宏鮨芯 (已搬遷) 新店位置

上網見到屯門有間新開咗幾個月嘅日本菜「宏鮨芯浜燒料理」，新張期間午餐有八折優惠，就約埋朋友嚟食午餐🇯🇵鮨芯特級丼🍣刺身丼非常豐盛，有三文魚、鯛魚、帶子、吞拿魚蓉、海膽、牡丹蝦等，賣相好吸引🤩咁多款刺身入面，最喜歡就係牡丹蝦，牡丹蝦非常甘甜，肉質細膩，味道一流😋三文魚醬油漬丼🍣朋友叫咗三文魚醬油漬丼，賣相同樣吸引，三文魚炙燒過後嘅油光閃令令✨見到每片三文魚都幾厚，以往食過嘅三文魚醬油漬淨係得依度嘅一半厚度🙈正因為佢係厚切三文魚，朋友話炙燒過後三文魚都依然肥美，唔會完全熟晒👍朋友一開始有啲擔心冇咩野啱食，因為刺身方面佢淨係會食三文魚，好彩單係午餐餐牌嘅選擇就已經好多，有丼飯、咖喱、拉麵、壽司、刺身等，基本上都一定會揀到鍾意嘅食物👌整體嚟講，八折後$100多啲就食到海膽、牡丹蝦依啲貴價食材，幾抵食😎

今日經過見到屯門仁愛堂街開咗間新嘅日本菜餐廳 八卦望下佢個餐牌有咩食 發現選擇非常多 大致圍繞日式料理/浜燒…價錢都算親民 而且新開張期間全日免加一服務費 決定光顧一試店內裝修簡約 給我的感覺是乾淨/整齊/光猛 枱與枱之間闊落 樓底夠高 在這裏用餐很舒適 沒有侷促感今日點咗四樣嘢 壽司午市套餐，生蠔 ，浜燒帆立貝及焗花蟹花甲…我相信鍾意食日本嘢或者鍾意食海鮮嘅朋友仔一定會鍾意這間餐廳 餐廳選用的食材非常新鮮 而且烹調得相當美味限定推介 北海道生蠔兩隻就讓美味的生蠔作為頭盤吧 即叫即開 非常新鮮 蠔肉夠肥美 裙邊爽脆 開蠔的師傅 技術很好呢 沒有半點蠔碎 配以日式的酸汁 充滿日式風味浜燒活日本帆立貝充滿牛油的香味 帆立貝拿捏生熟程度剛剛好 肉質依然鮮嫩非常 簡單的烹調沒有遮蓋海鮮的鮮味 這裏的浜燒不錯 重點係海鮮夠新鮮蒜蓉焗花蟹花甲 一打開錫紙香味馬上撲鼻而來 海鮮和蒜蓉的味道非常之夾 花蟹多膏鮮甜 蟹膏甘香又滑 肉質紮實 花甲肥美沒有沙 精髓在於金菇之中 吸收曬海鮮的精華 好吃極了另外這裏的麵豉湯也下了功夫呢 味道出奇的鮮味 原來是放了花甲烹調的 難怪這麼好喝！

屯門開咗間浜燒/日式料理餐廳 餐廳門口對出就係錶位停車場 泊車好方便 今日食過佢嘅午餐 食物質素和服務態度都很好 使我留下深刻印象餐廳有落地大玻璃 外面嘅陽光可以照射到店內 感覺光猛 氣氛和諧 店內設有開放式廚房 可以和廚師來一個親密的互動午餐選擇很多呢 有日式刺身丼飯/拉麵/定食/浜燒 新開張優惠全部午市套餐都有八折優惠 而且沒有加一服務費 超抵食壽司午餐$98三文魚兩件 油甘魚兩件 劍魚腩兩件 真鯛兩件 蟹子軍艦兩件 蛋卷三件 仲有凍豆腐及麵豉湯這個壽司午市套餐 一共有六款款式之多 整體全部壽司是高質素的 魚生沒有雪藏味 很新鮮 很鮮甜壽司體積大小適中 起碼上面嘅魚生大過嚿飯 咁樣先食得夠開心唔小心整跌咗嚿蟹子壽司 啲蟹子跌曬出嚟㖭... 不過我真係想讚下餐廳 完全冇將價就貨 非常闊綽大方 蟹子多到滿瀉北海道魚生丼$108丼飯包括了三文魚 三文魚籽 帆立貝 甜蝦。 魚生多到見唔到下面嘅飯 完全覆蓋了 非常豐盛 先說說賣相 顏色七彩繽紛 刺身光澤亮麗 一看便知非常新鮮 食落鮮甜無比 甜蝦充滿膠質 既彈牙又爽口 帆立貝鮮嫩軟熟 入口軟綿綿的有大量的三文魚子拌飯 魚子的鹹鮮味 是整個飯

呢晚黎到屯門仁愛堂街搵到呢間宏鮨芯浜燒料理，店員好熱情咁帶我同朋友入座內在環境相當寬敞，佈置亦相當有居酒屋feel 🏮店員知道天氣轉涼，馬上為我地遞上熱茶同餐牌事不宜遲啦，以下為小妹既心水菜色：宏蟹噌甲羅燒嘩！大大舊蟹膏，配上脆卜卜蟹籽，加埋邪惡滑溜既鵪鶉蛋，經廚師現場用大火網燒10分鐘左右，三種食材完美混合於一體最後燒到溫熱既蟹膏汁加上蔥花,配合燒到乾身脆脆既餐包片一齊食用，呢個高級日式多士就完成啦蟹膏汁好重蟹膏鮮味仲咬到蟹籽粒粒既口感tim 提提大家食甲羅燒記得要襯熱食呀，唔係凍左就會出腥味就唔好味啦！味淋魚干（燒鳥盛合）燒到金黃色既魚干本身既味淋味十分出色，就咁食已經好正，當然配埋蛋黃醬就更香啦串燒盤（燒鳥盛合）由和牛粒、牛舌串、雞腎串、雞軟骨串、燒青椒仔組成既串燒盤，肉類全部都燒得岩岩好，唔會太乾，keep住少少油脂既肉汁無得輸，而且醃得夠入味鹽燒油甘魚鮫（燒鳥盛合）魚皮燒得靚仔，估唔到食落口好香鹽香味，魚鮫肉質keep住滑嫩呢晚既浜燒體驗真係令小妹十分surprise 一次過食哂平時自己燒唔到既日式燒物，仲要咁好味😋入黎屯門食好野又一個好選擇

屯門新開了一間日本料理小店, 喜歡吃刺身的我, 見到lunch價錢蠻相宜, 抽個空來吃豐富的海鮮丼午餐吧。環境環境明淨, 光線充足, 店員服務殷勤。日本花竹蝦花竹蝦十分巨大, 香氣迫人, 拆剝後, 發覺蝦燒得剛好, 熟度適中, 令蝦隻口感爽彈又不會老, 肉質緊實新鮮, 鮮甜迷人。麵豉湯還有鮮蜆, 誠意十足。鮨芯特級丼包括是日精選的五款刺身, 及額外有海膽、牡丹蝦, 是日刺身有金線鯛、鰤魚、真鯛、劍魚腩、三文魚籽, 因為海膽賣完, 所以送了吞拿魚蓉和多一片金線鯛。 金線鯛烤過後帶少許焦香味, 魚味更突出, 亦帶甜味, 口味獨特, 我曾在高級日本料理店吃過, 這裡品質相當, 而各款刺身亦比我想像中更新鮮, 肉質帶甜味又有魚香, 牡丹蝦已拆殼啖啖肉, 蝦肉鮮爽, 三文魚籽我也很欣賞, 它的鮮甜味大於鹹味, 品質比很多店優勝。屯門區要吃海鮮丼, 不像外面多選擇, 很高興有一間日本料理店有真正靚刺身, lunch更十分抵食, 以後有多一個選擇了。

今日黎到屯門行aeon，咁到咁上下肚餓，朋友就帶左我黎呢間「宏鮨芯」，食日本浜燒料理。除左浜燒，呢到都有其他日本野食，刺身壽司個啲。但既然呢到主打浜燒，緊係要試一試！我地叫左個 燒鳥組合 同埋宏蟹噌甲羅燒。甲羅燒，師傅係我地面前燒，睇住蟹膏、鵪鶉蛋慢慢融為一體，燒既時候都勁香！配上同樣都係岩岩燒到卜卜脆熱辣辣既多士，好正！甲羅燒好香，好燶蟹香味，不過真係要趁熱食，凍左就會開始腥。魚干配蛋黃醬，魚干燒得黎唔會好乾，食落少少軟身，好有咬口。油甘魚鮫，好入味，魚肉夠晒鹽香味，魚鮫呢啲位最吸引就係夠晒嫩滑。正呀！薩摩雞全翼，話就話全翼，但其實已經好細心咁將全翼分做細份，唔洗自己拆骨咁狼狽，秘製醬汁亦好入味，咸咸地唔錯。串燒組合，有和牛粒、牛舌串、雞軟骨、雞腎、青椒仔。值得一提係個和牛粒，好出色！和牛粒好多汁，望上去已經見到，食落果然無失望，好重牛味，而且好軟身唔會燒到過熟，好似係日本黑門市場食咁，無誇張，搞到我又想去日本啦！！最後埋單300幾，幾抵食，推廌燒鳥盛合！

中午揸車泊喺屯門仁愛堂街停車場，見到有間新開嘅日本料理宏鰭芯浜燒料理，試吓先餐牌上都好多選擇，我2個人就叫咗個新張優惠嘅角切魚生丼，同豚肉生薑燒定食，店員，其實我估係老闆嚟㗎，好好態度，介紹咗我食一個宏蟹噌甲羅燒，即管試吓角切魚生丼好足料，好多餸有三文魚，油甘魚，連海膽都有，識落仲要係樣樣新鮮嘅，魚生夠肥美，一啲都唔馬虎，尤其是海膽，幾鮮甜之後係豚肉生薑燒定食，比起其他日本料理，呢一間嗰個生薑味好出，好正，因為呢個餸好多時淨係食到甜味，佢個麵豉湯好值得一提，特別鮮甜，入邊仲有蜆，唔係一般嘅味精湯之後就到店長推介甲羅燒，原來呢個先係好嘢，我之前未食過，好香蟹膏味，滿滿的，我問佢原來係連埋鵪鶉蛋蟹子一齊整，真心推介佢會配多兩塊麵包俾你，食落冇咁漏最後有杯凍檸茶，食日本料理都有得飲，非常好，價錢親民食物又有水準服務又好，下次再嚟

今晚朋友生日本身諗住去何福堂附近打冷，點知俾間新開舖頭吸引住，係間浜燒料理，原本以為要出香港九龍先有得食，原來屯門都有，應該係屯門第一間，咁就同朋友商量入去試試，入到去環境都唔錯，枱與枱之間相隔都寬闊，晚餐時間都坐左七成滿，再留意下原來有幾個魚缸養滿活花竹蝦，龍蝦，鮑魚，帆立貝，螺…真係好專業。我地急不及待點左刺身拼盤，日本生蠔，浜燒套餐…見到師傅即場係魚缸撈上來，真係好新鮮，最重要係店員幫我地燒埋，唔使自己動手，唔同海鮮都用唔同醬汁，真係夠專業，全部都好鮮甜，正!!估唔到屯門都有咁質素，而且價錢唔貴，屯門價錢可以食到香港九龍質素，下次會再黎，晤使再出去出面先食到浜燒。👍🏻👍🏻

難得屯門有浜燒， 上次食過又好食，趁住朋友生日緊係黎多轉啦～ 不過，上次試左浜燒二人前，今次試新野— 宏鮨芯二人前～ 有刺身、生蠔， 味鮮，唔錯唔錯～ 個鵝肝同羊鞍就真係正喇， 又香又好味😋😋， 不過最愛都係個蟹蓋（另加，好似叫甲羅燒？）， 蟹糕搽面包🥯， 滋味到呢😋😋😋最後跟個鰻魚炒飯， 雖然都好味，但兩個人真係食唔晒😅.....

今日同友人經過屯門，見到間新開試業既浜燒海鮮諗住入去試下。 雖然試業中，但餐廳都有8成滿座，環境唔錯，檯同檯之間都有足夠距離。憶我感覺店內唔會有太大陣燒烤餘氣。 第一次黎唔知食咩好就叫左個二人海鮮套餐，店員話套餐係根據是日最新鮮既海鮮而定，即每日會有啲唔同。今日我地個set就有鮑魚、聖子、扇貝、花竹蝦，另外就加左甲羅燒同刺身仲有份牛扒。 上菜速度都好快，先食海鮮。值得一讚既係有店員會幫你燒埋，唔洗驚自己唔識燒燒唔熟。海鮮方面聖子有驚喜，肉質係彈口既，同鮑魚個質感都燒得好好食，同行友人就大讚個扇貝好jusic，整體係滿意既。 刺身方面，對海膽特別有印象，無壓味，係鮮甜既,其他刺身我都有點佢個帶有檸檬既醬汁，同平時我地點開既wasabi+日式鼓油唔同，淡淡地更清新，更食到刺身既鮮味。 食到呢到我們已經好飽，但身為食肉獸份牛扒點可以放過。牛扒份量滿意，食落口牛油既香味都比較重，無咩筋，但我地實在太飽，唔係好食得哂。 總結今餐都好滿意，希望鋪頭日後可以繼續keep住呢個水準，係值得一試既餐廳👍🏻