安安燒 (染布房街) (已結業)

認真垃圾！第一次嬲到上黎打食評，同朋友一齊起旺角搵野食，見佢平時幾多人排隊應該冇咩伏，入到去員工態度冇乜特別，都幾正常。叫左啲大路野，雞腎、扇貝、蒜茸牛油焗金菇、墨丸、雞軟骨、麻辣豬耳同芝士撈丁。金菇水、雞腎、雞軟骨完全冇味！金菇衰到好似用滾水淥咁！金菇扇貝啲蒜茸變晒綠色，朋友話因為擺得耐先會，佢做過廚房見過，變綠色都夠膽拎岀黎？撈丁冇乜野，最好食係個豬耳，得個豬耳叫做有啲味！係有啲味咋！真心唔好食，是但一間串燒都好食過佢！

今晚同老公去旺角食飯，唔知食咩好？！諗起上次行過超多人排隊果間安安燒，不如今晚去試下啦～7點都未夠，店鋪已經滿座了，我們即刻去取票等位，等了大約半小時左右就有位了。有幾款食物值得推介1. 安安香濃芝士燒生蠔即燒生蠔很新鮮，芝士味香濃2. 皇牌燒牛舌牛舌很厚切，肉質燒得好淋，很多肉汁3.黑松露醬芝士撈丁之前看食評，很多人建議芝士撈丁上枱後要立即食，免得放涼了變硬，所以撈丁上枱後我們立即將碗麵撈匀 。芝士醬用火炙燒過，所以面有一層硬身的芝士，芝士同黑松露味互相配合得好好，同一丁麵夾得好好。我地2人叫了一碗吃都不會油膩。4.甜蜜脆脆燒菠蘿這個忘記了影相，但真的很特別，燒菠蘿面上起了一層糖，吃落脆脆的，加上菠蘿很甜很多汁，好好味5.惹味蒜蓉生燒茄子茄子加了很多蒜蓉，若加多一點孜然粉，一定可以令茄子更加惹味！這餐惹味串燒，好滿足~

好懷念同朋友食消夜嘅日子，一邊飲啤酒一邊食串燒，依家成日要返工朝九晚五，瞓教嘅時間都唔夠，所以襯住星期五，約埋好姐妹放工後就即刻落旺角，見到facebook好多朋友都食過呢間安安燒。門口有好多人客排隊，我同朋友約喺餐廳等， 早到嗰個就可以攞定位，好快就有位。門口有啲餐牌，可以俾我哋睇定想食咩，餐牌設計都好似漫畫書咁，唔會個個都有食物相，睇到都覺得好吸引，出名嘅芝士撈丁，有燒汁鰻魚、安安秘製芝士三重奏、我哋必點嘅黑松露菌醬芝士撈丁，真係睇到個肚都凹晒！麒麟沙冰西柚味啤酒 $58頭先等左一陣位都有啲口渴，嗌返杯冰凍啤酒最配小食啦，呢款麒麟啤酒，有一層沙冰係上面，夠哂冰凍。燒蟶子皇 $76同呢位朋友去街就最鍾意食海鮮，分量有返咁上下，足足有一隻手板咁長，肉質彈牙新鮮，燒得好嫩唔會過火侯，加上蒜蓉蔥花辣椒，仲有啲海鮮嘅肉汁，鮮味滿瀉！黑松露菌醬芝士撈丁 $53俗語話：最簡單嘅食物就最快難整得好。用平凡嘅食材，發揮空間意想不到咁大，又可以整得咁多層次，味道豐富。餐廳就用仲出前一定發揮，變奏岀五款特色味道，我哋揀咗黑松露芝士撈丁，面頭嘅芝士被火槍燒過，會有啲脆口，用筷子撈勻黑松露，味道即刻滲出，每

係呢頭唱完k，朋友話上網睇下有咩好食，佢就搵到間食串燒，仲要唔使自己落手添，一於去試下。一入間鋪頭已經聞到重慶燒既果陣香味，我最喜歡呢種香，令我口水都流埋。第一樣先食燒原隻鮑魚，鮑魚原隻連殻上，上面鋪滿蒜蓉，辣椒同蔥，賣相又紅又綠已經好靚仔。鮑魚食落肉質彈牙，一咬就將裡面既鮮味流晒出黎，加上調味令味道更惹味更香，相信自己燒就無燒得咁靚仔。食燒物又點少得食牛肉，第二樣係安格斯肉眼牛柳串，一串有幾粒牛柳，大小同一口牛差不多，第一啖已經食到安格斯牛既鮮牛味，肉汁鎖晒係肉裡面，肉眼部位少脂肪，令每一口都係肉味，油量少岩晒我注重健康既人。食完牛就食雞，燒雞肉軟骨串，一口咬落去既有雞肉嫩滑既口感，又有雞軟骨脆既口感，雙重口感係今日最特別既串燒，一種串燒兩種享受，睇得出餐廳有心既選料。食左咁多肉，就要食返蔬菜類先得。點左燒翠肉瓜，由於翠肉瓜本身味道唔夠出，餐廳用左芝士黎燒，效果出黎又唔錯，芝士半溶係翠肉瓜上面，令爽脆既翠肉瓜加上果層薄既芝士，感覺有點像fusion，加上翠肉瓜裡面既爽甜多汁，就如燒烤後飲了一杯涼茶既作用。

嚟返舊屋附近同屋企人食飯，大家都知我係一個好濃味食物嘅人，所以一早都預咗帶我嚟食串燒，啲阿叔姑姐真係有我心(感動ing)~~由於今日係星期一，雖然都多客人，但係都好快就有位，另外，原來佢地係無牆架……所以就算坐喺室內都好似住室外咁，幾特別呀~~枱面有幾款調味俾大家用，有梅粉、辣粉同蒜粉燒冬菇、BB露荀 - 呢個燒冬菇好味，燒得雖然乾身，但係菇味好香濃，雖然味道唔錯，但係我都加多少少辣粉去食，重滋味，另外個BB露荀好幼嫩，又juice燒魚餅 - 呢個我以為係魚蛋嗰啲魚餅，或者係鯪魚餅……點知，佢係白魚肉嘅燒魚餅，好彈牙，又香魚味燒蕃薯仔 - 呢個幾乎係見到串燒店有就必叫一口燒牛柳 - 唔好以為佢會好韌，錯……佢好淋，燒得啱啱好，再加啲辣粉食，一流蒜香燒茄子 - 呢條茄子好大條，但係……好多蒜頭……不過燒得好香，個皮唔係太燶，雖然我唔食蒜頭，但係我鍾意食有蒜香味嘅食物，呢個茄子我鍾意燒玉子 - 其實好少見中式串燒店會有玉子燒，咁愛膽固醇嘅我，點會放過，不過……玉子燒……都係凍食好味啲

我同朋友去咗食消夜，大家都決定左去食串燒。所以搵左間出名既安安燒。等左大約15分鐘終於有位。食左雞泡魚乾，好味好味，令黎送酒幾唔錯。叫咗韭菜我每一次食串燒都一定會食，正常。 若果啲調味粉再多d會更好。芝士撈公仔麵就唔係好掂，越食越乾，放耐左一陣就好快凍哂撈吾起佢⋯茄子都幾好味，外面有點燶。燒香蕉個人黎講好中意，另外仲有燒菠蘿覺得唔夠甜有啲酸。多春魚我一支支幾好，吾洗夾到個魚身散哂。燒蠔味道正常，不過燒蠔多d蒜頭會更+ 好

週年紀念一早預約左 準時去到等半個鐘都冇位 咩概念？ 咁就俾左一日佢其實之前都黎過一次 都係用open rice訂座 第日去到佢竟然話我冇訂到座 又等一個鐘 個日唔係咩特別日子 我都有等 野食係可以既 但咁既管理就唔impressed

琴晚又食 #安安燒 之依舊咁多人排隊。🤔蒜燒茄子// $38茄子劏開一半黎燒，好香蒜味，而且加左蔥花同指天椒裝飾得好靚😛熱食都ok嘅，但凍左會乾。🤔請俾分：6/10玉子燒// $24呢個玉子燒真係全晚至難食😂食得出係蒸出黎嘅玉子，個面好乾，所以燒完出黎好似像膠咁😫😵😵請俾分：2/10秘製醬燒雞中翼// $28爆笑囉好唔好😂 由於呢碟野唔係我點既，所以佢一到果陣我多口問姐姐一句Amy👅：咦，呢個係咩黎架？姐姐🙎🏻：雞中翼😂😂😂😂Sor lo, 係我問得唔好，但係都唔洗咁答我呀？！#cry 香濃芝士燒扇貝// $45咁就係芝士+扇貝嘅味囉😂正正路路咁囉，你懂的。請俾分：6/10蜜糖燒粟米// $18其實我成晚最期待就係呢個燒粟米😚👏🏻 每粒個皮都燒到脆卜卜❤️入面又有汁😆真好鍾意食😛我發覺我真係唔多好食貴野// #求包養請俾分：9/10❤️ 惹味黑松露墨魚滑// $48後面塊野好似攝鏡咁其實就係個墨魚餅😂 都幾重黑松露味嘅，但個體積就唔大囉（手心咁大），ok la冇咩特別👐🏻請俾分：5.5/10

帶眼鏡果位女侍應態度似趕客,我3個人等左一個鍾,有一位做左好耐好好人嘅叔叔👍👍話有位比我地叫我地等一等,行入去個女侍應話無位叫我一係唔好等,一係3個人坐2人枱加張櫈。佢唔講“一係唔好等“呢句都無咁嬲!

慶祝朋友的遲來生日飯，今次揀左位於旺角嘅安安燒。一早book左位，準時7:30入坐，唔駛等位。今次唔係第一次試安安燒，之前都食過一次，味道唔錯。今日再食味道依舊keep到上菜速度都算幾快最後埋單差唔多四百蚊，3個女仔食都好飽啦

個名有個燒字當然係一間做串燒嘅鋪頭 未到門口已經可以聞到好香嘅燒烤味 一般嘅串燒食品佢地都有得食 例如 雞翼 雞軟骨 羊架等....不過我推介係佢地嘅焗芝士系列 佢地有芝士燒蠔 芝士扇貝 而佢嘅芝士焗蟹蓋 同埋 三重芝士撈丁都係我嘅必食推介 喜愛濃味嘅朋友可以一試 佢地係蟹蓋裡面加咗大量芝士同埋拆咗出黎嘅蟹肉 而最特別係仍地仲加埋通粉 味道都好夾 絕對冇多舊魚嘅感覺, 而三重芝士撈丁方面 佢嘅份量都好多 兩個人叫一碗都一定可以飽肚

同個好耐無見朋友聚舊，佢話約我去食串燒啤一啤，話要入到去旺角染布房街，有D唔方便，但佢話呢間幾好食，試下無妨。入到去，今晚都幾多人，木枱木椅，裝修都OK，好想食肉先，試下個牛舌，少少"蘇"，夠薄，吃度有少少咸香，加上重口味四川孜然粉，惹味度爆燈，呢個好食，encore。牛小排，OK，肉汁都有，牛味OK，但並不頂級，呢個價錢，好合理。醬燒雞翼，好香口，孜然粉真係神級，令D食物無晒雪味，雞翼有肉汁，不乾，D醬帶甜，幾好食。蔬菜來講，燒韭菜，香口，有口咬，燒會好甜，茄子有點乾，但係好有茄子味，另外娃娃菜，賣相差，但好甜，又係孜然和蒜蓉，唔太咸都可吊到食物的天然風味。呢個三重芝士撈丁，嘩好膩下，因芝士味好濃，加埋彈牙丁麵，好食但一碗夠晒皮。還有D蒜蓉蜆，好香好鮮，肉細細，佐酒不錯。啤酒係Stronghow 蜜糖蘋果啤，正！再來菠蘿啤，香！食串燒配啤酒，真係好夾。

今晚約左朋友食飯，她第一時間就話要食串燒，仲話好易就愛上。我們晚上六點到，約六點半就差不多滿坐，所以一定要book位。開始點野食，真係款款都想試，我們喜歡食辣，"麻辣田雞脾"，"惹味辣汁浸海蜆"係必食，因為田雞脾多肉又甜，海蜆就好滑溜又夠惹味。海鮮就必食蠔，點左兩款"金銀蒜蓉燒生蠔和芝士蒜蓉燒生蠔"，蠔汁係超多，蒜蓉味夠濃，襯起上黎真係一試難忘。"沙茶醬深海大墨魚咀"超大粒之餘，口感都好夠滑又有趙頭，配沙茶醬就好鬼過癮，"蒜香燒白鱔"皮香肉脆，裡面既鱔汁隨喉嚨流晒入胃，而魚皮又包含晒營養及魚汁，"燒原隻鮑魚"的肉質勁鮮甜，係日日新鮮送到，鮑魚肉夠厚，感覺好正，鮑汁係晒隻鮑魚殻裡面。最後再來一個三重芝士撈丁，香噴噴鍾意食芝士的一定要試，撈丁仲有幾個配搭，最後當然要食"燒甜美地門菠蘿"和"蜜蜂燒粟米"，兩款都香甜，大大件，新鮮之外又夠纖維，而且燒法將汁包晒係肉裡面，正呀喂～

大致上的味道只有3種！鹹、麻、甜！較重口味！未必適合不太辣的朋友！而上菜方面，非常快，沒有漏單！開頭以為都要等一段時間、計落單起，大概5分鐘以有蔬菜先到、其次肉類、最後海鮮！但味到鹹味太重，蓋過所有本身食物的味道、例如芝士豪，芝士反而無味、只有好重的鹽味，這方面稍為失色！但都有待改進！而焦糖蕃茄，也只有糖的甜味，而失落番茄的酸甜味！但也值得一讚的是水份，沒有燒到乾，還保留到蔬菜的水份、肉類的汁等⋯以大量的燒烤和速度算不錯的選擇！但味道還有待加強！服務體貼！

旺角食肆林立，多到好難揀！哈哈！不過有次行經旺角東站外圍，發現左呢間咁有特色的安安燒，就決定同朋友嘆串燒啦！價錢都算相宜，所以叫叫埋埋都唔少款式的串燒！有幾款係特別好食的！第一款：燒韭菜。可能有D人唔鍾意食韭菜，但我個人好鍾意食！燒到剛剛好，保留住菜中的水份，再加埋特制的調味粉！超級惹味呀！第二款：皇牌燒牛舌。牛舌一聽就知會好好味！質感特別！夠彈牙同有咬口！加埋調味粉簡直一流！食完會想再order~第三款：蒜蓉燒鮮味海蜆。蜆的size適中，唔會太細粒！新鮮，鮮甜！蒜蓉加辣椒呢個組合係無敵！惹味，食過番尋味呀！第四款：惹味蒜蓉生燒茄子。鍾意食串燒的人絕對唔可以錯過茄子呢個環節！多汁惹味！茄子燒完唔乾身！配埋蒜蓉真係會食唔停！好味道