影片
更多
2017-02-24
1857 瀏覽
好懷念同朋友食消夜嘅日子，一邊飲啤酒一邊食串燒，依家成日要返工朝九晚五，瞓教嘅時間都唔夠，所以襯住星期五，約埋好姐妹放工後就即刻落旺角，見到facebook好多朋友都食過呢間安安燒。門口有好多人客排隊，我同朋友約喺餐廳等， 早到嗰個就可以攞定位，好快就有位。門口有啲餐牌，可以俾我哋睇定想食咩，餐牌設計都好似漫畫書咁，唔會個個都有食物相，睇到都覺得好吸引，出名嘅芝士撈丁，有燒汁鰻魚、安安秘製芝士三重奏、我哋必點嘅黑松露菌醬芝士撈丁，真係睇到個肚都凹晒！麒麟沙冰西柚味啤酒 $58頭先等左一陣位都有啲口渴，嗌返杯冰凍啤酒最配小食啦，呢款麒麟啤酒，有一層沙冰係上面，夠哂冰凍。燒蟶子皇 $76同呢位朋友去街就最鍾意食海鮮，分量有返咁上下，足足有一隻手板咁長，肉質彈牙新鮮，燒得好嫩唔會過火侯，加上蒜蓉蔥花辣椒，仲有啲海鮮嘅肉汁，鮮味滿瀉！黑松露菌醬芝士撈丁 $53俗語話：最簡單嘅食物就最快難整得好。用平凡嘅食材，發揮空間意想不到咁大，又可以整得咁多層次，味道豐富。餐廳就用仲出前一定發揮，變奏岀五款特色味道，我哋揀咗黑松露芝士撈丁，面頭嘅芝士被火槍燒過，會有啲脆口，用筷子撈勻黑松露，味道即刻滲出，每
門口有啲餐牌，可以俾我哋睇定想食咩，餐牌設計都好似漫畫書咁，唔會個個都有食物相，睇到都覺得好吸引，出名嘅芝士撈丁，有燒汁鰻魚、安安秘製芝士三重奏、我哋必點嘅黑松露菌醬芝士撈丁，真係睇到個肚都凹晒！
麒麟沙冰西柚味啤酒 $58
頭先等左一陣位都有啲口渴，嗌返杯冰凍啤酒最配小食啦，呢款麒麟啤酒，有一層沙冰係上面，夠哂冰凍。
燒蟶子皇 $76
同呢位朋友去街就最鍾意食海鮮，分量有返咁上下，足足有一隻手板咁長，肉質彈牙新鮮，燒得好嫩唔會過火侯，加上蒜蓉蔥花辣椒，仲有啲海鮮嘅肉汁，鮮味滿瀉！
黑松露菌醬芝士撈丁 $53
俗語話：最簡單嘅食物就最快難整得好。用平凡嘅食材，發揮空間意想不到咁大，又可以整得咁多層次，味道豐富。餐廳就用仲出前一定發揮，變奏岀五款特色味道，我哋揀咗黑松露芝士撈丁，面頭嘅芝士被火槍燒過，會有啲脆口，用筷子撈勻黑松露，味道即刻滲出，每啖都有芝士同黑松露，簡直係絕配，推介比大家！
金銀蒜茸燒生蠔 $76
海鮮陸續有來，金銀蒜茸即係炸蒜及蒜蓉，一邊帶脆身惹味，一邊有生蒜嘅辛味，生蠔燒完之後都唔會變細，依然保留肉汁，正呀！
燒芝士粢飯 $25
我哋比較大食，最後都嗌返個芝士粢飯 ，粢飯裏面包左肉鬆，飯粒好有咬口，再係上層加的芝燒至脆口，口感新穎，感覺到餐廳嘅創新！最後安安燒係筲箕灣仲有另一分店，港島區嘅朋友都可以試吓！
張貼
