影片
港鐵屯門站 C1 出口, 步行約8分鐘
繼續閱讀
電話號碼
34817778
開飯介紹
日式浜燒料理小店，裝修以時尚日式風格為主，採用新鮮食材，可以選擇刺身、生蠔等海鮮，或者選擇由店員燒的浜燒，餐廳更提供各式日本酒，價錢合理。
繼續閱讀
營業時間
星期一
全日休息
星期二至日
12:00 - 14:45
公眾假期
12:00 - 14:45
公眾假期前夕
12:00 - 14:45
以上資料只供參考, 請與餐廳確認詳情
天氣熱到34度，相信好多人都會揀食刺身壽司，今日特登搭車過嚟，因為見到都有唔少好評，而且見佢午市套餐有做刺身丼飯，價錢合理啦，入到去空間都合理嘅，不過師傅服務員唔係好識點樣安排客人入座，反而要我提議唔介意搭枱，佢先至將一個近廁所嘅四座位分開兩個座位，其實都係好小事，同樣服務員係唔識得攞茶俾客人嘅，又唔見得呢一間店屬於自助形式，都唔緊要，期望食物好食啲啦，揀咗一個午市餐牌嘅148廚師發辦嘅壽司當飯，廚師發辦理應會揀合適嘅刺身放埋一齊，如果要熱嘢飲就加兩蚊，OK啦total$150, 上枱嘅時候就如圖，大大隻牡丹蝦確實吸引，不過竟然係有沙嘅，港督海膽都預咗佢唔會好多，不過識落都鮮甜嘅，其他嘅刺身魚各一塊啦，唔會話特別大塊，我諗我坐喺嗰度都等咗30至40分鐘，雖然我唔趕時間，但係服務員都知道我坐咗喺度好耐，食到一半嘅時候，服務員話唔記得咗攞沙律，其實都係啲菜碎淋啲汁… 總括嚟講一般般，唔係特別好食
繼續閱讀
嘆個浜燒午餐再個手卷，好滿足。午餐可選甲羅燒/帆立貝/虎蝦或焗蠔。甲羅燒配多士一流，今日帆立貝加$10加大，女士飲品免費，平日午餐九折。蔥吞拿魚腩手卷好足料，但我麻麻哋鍾意加左酸蘿蔔。
繼續閱讀
🌃食肆為日本菜餐廳，位於屯門仁愛堂街， 鄰近屯門西鐵站C1出口 ， 餐廳充滿日式風格， 門面十分之大 ， 係兩連舖位， 餐廳內外掛滿日式燈籠，木色為主調， 以四人枱為主 ， 並設有吧檯， 主打浜燒料理， 亦有超多款式時令刺身、 壽司、炸物、 丼飯，仲有omakase😍.🐟秋刀魚刺身💲 198👉 正值秋高氣爽嘅季節， 當然叫返條時令秋刀魚刺身喇， 秋刀魚原條即片，餐廳擺盤十分精緻， 十分適合打卡， 秋刀魚十分新鮮， 食到甘甜嘅鮮味， 有一浸浸魚油嘅脂香， 肉質鮮嫩爽口， 食完仲想叫多一條😋.🐠🍚 蔥碎吞拿魚腩爆丼💲 138👉 可能用上了較大嘅丼飯碗， 沒有了爆丼應有嘅份量澎湃嘅感覺， 有點兒可惜，不過吞拿魚蓉幾有驚喜 ， 軟綿綿入口即溶，油脂香突出，味道都幾鮮甜， 加上蔥碎同埋芝麻， 更加惹味。.🍣 三文魚小卷及鰻魚小卷💲 22+22👉 擺盤十分有誠意， 三文魚小卷同鰻魚小卷交叉交替， 22蚊有六件都幾抵食。.🥗 三文魚配迷你沙律💲 免費👉 呢個係之前專頁分享活動贈送嘅小食， 有三文魚刺身加上新鮮爽脆嘅沙律， 免費得黎又不馬虎👍.🍺 凍檸檬綠茶💲 免費👉 呢個都係之前專頁分享活動， 凍綠茶加上了檸檬片， 感覺幾好飲。.📍 宏鮨芯屯門仁愛堂街1號麗日閣地下3-4號舖.=====================.*此價格只供參考及以當時為準，實際價格或會與本文章有所差異。-
繼續閱讀
平時去杯渡都係打冷、食潮州菜，就係一次打冷時意外發現呢間日式料理，就book左一條友黎食個午餐😋先利伸：我係超級三文魚控🍣🍣🍣第一驚喜：午餐竟然有成27個餐選擇😱第二驚喜：人地話廁所反映餐廳質素，真心呢到個廁所勁乾淨👍🏻平時諗都唔諗就叫三文魚飯，但呢到餐牌多姿多彩到我想試下特別野～- 特選三文魚盛合🍱💲98好正！一條三文魚五種食法🥰🥰令三文魚控除左食到三文魚、仲有唔同既食法同享受😊一個價錢咁多款壽司同卷物，好值！！！- 宏蟹味噌甲羅燒🦀 💲78第一次食甲羅燒！係被OpenRice食評既相片吸引🥰好正！熱辣辣食最正！蟹膏味極濃，襯埋魚籽好香滑！我想講，搽完兩塊麵包🥯之後仲有剩，我用埋來搽落三文魚卷，都好夾，一d違和感都冇🤣🤣整體來講，店員好有禮貌，全餐都好用心製作，一d都唔馬虎，係小店先會食到既獨特，同埋新穎既創作😊💯💯💯係值得encore之選😋店內環境都好舒服，因為小店面向內街，望街位都係寫意既😊👍🏻
繼續閱讀
唔好以為屯門無日本菜嘅美食～今次介紹一間高質小店比大家，唔單止刺身新鮮好食，價錢range 仲好闊，使得起可以食omakase，想平靚正又有lunch set 飽肚高質～🍽炸蝦&軟殼蟹手卷👍🏼👍🏼👍🏼👍🏼兩款手卷都超正～炸物卜卜脆，外脆內軟火候啱啱好，有效鎖住肉汁保持肉質鮮味彈牙😋紫菜仲好脆，飯粒又唔會太軟影響口感，大大件夠晒飽！🍽壽司&特級丼飯👍🏼👍🏼👍🏼👍🏼平時我食飯都對食材十分講究，但食生野我會更加有要求，因為平時熟食都可以靠調味同廚藝搭救，但係刺身唔同，完全不經烹調，依賴嘅就係餐廳嘅採購同埋保存～而宏鮨芯嘅用料上乘，非常鮮味，保證食過翻尋味😍除此之外，餐廳嘅烏冬同埋麵豉湯等都做得好好食，一個午餐連埋飲品都係百零蚊～非常抵食，推介大家一試！
繼續閱讀