富田和食亭 (已結業)

今日朋友生日，佢話鐘意日本菜，於是就帶佢黎富田和食亭食放題一黎到，店員就好nice咁安排左卡位俾我地坐睇menu,佢既選擇幾多，有手卷、小食/沙律、壽司、天婦羅、刺身、火煱、扒類、燒物等等壽司方面，點左黑松露三文魚壽司、火炙三文魚壽司、鮮帶子壽司、甜蝦壽司等當中我最愛黑松露同火炙三文魚壽司入口即溶，黑松露令三文魚更香口，加強口感和牛壽司都唔錯，只係有點韌蟹籽手卷一粒粒蟹籽入口，非常鮮甜，紫菜都幾脆口，唔會太淋食放題點少得刺身有三文魚、甜蝦、油甘魚、鮮柱貝、墨魚片等三文魚肥美厚切，頗有光澤鮑片墨魚片都幾爽口點埋醬油同Wasabi ，刺身鮮味更突出如果有噴煙效果賣相應該會更吸引蝦餅餃子炸得剛剛好，唔會油淋淋鹽燒海蝦炭燒雞肉串雞肉嫩滑，點醬汁更惹味燒菠蘿都唔錯，香甜開胃金菇牛肉卷肥牛有d肥膩,不過加上燒汁令味道層次更豐富燒冬菇飲品係自助形式，選擇好多有ice,汽水，果汁先生等等全部凍飲，夏天飲會好消暑甜品係雀巢雪糕，我要左個紅豆味如果多其他選擇好似泡芙，茶果，or cheese cake會重正7:00入座每人只係168,呢個價錢可以食到咁多野食真係幾抵

近掛番藍田見哩間放題排晒長龍就搵日黎試下黎放題梗係勁食刺身啦~ 三文魚腩好肥美 厚切!! 火炙蟹捧熱熱的再上溶芝士!  帶子壽司都算大粒.. 一口一口勁食帶子壽司. 感覺好正 印度餅　揀左ｃｕｒｒｙ　同ｃｈｏｃｏｌａｔｅ　汁.. 咸咸甜甜.. 好特別又D 攪笑… 唔洗錢緊係試下啦~~天婦羅應該即叩即炸上檯仲係脆卜卜芝士咖哩牛坑腩. 一向對牛坑腩好有要求既媽媽都激讚! 又林又入味!拉麵份量算大! 又唔係好咸. 正合我口味!!黃金蒜泥蠔 芝士焗蠔 .. 蒜泥蠔夠野味好香口, 不過食時要小心D. 有好多碎殻西冷牛同羊架都係好味之選~ 西冷牛夠林. 羊架夠入味口唔so  任飲有酒精同非酒精 飲品選擇起碼有10款呢!!~~ 梅酒幾好~~~ 仲有baby chair 提供帶埋我baby 黎唔洗嘈住我開餐~~

原本今日開開心心慶祝母親節，一黎到想order食物侍應十問九唔應，態度勁差。想黎受氣真係可以黎試下，我列舉一d垃圾食物俾你地聽：1 刺身帶子臭ge2 d 菜無洗全部沙3 和牛壽司生到食唔到4. 侍應係咁咳咳曬落d野食5 魷魚我真係成世人未食過咁難食老老實實唔好自欺欺人話咩一分錢一分貨，間野真係好難食，200蚊一個重要，我連食十餐麥當奴都無咁嬲

母親節一早訂好位請兩老食自助餐.貪佢唔止得刺身仲有熟食, 野飲又任飲。比BOOK 左時間早左10mins 到... WAH!!!!   多人等到呢.... 好彩BOOK 左位!!!地方還可以, 唔算太迫~  當日推住bb 車都仲有位入到去。爸媽唔理三七廿一... 開動了!刺身船太吸引了吧~~~ 三文魚及吞拿魚比我想像要的厚切厚美蟹捧冰涼爽口.柱貝刺身 甜而爽~ 哩三樣我爸媽不斷ENCORE 而我鐘意先食d 熟食蛋花蟹粥  甜又棉~ 仲有啖啖蟹肉~  好彩老爸仲細心為我拆蟹殻.. HAHA 好幸福我地order 左牛肉拉麵~ 拉麵份量算大.. 兩人食一碗SHARE 岩岩好.. 老媽最愛佢唔咸但又夠味wo.. 麵質硬番d 就最好啦 印度餅 CURRY 汁. 果到有得揀朱古力& 煉奶味, 但爸媽鐘意傳統.. 所以都係ORDER CURRY 汁,, YUMMY YUMMY wo~~~  夠辣又濃味芝士焗Curry 牛坑腩.   哩個喜出望外咁正!!! 我地order 左5次 haha!~~~  牛腩夠林, curry 夠spicy 又夠KIT 身..  唔會稀稀咁..南瓜蕃薯天婦羅

男朋友住藍田，屋企又無飯食。6點幾發覺有點肚餓，所以search下openrice有咩食。藍田竟然有得食放題，價錢百幾蚊又好似幾平下，所以就同男朋友一齊去試一試。6點幾去到未有太多人，我地可以坐卡位，太好了 。 食放題，坐底就一定要狂叫野食 。我地拎哂佢既menu出黎睇，一般放題有既野佢都有，有得食火鍋同扒類，但係我地一心黎食放題就唔叫住先。我地大多數一開始黎到既就係刺身，呢間放題亦都如是，刺身賣相就相當唔錯，而且分量十足，同我寫既份量一樣咁多。三文魚算係正常水平，但係帶子就值得一讚，大大粒，夠新鮮！之後就叫左d火炙既壽司，我男朋友好中意食火炙既壽司，佢話d壽司都算係幾有水準，尢其是係和牛個款，熟度岩岩好，唔會完全熟哂，入口即融。 我地仲有叫左手卷食，味道唔錯，特別係軟殻蟹手卷，軟殻蟹炸得好脆，而且好香口，三文魚手卷就比較普通，唯一一樣唔好就係飯太多😂。 我最愛的日本甜薯都有得食吖，甜薯被燒得外脆內軟。 放題必叫的清酒，味道不錯。 不得不提佢呢間野係有烏龍茶飲既，因為好多放題都未必有，而我又好中意飲。總體黎講，呢間放題既性價比非常高，因為可以食放題之餘又可以据排同打邊爐，一般放題

甚少喺藍田搵食，因為附近全部都係屋村，冇乜特別野好食。今日剛好有兩個朋友黎我新居參觀，所以就帶左佢地去食放題。好在有book位，因為去到勁多人等緊位，而且店員亦同walk in既客人講話全晚都已經full哂。先了解一下個價錢，原來逢一至四17:15-19:00前離座每位$138咁平，最貴都係星期五六日$178，而家都好少見到放題咁平。一坐低急不及待走去飲品自助區度睇下，都係啲大路嘅罐裝飲品，拎完飲品就坐返埋位開始點餐。成疊order紙都幾多選擇，見到有酒飲先叫咗瓶梅酒一齊share。梅酒梅味重，每人淺嘗幾啖就開始食其他野。刺身共有13種，我哋試咗三文魚刺身、松葉蟹棒刺身、甜蝦刺身及虎蝦刺身，師傅有望住人頭數量而分配刺身，三文魚刺身同甜蝦都不錯，松葉蟹棒刺身我嫌佢太凍，少少硬，而虎蝦原來係好似泰式生蝦，如果有埋泰式醬汁點就好食啦！呢度壽司款式唔算好特別，不過都叫左幾款試吓: 黑松露三文魚壽司、火焰三文魚壽司、火焰蟹棒壽司、火焰鰻魚壽司同鮮帶子壽司，個人比較鍾意火焰三文魚壽司，燒得都夠香，舊飯又唔會好大舊。再嚟個日式蟹籽沙律，都幾爽口，略嫌沙律醬唔夠多。燒羊架，呢個就一般般，因為唔夠香草味

今日去左朋友屋企gathering，玩到咁上下又要出去搵食。四個人係屋村既商逛逛逛，見到一間餐廳好多人排隊，於是就去睇下。原來係一間食放題既餐廳，好好彩仲有得等位，因為之後有人問，連位都無得等。餐廳雖然好多座位，但都幾擠迫，不過明白這都是放題的特色之一。一坐低，立即拿起各種order紙，看看今次放題的攻略。Order紙十分豐富，目不暇給，總共有12張，真係無咩可能每一種食物都吃一次，不過都吃了很多東西。刺身應該是大家最留意的部分，都有十種以上的選擇，我們叫了部分，比較特色是除了有甜蝦，還有虎蝦刺身。大路的三文魚，吞拿魚，八爪魚都有。壽司種類同樣豐富，好似黑松露三文魚壽司，帶子壽司，甜蝦壽司，鰻魚壽司，還有一眾火炙的壽司。前菜類有螺肉，八爪魚，蟹籽沙律，冷麵。煎炸類既食物多元化，有雞翼，芝士波，柴蕃薯，雞軟骨，羊架，天婦羅等等，實在不能盡錄。比較特別係燒蠔都有兩種，芝士燒同蒜燒，總共叫了十多隻。餐廳有大量飲品，啤酒汽水，任君選擇。至於甜品有雪糕，豆腐花，啫喱，泡芙。雪糕初步睇都有三至四種，但留意番，有些雪糕，手快有手慢無，自己就吃了好幾轉。結果今晚同平時食完放題一樣：肚子滿載而歸。

Happy Friday要吃得開懷，和同事去擦餐勁，一於食放題。星期五晚餐廳當然多人，加上餐廳之前做團購，全場滿座，walk in客只能失望而回，好彩有訂位！食物選擇夠多，刺身以外，還有火鍋、壽司、天婦羅、拉麵、揚物等等，一定食得飽。 同事也愛吃刺身，所以點了幾round，整體水平唔錯，幾鮮甜，最正係鮮柱貝刺身！不過，三文魚刺身雪味重了少許。 同事食了蒜香燒蠔，評價一般，覺得蒜頭未夠靚；我食黃金燒蠔就唔錯，燒得剛剛好，保留入面肉汁，口感豐厚。 米紙海鮮卷夠香脆，不太油，一口大小，容易食！ 鹽燒海蝦味粉多了一些，變得重口味，蓋過海蝦鮮味。燒冬菇串反而較為清淡，不錯呀。 飲品可自取，好方便。 酒精飲品也可任飲，我們點了一支梅酒，甜味幾強，好易入口。 人均消費近二百元，不算很便宜，但勝在無須走出油尖旺，節省交通時間。

依間餐廳本身做開散餐，質素都係一般，見佢近排轉左做放題幾旺場就試下，我食既時段係8:30-10:00，9:00入去時佢已經講明10點last order，食到10:30。我敢講食依個時段完全係騙局，我同友人都預左依個時段會少野食啲，但都估唔到5成既野食冇哂，要乜冇乜，甜蝦冇、連雞翼都冇，好多刺身、壽司都已經冇哂，再加上本身種類比大型放題少一截，叫左好多野食都不知影蹤，中間有一段時間係完全冇野上，齋坐望住啲侍應趕住清枱冇招呼過我地，只好多次追單，先有個比較熱心既侍應叔叔幫我地催廚房。由於乜都冇得食，我地焗住嗌火鍋，諗住自己烚仲快過佢出野食，點知等左十五分鐘連個爐都未見影，食材最好既已經係蝦同青口，最後來到既都係好細隻唔新鮮既蝦，都算。佢地所謂既自助甜品吧，空空如也，只得自家制羅伯臣啫哩杯，同埋雀巢雪糕，飲品選擇都好少，幾款汽水紅茶咁。我唔知其他時段既係點，但依個時段只係比7點最旺既時段平廿蚊，但野食就少一半，等既時間又長，等等下就last order，果陣先得5 6成飽，我地索性叫侍應睇下廚房有咩剩攞出黎比我地填飽個肚算，總括所言，如果5分係滿分，依度既服務0分，食物普通2分，印象中冇野

因為住附近諗住去試一試，於是兩個人去食1715-1900既時間，點知就出事，放題，正常就寫寫寫同食食食，我已經唔係好有要求，真係估唔到可以食到火都黎，佢本身團購五個鐘任食放題，咁我就唔係團購既人黎，係去到先知既姐，事件係漏單再追，再繼續漏單，侍應會叫你等多陣，師父即叫即整等一等或者叫你坐多陣，如是者向唔同既侍應追左成十次，喺1845左右食既野係得刺身同炸物咁既姐，你寫既數量係唔重要，佢係咪都係睇人數多啲，你寫十件，人數係兩個都係會得兩三件，唔好諗飽定唔飽，我入場仲加左錢食蟹同生蠔，當然佢喺一個鐘左右黎到，分別係有四隻蠔同兩隻蟹腳最後有啲氣結咁對侍應講，佢即時話會加反時間比我，但我放棄想埋單，因為我已經唔想再比佢昆同浪費時間，你有你寫紙，佢有佢漏單，於是我決定走人埋單同理論下，侍應完全係會一面公式講幾句唔好意思之後照繼續收你錢！是日收費每位二百幾，唔好話值唔值，係似入左天仙局，如果你係去食又得閒又有閒錢可以去團購，五個鐘可以同佢戰鬥到最後一刻或者淨飲同食甜品應該可以一試，但我覺得咁既價就應該可以有更好選擇！

媽咪今日想食日式放題，我二話不說就話去食富田和食亭。因為，不用$200一個人就可品嘗到刺身，壽司，卷物，火鍋，炸物，燒物，雪糕，甜品等美食。首先，不得不讚不但上菜快，而且份量十足，唔會好似其他放題店會唔記得落單，或者俾唔足份量你。三文魚刺身不但肥厚，而且味道很鮮，相信用上上價的三文魚來製造，再度吞拿和帶子刺身，不但食出原有的鮮味，而且沒有雪藏味，師傅做功了得。之後，我點了串燒雞串，燒蕃薯，串燒大蝦。日或雞串不但嫩滑，而且加上大量日式醬汁，令雞肉吸收了醬汁後，將雞肉鮮味帶出，這亦是我再叫的其中一款食物。日式燒蕃薯，除了內裡金黃，而且甜度十足，相信必定係用正宗日本蕃薯。串燒大蝦，不但大隻，而且有濃郁的海鮮味，師傅燒得很好，唔會把蝦身燒得太乾，把蝦的水份抽乾，所以食落保持住蝦的水份。再者，我叫了蕃薯天婦羅，不得不讚師傅，因為除了外皮金黃爽脆，而且炸漿搞得恰好，唔會太厚，所以食多幾塊都唔會有滯的感覺。最後，不可不提這裡的甜品，因為款式眾多，除了有牛奶公司自家出品的雪糕，還有布丁，蛋糕給你選擇，相信喜歡食甜品的朋友一定滿載而歸。總括來說，這裡不但價錢公道，而且侍應服務態度良好，上菜時間又快，相信

好少可會來到藍田食 dinner, 由於朋友住個藍田, 而我又係觀塘返工, 諗諗下不如入藍田食. 加上見 openrice 既同志話呢間平又唔錯, 所以打個電話來訂個靚位, book 左食7點   一向早到既我緊係去囉位先啦, 未到7點就去到餐廳, 一去到門口 OMG 咁多人既??? 今日唔係 weekday night 咩??? 再望埋入面 wow full 哂.... 咩事咩事? 有金執??? 哈哈 之後見到好多阿姐阿哥囉住團購既 print out 心諗正價都唔洗 兩舊水, 你地團購咪仲平 .... 算啦鬼叫自己平時唔睇開呢D 野只有得個望字囉....出面等左 5 分鐘左右就入得啦, 因為佢地分左一輪輪, 入到 of course 睇下有咩食啦, 天秤座既我又發揮左 選擇困難症既病態 .....咁多野都唔知選咩好..... 因為咁影左張 menu 比大家睇睇....細食既我當然唔會咩都點哂啦, 用左排除法來排走一D 先, "拉麵" 同 "火鍋" byebye ,  之後一望....   酒呀!!! 唔多放題有清酒同梅酒飲, 好酒既我咩都放底, 先 t

價錢平...   ...但中伏...帶子刺身...唔新鮮..食落又硬又乾...刺身真係食到好冇心機...入座叫左好多好多野食...黎左一ROUND刺身都覺得...幾好唔錯..滿心歡喜 再點...再點等左半個中都冇再黎第2 ROUND..前後入紙入到好無奈..俾完職員...叫佢跟都冇跟.....但大家愈食愈嬲.... 局住點熟食同壽司..燒個三文魚頭..等勁耐 黎到,,個三文魚頭只得5分1.... 燒蝦..蝦肉是霉的..相信死去多時... 三文魚脆骨腩...得一個豉油碟咁大舊而且冇味...

呢間嘢啲服務差到要特登開account寫今日下午12:45去到食$78放題服務:一開始去到見淨番張卡位想埋去坐，個黑色恤衫長髮女侍應A(叫fion)話呢張檯係食放題，咁我話我係食放題呀，唔知佢係咪聽唔到定撞聾好似唔俾我吔坐咁。再同佢講我係食放題，佢就話張檯係5人檯，嘩，原來卡位係專for單數人數我真係第1次聽呀哈哈。但明明隔離張同size嘅卡位檯坐得4個人。最尾楩係無卡位坐啦。坐低左15分鐘都無人拎碟俾我吔，連水都無杯。咁就問女侍應B叫佢拎碟來，但佢好唔醒，見我吔成檯咩都無都唔識拎wasabi來。結果要問女侍應C拎wasabi，但呢度幾乎每一個人做嘢都係聽完就算，問完wasabi咪又係走左去第二檯落單然後wasabi就不了了之。如是者又問笑笑口嘅男侍應D(呢個waiter要讚吓)終於俾到wasabi我吔。落左單好耐都未上菜，咁就催吓啦，個黑面神男侍應E黑哂面口(雖然可能係天生黑面)，但大佬呀同你講嘢你連應都唔應又唔講「幫你睇睇」之類嘅說話，我唔覺得被你吔serve緊囉。一路食一路見住啲侍應做嘢甩頭甩尾，基本上所有waiter都係敷衍緊食客。呢張檯嗰頭叫waiter拎紙巾，個waiter

刺身🐟同壽司🍣黎講三文魚尚可，但其他如北寄貝就唔太新鮮。但出奇既係放題竟然又有邊爐仔🍲打😮，而且配料超多，肥牛、肉類丸類、菜類等又幾新鮮，湯底都有三款簡，司令試既蕃茄🍅都不錯，加上飲品任飲、雀巢雪糕任食幫呢餐放題加返分。所以總括黎講，街坊小店質素還好🤔，眼見晚飯時間都唔少人。