富久保手打烏冬 (已結業)

星期日下午3:00要了什錦天婦羅飯+烏東$58,6粒章魚丸$23先食一粒"章魚丸",唔熱,個皮唔脆,淋滋滋,成pat粉漿咁,無咩料....講真,真係幾難食,個汁好似咸左d添.什錦天婦羅飯,果5,6件天婦羅全部都係淋架,唔熱架,料還料,粉還粉,真係好差.烏東叫做ok,不過都係硬左少少.全部食物都好似整定晒咁,唔熱,唔脆...=唔好食.

黎lei間食如果好彈牙同食烏冬自身麥味的話就必選冷烏冬不可單單一碗烏冬冷汁與一板時間合到好處的巑岐烏冬簡簡單單就能嘗出烏冬的真味道熱烏冬...小弟款款都試過不過都係無冷烏冬的獨特個性食起來好像無冷烏冬飽肚小弟例菜冷烏冬+16粒章魚丸

個頭夠大，不過味道只屬普通。入面有兩大粒章魚，可是其他部分很粘，又幾油膩，又改善空間。另外，如果落些椰菜碎於章魚粒混合，既能豐富其口味，又可以降低油膩度，還更健康~加分位是醬的分量夠足，對口重的我就比較合適。不過mustard味欠奉，應該提供適當芥末膏，任食客自行選擇。還是日之船的略勝一籌。牛肉手打烏冬就沒有吃，不過朋友話還不錯。

好少正餐會係food court食, 但見手打烏冬好馳名, 所以都係要黎一食, 可惜都係期望過高, 有點失望.八爪魚丸三粒+ 手打烏冬餐$48先講八爪魚丸, 全部都係整定晒既, 凍晒, 唔香皮唔脆唔好食之餘, 內裡既蛋漿都係麻麻, 無咩味. 唯一係粒八爪魚肉幾大粒下lor.期待以久既烏冬, 每條烏冬都好長, 都煙un 有咬口, 不過硬身左少少, 比預期既差左d...唔知冷烏冬d質素係咪會好d呢?點都好$48一個餐, 份量唔多, 唔算抵食lor.

去開city super 多數都會去富久保係佢的烏冬佢的烏冬真係唔錯雖然係貴左d 不過我見個到的人多數都係食富久保加10蚊就可以加3粒八爪魚丸不過佢個汁有d酸我就唔係好中意啦但係d野食熱辣辣真係"all姨思"呢~

尋晚去海港城食野,嘩!真係好多好多人!大部分係一家大細,難搵到個位,快快搵食...睇勻成個場,都係覺得富久保最吸引,本來覺得貴,想食平的,但係最後都受唔住誘惑,叫左個關東煮套餐($55),有烏冬,關東煮,腐皮壽司,茶,再加$10要左三粒燒墨魚丸,由於人多,都等左一會兒...個烏冬十分十分好味,真係同出面唔同,口感佳,唔硬又唔過淋,湯底夠味,食完令人覺得咁貴都抵果隻!碗關東煮比較差(可能我食唔慣...),有隻蛋,有蕃薯,另外果的唔知係乜,而果條好似獅子狗但係又變左啡色的東西,就煮到淋晒,唔係咁好食!腐皮壽司大大件,味道一般,唔油,都叫抵食!燒墨魚丸就好正喇!又有燒汁,又有沙律醬,熱辣辣,但係好好味又易入口,個外皮好似好滑咁,總之食得過啦!

2007年11月04日，富久保。與另一半到海港城找吃的，選了富久保。叫了兩個套餐。1．烏冬、Oden （關東煮）、炸腐皮壽司、茶烏冬是此店招牌食品，也算不差，關東煮也可以了。但壽司飯就太不濟了，爛“bet bet”。2．滑蛋炸豬扒飯、Takoyaki(八爪魚燒) 、茶，另加10元買了碗魚肉籮蔔八爪魚燒，不能說好好食，但可以頂下癮啦，但可能豬扒和飯不是強項，這個滑蛋炸豬扒飯又係好唔得。另外，個魚肉籮蔔魚肉真係超難食。平心而論，以這樣的價錢，個set算很抵食。（只要不選飯類）

第一次係朋友推介的食左一個set: 燒鯖魚飯+烏冬,還不錯呀不過魚就腥左d第2次食,嘩.......個漬菜係好咸又唔好食O既魚餅+白蘿蔔,個滑蛋豬排飯麻麻地啦,個章魚丸唔得,好腍......D烏冬好味O既,下次都係食烏冬比較安全!

I always go to city super to have lunch, but I never try their food, but everyone said is good, so I order 炸朱扒cold 烏冬既set, at first, I would like to say I like there rice more then the cold 烏冬, the rice is very taste and this set is very big, I think I can share with the other people as well. I think I will try 朱扒soup 烏冬既set lunch in next time, I really think the rice is good.

之前o係呢度睇過食評介紹呢度,價錢唔算貴,又好似幾好食,所以我就o黎試o下啦兩個人share一份滑旦豬扒飯凍烏東set加三粒章魚丸個set有一碗仔蘿蔔,幾林幾甜,但不算話好好味,可能係我自己唔算鐘意食蘿蔔啦滑旦豬扒飯,細細碗,有幾塊海帶,味道都算ok,但略嫌唔夠熱凍烏東, 果然係麻麻地夠凍,反而d醬油仲凍,點埋o黎食就夠凍啦, 烏東係夠彈牙o既,但略嫌硬左少少整體來說,o係foodcourt可以食到手打烏凍,價錢又唔係貴,算係一個值得一試的地方,推介~~

黎食係因為open rice對佢既comment幾好.黎到男朋友叫左個炸朱扒湯烏冬既set.個羅白我覺得幾好味.清甜!小丸子熱既.但味道十分普通.日之船好味d.炸朱扒都係普通.我覺得60蚊可以食到好d既.烏冬亦普通.食得出係手打.但赤丸好味過佢又平過佢.無特別都唔會再食啦.

剛剛看完了電影『烏冬廚神』主人與奴隸獸已經飢腸轆轆，好想食讚崎手打烏冬，記起了尖沙咀的富久保，決定去光顧，我們各點了一份：冷烏冬配滑蛋豬扒飯定食（HK$63）＋燒八爪魚球（3顆HK$10）長長的烏冬煙、彈牙、爽滑，可惜醬汁不夠濃郁，使烏冬的味道有點兒失色，但仍然好味。白蘿蔔鮮甜，如果有多D就好啦！燒八爪魚球不糊口，配上日式燒汁及沙律醬，非常美味。最使人失望的是滑蛋豬扒飯，吉列豬扒無肉汁及不脆，蛋炒得過了火候，不滑，飯無飯香。下次再去光顧時只食烏冬及燒八爪魚球算了。

至從在日本嚐過速食店150 yen的冷烏冬後就深深的愛上了那種感覺可惜在香港..就算多貴的地方…總是找不到那種味道直至昨晚來到此店就在Food court的一間小店就點了一個冷烏冬久違了的口感一條長長的手打烏冬浸在混合了蔥粒..薑蓉跟白芝麻的冷麵汁裡..咮一聲的把烏冬送到口中..再慢慢..慢慢..的咀嚼…聽著口中情不自禁發出的吱吱聲…就是這種煙韌的口感!終於找到了…..難得的是...面對著這樣齋的烏冬..老公似乎也吃得很開心呢…也許是冰冰的關係吧..很美好的一餐

每逢0黎呢度食手打烏冬，都會令我想起同老公係日本朝早食既"朝食" (早餐)0既美好回憶...雖然個FOODCOURT仲有好多選擇，不過我0既選擇始終都係呢間店舖，因為係香港真係好難食得返正宗烏冬lu...可以的話，好想份量可以加多些少，因為對於我呢個"麵癡"0黎講實在未能滿足呢~

昨晚與友人來food court,我就選了淨冷烏冬,見証吓手打烏冬的質素入口是煙靭,有彈性,不過好似欠咗少少柔軟。伴住烏冬是1小碗日式醬油,芝麻,薑蓉,蔥花,我將之撈埋1齊。結果是薑味最搶,對它的醬油比較失望因只有鹹味(非過鹹,適中),沒有鮮甜味,令味道變得單調