安安燒 (染布房街) (已結業)

旺角食肆林立，多到好難揀！哈哈！不過有次行經旺角東站外圍，發現左呢間咁有特色的安安燒，就決定同朋友嘆串燒啦！價錢都算相宜，所以叫叫埋埋都唔少款式的串燒！有幾款係特別好食的！第一款：燒韭菜。可能有D人唔鍾意食韭菜，但我個人好鍾意食！燒到剛剛好，保留住菜中的水份，再加埋特制的調味粉！超級惹味呀！第二款：皇牌燒牛舌。牛舌一聽就知會好好味！質感特別！夠彈牙同有咬口！加埋調味粉簡直一流！食完會想再order~第三款：蒜蓉燒鮮味海蜆。蜆的size適中，唔會太細粒！新鮮，鮮甜！蒜蓉加辣椒呢個組合係無敵！惹味，食過番尋味呀！第四款：惹味蒜蓉生燒茄子。鍾意食串燒的人絕對唔可以錯過茄子呢個環節！多汁惹味！茄子燒完唔乾身！配埋蒜蓉真係會食唔停！好味道