容記小菜王

營業中

休息中

個日咁岩約朋友食飯話想食小炒，就去左比較就腳既容記叫左特價既叉燒，鍾意食半肥瘦既就岩哂，叉燒一d都唔乾，好juicy仲叫左燒腩仔同洗衣機蒜香骨，個蒜香骨非常淋，但比較重口味，送飯一流呢間小炒值得再去

每月飯聚今次黎到太子容記小菜皇霓虹燈招牌夠晒大個好容易就搵到啦🤣🍽揚名國際燒肉$98見到個餐牌寫到好巴閉咁緊係即刻叫份試試燒肉肥瘦層次分明 脆口鬆化唔會太油膩又唔會覺得太乾真係好考師傅d功力米芝蓮指南推介果然係名不虛傳👍👍👍🍽蜜汁叉燒王$68 (例)半肥瘦叉燒 燒到鎖住d肉汁😛例牌黎講有幾抵食夾大件🍽容記第一咀$88🐙又係招牌菜之一炸漿夠薄 炸到黃金脆卜卜墨魚咀夠彈牙有咬口🍽黃金鮮魷$118🦑呢個就要扣少少分🤏🏼咸蛋黃香就夠哂香不過略嫌佢炸完落鑊炒得唔夠乾身 變相有d濕 唔脆🍽上湯焗波士頓龍蝦伊麵底$188🦞龍蝦啖啖肉 夠彈牙伊麵底索晒啲龍蝦既鮮甜味同上湯😋💬總括來講，食物質素同環境都唔錯四個人都食到好滿足咁捧住個肚走🤰🏽🤣

🔺容記小菜王 (太子)為搬新屋準備，成日都要來來回回旺角太子，行到累勁肚餓見到超大霓虹燈招牌，見好耐都冇食中菜就上阻去試下😊🔻蜜椒薯角牛柳粒（$168)必嗌‼️牛柳粒唔un,淋得黎有咬口，但我覺得呢道菜薯角先係主角，我係咁食😂粒粒薯角好淋身，外面巴住蜜糖同黑椒，甜甜地好自然一舊接一舊🤤🔻揚名國際燒肉（$98)見佢個名咁把炮，於是嗌左份細既黎試下，佢個皮真係脆卜卜，而且肥瘦適中，但個乳豬醬同芥茉同出面果d 味唔同，就唔係好岩我口味lu~🔻海蜇拼鴨舌（$68)海蜇爽口入味，鴨舌食落有酒香，好淋好入味，份量再多少少更好😍🔻黃金鮮魷（$118)呢個對比起上面果d 就爭dd,鹹蛋黃唔夠重味，個皮淋阻d, 但念在舊魷魚夠大舊都可以啦。總結：環境同一般酒樓晚市差唔多氣氛好好，食物整體上都唔錯，平日都爆爆地場真係好少見～

餐廳位置係近太子地鐵站，一到晚飯時間就已經好多人，所以真係要預早book位呀！揚名國際燒肉 呢款係入圍米芝蓮嘅燒肉，原來都唔係得個名㗎，燒肉半肥瘦程度啱啱好， 入口油脂感十足， 肉質絕對唔乾，而且層外皮都好夠脆皮， 係一碟幾高分嘅燒肉，嚟呢度都值得一試嘅👍 容記第一嘴呢個“第一嘴”係講緊墨魚咀，呢道酥炸墨魚咀係用咗炸蒜一齊炒， 相當惹味，食下食下就好快食曬成碟😂 蜜椒薯角牛柳粒呢道菜都幾有驚喜，用嚟送飯真係一流，牛柳粒係兩個人嘅份量，我鍾意佢有黑椒同蜜糖甜味，配埋薯角一齊炒，真係冇得輸！

90s👦🐥情侶吃貨|😚飲食著數|🇭🇰hkfoodie🍽️(👦)自稱三星米芝蓮食評家(🐥)自稱拉麵沾麵專家👉 主打不專業食評🍽️👉 快閃飲食著數🤑____________👉 不專業食評🍽️.【揚名國際燒肉 / 細Size】 HK$98【蜜椒薯角牛柳粒】HK$168【容記第一咀】HK$88【金沙脆蝦球】HK$128.(👦) 餐廳行中菜茶樓路線，同時又加入大排檔小菜係menu之中，用以滿足唔同客人需要😂😂 當日🧒去到都需要等一陣位，樓上2樓做堂食，非常闊落。.今次👦🐥都點左幾款餐廳招牌食物😆😆 👦最中意既係店鋪招牌容記第一咀同金沙脆蝦球😍😍 價錢非常親民而且份量都算多！上枱既時候熱辣辣，食物係即叫即整👍👍 .👦食呢個容記第一咀覺得炸漿夠薄，墨魚咀新鮮彈牙有咬口，而且灑上椒鹽調味，所以勁香口同惹味，整體乾身唔會太油，👦推介😋😋 至於金沙脆蝦球CP值同樣幾高，蝦肉大隻彈牙，外表沾滿咸蛋黃炒到起沙，均勻咁包住蝦球，整體唔會炒得太乾身，調味亦非常恰到好處，唔會偏咸😋😋 其實餐廳菜式都幾多下，加上親民既價錢，每款即叫即整熱辣辣上枱係加d分😂😂.👦總分評價：⭐⭐⭐(3/5)--- 食物：⭐⭐⭐⭐(4/5)--

之前搭車成日經過容記小炒王，見到大大個霓虹燈招牌，想試好耐了，今晚約埋爸爸媽媽一齊去試吓呢間小炒王先。◭ 脆皮燒肉 $98外皮非常脆嘅燒肉，燒肉好似塔塔層，肉同油脂分布平均，作為餐前小食係不錯的◭ 海鮮濃湯雜菜煲 $108海鮮有桂花蚌、海蝦；菜就有娃娃菜、西蘭花、菜心、白菜仔，材料好豐富，湯底好濃郁又鮮甜◭ 金沙脆蝦球 $128炸至黃金色脆蝦球，蝦球表面沾滿鹹蛋黃碎，蝦球外皮好香脆，蝦肉仲好彈牙👍🏻◭ 海皇撈粉絲 $88粉絲好足料，每條粉絲都帶點鮮味，加上又有蝦乾仔調味，令到成個粉絲更香濃如果大家唔想食飯類或者粉麵類，可以點海皇撈粉絲，份量相對輕盈，唔洗食到咁飽，留肚試埋其他菜式🤣◭ 鐵板原條茄子 $88呢個有驚喜🤣真係原條茄子上架茄子上面仲有木魚碎，加埋燒汁，味道有少少偏日式，茄子表皮微脆，食落好香口容記小炒王小菜款式繁多，下次再去試埋其他先😛

食開家常便飯有時都想轉下口味食d酒家物品嚐到既小菜及獲氣，上網見呢開容記小菜王既評價都唔錯就趁今日早放早少少黎到慢慢食，唔洗同人迫。淮山杞子燉螺頭湯以原個燉盅盛上，打開後嗅到陣陣香味。燉湯清晰唔會過油膩，而且湯料好足。湯料有原隻雞腳，瘦肉，螺頭，淮山及杞子，味道濃郁香甜飲完十分舒服。避風塘瀨尿蝦肉拆開晒既瀨尿蝦肉最啱我呢d懶人食用。瀨尿蝦肉炸得酥香唔油膩，外層脆口而內裏瀨尿蝦肉又彈牙。瀨尿蝦肉鮮甜而且帶住蝦羔，甘香濃厚。避風塘蒜粒香口，再加上少少辣椒帶點香辣感更惹味。上濃加拿大龍蝦配伊麵底龍蝦分割後爆和再加入上湯再煮香，上湯加上龍蝦後變得鮮甜又香。伊麵吸汁力強既特性𠮨收左龍蝦既蝦香而變得更惹味。龍蝦肉質好爽身又帶有嚼勁唔會霉 。

食得多西餐都有時會掛住中菜,尤其係同好耐無見既朋友食飯我都會偏好擇中菜為主,因為可以慢慢食慢慢傾.今次同朋友黎到呢間容記小菜王個名就聽得多但食就第一次食,今次食完之後整體既印象都相當好！濃湯手打魚腐浸勝瓜魚湯呈奶白色,入口帶一陣鹹鮮香味但又唔會帶腥味.勝瓜唔會煮得過份腍,入口仍帶有點爽脆口感.勝瓜好清甜而且吸湯力強,一咬就溢出湯汁.魚腐同樣吸湯,內裏魚肉香滑惹味.帶有爽脆既木耳增加層次感.上濃加拿大龍蝦配伊麵底既叫即製,上枱既時候新鮮熱辣辣.第一眼見到即刻雙眼發光！經上湯燴過既龍蝦及伊麵色澤鮮明,而且龍蝦望落相當飽滿雪白.龍蝦肉結實鮮甜而且相當有彈性.龍蝦肉給經上湯燴過後味道更香濃.底下伊麵唔會煮得過腍,夾起都唔會斷開,伊麵吸晒上湯及龍蝦既鮮味,變得好入味.

- 紅酒燴牛尾🐮 $148呢個煲入面有牛尾🐮紅蘿蔔🥕同洋蔥🧅牛尾大概有6/7件😉煮到好入味🤤夠哂淋 牛味都濃😋紅蘿蔔超淋甜 真係有入口即溶嘅感覺 不過太少 得2舊細細既😌不過可能汁唔係好夠 所以洋蔥就冇乜掛到汁🤔不過都炒到好香 好惹味🤤- 海鮮濃湯雜菜煲🥗 $108有時會覺得叫雜菜煲好似好唔抵咁🤔剩係得成煲菜 但係喺呢度絕對唔會！湯底都好清甜 相信冇乜落味精😚裏面好多海鮮 有象拔蚌 帶子 鮮蝦等等等等🤤而菜嘅種類都好多☺️有菜心 白菜仔 西蘭花 生菜等等等等😆z仲有好多唔同種類既菇🤤成個煲面都係嘅粉絲 可想而知呢個煲嘅份量有幾大😋得我哋兩個完全食唔曬🥲不過略嫌啲菜煲得耐咗少少 有啲淋冇乜咬口🤔佢哋嘅海鮮同埋燒鵝都好出名☺️仲有容哥第一嘴😂即係炸墨魚咀🤤如果多人一齊食嘅話都可以試下 果然食中菜都係多啲人一齊食好食啲🥲可以試多啲嘢整體來講餐廳食物質素唔錯 價錢喺米芝連蓮裏面真係叫得上貼地之最👍🏻有時同一大班朋友食飯唔一定要cafe既 食下中菜 飲下啤酒都唔錯！😝

容記小菜王📍九龍太子道西123號地舖精緻小食菜單上分為此幾類：-至尊燒味-砂鍋系列-推介小菜-生猛海鮮健康有營之選-滋補強身湯羹👉🏻涼拌手撕雞$68有海蜇、青瓜、手撕雞伴碟上亦都有一個酸酸地嘅汁凍凍地都幾好味做前菜頭盤一流👉🏻海皇撈粉絲$88椰菜、粉絲、蝦米叫咗一個白飯一齊食啱啱好👉🏻容記第一嘴$88比較出名的小菜炸墨魚咀拎嚟送啤酒一流新鮮炸上熱辣辣👉🏻米之蓮子推介名菜揚明國際燒肉$98細$168大呢一味餸冇叫但係非常出名剛剛好三餸一飯計埋小菜茶介$300都唔使算係幾抵食一家大細嚟食都啱啱好大家上嚟食之前最好預先訂位7:30左右已經全場爆滿而兩人坐卡位非常寬闊有位置望到街景茶樓內亦附有免費Wi-Fi另收+1服務費1730至2230堂食茶介每位$10酸菜或雲耳每碟$15一至四人計一碟五至八人計兩碟九人以上計三碟溫馨提示：近lift 的卡位會比較安靜內面的座位會比較嘈吵大家可因應個人需要而選擇座位附近有幾部電視機觀賞另外仲會有提供紙巾和濕紙巾仲有要記得帶外套因為冷氣都比較大咁餐廳位置非常近地鐵站步行只需1分鐘外賣仲會有85折添亦有盤菜可選擇美味指數：⭐️⭐️⭐️⭐️環境指數：⭐️⭐️⭐⭐️服務態度：⭐️⭐️

太子就腳抵食小菜-容記小菜王涼拌手撕雞💰$68手撕雞幾有咬口😬容記第一嘴💰$88呢個係最surprised嘅🙆🏻‍♀️因為之前出過去食其他舖頭嘅墨魚咀都係好難咬得開😂不過呢度嘅墨魚咀超級爽脆😎最啱餸酒🥂😂扙絲鳳梨咕嚕肉💰$88本身諗住呢個價錢份量唔會特別多😹但係每樣餸加埋其實份量都算幾大✋🏻而且味道亦都不錯👏🏻👍🏻海鮮濃湯雜菜煲💰$108本身想健康啲見佢又幾抵食所以先叫🤔呢個價錢都好多海鮮😶不過我就覺得比較淡同埋湯頭偏油🤥🉐店員超級有禮貌🤪而且冷氣好夠(坐耐左其實都有啲凍🥶)啱晒同屋企人平平哋食下中菜🤪性價比都幾高🙆🏻‍♀️

今日去開太子嗰邊行街，聽朋友講開太子有一間酒樓，燒肉非常之出名，攞個米芝蓮，我為朋友好鍾意食燒肉，於是我哋就揀咗呢間酒樓。間酒樓要搭lift上另一層先去到，幾得意，裝修上同普通酒樓差唔多，坐得幾舒服，可以慢慢同朋友傾偈食嘢。上湯波士頓龍蝦 $188 (伊麵底，芝士加$20）波士頓龍蝦份量好大，龍蝦肉嘅份量非常足夠，呢個價錢食到咁大隻龍蝦真係好抵，最正嘅係個醬汁，個芝士醬汁唔會太過濃味，調味啱啱好，撈埋伊麵一齊食仲正。龍蝦肉啖啖肉好正，龍蝦味好足，食得出幾新鮮。揚名國際燒肉 $98 燒肉係呢間酒樓最出名嘅食物啦，所以嚟得呢間酒樓食嘢嘅人都會嗌一份燒肉，燒肉嘅皮燒得鬆脆，燒肉唔會太過鹹，有埋芥末同甜醬一齊食，成個燒肉好好食，撈飯一流。蜜汁叉燒皇 $68/例個燒肉做得咁出色嘅時候，梗係試埋佢其他嘅燒味啦。於是帶咗個叉燒嚟試一試，叉燒嘅蜜糖味好足，做到有少少燶邊嘅感覺，叉燒就比較肥，唔鍾意食咁肥嘅朋友可以嗌返瘦啲嘅叉燒。

前幾日專程同朋友黎左呢間容記小菜王食呢到獲得米芝蓮推介嘅燒肉。揚名國際燒肉-細 $98不愧係米芝蓮推介嘅燒肉，肉味香濃，層脆皮非常之脆，肥瘦相間，肉質鬆化，食落油而不膩，正。兩個人食細size啱啱好啦。蜜汁叉燒王 $68原本好似都要一百蚊左右，但晚市優惠$68就有啦，抵。呢度嘅叉燒算係或者半肥瘦叉燒，但食落又唔會覺得太油膩，肉味香濃，食完齒頰留香。濃湯海味雜菜煲 $108我最鍾意食菜，所以叫返個雜菜煲先。有好多海鮮，好足料，爽口彈牙。蔬菜嘅種類都唔少，包括西蘭花、菜心、白菜仔等等。配埋味道清新香濃嘅湯底，送飯一流，感覺又健康。

👏🏻在九龍區，說是以小菜聞名的食肆，不得不提「容記小菜王」，這間以味道及價錢大眾化而著名的老店！👨‍👩‍👦‍👦這裡比傳統大排檔乾淨衛生，提供很多港式地道大牌檔菜式，而且座位闊落舒適，適合三五知己聚會，人多就可以試多點菜式嘛！🏆揚名國際燒肉（$98）店員大力推薦的就是他們家獨創的招牌燒肉。一肥一瘦的間層，不過最好吃的還是最外層的酥脆豬皮。另外還提供乳豬醬和芥末醬，Nicole覺得原汁原味是最好吃的。 🥢豉椒炒花甲（$88）花甲肉肥美饱满，将酱汁吸得透透的，而且入口鮮甜，略嫌冷氣太大影響溫度。🦐海皇撈粉絲（$88）百吃不膩的撈粉絲，口感乾爽厚實，配料也很「到位」，粉絲裡面加了小蝦米提鮮，吃起來不油膩，分量也大得很真誠。

🍖揚名國際燒肉 $98 (細) ✔️皮脆肉嫩微暖✔️肥瘦肉比例恰到好處😻✔️口感滑滑地，唔會太乾身✔️油脂香口又唔會太咸，送飯一流👍🏻👍🏻必點推介🦑容記第一嘴 $88✔️好大粒墨魚✔️炸得香口、欣賞佢唔會太厚粉✔️新鮮彈牙有咬口✔️份量好大方🤩👍🏻👍🏻必點推介🐚豉椒炒蜆$88✔️好大隻蜆，勁飽滿✔️新鮮、冇乜沙🤩🤩✔️份量大、食到唔停口👍🏻Overall: 有個醋木耳前菜，不論service坐置都friendly ，坐喺大玻璃隔離望住太子街景😇Igable:8/10Taste:8.5/10Worth revisiting: 8/10