宏鮨芯 (已搬遷) 新店位置

最近喺屯門仁愛堂附近新開左間日本餐廳，見到有好少見嘅浜燒食同埋價錢合理，就入咗去試試！餐廳環境都幾大坐落好舒服，走簡約工業風，好啱一班朋友過嚟食。浜燒午餐定食 首先要讚吓浜燒真係好抵食，98蚊午餐仲唔使加一。海鮮有得三選一，我就揀咗甲羅燒同埋帆立貝，帆立貝燒得啱啱好唔會過乾仲落咗好多牛油食落好香口。甲羅燒d蟹膏好creamy，一d都唔醒。日式炒飯都幾大碗，送蟹膏一流！配菜都唔馬虎，麵豉湯有落到花甲，飲落好鮮。另外沙律菜都好新鮮識落係爽脆嘅而且會有胡麻醬料，食落好開胃。極上壽司定食加迷你烏冬 壽司定食係八件刺身壽司加三件卷物，好欣賞佢嗰個火炙三文魚，食落魚油好充足好肥美，另外带子都好新鮮，切得好厚啖啖肉好滿足！

我地laalaafood終於衝出九龍😆今次特登藉住去搵好耐冇見嘅朋友去左屯門搵食!!見到呢間餐廳嘅評價都唔錯就揀左佢食晚餐😋.🌟明太子炒飯 ($128)炒飯嘅份量充足 同friend兩個人share先食得晒飯入面食到有帶子粒同埋蟹籽 而且飯粒分明炒飯仲附上蒲燒汁🍚撈埋落啲飯到就啱啱好 令到炒飯更加惹味.🌟迷你三文魚籽親子丼 ($108)三文魚同魚籽都新鮮魚同飯嘅比例啱啱好 飯亦都唔會太乾呢個組合令人食唔停口 係經典嘅三文魚丼👍🏻.🌟Sapporo啤酒 ($32)夜晚就梗係啤一啤🍻 今次我地揀左枝裝嘅日本啤酒餐廳除左啤酒之外 仲有柚子酒同清酒等等 好多選擇.店員嘅服務態度好好 會留意住顧客嘅需要 又不停幫我哋refill茶🍵上啤酒嘅時候亦幫我哋倒埋入玻璃杯 真係好細心而且座位亦都好寬敞 係好寫意嘅用餐體驗☺️

宏鮨芯 日本Omakase 餐廳是日午餐🥣 浜燒午餐（包括: 甲羅燒+帆立貝+花竹蝦）任選兩款 配日式炒飯 + 花甲麵豉湯、辣三文魚丼 浜燒午餐（$98）：我叫左帆立貝+花竹蝦。賣相好好，花竹蝦同燒帆立貝都好香、鮮甜燒帆立貝好香牛油味另外，日式炒飯係即炒，炒得好香、飯粒炒得乾身若放少少帆立貝嘅牛油汁落啲炒飯到食，都係好好味架花甲麵豉湯就清清地，飲完成身暖哂辣三文魚丼（$88）：三文魚夠多，個汁都好野味，唔需要落任何醬油去食每一個餐都會配一個小沙律🥗、花甲麵豉湯飲品：凍檸茶 少冰 、 凍奶茶 少甜 (凍飲+$2)環境方面: 地方寬敞、舒服、有不少日式燈籠🏮枱櫈較大，因為方便客人享用Omakase午餐唔需要加一服務費浜燒午餐同辣三文魚丼值得一試！仲有服務態度非常好

睇價錢好似覺得食放題任食仲好啦，但質素呢樣真係冇得比，贏幾條街，而且新鮮好食店舖都幾大，所以食材都是新鮮運到，食得開心舒服😌今次點了二人宏。浜燒二人前$488，再追加下面$238先上花甲面鼓湯，有2隻花甲，味道鮮甜角切刺身和風沙律🥗超鍾意佢落個隻醋😍帶甜味，非常開胃，岀面其他醋我麻麻地菜類很fresh 🥗三文魚🍣劍魚腩、章紅共4件厚切🤩十分新鮮時令生蠔🦪單叫 $68 2隻，呢隻生蠔偏甜少少🤏即叫即開蟹噌甲羅燒每人一份，份量很多，而且蟹味很濃，岀面應該只有3/4份量，個人鍾意點麵包多於梳打餅🤩法包有先烘底，很香脆份量足夠佈滿兩大塊包席前燒南非鮑魚😍加入少少青酒燒，鮑魚很魚，肉質彈牙😊

今日約左朋友去屯門食晚飯，朋友想食清淡啲，於是去左呢間日本料理用膳。入到去環境寬敞，坐落去舒服，同埋服務員好貼心啊，如果有帶袋既女士們，佢地會比個箱裝住，咁就方便好多，抵讚！好啦，事不宜遲，即係睇下個餐單先。打開餐牌，有好多唔同各式各樣既美食，有沙律，卷物，刺身，飯，特飲等等。咁我地叫左一客沙律🥗，一碟燒魚同一碟炒飯！蟹籽沙律好食指數：10/10見到一黎就好大碟，沙律疊到好高咁，上面鋪滿成堆蟹籽，青瓜絲刨到好幼細，亦都好爽脆爽甜，蟹籽食落去脆卜卜，兩個好夠食，好抵。鹽燒鯖魚好食指數：10/10塊魚燒得岩岩好，熱辣辣，厚肉層層，魚皮燒到好香好脆，魚肉香滑唔「鞋」，再點啲檸檬汁同醬汁，鮮味十足。鰻魚炒飯好食指數：10/10最後一碟，可以講係精華所在，呢碟都等左好耐，珍珠米飯香粒粒，唔會太濕，又唔會太硬，煙煙韌韌，又索到啲醬汁又唔會淋晒，非常之高水準，再加上塊香滑鰻魚肉，好食到飛起，強烈推薦大家！整體來講，呢間餐廳質素好高，服務好又野食好，屯門或者區外友推薦大家過嚟食！

Lived in Tuen Mun for a long time, don’t know there is such a yummy and warm-welcoming Japanese restaurant here. Located out of Tuen Mun Town Plaza, the price is cheaper. So worth to give it a try. Just around $100/ person.It is well-known for 刺身，very fresh and the price is acceptable 😇We ordered a 定食 which included 烏冬，salad and yum soup. The size is big. What’s more?It includes 12 pieces of sushi 🍣!! So full and super fresh and yummmy 🤤 must ordered , $128 onlyOther is 豬軟骨烏冬～ salad included too

由於提早拜祭先人的關係，平日周五獨個兒返到屯門進餐，午餐時間想食餐豪華日本菜有個意外新選擇了!位於仁愛堂街鄰間屯門賽馬會的一間新小店，宏鮨芯餐廳內空間感非常足夠，簡約中份外衛生，是一個屯門友聚餐的好地方。餐牌滿多選擇: 刺身壽司、生蠔、魚生丼、燒物、甲羅燒等應有盡有。作為招牌是日式浜燒料理小店，晚市燒海鮮就更加吸引。午餐拉麵定食烏冬都有十幾款，本想食個招牌鮨芯特級丼，但睇燒三文魚嘅相已經流口水，所以二話不說叫了$88這個超值丼。=̶霜燒三文魚醬油漬丼=̶ $88推介:⭐️⭐️⭐️⭐️⭐️套餐包括麵豉湯和前菜沙律，麵豉湯熱辣辣上檯，攪一攪裏面有兩隻花甲，濃郁美味。燒三文魚丼賣相吸引，每件三文魚切紋燒香，突顯其惹味油脂豐富的魚油香，加入蟹籽伴上日本珍珠米，回味無窮。=̶宏蟹噌甲羅燒=̶ $78推介:⭐️⭐️⭐️⭐️⭐️蟹膏份量十分充足，滿滿蟹膏味道濃郁，攪拌一下就知濃郁足料不馬虎，配上燒香的多士包，塗上一齊食，滋味蟹膏鹹香加上香脆口感特別美味。=̶油甘魚帆立貝壽司=̶$18+$28推介:⭐️⭐️⭐️⭐️⭐️新鮮即製每件壽司已加了少許芥末，油甘魚肥美鮮嫩厚切帆立貝滿意甜美，意想不到單叫質素不錯。暫時可以用隱世來形容的一間少有市中心日

今日去開屯門做野，順便約個住附近既朋友食飯～佢話早前經過見到呢間日本野好似幾吸引，我地一於黎試下啦！裝修都係好日本居酒屋feel,真係好掛住日本啊！呢間餐廳有廚師發板同埋散叫串燒/浜燒，亦都有壽司刺身既，咁我地每樣都叫d黎試下啦～首先有特選刺身盛盒$268 黎到已經心心眼啦，成個擺盤都好靚，有帶子，蝦刺身，三文魚幾款，都好新鮮，鮮甜！其中一款魚帶點柚子味，好fresh好好味～第二樣係叫左小食：一口炸雞$58，呢款炸雞一咬落去好juicy！岩岩炸好就上碟，所以熱辣辣又有肉汁流出，加埋面頭七味粉，好好食！朋友想食海膽，所以叫左一客海膽壽司$48，佢話好香海水味！海膽味好出，一食就知係靚野同好新鮮，真係超想encore~之後開始食熱食啦，先係一份清酒煮大蜆$78 蜆既份量都算多，用清酒煮係最夾既，帶出蜆既鮮甜同香味！我就好鐘意食甲羅燒，所以同朋友各叫左一款甲羅燒試下啦～有三文魚籽甲羅燒$88同宏蟹噌甲羅燒$78兩款！兩款都有蟹籽既，前者再多左三文魚籽加在內面姐～黎到已經撈好同煮熟左，配上幾片法包，好香蟹膏味！！就咁一大啖食同配面包都好食既！好好食！朋友仲有叫到一支啤酒飲，佢話黎到居酒屋點可以

今晚專程入黎屯門搵朋友食飯，佢話想食日本野，然後我地就搵到呢間係仁愛堂街既日本料理「宏鮨芯」試試先！呢度空間感都幾大，坐得唔會好逼，仲有個籃俾食客放袋添，服務周到！門面雖然標榜食浜燒料理，不過都有壽司刺身同埋送酒小食既！我地前菜就叫左一口炸雞，因為係岩岩炸出黎所以肉汁都仲keep到，而且雞皮同肉係連住左唔會散哂，上面仲落左七味粉更加香口，送酒真係一流啊！之後就到刺身盛合喇，刺身種類都好豐富，而且每樣都好新鮮，肉質方面都好細膩唔會有筋，食落口仲帶有陣陣魚既香甜味，值得一讚！另外我地仲叫左清酒煮大蜆，一黎到就已經聞到好濃郁既清酒味，所以事不宜遲即刻試下先。嗯～陣陣酒香帶出左大蜆既鮮味，蜆肉本身既鮮甜海水味同清酒果然係絕配！最後黎到試佢既甲羅燒喇，我地點左兩款分別係「三文魚籽甲羅燒」同埋「宏蟹噌甲羅燒」。兩款甲羅燒都充滿蟹膏，十分足料！搽落脆卜卜既多士度一齊食實在太正喇，燒香左既蟹肉鮮嫩無比，無得彈！

喺市中心邊緣位置，原來開咗間日本嘢，我哋就八卦入去試吓～餐廳座位好闊落，張枱又夠大～蟹子沙律，成座山咁高，撈埋沙律醬，好fresh!忌廉蟹肉餅，咬開有一絲絲蟹肉，而且好creamy, 唔錯！叫咗幾款壽司，中拖羅壽司，超肥美，食到成口都係油，好滿足～三文魚腩壽司，不過不失，幾新鮮，同埋都幾大塊。葱碎三文魚壽司，第一次試，平時都係蔥碎拖羅蓉嘅，變咗三文魚都幾特別，同葱味都幾夾！食返平時嘅葱碎拖羅蓉，正！劍魚腩同帆立貝手卷，兩款刺身都好新鮮，帆立貝好大粒，劍魚腩有好大塊，最特別嘅係無論壽司定手卷，入面都已經搽左Wasabi, 好懷舊嘅感覺。加多個鰻魚炒飯，個味道好特別，好似加咗啲鮑魚汁炒咁，鰻魚都好彈牙，不錯～

好人好事絕對要支持！o係fb 見到，呢間日式餐廳每日o既下午時份都會派飯俾附近d 長者，係良心企業~ 一於過o黎食個lunch，醫飽自己之餘，餐廳賺到錢自然又可以做更加多o既善事！午餐有成26 款丼飯、拉麵、刺身壽司定食揀，但係最eye-catching o既一定係浜燒午餐($98 無加一)，包兩款海鮮浜燒，另外再有湯、沙律同一個炒飯。浜燒做set lunch 真係好少見，之前食開都係散叫逐隻計……而家夾埋晒都唔使$100，感覺超抵！首先個面豉湯係有花甲，真材實料，飲落唔同外面得股死鹹o個d，反而係有種清甜o既味道。一小兜田園沙律，以胡麻醬調味。主角海鮮浜燒，三選二，揀o左甲羅燒同帆立貝。聞到好香燒貝殼燶燶地o既氣息，令人流晒口水……甲羅燒滿口蟹肉蟹膏o既精華，附以兩片烘麵包，塊多士本身都係熱熱的，可以搽得好厚大滿足！帆立貝亦好大隻，燒至全熟，好重牛油香，食落彈牙實淨。仲有碗日式炒飯，加入咖哩炒至黃黃的。我特登留番少少甲羅燒d 膏，用o黎送飯更覺高級~試埋佢d sashimi，寫o左一份甜蝦($68/5本)，實物非常吸引，估唔到我咁樣單點一份都有冰底，製作認真。d 蝦全部都粗身鮮甜，仍

午市黎到屯門市中心附近嘅日式餐廳，餐廳由係日本深造多年、有唔少係日式餐廳烹飪經驗嘅總廚操刀，除咗有午市套餐，仲有午市omakase，係刺身壽司愛好者嘅唔錯選擇。霜燒三文魚醬油漬丼($88)，附有花甲湯及沙律。一片片三文魚油脂豐富，又嫩又滑，燒過後更帶出一股油香味~ 旁邊仲有蟹籽、醃蘿蔔、薑片，一口三文魚一口粒粒分明嘅米飯，非常滿足！浜燒午餐($98)，可以從甲羅燒、帆立貝、花竹蝦中任選二款，我地揀咗甲羅燒同埋花竹蝦。蟹蓋上面鋪滿咗滿滿嘅蟹膏，味道濃郁，仲配上蒜蓉包，更加突顯蟹膏嘅鹹香味。花竹蝦肉質結實，味道鮮甜。日式炒飯金金黃黃，有粟米、蘿蔔等等，口感十足。套餐附送花甲湯同沙律。花甲湯非常清甜，沙律亦都好開胃，加錢可以加配飲品添。

收工同朋友起附近一間日本餐廳食飯，之前同屋企人食過，地方同環境都好闊落，所以係傾偈一流，同朋友聚餐嘅好地方！三文魚腩我最鍾意就係食三文魚腩，而呢間嘅三文魚腩係特別厚切，唔講咁多，即刻去圖！雞軟骨雞軟骨燒得外面香脆，入面肉質鮮美，送酒一流，可惜聽日要返工，所以冇叫到酒，下次星期五嚟食，一定會叫埋酒🥺和牛串朋友鍾意食和牛，於是我推介佢呢款，佢非常滿意！覺得價錢都合理鵝肝多士鵝肝煎得好香脆，外脆內軟，鵝肝嘅脂肪配埋焗到脆嘅多士食，簡直一流！珍寶炸蝦呢度嘅炸蝦真係即叫即整，炸得非常鬆化，滿口幸福感！鰻魚炒飯係日本餐廳食飯，又點少得鰻魚炒飯呢！點都係要食個飯先至夠飽肚，呢度嘅鰻魚炒飯大大碟，兩個share嚟食都仲可以，非常抵食！

話說今日同女友人去左屯門覓食, 好難得地拍到錶位, 咁我地就去左屯門市行街, 行到攰想揾野食就發覺其好多連鎖店我地都食過晒. 一時間唔知食咩好.. 之後女友人就話係拍車嗰度好似有間日本野幾骨子.. 咁我地就返左去試下啦..佢呢間鋪子細細但就空間感都幾寬倘 野食我地就叫左蟹籽沙律，鰻魚炒飯，忌廉蟹肉餅，中拖羅壽司， 三文魚壽司，劍魚腩手卷，帆立貝手卷，同埋蔥碎三文魚壽司.. 味道方面都唔錯！ 個蟹籽沙律好fresh同都幾大份, 個鰻魚炒飯好香同埋應該係加左d鮑魚汁去炒所以好入味... 個忌廉蟹肉餅就creamy得黎有粒粒既蟹肉碎係裡面好正, d壽司就份量都適中同埋幾新鮮, 佢d手卷好足料.. 食到落中間都發現仲有好多魚生夾係中間.. 整體黎講呢一餐係屯門市廣場以外既不錯選擇...

今日去左宏鮨芯食午餐，我叫左個浜燒午餐，因為一見到有甲羅燒就被呢個餐吸引左！海鮮三選二，我要左甲羅燒同帆立貝，跟餐有花甲麵豉湯同日式炒飯。我另外要左份油甘魚(4切)同三文魚(4切)油甘魚同三文魚刺身都非常厚切，啖啖肉，正！😋😋浜燒午餐物超所值！甲羅燒超多蟹膏！用來塗喺脆脆既多士上面食，一流！😋😋😋帆立貝都好新鮮，爽口，又大粒！😋麵豉湯完全唔重味精，反而好鮮甜！😋日式炒飯粒粒分明，不過有點乾身，但撈埋帆立貝既汁就岩岩好！😋餐飲我要左杯熱柚子蜜。呢餐lunch令我好滿足😊