富田和食亭 (已結業)

好友住喺藍田, 是日同佢整完部機話要請食晚飯先好走, 唔想友人破費, 問有冇平平地, 友人介紹富田和食亭日式放題, 連加一都唔過二百, 既然友人話ok, 咁一於信佢起行開餐.去到餐廳差不多全滿, 好彩仲有位.日式放題選擇同一般同類型差不多, 有刺身壽司天婦羅沙律燒物料理火鍋食事甜品飲品.飲品有清酒梅酒任飲.刺身上枱時有乾冰噴出煙霧, 效果一流. 刺身叫咗甜蝦, 帶子, 三文魚, 吞拿魚, 八爪魚, 榮螺, 玉子同蟹棒, 刺身下面有碎冰保持低溫, 魚類刺身三文魚比較肥美, 食落有質感, 魚肉鮮甜. 甜蝦帶子肉質結實鮮甜.食完刺身叫咗壽司同火炙壽司, 壽司細細件可以食多幾款. 馬刀貝壽司爽口鮮甜. 火炙帶子黑松露壽司黑松露獨特幽香提起整件壽司味道, XO醬火炙和牛壽司比較特別, 有少少辣味減低和牛肥膩感覺.大蝦, 南瓜, 同蟹棒天婦羅同新鮮炸起, 熱辣燙口, 粉槳唔算厚.蟹粥啲蟹味道入哂粥到, 加上蛋花青蔥蟹粥味道真實鮮甜.清酒煮蜆蜆肉細細隻味道都鮮甜.芝士焗咖哩牛坑腩有驚喜, 牛腩肥瘦適中, 有肉味, 炆得軟淋又唔會散哂, 做得出色.日式吉列蠔新鮮炸起中間仲有蠔汁唔會乾哂水.蒜香雞中翼雞