影片
港鐵天后站 A2 出口, 步行約2分鐘
繼續閱讀
電話號碼
23326200
67906894 (WhatsApp)
開飯介紹
這日式鐵板燒餐廳供應不同價位的廚師發辦，價錢豐儉由人。餐廳裝潢結合西、日式風格，可眺望維港景色；若坐在吧檯更可近距離觀賞師傅製作菜式，增加視覺享受。
繼續閱讀
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
影片
相片
香煎鵝肝伴自家制醬汁
野生生猛龍蝦
+6.7K
+149
食家推介
今晚黎左呢間可以望住維景嘅鐵板燒餐廳食飯，我哋坐係Bar枱前，可以望住大廚烹製食物。汁煮南非鮑魚已經切好左一小塊，入口好淋好入味。季節刺身三款廚師有介紹食邊款的先後次序，三款都好新鮮肥美，特別係油甘魚。金鎗魚腩手卷一啖入口啖啖金鎗魚腩碎，好滿足。海鮮茶碗蒸上枱熱辣辣，個蛋蒸到好滑🥰🥰燒龍蝦已經切好左一口的啖啖龍蝦肉，個調味做得剛剛好，如果想清新啲仲可以jit啲檸檬汁。香煎鵝肝伴自家制醬汁佢個鵝肝煎到外層有少少焦脆，入面仲好軟身juicy，調味剛剛好，唔使點個醋汁已經好好食，好肥美。日本宮崎和牛叫左五成熟，入口即溶，牛肉味又夠濃郁，可以夾埋食的配菜都好多，特別中意佢個Wasabi海帶，可以中和返個油膩感。西班牙黑毛豬估唔到呢個幾有驚喜，有肉汁得黎又好淋👍👍煙肉香蒜炒飯炒飯粒粒分明，加上個唔係死咸的煙肉，好食。炒什菜正常是日甜品抹茶布丁抹茶味都幾夠呢度環境幾好，食完個身都唔會有油煙味，職員服務態度都好好，特別係個大廚，會介紹每一款食材☺️☺️
繼續閱讀
無意間見到呢個午巿價惠，假期都用到，加埋一都只係三百零仲諗緊會唔會有伏，努力爬文有圖有真相，試完覺得非常滿意，服務真係100分不論係廚師定店員，食物方面係物超所值，本身諗住叫龍蝦鮑魚餐，點知老人家當天狀態麻麻，又唔想no show，所以今次小試牛刀，下次要再嚟食豪D！ ⚜️日式鐵板燒午市套餐 $280⚜️＝＝＝＝＝＝＝＝＝＝＝＝🥢季節前菜 - 合桃小女子⭐️⭐️⭐️⭐️合桃加上白芝麻香脆可口，魚仔軟腍好味。🥢南非鮑魚⭐️⭐️⭐️⭐️鮑魚切薄片易入口，口感軟熟老人家都容易食到，蘸旁邊嘅秘製明太子醬一齊食更見惹味。🥢香煎鵝肝伴自家制醬汁 (另加 $70)⭐️⭐️⭐️⭐️鵝肝外脆內軟，油脂非常豐富，厚度大約有1cm，好滿足好想再追加多件。🥢美國頂級牛肉⭐️⭐️⭐️⭐️揀咗5成熟厚切牛肉，入口即化，肉味重油脂香。🥢鹿兒島櫻花蝦炒飯⭐️⭐️⭐️⭐️黃金炒飯炒得好靚好乾身，每啖飯都食到炒香咗嘅櫻花蝦，好味。🥢麵豉湯⭐️⭐️⭐️夠熱辣香濃。🥢炒雜菜⭐️⭐️⭐️賣點係碟邊嘅秘製醬料，唔辣但咸香，配椰菜食一流。🥢是日精選甜品 - 冰粉⭐️⭐️⭐️口感似啫喱嫩滑爽口，加葡萄汁可以彌補冰粉嘅味道不足。 三人共消費 : $1185
繼續閱讀
今日朋友帶我去天后一間超靚嘅海景鐵板燒餐廳🌅我仲親眼目睹日落，天空變得紅紅嘅，真係靚到無得輸，景色好震撼🌄呢個海景鐵板燒真係唔可以錯過，無論食物質素定係景色都超級正，強烈推薦大家試下🥳✨自家製醬汁煮南非鮑魚鮑魚肉質鮮嫩，咬落去彈牙，配上特製醬汁，味道香濃。✨刺身太高魚：肉質滑嫩，鮮味十足。油甘魚：質地細膩，油脂分佈均勻。真鯛：肉質鮮美，口感清爽，味道極品。✨金槍魚腩手卷金槍魚腩肥美，肉質柔軟，口感層次豐富。✨海鮮茶碗蒸茶碗蒸滑得如絲，裡面有多種海鮮。✨季節吸物湯頭鮮美，飲落去暖心。✨野生生猛龍蝦龍蝦肉質鮮甜，口感彈牙，烤得香氣四溢。✨香煎鵝肝伴自家制醬汁鵝肝煎得完美，外脆內嫩。✨日本宮崎和牛肉質極品，咬落去即化，油脂分佈均衡。✨煙肉香蒜炒飯炒飯粒粒分明，煙肉香氣撲鼻，香蒜味道提升整體，真係好味到冇得頂。✨炒什菜菜色新鮮，炒得好味，保持住蔬菜的脆感。✨甜品抹茶布甸：口感滑順，綠茶味道淡雅。Chocolate Mochi：外皮Q彈，裡面包住濃郁嘅巧克力餡。
繼續閱讀
望住維港景食鐵板燒 唔一定係好貴㗎喺天后嘅 Tasting Menu promotion只係$280🍴仲可以優惠價追加刺身/鵝肝等ꕥ 前菜開胃嘅冷盤合桃魚仔 醎醎香香幾惹味 加咗合桃口感豐富🥗ꕥ 季節刺身三款(+$98)真鯛肉質細緻 味道清新 帶有甘甜味🐟池魚肥美 油脂夠厚 質感爽脆 油甘魚淡淡甘甜 滿滿魚油香氣💕ꕥ 南非鮑魚配明太子醬嘅鮑魚 呢個配搭好新穎~鮑魚簡單以牛油黑椒調味 夠鮮 點埋明太子醬 帶啲醎香令味道再有所提升⤴️ꕥ 香煎鵝肝拌自家製醬汁(+$70)鵝肝油香十足 一啖入口好有滿足感 配意大利黑醋同柑肉可以輕輕清解油膩🍊ꕥ 美國頂級牛肉厚燒嘅三件牛肉🐂揀咗5成熟 軟嫩程度perfect 點少少鹽令牛味更突出 蒜嘅愛好者一定要加埋蒜片ꕥ 鹿兒島櫻花蝦炒飯師傅落櫻花蝦毫不留手😂拌勻後每一啖都有唔少嘅櫻花蝦 飯炒得粒粒分明 乾身不油膩最後就有麵豉湯/炒雜菜同巨峰提子啫喱做甜品作結🍨
繼續閱讀
宴、鐵板燒餐廳位於港島天后區一座大廈頂層,整個維多利亞海港進入眼簾,在餐廳可以望著個維港景食高質鐵板燒,係一個最佳約會的好地方,服務員招呼熱誠有禮。季節前菜前菜是合桃小女子,有黃菊花瓣作點綴,合桃配有芝麻和魚乾仔,食落香脆美味。季節刺身三款三點有油甘魚,深海池魚,真雕,新鮮的刺身非常肥美,入口即溶又鮮甜。南非鮑魚配有明太子醬,海草,黃菊花瓣,鮑魚鎅花厚切,口感爽彈,點埋明太子醬增加鮑魚鮮味。香煎鵝肝伴自家制醬汁香煎鵝肝油脂豐腴,不肥膩,口感外脆内軟,肉香四溢,再點自家製醬汁帶酸微甜,中和鵝肝的脂腻。美國頂級牛肉廚師煎牛肉煎至外皮微微焦香,內裹肉質粉嫩,油香肉滑,肉味濃,仍保持多汁。鹿兒島櫻花蝦炒飯炒飯夠乾身,粒粒分明,櫻花蝦份量都不少,櫻花蝦食落香脆帶有鹹香味。麵豉湯熱辣辣上桌,不太鹹,足料,熱飲好暖胃。炒什菜什菜有芽菜,香蔥,紅蘿蔔絲和椰菜,配有自家製醬料,不辣,有鹹香味。是日精選甜品甜品是冰粉,質感似啫喱滑捋捋,加入左葡萄汁幾好味。
繼續閱讀