安安燒 (染布房街) (已結業)

第一次同朋友嘗試串燒店，值得推介給大家！首先叫了羊架，羊架的味道不騷，鮮嫩易咬，討厭羊架騷味的人也值得一試！我們叫了飽魚，新鮮多汁而且嫩滑的飽魚，配上我最愛的蒜蓉，加上少少辣味，完全是我最喜歡的味道！聖子很大，配蒜蓉一流，而且充滿鮮味，喜歡食海鮮的不要錯過！總括來說這間店的串燒味道不錯，食材也新鮮，偶爾想吃串燒的是一個不錯的選擇。

有時候選擇餐廳也令人感到煩惱，朋友A說不吃辣，朋友B說不吃海鮮，朋友C又不吃牛。找間餐廳能夠照顧每個人的喜好實在不易。今晚跟這班朋友食飯，眾人決定去食串燒，自己叫自己吃的就最prefect喇旺角區串燒店不多，個人認為最出名莫過於安安燒。甫坐下立即開始點食物。前菜先來一客麻辣豬耳。喜歡吃辣的朋友不要錯過，豬耳爽口，辣度十足，麻辣味後至，食到停唔到口燒雞泡魚干也是my favourite之一，煙煙韌韌又香口，絕對是送酒皆品蒜蓉燒扇貝 $454隻價錢只需$45, 真心平到震扇貝肉爽彈無比，配上蒜蓉來燒最惹味！燒焦糖蕃茄，外層燒至脆卜卜，想不能蕃茄與焦糖的結合能夠為味蕾帶來驚喜蒜香燒白鱔，鱔肉肥美甘香，外焦內嫩，香噴噴，有水準之作燒韮菜是我每次吃串燒必點之物。再加勁多辣粉就prefect喇秘製醬燒雞翼，重口味之選，雞翼夠入味，佐酒一流。燒一口甜薯，蕃薯仔咬下清甜，細細粒易入口最後點了燒棉花糖夾餅作完美句號，棉花糖燒至半熔狀態，非常吸引，與餅乾一起吃可減少膩感，外層的朱古力醬更是精華，yummy!!

曾經在旺角工作時，經常到來吃宵夜，感覺良好昨日再次到訪，發現環境依舊，食物不再美味了當初一試難忘，而家再吃仍舊不錯，但建議必須盡快吃用，放耐了會變乾及硬。份量偏少，醬汁也是在錫紙上面，需要自行把醬汁攪拌味道不錯，但邊位燒得較焦很細隻，扇貝肉已經離殼因為在這裡吃過覺得不錯，所以往後我才會在其他店舖點這個菜比較生及很難咬開這個有骨，吃得不方便，並且較少肉以上2款味道一樣，雞這個比較乾身恰巧這天是入冬以來最凍的一天，店內可能因為油煙關係會開很大的冷氣及風扇，所以當日的食物很快就放涼了。同埋野食未必係即叫即燒，只是微微翻熱，因為我們落單到食物到齊只用了20分鐘!連最簡單叫了杯熱的柑桔蜜，上到枱已經是微暖，一點熱的感覺也沒有!!!名是出了，但質素下降了。

第一次光臨安安燒，一直都久聞大名，終於有機會一試大飽口福！ 地段都算方便，旺角東站行約十分鐘就到，連我呢個路癡都覺得五難揾去到門口已經見到有成十個人企係門口等位中，半開放式環境令到串燒既香味四溢 ，淨聞到都要流口水。慶幸我同朋友等位都唔算耐，十分鐘到已有位置坐，連帶客既大叔都好有禮貌，到我地坐底一刻都不斷介紹受歡迎的食物俾我地。黎之前好彩做左小小功課，呢到最正既係黑松露芝士撈丁！聽個名已經feel到個種貴氣「先來一碗吧！麻煩曬！」 再細閱其他串燒 好物，眼花繚亂了.....蒜蓉燒茄士，川式手指茄，麻辣燒扇背，蒜落燒生蠔，燒蟶子，燒芝士餈飯，最後西柚味既沙冰作完結最美的一整天。必推之選當然是這小店名食黑松露芝士撈丁，自問黑松露 粉絲一早已大大加分，實物放上枱時仲出煙中黑松露被放在芝士上層不禁只溶於面，不溶於口（因為未擺落口麻 ） 呢刻把握時間搞呀搞，撈平均了，馬上大大口放進口裏松露份量真的不算少，即使搞均後每口麵都有足夠 芝士和松露在面，麵質彈牙不是煮爛的那種再黎貪得意叫左杯麒麟西柚味沙冰，味道正常勝在非常適合怕啤酒唔夠凍既客人，又有創意。唯一要特別投訴燒茄子那食材，茄子哥實在太瘦了吧！

雖然炎炎夏日，都阻不了小妹對吃的熱誠。今天就來到旺角東經常要等位的安安燒。 才7點多，已經全場滿座。我們一行3人，好不容易才有位置，雖然坐在門口 (好熱⋯⋯)先來些小食warm up~廚房內起碼4-5人，食物很快便上枱。建議大家慢慢點菜，否則一次上枱，放涼了就浪費。 沙律醬燒蟹棒 $32 - ★★★★☆ | 沙茶醬燒雞髀菇 $14 -★★★★☆  蟹棒外皮燒得很香脆，不太乾身，加點沙律醬蠻不錯。雞髀菇很juicy，沙茶醬 + 孜然粉，辣得來又惹味。 但孜然粉有點重手，不太吃得辣的朋友可能受不了。 燒雞泡魚乾 $44 - ★★★☆☆ | 燒鮮味海螺串 $29/2串 - ★★★☆☆  雞泡魚乾可謂小妹食燒烤的最愛。雖然燒得夠香，但有點硬，味道一般，不夠惹味。海螺蠻爽口，但鮮味一般。若能鮮一點，會更吸引。 燒菠蘿 $19 - ★★★☆☆ | 沙茶醬燒深海大墨魚咀串 $27/串 - ★★★★☆  菠蘿燒得不錯，keep住水份。但有點酸，而且蠻難咬。墨魚咀頗爽口，沙茶醬與孜然粉真的配合很好，讓墨魚咀更惹味。其實串已夠我們三人share，2串有點太多 XD 芝士燒翠玉瓜 $15 - ★★★

燒烤類真的令我又愛又恨．．．怎麼這樣說？燒烤的油煙會令皮膚不好，上年年尾額頭不停爆暗倉就很大程度是因為熱氣野、燒烤之類的。花了一季以上．終於弄好了我的臉。燒烤真的很好吃，但是吃多會生厭。而且我又夠懶惰，一向去吃韓燒都是朋友幫手燒的，我就負責吃．．遇著跟我同樣懶惰的朋友，還是不要吃自己燒的，吃店員燒的！安安燒位於旺角染布房街，又近MK又近MK東，旁邊是馬路。店內的位置通風也做得不錯，我們坐了裡面。燒香甜車厘茄表面烤得有點爆裂，但又未至於會把車厘茄汁漏出來，時間計算剛剛好！要是我自己弄一定又黑又爆汁．．也有一些香粉，配搭起來有點香辣，配上甜中帶微酸的車厘茄，別有一番風味。蜜糖燒粟米很明顯是之後加了些蜜糖，令表面燒得有點燒烤氣，特別是粟米的中間帶微黑，不太影響食用，就煩了一個步驟。仍然能夠保留爽口口感，甜之餘又夠香！燒超美味一口甜薯．．這個名字到底是那裡來的自信呀？表面燒得有點黑了，反正就是輕微過火，我就用手把黑色位置搣走，否則吃得多會容易致癌。之後直接食用，皮也夠脆，內裡很甜入口溶。蒜蓉牛油焗金菇可以說是我的最愛，熱力十足而且非常入味，咬下去口口都夠爽，筆酒味道被蒜蓉特濃香遮蓋了不少，可是

今日同女朋友行到旺角，突然好肚餓，跟住試左呢間串燒店整體食物質素不俗沙嗲龍利柳值得推介，口感吾錯，沙嗲亦吾會太燶，有陣陣香烤味燒茄子真系好好味，味道恰到好處，茄子既香味完全保存到燒芝心丸亦可以一試，外脆內軟

有一晚特別夜收工，走在旺角夜街，當走到黑布街看見一些食店還未關門。今次我選擇了一間用BBQ做主題的餐館，叫了我最喜愛的蒜蓉生燒茄子，還有麻吉年糕燒和燒鮑魚。特別一讚的是年糕燒的味道加了少許的香草香濃惹味，另外一讚小鮑魚雖然外形細細的，但加上非常多蒜蓉令整個口味很豐富，但食到茄子比較一般但還可接受。滿足的一晚！😍

其實當晚十一點幾已經打過去問收幾點，當時就答我零晨兩點半last order。咁好啦同朋友收工去食諗住叫做有個地方飲下啤酒食下野，我地去到十二點九左右。點知坐低左五分鐘都冇，我地仲揀緊食咩既時候，個伙記走埋黎話廚房一點收，要嗌就好一次過嗌哂。我即刻問，我打過黎問你地話2點半last order 架喎佢地即刻話冇問題。落完單佢比返張單我地，係咁意講左句「睇下張單岩唔岩」就走開左。搵到真係漏左單，就同伙記講啦。然後先有另一個伙記話果樣野已經冇得賣囉咁點解佢幫我落完單唔同我講？唔係我自己睇到張單諗住扮冇野？好搞笑囉真係。呢間野以後都唔會再幫襯！1）食物一般，大部分用好多七味粉辣粉佢掩蓋佢既唔好食2）落完單一分鐘都冇已經有野食，五分鐘內已經上齊哂，完全唔覺得野食有經過燒烤過程3）服務態度極差，其實你地趕住收唔好喺人地打黎既時候自稱last order 兩點半啦。我黎到凳都未坐暖就話last order。咁趕客又何必要比人入黎幫襯呢？4）單就寫左但冇貨又唔講係咪諗住搏我唔會睇返張單，到事後再問你地，你地可以扮傻話賣哂？5）五分鐘上哂所有野之後，食左幾啖又再問「仲有冇野要落單 last order

小店，坐位比較窄和近，夏天冷氣不夠，食品沒什麼特別突出，這裡中國川式燒烤，沒泰式燒烤那麼惹味，坐旁邊的青年人都很快走了，他們叫東西都不多只叫了一轉，應該是因為這裡價錢不便宜吧，加上冷氣不夠吃得比較熱！最後我們叫了3轉二十一項，埋單$65x ， 特此聲明 !  我是真金白銀付足100%錢的, 沒有任何試食或 折扣 , 雖然它食品沒什麼特別突出  , 但我沒說難食   , 這兒的確性價比不高 !    難道我只能寫稱讚的文章才可以登食評 ??  叧外 ,  我已經查証了 , 我是看見open rice 的廣告而訂位的 , 訂位的安排由一個叫甚麽tablemap 的搞 , 給了我50積分 , 都不知有何作用 , 而提交食評是有機會獲得額外獎賞  , 已有圖為証 , 特此聲明 !!!  我本來是給OK 評值的  , 但因為open rice 對我文章的欣賞 , 所以令我從新總結了此次活動的感受 ! 真是哭了 !!! 

夏日炎炎，提起串燒真係無想食既衝動。但到左夜晚，又係另一個說法。今晚有朋友約左係旺角食串燒。由於係晚上，已經無日頭咁熱，加上本身有空調，已經無左之前擔心既問題。同時都因為咁，餐廳坐滿客人，有等位既情況。呢度既串燒種類都幾多，海鮮，蔬菜，肉類，咩都有，仲有串燒以外既食物同甜品。提到串燒，聽到個名都知製作需時，預左要等。但今日真係好驚喜，因為等既過程真係好快，平時等到天荒地老，今日眨吓眼食物已經到。安安秘製三重芝士撈丁 $44雖然叫左串燒，但都驚唔飽，所以先叫左個芝士撈丁。面頭有大量芝士鋪面，仲要燒過，夠香。將芝士撈勻後再食，啖啖芝士啖啖麵，感覺唔錯。燒原條鮮魚 $88燒鮮魚未必每日一樣，今日既燒鮮魚係黃立鯧。魚皮燒至稍燶，揭開魚皮，熱氣由魚肉散發出嚟。先加檸檬汁再食，味道更突出。惹味蒜蓉生燒茄子 $38份茄子都幾大條，蒜蓉椒粒佈滿椒粒茄子，茄子肉腍身，同時燒得入味。燒蟶子皇 $38同樣有大量蒜蓉椒粒配蟶子皇，既新鮮，又惹味。沙律醬燒蟹棒 $32好有驚喜。本身鐘意食日式燒蟹棒既我，對蟹棒要求都幾高，除左燒既火候要控制得好，被免太乾或者未夠火候，同時亦要有足夠沙津醬做襯托。今日竟然係呢度食出

晚上同fd來個「夜逍遙」食宵夜，餐廳係街邊，方便就腳好易就搵到 當時天氣仲涼涼地，冇咩蚊，所以我地係室外都好舒服，而且又唔熱。 食物方面，燒烤種類齊全，仲有超邪惡「芝士面」，宵夜真系吾敢食呢個⋯食左超肥啊！ 其他燒烤種類都好多，菜、肉、海鮮⋯全部都有！所以我地都每樣叫D試試 超中意燒翠玉瓜，叫左一串，一串有六舊，調味汁好惹味，但係掩蓋唔到翠玉瓜本身清甜味道，咬落仲好爽口，唔會燒到乾巴巴。 燒雞翼，唔知廚師放左乜野調味料，味道好香，個雞翼面仲有幾條燒紋，表面燒至金黃啡色，好鬼吸引裡面全熟冇血水，但又未至於煮到肉身鞋口，燒到剛剛好，外脆內嫩，先係燒雞翼既至高境界！ 仲有叫左唔少野食，好似丸、烤魚、韭菜呢D野食，每一樣外表燒到脆香，再加上秘製調味，惹味令人回味無窮烤魚魚皮燒到焦焦地，但係肉仲係好Juicy，而且一D都唔腥，但你可以選擇再加D檸檬汁，鮮一鮮韭菜好爽唔韌，索哂D調味，唔鍾意食韭菜既都會比佢吸引到，我就係其中一個例子宵夜淨係食少少好啦，食完肥多幾磅有排減，不過呢幾樣味道都好驚喜！食完肥左都值得，下次經過一定再幫襯食多次！

店內略顯擁擠，營業時候餐廳是半露天的，天氣冷的時候風大實在冷的不行。但好在燒烤都是好吃的！每個菜品都看起來很有食慾，味道正正好！特別是薯仔和番茄，在吃了一堆重口味的燒烤後這兩個實在解膩！三重芝士撈丁，味道超正，芝味濃郁，面頭微微燒焦既地方畫龍點睛，撈埋下面既麵真係無敵，一個人的份量剛剛好燒韭菜好香，上面撒滿哂調味粉，食落仲有啖啖汁，惹味~雞軟骨串燒，不過不失，肉不算多，但勝在軟骨亦夠脆口！燒墨魚丸都幾牙爽口，面頭微微有汁，甜得來辣辣地，如果喜歡食墨魚丸的人必點~芝士餈飯口感比較厚，芝士味有，微焦香，可惜太飽肚，我都比較鍾意輕小食類芝士以宵夜來說，這個份量剛剛好啦∼

Bbq野食幾時都吾會食膩嘅，今日就去左旺角安安燒度食，吾使自己落手落腳燒就有好野食首先要介紹下燒茄子，大大條茄子，配合埋調味料，燒到啱啱好，茄子好軟熟帶d微辣，好惹味👍🏻另外呢隻聖子皇都吾錯，好多蒜蓉舖係上面燒，聖子大大粒，好爽口彈牙，好滿足！估吾到呢度嘅燒羊架都好出色，肉質嫩滑吾會燒過火，好juicy，好香羊肉味！燒鮑魚都好值得食！38蚊就食到一隻，鮑魚彈牙鮮甜，配合蒜蓉好惹味呢！😋金菇係必食嘅bbq食物，當然都吾令我失望，好惹味多汁，令人忍吾住想食晒佢！

我想去燒野食不過個人較為懶惰，唔想落手去自己燒，於是就來這裡又可以食，又唔使自己燒，願望可以滿足晒。燒燒賣係我bbq都必食既，呢度既燒賣比我處理得還好，因為外皮燒到好脆口但係又唔會燶，而味道好像有蜜糖的焦味，夠香口。燒安格斯牛柳粒就好入味，外面佈滿重慶粉，少少辣，而裡面就係佈滿肉汁，真係一串唔夠要食多串。最後指定動作係bbq必食既烤金茹，牛油味唔會好重即是唔會好肥利，而裡面就唔會好乾身，保留左茹既水份。全自助燒烤就岩晒我呢d懶人。