時有乾冰噴出煙霧, 效果一流. 刺身叫咗甜蝦, 帶子, 三文魚, 吞拿魚, 八爪魚, 榮螺, 玉子同蟹棒, 刺身下面有碎冰保持低溫, 魚類刺身三文魚比較肥美, 食落有質感, 魚肉鮮甜. 甜蝦帶子肉質結實鮮甜.食完刺身叫咗壽司同火炙壽司, 壽司細細件可以食多幾款. 馬刀貝壽司爽口鮮甜. 火炙帶子黑松露壽司黑松露獨特幽香提起整件壽司味道, XO醬火炙和牛壽司比較特別, 有少少辣味減低和牛肥膩感覺.大蝦, 南瓜, 同蟹棒天婦羅同新鮮炸起, 熱辣燙口, 粉槳唔算厚.蟹粥啲蟹味道入哂粥到, 加上蛋花青蔥蟹粥味道真實鮮甜.清酒煮蜆蜆肉細細隻味道都鮮甜.芝士焗咖哩牛坑腩有驚喜, 牛腩肥瘦適中, 有肉味, 炆得軟淋又唔會散哂, 做得出色.日式吉列蠔新鮮炸起中間仲有蠔汁唔會乾哂水.蒜香雞中翼雞

我和太太7時30到只見店裹面只有六七張檯有客不用等位’我們坐下點了一些剌生和熟食’但等了十五分鐘至來了一些熟食但沒有來刺生我們問侍應是否漏單’再過十分鐘刺生到但每樣刺生只得四件’再叫甜蝦前後黎左八隻就話無叫天婦羅大蝦一隻都無叫西冷扒又話無叫面鼓湯蜆黎到只見碗湯得兩隻蜆殼沒有肉和幾片昆布’再叫燒蠔又係前後黎了八隻又話無跟住去拿雪糕又無’都唔明白呢間曰本料理點做生意咁早叫野食乜都話無雖然連加一199元但真係乜都無得食只有打邊爐的菜肥牛姑丸就有得食希望這間店好好改善’因為佢Ｄ食物都幾好食’

屋企人愛吃刺身, 得知這間富田又抵食, 仲好新鮮,  平日都好多人, 每位都係$168, 超值呀! 生, 熟食都有好多選擇, 清酒煮蜆,黃金蝦, 沖繩牛肉,奶油娃娃菜, 沖繩牛柳粒，好有牛味, 醬汁有洋蔥惹味 ，夠嫩滑, 還有金菇牛肉卷, 肥牛腍身, 當然唔少得刺身, 還叫了玉子及生蝦壽司, 好新鮮呀! 三文魚係厚切, 好鮮, 魚香味重, 帶子刺身爽口, 炸物方面, 叫了炸雞翼, 炸芝士年糕, 金錐榴槤, 炸得脆脆的芋頭絲包住重口味的榴槤蓉，特濃味道！還有芝士年糕烟韌, 好味呀!還月自取飲品任飲, 正。真係好抵食, 不會因為價錢平, 還KEEP住有質素的材料, 外面很難找到。會再來呀!

藍田食肆唔多, 但竟然藍田有唯一一間放題店，就同朋友去左呢到食, 環境挺寬敞~ 坐位坐得幾舒服, 可以任食火鍋同刺身, 好多野食簡^_^ 飲料同甜品都係自取, 飲料方面有樽裝果汁先生👍前盤點了中華沙律,酸酸昧昧,開一開胃^_^之後就叫左大盤刺身, 雖然係間細細的店, 但佢的擺設都唔會馬虎, 再加上乾冰加水造成的白霧, 令這個擺設更加美觀, 更令我期待擺設上食物的味道><我比較鐘意食三文魚^_^ 呢度三文魚切得比較厚身, 紋路都幾均勻, 食落去很鮮甜>< 甜蝦都很鮮甜, 而且佢連頭上盤, 睇落去很美觀~ 而且油甘魚都幾大塊, 抵食👍👍之後我地再點咗一啲壽司, 火炙三文魚, 上面的三文魚燒完之後有啲燒焦香味, 入口即溶的感覺令我十分著迷>< 而火炙鰻魚就燒完之後上面加上醬汁, 整體黎講都不錯呢~ Yummy😋 因為朋友鐘意食薯仔, 咁就點咗意式芝士焗BB薯, 佢係將啲薯仔切粒, 再係上面post上蕃茄同芝士, 再拎佢去焗🔥 食落去啲薯仔好軟, 而且芝士可以拉成絲, 上盤時即刻食，因為凍左就真係唔好食~另外點了日式脆皮雙皮奶, 外層有少少芝麻,

同屋企人慶祝生日 近近地去左屋企附近食放題，無需等位，但係坐位其實都幾逼。食物選擇方面都幾豐富，刺身，炸物，料理，hotpot 無限量供應刺身一黎到就煙霧彌漫，原來係幾粒乾冰作怪，比人一種置身夢境既感覺，睇到刺身都幾足份量，數量總算係齊，最鐘意就係連頭甜蝦極級新鮮三文魚好肥（去其他放題一定冇咁既質素）壽司方面，芝士味濃，飯團包住炸蝦，外脆內嫩食放題叫壽司好似有點兒不智，但係哩度絕對唔會和牛，火炙三文魚，鰻魚壽司都係入口即溶，不妨叫一兩件試下蜆肉味噆湯，蜆肉絕不欺場，清甜可口，有少少清酒味（值得推介）青口 非常厚身，汁醬好濃味但係又唔會蓋過鮮味一口牛肉 一口咬落去very juice 肉質鮮嫩咖喱牛腩 估你唔到食放題都見到，又有驚喜wor 厚身不特止咖哩醬汁特濃 惹味非常串燒海蝦 小蕃薯 雞串 海蝦size適中，好爽口，小蕃薯 就唔算甜天婦蘿 可算係重中之重 蝦大大隻食得出新鮮即叫即炸，夠肉汁，就算擺得耐左都不減脆 簡單係食放題者大愛

於藍田附近找朋友食飯，入了商場的富田和食亭。當晚是九點幾，餐廳中仍有大半的客人，客人多點都是點刺身或炸物。另外它的飲品及甜品都是任取的，試了部份的甜點，最中意係泡芺及奶凍，份量少少的，味道清新，餐前後吃都是開胃的。而且對於女生來說，少少的份量就可以每樣都試少少，感覺唔會有罪惡感。先點了甜蝦、帶子及三文魚刺身，刺身有特別擺設，擁有噴煙效果。刺身是新鮮及沒有腥味，不過刺身解凍不夠，吃下去覺得冰凍感覺有點兒令刺身味道不夠出，刺身需要降溫多一點。甜蝦蝦身都算是大隻，而且很鮮甜，沒有怪味，朋友都很快就把刺身吃光了。再來燒晴魚及鹽燒蝦，附上一小件檸檬，可以改善海鮮的腥味，以提升鮮味。晴魚味道很濃郁，當加上檸檬汁後，令到晴魚味道更加鮮甜，沒有魚腥味；而且表面外皮更烤得微膿，能將魚的油迫出來，嗅起來魚香更強。而鹽燒蝦方面，蝦身充滿鹽燒香味，連蝦肉同樣都是入味的，不過蝦肉不算太爽口，亦略縑蝦身太細隻，變相有點不夠喉。然後就一碟的清酒煮蜆，碟中的蜆算是中型，而且每個蜆殼內都有蜆肉，不會是只得空殼。蜆肉已經夠熟。而且蜆肉中都滲透著清酒香味，非常惹味。不過店內使用的清酒比起一般吃開的清酒煮蜆，清酒味道較濃，有

 放假又是覓食的好時間！得知藍田有間平價放題，啱晒我呢啲想食放題的平民！7點去到啟田商場2樓，已經要等位啦！趁還在等候，望望門面的餐牌，原來富田和食亭還會在早上以及午市提供正常套餐，真是多元化呢！不用多久，已經到我了，好彩入面仲有少量位置，所以唔駛等太耐。  一進入餐廳，已經座無虛席，人聲鼎沸，非常熱鬧！看來這間放題在藍田區十分受歡迎呢！  看看點餐紙，種類尚算齊全，符合市面上放題的標準。  罐裝汽水啤酒、紙包飲品、樽裝飲品，任君選擇。  我最愛食的刺身出場啦！個人認為甜蝦和帶子最有驚喜！甜蝦不霉；帶子爽口。重點所有刺身都夠凍！  然後是壽司及手卷。壽司分別點了：火炙三文魚、火炙蟹棒、火炙和牛、火炙鰻魚。火炙和牛還是第一次食，牛肉味尚算重，如果壽司飯減少醋的份量就更佳。海膽三文魚有點兒失望，海膽也只得太少了吧，但這個價位可以食到海膽已經是可以接受。  炸物分別點了：大蝦天婦羅、冬菇天婦羅、南瓜天婦羅，天婦羅脆漿算薄，如果無咁油的話會更好食；紫心香芋丸、金錐榴槤、芝士年糕、日式脆皮雙皮奶。日式脆皮雙皮奶幾特別，有點像平時食的炸鮮奶；金錐榴槤味道真的很濃烈，我個人是愛食榴槤的

放題最近唔知點解食好多,不過真係平靚正既又唔多不過呢間可以話係平價放題中較有質素既估唔到呢度有清酒飲,不過酒精濃度幾高,唔係太易入口呢度啲刺身算幾新鮮,三文魚夠厚切希靈魚唔腥,油甘魚就油脂幾豐富,朋友話帶子唔太鮮,但轉個頭啲帶子全部冇哂!!!其實真相係點呢!?小食都唔錯,有啲中式野仲有沙律,味道幾清新而其他食物,例如天婦羅,炸物,壽司個啲質素都比預期好至少炸野炸分唔會太厚,而蝦係爽口魚燒得幾香口壽司叫左不同種類既,質素平平,但以放題黎講算係ok意式芝士焗bb薯bb薯即係將薯仔切到細細粒,芝士味雖然唔太濃,但焗得香口加埋啲煙肉幾正,不過好膩,放題不宜吃太多呢啲北海道蟹粥真係幾足料,而粥好多蛋花,味道甜甜地清酒煮蜆清酒味唔算太濃,但蜆肉幾爽口仲有火鍋可以打番個邊爐,不過質素就麻麻最後仲有雪糕等甜品雪糕食雀巢既穩陣,有不同味道可以揀糯米滋得芒果味,有啲失望

今日約左中學同學聚舊，大家都藍田人，所以就近簡左富田和食亭食放題聚聚舊^^ 黎到雖然地方比較小，但感覺氣氛不錯，環境衛生乾淨~ 食物都算係幾多，唔同種類食物用唔同顏色分隔，不會因為多點餐紙搞亂了 放題最奪目的頭盤，一定是這個了~刺身拼盤... 看上去刺身乾淨衛生，感覺食得放心^^ 三文魚脂肪分佈不錯，口感很好！有頭甜蝦的頭在煙霧中突顯出來，看上去整個盤很好看，蝦肉非常甜美^^ 八爪魚片的鮮味更係非常特出，鮮甜鮮甜~可能是第一盤，所以特別奪目好看^^ 烤羊架真的沒有叫錯了！賣相不錯，油脂部分也不錯，帶有很香的油香味，而且肉質十分嫩，也很容易咬開了，一點都不會un~ 這個羊架烤得非常不錯！ 秋刀魚味道甘香帶咸^_^ 雞肉串當然是我吃放題必吃的了，不知道為甚麼這麼愛吃>< 椒鹽蝦的味道做得算是不錯，表層椒鹽味道也做得足夠^_^ 火炙三文魚壽司><>< 用火燒一燒三文魚的面部，油份都給燒出來了，三文魚溶化係口入面^^ 油油的滑在嘴巴裡，咸咸油香好香口><士多啤梨味雪糕泡芙^^

小店面對著高昂的租金一間一間「被消失」，眾多商場都一一開設大型連鎖服裝店或食店，不過連鎖店賣的東西大多數也相近，行得多也變得沉悶。若要尋找小店，藍田可謂是現時仍有較多小店雲集的地方，故是日先到訪逛逛再到附近晚餐。這晚與友人滿載而歸地來到啟田商場，最後在啟田商場角落，選址富田和食亭的放題。安排到卡位就座，卡座寬敞環境舒適。旁邊點餐紙排列得井然有序，來到當然頭跑先點刺身呢。最先到的是芝麻八爪魚，來到還是冰凍，粒粒芝麻黏在八爪魚之上，彈牙爽口而且非常大隻，作為前菜開開胃也不錯!燒物及料理，小妹最欣賞的分別是炭燒雞肉串及金菇牛肉卷。前者燒得剛剛好，雞肉嫩口軟腍，而且醬汁多，非常惹味；後者咬落牛肉不會太韌難咬開，同時與金菇捲實，條條分明軟身，加上少量芝麻，更為美味，確實是推介之一。刺身選擇種類亦算多，基本的三文魚、油甘魚、吞拿魚、帶子等必點，刺身新鮮並沒雪味，其中有頭甜蝦大大隻啖啖肉，而三文魚雖油份不算多，但也尚算入口肥美，另小妹甚為喜歡吃希靈魚，但部份餐廳的希靈魚不新鮮的話，很容易吃得出腥味，不過這裡就真的不錯，咬落吃到表皮的粒粒感覺，極度爽口而且不腥。除了刺身外，亦點了最愛的火炙系列壽司，微