宴．鐡板燒 (蔡氏大廈)

營業中

休息中

📍宴．鐡板燒 (亨環‧天后) (天后)天后電氣道54號亨環‧天后24樓🌸環境🌸係24/F 可以睇到維港夜景同銅鑼灣維園景色🔻1. 季節前菜（3款)馬糞海膽 湯葉 清新你嘅味蕾✨沖繩縣水雲 靜岡縣蕃茄 酸酸味味開胃 螢光魷魚麵豉醬 濃味嘅爆汁 內外夾攻🔻2. 季節刺身（2款）拖羅真鯛 ✨白松露油 所以唔使豉油同Wasabi兩者本身都已經夠入口即溶，再加上農鄉嘅白松露油更加帶出嗰種香味同魚油嘅鮮味🔻3. 燒右口魚邊身金槍魚腩手卷✨用燒香嘅鱈魚片做底，咁就唔會有好似紫菜咁樣會林。燃燒香碟魚嘅油就會流落啲飯度令到整體更加香，上面嘅拖羅帶嚟嗰種層次感嘅享受，由於影條曬命，所以都係可以唔使囉豉油同Wasabi🔻4. 漬物✨用糖水浸嘅沖繩苦瓜 走咗好多苦味 帶回甘牛蒡🔻5. 帆立貝配鮮海苔✨燒北海道帶子係鮮海苔湯 上面有魚子旁邊既都食得，用沙律豉油🔻6. 鐵板銀鱈魚✨燒銀鱈魚 魚皮分開上 首先單獨食 然後再食銀鱈魚 成隻碟嘅所有嘢都食得🔻7. 澳洲龍蝦✨半隻龍蝦 用龍蝦膏做個汁 師傅話如果嫌太濃味嘅話，可以逐啲逐啲咁加啲檸檬汁上去。不過我個人覺得好求，所以唔需要。🔻8. 宮崎和牛（厚燒 或 薄燒）✨

🎉終於有機會可以黎到位於天后•亨環頂樓既「宴 • 鐵板燒」，呢度可以望哂灣仔、中環同埋尖沙咀一帶海景🌊今次一於決定試下佢地既Lunch Special Meal套餐($448)😙兩個人就可以試哂唔同款式♡季節前菜螢光魷魚係Gavin媽最愛既日本料理季節前菜，魷魚經師傅特別炮製過，口感彈牙鮮嫩軟腍🥹♡季節刺身▶系撚鯛◀比較清淡既鯛魚，味道更鮮甜，肉質結實有彈性😚配搭師傅炮製既蘿蔔辣椒汁，味道反而唔算辣，完全食唔到辣既我都接受到▶油甘魚腩◀食落更充滿水份，入口即溶🤤就算配埋師自家製既洋蔥紫蘇葉汁一齊食，都唔會影響鮮味♡是日精選壽司▶池魚◀肉質緊實而爽口，略帶啲啲油香～味道比較鮮甜😌▶黑目魚◀肉質細緻又好味，第一次食✨有驚喜!!!♡沙巴虎蝦呢個真心不得了，蝦肉非常爽口彈牙，醬汁係由師傅將蝦膏慢慢烹煮而成既，非常惹味！係完全充分利用哂成隻蝦製作而成🦐♡帆立貝配解海苔大大粒新鮮帆立貝鮮甜爽，鋪上滿滿三文魚子，配上師傅自家製海苔調味好特別啊😙♡美國頂級牛肉牛肉可以揀厚燒或者薄燒🥩今次餐廳店員比哂兩款我地試，薄燒配埋師傅自家製既蒜～好香呀😌厚燒都好有口感，我地order左五成熟，岩岩好♡香煎鵝肝配藍

每次想揀返間餐廳chill下既時候，第一時間都會諗起去食鐵板燒，我鍾意鐵板燒嘅視覺加嗅覺享受，而且食材都會有一定水準。所以每次想犒賞自己辛勤工作既日子都會考慮左食鐵板燒先。今次是天后嘅呢間宴 鐵板燒，其實係因為之前都去過佢哋同集團嘅瀧宴，覺得水準好高，跟住留意到呢邊嘅宴 喺餐牌上邊有少少嘅改動，加上呢度可以睇到日落，所以決定過泥試下！首先上左前菜，用左爽甜既日本白粟米配一粒螺肉，師父已經好貼心咁拮起左粒漬煮既螺肉！跟住一人一隻日本生蠔，配左啲類似柑橘啫喱係的確帶出到生蠔既鮮味同時可以突顯到生蠔既creamy之後有季節刺身同埋一份手卷，今次我唔食魚生，師傅亦都安排咗全部火炙處理俾我，逼出咗魚油更加香。手卷嗰度用咗漢字金黃香脆嘅鱈魚乾取代一般嘅紫菜，好有新鮮感！之後師傅俾咗今日嘅食材我哋打卡～整體都好有光澤，睇落好新鮮❤️同時亦都俾咗一個醃漬物拼盤俾我哋鮮膩，當中我特別推介山藥同埋沖繩苦瓜🤣首先上咗帆立貝配海苔高湯帆立貝生熟到控制得剛剛好突顯咗師傅嘅功架，而且我特別想稱讚上面嘅三文魚籽，師傅話特別醃製過，所以更加鮮甜，而且唔會過咸，口感亦都係好彈L彈L咁😝沙巴虎蝦大虎蝦用咗牛油黑椒同埋鹽去煎

今日同朋友嚟咗景色醉人位於亨環.天后24樓嘅宴. 鐵板燒吃了一頓豐富嘅午餐。食得好開心同埋滿意。鐵板燒師傅好細心咁向我哋解說每一道菜嘅來源同埋烹調方法，用料上乘，性價比高，味道一流！前菜係兵庫縣嘅螢光魷魚，師傅用日本麵豉醬烹調，冰冰凍凍，口感特別又清新。我們好欣賞佢嘅刺身，係真鯛和油甘魚，好鮮甜美味！尤其真鯛掃上了一層薄薄嘅白松露汁，而且灑上一片片雪白嘅真雪鹽，齒頰留香🥰。壽司就係用上左深海池魚同埋小池魚，兩款壽司，口感各有不同，別具風味！廚師用沙巴虎蝦頭的膏造成一個美味嘅醬汁跟蝦肉一起烹調，真係好鮮甜，好好味！蝦肉係比較爽嘅，可以同啲蝦膏汁一齊食或者分開食，吃出不同嘅層次。香煎鵝肝拌藍莓醬係一個令我比較印象深刻而且特別欣賞嘅菜式。香煎嘅鵝肝醬跟多士一起食，配以黑醋藍莓汁，熱熱的好夾味。擺盤嘅黑豆精美，黑豆係用日本甘露煮嘅，煙煙韌韌，好特別。巧手廚師嘅烹調下，吃到美味新鮮又精心配搭嘅菜式，加上餐廳嘅環境舒適，景色怡人，我們今天享受了一頓很豐富嘅午餐😍🥂

Mon 18th May good day to dine細個喺天后長大，而家偶然都會入呢區食嘢。每 次嚟都覺得佢變咗一次天，新舊香港嘅大熔爐。地鐵A1出口直行3分鐘，呢個building 對我嚟講係「新」嘅，入口、left lobby、left 細細，觀光lift一直上到頂樓。加少少幻想就去咗東京咁。佢有個細細balcony，我早到咗少少到，可以喺嗰度睇住日落，都幾chill。佢哋啲地方食嘢就係可以唔使點諗，摸吓個銀包有幾多錢，然後隨便點個大中細餐，Chef 隨便問吓你有乜嘢敏感？唔食？然後就可以躺平等食。回味重點：- 生蠔。鮮甜爽口大隻+啫喱汁冇得輸。- 唔記得乜嘢魚生片。口感好Firm、味帶清甜。- 帶子。鐵板燒+帶住個 鮮海苔 魚湯 上，做得好。其他嗰10樣8樣嘢水準都幾好。

久違嘅鐵板燒，係為咗見外國返來嘅朋友，今次特登由大西北大長征，出到去天后食🫣環境估唔到係大廈最頂樓，對住成個維港景，仲有日落睇😳超靚！餐牌有唔同價位嘅Omakase，今日我地食Dinner Lobster and Beef Set $1680！ 季節前菜（3款） 分別係蕃茄水雲、海膽腐皮、螢光魷魚。水雲又可以叫做海髮菜，係昆布同屬褐藻類，食落有啲似蒟蒻麵嘅質感，配蕃茄酸酸甜甜咁幾開胃；腐皮本身又係淡口味，用海膽做配搭就可以更突出奇鮮明；螢光魷魚口感些少煙韌。 季節刺身（2款） 左邊係深海池魚，入口質感爽脆，右面就係燒過嘅吞拿魚腩，近乎入口即化，燒過表面降低油膩度。 燒左口魚邊身金槍魚腩手卷 吞拿魚蓉、左口魚，以魷魚脆片代替一般用海苔做手卷好特別，已經調好味，就咁食就得，魷魚脆片甜甜地同吞拿魚蓉、左口魚又幾夾。 帆立貝配鮮海苔 三文魚籽係師傅自己醃製，煎香兩邊嘅剌身級帆立貝，配木魚清湯及新鮮海苔，三樣一齊食，本身新鮮海苔嘅咸香令木魚清湯更鮮香，亦可夾側邊嘅雞冠草解油膩。 鐵板銀鱈魚 無用立鱗燒嘅方式，而係煎脆魚皮插係上面銀鱈魚，銀鱈魚好嫩滑，亦有魚油滲出。 澳洲龍蝦 主角之一澳洲龍

之前已在銅鑼灣店食過同好友慶生，環境舒適，食物品質超高好新鮮！因為蛋糕牌遺留左，店家亦馬上幫我們準備好細心今次係天后店再食質素一如往常既好，師傅亦特意幫我地準備菜式（因有朋友不吃生吃）臨時告知都幫我們馬上更換！不怕麻煩又一個超級細心位加分而且環境亦非常好，各位師傅都好nice，一行友人都認為食物超正！已經再介紹左比朋友，下次會再光顧！

千辛萬苦，終於比我book到呢間餐廳。位置真係好方便，而且如果唔係坐吧枱嘅話真係望到銅鑼灣嘅夜景。兩個人都叫咗- 宴 Diner Special Set。前菜有鮟鱇魚乾多士同埋螢光魷魚配腐竹。前者如果未好豐富，食落去會漿住個口，魚味濃郁。後者師傅話已經加咗少少豉油同埋Wasabi佢調味，所以一口牛落去嘅時候豆腐味好濃，再配上螢光魷魚就有少少鹹鹹地。刺身有鯛魚配上淡雪鹽，自己好鍾意呢個配搭，因為真係帶得出魚嘅鮮甜。北海道真蠔，同係日本食嘅一樣，新鮮肥美就不特止，仲配上citrus jelly，成啖食晒落口最正。燒右口魚邊身金䱽魚腩手卷: 唔知點解好多日本舖頭都會將紫菜變成鱈魚乾，師傅話為咗再脆啲，同埋驚紫菜淋左會唔好食。呢款完全唔需要點任何醬油已經好好食。整體味道好夾。其他師傅拎咗佢哋自己醃製嘅食物，有紫蘇葉醃蘿蔔，醃苦瓜，沙葛，白蘿蔔柚子蜜漬同牛蒡。自己係好鍾意漬物嘅，師傅好巧妙地，用上紫蘇葉加蘿蔔，配搭好好！而且自己唔食苦瓜，但係呢個完全接受到。最後我哋兩個清晒成疊😂鐵板燒有-帶子配海苔湯: 煎得香，再加上自己醃製嘅三文魚子，口感豐富，因為用料新鮮，所以每一啖三文魚子都好脆，卜卜聲。

剛剛過了無數的死線。趁著這週末比較有空，特別相約好友到天后吃鐵板燒。雖然不是經常吃鐵板燒，但卻對這情有獨鍾-坐在吧檯前吃廚師新鮮弄好的食物，互相交流飲食心得，機會真的難得。 宴．鐡板燒位於天后電氣道，從地鐵站出發不用5分鐘便到，地點尚算方便。我們一行二人叫了鐵板燒套餐一起分享。 季節刺身(⭐⭐⭐⭐💢) 精選刺身盛包括了油甘魚魚腩和紅衫魚。魚肉輕輕用火槍燒過。油脂感不太重吃起來爽口。 精選壽司(⭐⭐⭐⭐💢) 精選壽司一點也不馬虎，是師傅現場手製的，事先已經調好味，不用配搭任何額外調味。油甘魚鮮甜可口，黑龍魚油脂感十足。 沙巴虎蝦(⭐⭐⭐⭐⭐) 海蝦一向是鐵板燒的經典菜式。師傅純熟的三兩下手勢便把海蝦起肉拆件，光是看這表演便值回票價。味道方面，蝦肉結實彈牙，簡單的配上香濃蝦膏特製的醬汁。已經吃得出海蝦的鮮味。 帆立貝配鮮海苔(⭐⭐⭐⭐⭐) 這個日本帆立貝肥大而且肉厚。師父不是煎得太熟，吃起來還有點嫩口，配合特製微微行的海苔醬，更能減少油膩感。三文魚籽鮮甜可口，有點睛作用。 香煎鵝肝伴藍梅醬(⭐⭐⭐⭐⭐) 鵝肝十分肥美，煎得外脆內軟，入口即溶。配上特別烹調的酸汁，感覺清新而且中和了油膩覺，十

星期四黎到天后站附近食Omakase，大廈地下入口好高級，好似去左酒店咁，呢間餐廳喺最頂層👍🏻餐廳有吧枱&一張四人梳化枱，有個露台可以比你出去打卡影相，都算有大海景😆🌊Dinner Set有幾款比你揀，我地決定食$1380嘅，如果唔想食set，都可以單點😄季節前菜（北海道白粟米🌽、靜岡番茄🍅配沖繩菇、水雲）：白粟米好甜，水雲好特別，未見過有餐廳賣🤣北海道真蠔🦪配柚子啫喱：隻蠔好大隻🤩 啫喱好清甜，幫你消化隻蠔！季節刺身（油甘魚、超級（中）拖羅）：好厚切😍完全零筋！！一咬即斷😋燒右口魚邊身金槍魚腩手卷：最底係燒過嘅薄脆餅，同魚肉魚蓉意外地好夾！！食完刺身部分，廚師serve左份漬物（有酸瓜、苦瓜、牛蒡、紅甘蘿蔔、白蘿蔔、山藥）比我地，for一陣鐵板燒，如果覺得油膩可清下個口🥰帆立貝配鮮海苔、雞骨草：師傅話用左自家醃製嘅三文魚子，冇咁鹹，較甜；帆立貝煎得肉質好好、充實彈牙、一咬陣味出晒黎🤤🤩 你唔會喺屋企整到；個海苔木魚清湯好飲；雞骨草會比個柚子醬汁你點，酸酸地好fresh食唔停口🤪沙巴虎蝦、配雞骨草：沙巴蝦膏配炒蝦，好惹味！有三舊，其中可以試吓唧🍋汁，試吓加埋酸味～鵝肝配藍莓醬、黑醋醬、

好耐無食鐵板燒，今日黎到天后試下依間宴·鐵板燒。佢係一幢幾新嘅大廈最高層，上到去有無敵大海景！當然鐵板燒都唔少得望住廚師準備食物嘅bar 枱，我同朋友就係坐依枱。叫左兩個宴lunch set HKD448/set，宜家做緊有85折優惠。食物有以下：季節前菜：係一個炸左嘅魚，配酸酸地嘅沙律菜一齊食幾好味，胃口大增！季節刺身（兩款）：分別有油甘魚同真鯛，材料好新鮮，好爽口，真鯛加左白松露油，口感滑同埋幾香，幾特別既食法。本週精選壽司（兩款）：分別有深海池魚同左口魚裙邊，我本身都好鐘意後者，左口魚裙邊油脂超豐富，好正！跟住廚師比左四款泡菜我地食，都幾有驚喜，每款有唔同既味道，而且好爽脆。沙巴虎蝦/帆立貝配鮮海苔（二選一）：我同朋友要咗呢兩款大家交換試吓，首先賣相好靚，我比較推薦帆立貝配上海苔嘅湯同埋魚子，好鮮味。香煎鵝肝伴藍莓醬：又係好靚嘅擺盤，鵝肝好厚，煎得啱啱好入邊好嫩，黑豆都好特別好好味！美國牛柳（厚燒/薄燒）：我哋要咗五成熟，厚燒嗰個都幾嫩，不過我比較欣賞薄燒，入邊仲有啲炸蒜配料，口感一流。鐵板炒飯配海帶麵豉湯：櫻花蝦炒得好香好足料咁擺喺飯上面，令到成個飯口感提升。麵豉湯配料都好多。

第二次在 open Rice 寫食評，香港的日本餐廳真的愈來愈不滯，收費昂貴不在話下，竟然去到一個高消費 0 享受的地步，昨晚朋友生日，訂了這家日本小店餐廳，以為跟朋友可以吃一頓精緻的晚飯，人均消費在open Rice 未 85 折扣前是 $1688.00/位，但整晚給現場嘈吵的氣氛令到我們3人完全不知道吃了的食物是什麼味道，首先訂枱是19：15 - 19：30，但最後因為有3位食客霸佔了我們的位置，餐廳竟然用了25分鐘才可以請他們讓回位置出來給我們，我們足足在露台吹風吹了 25分鐘，已一肚氣，誰不知好戲在後頭，昨晚有些熟客訂了一部份位慶祝生日，但這班熟客整晚高聲說話不特止，當中還含有粗口字眼，字眼還一次比一次粗俗，完全無視還有幾位客戶在吃飯，這小店只有 14-15 個位置，面積已不大，所以說話大聲一點，聲音已很響，最後發現原來這家小店辟了一些地方作為卡拉ok 房，又有一個小露台抽煙用，來到一家高收費餐廳，但要承受這些烏煙瘴氣的環境，那倒不如直接到酒吧更適合，但不管怎樣，如果當晚是明知有這些客戶群，餐廳是不是不應該接其他散客？應該要求她們包場才對，而不是任由她們嘈吵，去影響其他客人吃飯

餐廳好近維園，係天后美食嘅集中地入邊，好易搵。環境正正常常，有少少海景睇。今晚有三個師傅，所以啲嘢食都唔使等好耐。師傅都好耐心咁樣介紹唔同嘅菜式👍🏻 刺身都好新鮮虎皮乾海膽、鮟鱇魚魚缸+多士新鮮香甜👍🏻日本真蠔配橘子啫喱新鮮肥美飽滿👍🏻超拖羅（油份重，冇筋）、鯛魚（有淡雪鹽調味）吞拿魚壽司10分有驚喜，味道好豐富燒帶子海帶湯、配雞官草沙巴虎蝦幾彈牙鵝肝黑醋黑豆黑醋有啲太多會偏鹹美國牛柳（厚燒+薄燒）雙拼，牛肉幾靚薄燒會包住啲蔥花口感豐富之後仲有黑松露蟹肉炒飯、炒菜、甜品十分飽肚又好味隔離食客生日仲有特別菜式！（唔講出嚟等大家自己去試）工藝超好！生日大家更加要去食！淨係睇佢整個都好滿足😂

天后電氣道其實都幾多嘢食，有好多大廈，朋友之前介紹呢間鐵板燒就係某一棟大廈嘅頂樓餐廳，落地玻璃見到海景，夜晚食住鐵板燒睇香港夜景，餐廳環境優美，整體食物質素都唔錯！叫咗一個鐵板餐食物都好豐富！前菜：靜岡蕃茄配白松露芝麻多士，靜岡蕃茄好鮮甜。刺身包括：首先上咗一隻北海道真蠔，生蠔上面配上青檸橘子啫喱，感覺更加清新。其他魚類嘅刺身包括：油甘魚腩，松露油淡雪鹽鯛魚刺身，師傅建議先食油甘魚腩，由淡至濃咁食，喜歡淡雪鹽嘅質感，好似雪花一樣，帶有鹹味但係又唔會影響魚身嘅肉質本身嘅口感。手卷：有別於一般手卷，用上鱈魚魚乾做底，壽司飯面鋪上炙燒碟魚同 吞拿魚蓉，加上香蔥芝麻豉油已經調味好，整體口感好豐富。贈送鐵板燒前菜，除咗蒜頭，其他醃製前菜都係自家製，個人特別喜歡醃製苦瓜，唔會苦而且好清新。鐵板燒部份包括有：燒龍蝦。用蝦膏做醬汁，令到龍蝦更加鮮甜，如果想清新啲可以加檸檬汁。另外有啲雞冠草沙律，附上柚子沙律醬汁，點雞冠草沙律食用。 另外有鐵板燒鵝肝，配麵包同埋黑醋汁，鵝肝煎得啱啱好，外面有少少焦香，裏面仲好軟熟，充滿鵝肝魚油香，食完鵝肝食兩粒黑豆，解膩。鐵板厚燒薄燒牛肉，先食原汁原味，繼而再點岩鹽蒜片

去左一間望到海景的鐵板燒餐廳食飯，環境好靚，餐具都好金碧輝煌🤭完全係我嘅菜🤫1️⃣季節前菜白松露鮟鱇魚肝多士吃起來口感濃郁鮮香，滑亂細緻。2️⃣季節刺身油甘魚味道鮮甜，每口都充斥魚油香氣；真鯛味道淡雅又帶點甘甜，再配白松露油及淡雪鹽更令其味道到另一個層次😋3️⃣精選壽司深海池魚腩帶有豐厚的油脂，肥美而不膩口；而赤身即口感柔韌清爽且有回甘🍣4️⃣自家醃製的漬物沙葛｜青瓜｜白蘿蔔｜日本紅色蘿蔔｜苦瓜🔸最欣賞苦瓜有回甘味冇苦味，食到尾有淡淡柚子清香；🔹而紅色蘿蔔本身就甜甜地，師傅加入紫蘇葉一齊醃製，味道幾清新👍🏻🔸極少餐廳會用沙葛做漬物，因為我都係第一次食😛口感好爽甜😋5️⃣沙巴虎蝦 🦐肉質新鮮彈牙，而醬汁即用蝦頭蝦膏炒過再淋上蝦身，增添惹味😋6️⃣帆立貝·自家醃製三文魚籽·鮮海藻大大粒帆立貝啖啖肉，配上三文魚籽更突顯鮮味。7️⃣香煎鵝肝伴藍梅醬鵝肝十分肥美食完口腔充滿油脂香味😌師傅話食完就可以食兩粒黑豆，因為可以吸番油脂，而質地較粉又甜甜地～so good🫡8️⃣美國牛柳🐮薄燒牛柳包左蔥蒜，不用點醬汁都好夠味👍🏻而厚切牛柳肉質好腍，我中意沾少少粉粉岩鹽可以提升肉味，而我朋友就中意配蒜片一齊食😋9️⃣櫻花蝦炒飯配麵豉湯炒飯炒到