宏鮨芯 (已搬遷) 新店位置

見到好多人都話尼間餐廳好食所以就決定黎試下。餐廳位置唔算便利，但都容易搵到，餐廳環境非常寬敞舒適，枱與枱之間有足夠既空間，就算係疫情其間食野都唔擔心👍🏻餐廳食物種類都幾多選擇有魚生飯、壽司、燒物、炸物等，今次我地就嗌咗魚生飯同壽司試下。迷你丼如圖所見 真係幾迷你 性格比不高 如果男士食的話一定唔夠飽 需要加配其他食物先夠飽😂迷你三文魚親子丼雖然真係好細碗 但表面就鋪滿咗三文魚+三文魚子份量都ok 唔會太少，三文魚厚度適中，食落中規中矩，水準正常。因為價錢唔平我想像中就會預期刺身相對會較為新鮮，有點可惜，希望下次再去食嗰陣會新鮮D。迷你蔥碎吞拿魚丼依個非常驚喜，最容易分辨出吞拿魚蓉優劣既地方莫過於係佢既筋位部分多或少，佢既筋位極之少，口感軟綿綿，可謂啖啖都好滿足！各位晚市黎到記住叫😎👍🏻！極推！油甘魚壽司+劍魚腩壽司份劍魚腩係比較少見既厚切版🤓喜出望外，肉質都算細膩，口感厚實，雖然唔多油脂，但如果鐘意食本身魚既鮮味可以嗌依份！份油甘魚望落既色澤唔多搶眼，而味道上尤其係食完劍魚腩之後有些少比下去既感覺，油甘魚本身應該油分較重，但無依種口感，有點可惜

約咗屯門fd, 佢介紹去宏鮨芯食日本嘢。 呢到位置方便同時都優靜。入到店內setting好relax, 座位寬敞，first impression非常好！其中呢款想讚吓👉宏鮨芯海膽爆卷相机一定會食先😉，真係靚到一個點！佢非常有創意，成個卷分開主要4層：海膽、帶子、吞拿魚蓉和青瓜卷。整個卷既表面加咗葱花同三文魚子，非常豐富！海膽有成3至4片，分量必定滿足大家。口感味道也不錯！記得食番片子薑先食下一層呀！帶子有好多好多，好甜美呀🥰🥰就鮮，食唔停口啊！我留咗三文魚子同吞拿魚蓉一齊食，份外美味！呢個爆卷對女士黎講都有少少飽足感，我自己就再order咗兩件壽司去滿足我既食欲🤭

屯門新開既日本🇯🇵餐廳🍴太感動了🤣有最愛既日本餐廳～呢度環境位置好大好闊 可以唔洗排隊😉餐牌選擇好多 魚生/熟食 任勻選擇👏🏻價錢方面 同區黎講 屬於中上 人均200up角切魚生丼配麵豉湯 $108掋食之選💕大大碗魚生丼😍啖啖新鮮魚生配壽司飯 好美味😋蔥碎呑拿魚手卷 $25蔥碎呑拿魚 份量好多😳紫菜亦都冇淋🤪油甘魚 $18唔算好大件 但可以遂件嗌 令客人更多選擇👍🏻魚生新鮮肥美 係好味既油甘魚🤤劍魚腩 $18罕見壽司🍣魚生新鮮 好滿意😍三文魚腩 $28偏貴左少少🤏 不過呢件比平常既三文魚腩 更大件😛辣三文魚 $28/2件唔算太辣既三文魚 開胃又好味😜波子汽水 $20

收工約左朋友食日本野👍🏻朋友推介左間屯門就腳嘅餐廳。餐廳環境闊落，坐得好舒服，重點係員工服務熱情，有禮貌，所以我地都食得好舒服😌三文魚腩一開波，就梗係要嗌個刺身醒下胃先啦！一定係我哋最鍾意食嘅三文魚，今次揀腩位，真係滿口幸福感😤😤極力推介大家叫！雞軟骨呢度嘅串燒雞軟骨好抵食！唔淨止骨，佢仲痴埋少少肉，口感同層次非常豐富😋和牛串串燒又點少得滿口香甜嘅牛脂和牛串燒🤣真係食過返尋味鵝肝多士鵝肝底面兩邊煎得香，入面就係軟綿綿新鮮嘅鵝肝，配埋多士食，正👍🏻珍寶炸蝦炸蝦食得出係即炸，外皮炸得好鬆化，而入面隻蝦就好鮮甜肥美😋鰻魚炒飯最後食埋個鰻魚炒飯就滿足晒😋鰻魚汁再加配埋燒得剛剛好的鰻魚，送飯一流

我諗對上一次食浜燒，已經係疫情之前去日本嘅時候。今次去到屯門試吓呢間新嘅餐廳，以為屯門冇咩好嘢食，但係去完呢間餐廳之後比到驚喜我。今次叫咗佢嘅二人餐，食物嘅種類亦都好多，有刺身，麵豉湯，沙律，鮑魚，蝦，等等……首先，由佢嘅麵豉湯講起，麵豉湯入邊有好多蜆，份量絕對冇渣流灘，而且蜆嘅鮮味好濃郁，配合埋麵豉湯嘅味道，可以令到蜆嘅鮮味更加突出。再嚟，就係佢嘅清酒煮大蜆，酒香10分濃郁，配合埋蜆嘅鮮味，令到新鮮嘅甜味，可以話更上一層樓。刺身方面，反而比到驚喜我，以為呢間純粹食燒烤海鮮嘅餐廳，刺身嘅質素唔會特別好，點知食完之後發覺原來我怪錯咗佢，因為刺身嘅厚度，鮮味，以致份量，都絕對完美。甲羅燒係成個餐最好食嘅一道菜，因為蟹膏嘅份量十分之充足，一啲都唔會少，配合埋佢蟹籽嘅鮮味，即時胃口大開準備接受嚟緊嘅主菜挑戰。另外佢嘅生蠔，充滿着濃郁嘅鐵銹味道，加上鮮甜嘅好味，就好似置身係大海中央聞着海水嘅味道嘆住美酒佳餚。再嚟就係佢嘅燒海鮮，佢嘅菜式包括有：鮑魚、花竹蝦、帶子……每一道菜都只係簡單笑一笑然之後就送上枱面比客人享用，雖然係好簡單嘅烹調方式，但係就係咁簡單嘅方式，反而令到海鮮嘅鮮味更加突出，但係呢

［屯門] 宏鮨芯.迷你三文魚籽親子丼食剩指數 10/100迷你丼細細碗表面鋪滿左三文魚佢切得都厚薄適中魚生夠新鮮三文魚籽少少海鮮咸香撈飯食都ok.日本原隻烏賊🦑食剩指數 0/100見到都幾多人食燒物一整條一燒起都幾香咬落都唔會乾同韌面有啲七味粉同汁調味.蔥碎吞拿魚腩卷食剩指數 10/100吞拿魚蓉比例幾好蔥芯唔腥底下既卷中間有青瓜爽口加中和魚蓉既油脂感.牛舌串食剩指數 30/100呢度都有幾多串燒食牛舌就有3片雖然唔算好大塊不過即燒係幾香都夠肉味

睇到好多comment話呢間新開嘅日式餐廳lunch好抵食，但平時都要返工，唯有夜晚去試下🤪餐牌環境非常寬敞舒適，個人認為都幾適合一家大細聚餐menu都有好多選擇: 魚生飯、燒物、壽司刺身等等，連甲羅燒都有！我同男友就試咗兩款魚生飯😋角切魚生丼有新張優惠價$108，個人認為必試，啖啖雜錦魚生真係好滿足😸另一個魚生飯係迷你三文魚籽親子丼，三文魚刺身蓋滿在表面，配上大大粒三文魚籽，而且一咬就爆汁，完全滿足作為三文魚控嘅我🙌🏻之後我哋再嗌多一個蟹料沙律🦀個份量真係嚇死人，三四個人食都得呀😆👍🏻我同男友食到一半已經好飽，都真係幾抵食！而且待應都好nice，整個用餐體驗不錯！

呢度的Lunch Set對個人而言算中價，所以都想一試。刺身算是不過不實，係呢個價錢應該有的質素，但份量有少少不足。麵豉湯幾好，有硯肉，飲得出唔係即沖的現成貨。扣分位：1. 丼飯竟然唔係純珍珠米2. 跟餐本身有奶茶咖啡之類，但侍應話嗰日無得供應，可以加6蚊汽水或唔記得幾錢（大概10蚊）加特飲，特飲係柚子茶其實變相要個客蝕，建議餐廳應該作出相應調整，有時表面上增加少少成本，但賺的可能係將來的盈利總結：被OpenRice 嘅好評吸引而嚟，但整體感覺一般，未必會再訪。

經過馬會對面，見到開左間新日本餐廳就同朋友試下。餐牌都有好多選擇由壽司刺身卷物到煱物同埋浜燒都有，總有一樣吸引到你～日本迷你甜薯 6粒 $28性價比吾高 差唔多5蚊一粒但冇特別嘅烹調技巧我以為會有黑糖牛油🧈🥲牛油果軟殼蟹卷 $108呢個推介！厚厚既牛油果鋪係上面，再配上軟殼蟹成件事好fresh😍重有啲蟹籽係面，直頭多重口感呀～日本原隻烏賊🦑 $88超大隻！每一塊都火喉十足燒得好平均角切魚生丼配面豉湯 $108入面有三文魚海膽吞拿魚蓉蟹籽魚籽青瓜！超級豐富絕對足夠撈飯！必食！

上OpenRice 睇到屯門有間好似幾出色既日本菜，就一於帶呀媽去試下啦。大約中午12:30，一去到門口見到間鋪入面冇人，我地係門口到望下個餐牌，個女店員就走出黎同我地介紹有咩食啦，佢講完一大輪，我就話入去啦，本身都諗住試下呢間野。入到舖頭入面都好闊落幾舒服，唔錯。咁我地打開餐牌啦細仔睇下有咩食，咁聽到女店員介紹話佢地鋪頭d野係日本直送，心諗咁正，一定好貴啦。個女店員仲話我地間舖新開架，開左冇耐，同埋屯門好少咁多款色既日本菜食。咁我同呀媽都叫左兩個浜燒套餐$88再加鹽燒鮑魚$50同鹽燒帆立貝$50。咁落左單就靜靜期待野食既黎臨。當時間舖都仲係得我地一枱客，大約等咗20分鐘之後，就黎左一份浜燒餐同帆立貝一個麵豉湯同沙律，個店員話另一份仲燒緊，我心諗唔係一齊燒既咩？🤔咁冇理咁多試下d野食先，個鹽燒帆立貝就冇乜特別仲燒過龍，唔覺得似日本直送囉。呀媽就話個多士唔熱唔脆，咁再黎埋個鮑魚，一咬落去銀到媽媽都唔認得😖咁就$100💸💸完全覺得比人搵笨。之後個女店員再同我講多次另一個餐仲燒緊，話個廚師本身燒好左，但跌左落地下要再燒過，叫我等多陣，咁我唔趕時間既，又再等下囉。大約過左半個鐘到，我個餐終於黎

屯門有咩好嘢食？呢間我絕對推介。之前朋友推薦我試我都唔信，一試就知唔係講笑。麵豉湯飲得出唔係就咁開粉個類，係有心煲，心機嘢。❤️❤️甲羅燒睇樣就知唔野少，食落超香蟹膏味同埋淡淡蟹肉，一流。😝😝魚生沙律用咗一啲醋汁去撈，識落酸酸甜甜非常開胃。🤪🤪刺身有三款，每款都非常之新鮮同埋鮮甜值得一試。😍😍燒海鮮有兩款，分別係聖子同埋龍蝦。兩款海鮮都非常之新鮮，就咁燒熟已經食得出非常鮮甜同爽口彈牙。🥰🥰

鮨芯特級丼 $138認真抵食，好適合想一次過食晒唔同刺身嘅人😛 足足有成七樣料Menu寫咗有牡丹蝦，海膽，其實另外仲有：吞拿魚腩蓉，劍魚腩，三文魚，帶子，仲有一款未identify到嘅刺身😂 另外仲有玉子，飛魚子。基本上全部都好新鮮。但係劍魚腩係最屈機😍 新鮮到彈牙而不黐牙～ 入口有種魚油滿溢嘅口感。霜燒三文魚醬油漬丼 $88廚師嘅做法，大概係將醬油加上三文魚上面，再燒香佢。雖然味道就會比起一般嘅火炙三文魚再鹹少少🤏不過，佢係一定要配襯白飯食，加埋就差唔多啦。佢仲有蟹子，可以俾你撈一撈飯無咁dry.前菜和餐湯沙律，就正正常常。味道啱啱好，沙律醬唔會太濃。反而佢餐湯就有驚喜。雖然都係簡單嘅麵豉湯，但係味道就調得啱啱好，唔似有味精成份。係我去日本餐廳以來，第一次飲得晒嘅麵豉湯😍燒牛舌其他餐廳你可能食過有薄有厚，但呢度食嘅牛舌就堅厚。同埋欣賞佢無爵醬汁cover左牛舌嘅肉味。所以新鮮味出到。

臨收爐就去左間日本餐廳食野，結果係好驚喜!浜燒午餐$88呢個set真係好抵食，$88蚊有甲羅燒又有龍蝦，仲包埋日式炒飯，麵豉湯。佢既擺盤好靚，好似去左日本咁，100蚊都唔洗，抵到傻。佢既麵豉湯唔會太鹹，調味岩岩好，仲有d類似鳴門卷既粒粒，變左有d咬口。佢既甲羅燒好多蟹膏，入面仲有一絲絲蟹肉，完全極足料，滿口蟹膏，又燒香左，另外配左燒過既麵包，成個甲羅燒都好正，另外仲有半隻龍蝦，燒香左，蝦頭多膏，佢既炒飯都好出色，成個set又平又高質，超抵食!吞拿魚蓉壽司吞拿魚蓉份量好足，入口滿口魚蓉，冇腥味好新鮮。鹽燒油甘魚鮫$98佢個魚鮫好多肉，勁大舊，燒到個皮好香脆，肉質好新鮮，肉汁夠，佢又唔係好滑既肉質但又唔係鞋既質地，加埋檸檬汁提升左個鮮味，推介可試。雞腎串$38呢個雞腎串，唔會燒到好乾，好濃雞腎味，燒到好香加試調味粉少少辣味，好出色，亦都唔係到到都食到。呢間食完都會想再食，價錢好抵食，質素又高。

係屯門停車場經過見到有日式料理，見到門面幾靚同menu幾吸引就入去試下。環境都幾闊落，坐得舒服，枱面都好乾淨，衛生又有足夠距離。上網見到佢呢度嘅刺身丼幾吸引，我就揀左佢嘅鮨芯特級丼，另外仲點左燒雞肝串同燒雞軟骨串。鮨芯特級丼 $138上枱個陣真係嘩一聲，估唔到份量係咁豐富，牡丹蝦好大隻，肉質結實彈牙好鮮甜，好fresh! 帶子又大大粒原隻開2邊，八爪魚亦都好厚身。另外海膽完全食唔到苦味，值得一讚。玉子就清甜可口。而珍珠米粒口感適中，粒粒都好飽滿。另外個麵豉湯都好好味，唔會太咸，亦都比平時出面飲到嘅較有鮮味。雞肝串 $38烤得好香口，肉質唔會太乾身，亦唔會太多調味，口感軟腍，份量足。雞軟骨串 $18平時小食鋪都要成十幾蚊，佢呢個燒得外脆內軟，脆脆嘅外層鎖住肉汁，軟骨咬落卜卜聲，juice得嚟好爽脆！勁抵食！ 總結：不論味道、質素、環境都好高質、好有驚喜，而且價錢唔算貴，絕對係好抵食！屯門區入面真係數一數二！食完就好似去左轉日本咁。

今日黎到屯門一間日本餐廳食晏🤪 整體黎講，間餐廳嘅環境都好乾淨企理，疫情下呢一點非常重要！我差唔多係佢一開門嘅時間就去到，暫時仲未多人，所以成個用餐體驗好好😬咁我就點左一個丼飯lunch set，有一杯飲品、前菜、飯同面豉湯，性會比都幾高。味道方面睇個樣都知唔錯啦🤪🤪 個飯有三文魚、三文魚籽、帆立貝同甜蝦，不過可能男仔食嘅話未必會夠飽，所以我仲有叫左其他嘢食🤓仲有嗌左油甘魚刺身🤘🏻。呢份雖然無影張close up比大家睇，但係！佢好厚切！油甘魚食落都無任何腥味，而且好重魚味，成塊擺落口好滿足😙😙最後叫左件劍魚腩壽司作為今日最尾一個完結。成餐飯好飽好滿足，侍應們態度都好好會主動幫手收嘢加水，值得一讚！👍🏻👍🏻