安安燒 (染布房街) (已結業)

好耐冇食串燒，所以同朋友黎食下～Happy Friday既七點已經八成滿，好彩Book左枱～叫左八樣野，燒茄子，鮮大蟶子，翠玉瓜，一口薯，牛粒，蒜香燒鮮蠔，燒雞翼，香辣酒煮沙蜆～燒茄子係必食！簡直係呢度皇牌，因為差唔多張張枱都有叫，啲茄子肉可以一絲一絲完整夾起黎食，肉質唔會燒到好乾而保留外面有少少燒脆既惹味，配埋個汁中和就岩岩好～另外個辣汁蜆比想像中辣，不過就辣得黎好惹味～蟶子同蠔都正正常常～另外要講一講燒翠肉瓜，上面啲粉好正！會食上癮！不過大家可以留意一下，呢度上菜好快，我同朋友一路食一路傾計，啲野食凍哂～應該分兩轉落單會比較好。如果喜歡飲酒既人士，以上食物絕對佐酒一流。

鐘意食串燒，其中一個好處就係選擇多而份量較細，可以食到更多唔同種類嘅野食。惹味鰻魚汁三重芝士撈丁半溶嘅芝士淋左係一丁上面，食落芝士味濃厚而麵亦好有咬口。串燒蜜糖燒賣 / 蒜蓉燒扇貝蜜糖燒賣外皮咬落好脆口，而入面嘅魚肉暖暖地，又好鬆軟。扇貝唔算細隻，而且食落幾有鮮味。皇牌燒牛舌 / 超美味玉子燒燒牛舌可以話係厚切牛舌，好有咬，口而肉質亦唔錯，唔會有太乾嘅感覺。 玉子燒夠實淨，唔會一夾就散， 食落清甜又重蛋味。蒜蓉燒白鱔 / 燒甜美波蘿白鱔食落好彈牙又有口感，燒汁都好入味。 菠蘿唔單止甜，而且非常多汁。燒雞軟骨串 / 極品烤餃子釀雞翼釀雞翼食落嘅感覺，其實好似食緊冇骨雞翼咁， 而入面釀嘅都係平時餃子食到嘅餡料。甜蜜脆脆燒棉花糖夾餅最後當然唔少得甜品。 棉花糖嘅表面烤得香脆，而入面已經完全溶透，食落好甜又好滑。

平時工作壓力大，到咗星期五放工，不禁要高呼”TGIF!!!” ，當然要食餐comfort food慰勞一下自己。已經唔係第一次黎安安燒喇，之前同朋友食過覺得唔錯，決定要encore!!我真係好鍾意食串燒，一黎有好多嘢食可以揀，二黎可以同朋友飲下啤酒傾吓計，感覺好chill，可以好好放鬆下🤗星期五嘅夜晚，座無虛席，好好彩我哋等咗大概15分鐘就有位。好肚餓啊!! 即刻嗌野食先!!蟶子皇，有勁多蒜蓉喺面，好惹味。沙茶醬金菇，正啊！牛肉串同雞軟骨串，孜然味好香😋😋烤翠玉瓜，要食返啲菜balance下。一口甜薯同玉子燒，呢兩個就一般啦。

同朋友響旺角食飯 佢帶左我黎安安燒食串燒之前經過幾次 已經想試夜晚7點鐘左右 已經有唔少人喇好采都未駛等位 坐低即點野好多選擇呀 大部分都點佢like推介果幾款必食佢呢個燒茄子 好入味 但又唔會死咸燒得又唔會乾 又夾到一絲絲燒蠔呀 2隻味揀左 芝士同蒜個蠔肉俾想像中大隻 仲要厚肉個人認為蒜味較吸引燒雞脾菇 好爽 唔乾 一啖一粒仲有牛小排 好滿足 好軟身簡易用鹽調味已經好出朋友仔 嚷著要點呢個 餃子雞翼果然無點錯 漲卜卜 啖啖肉有想再食的衝動燒金沙骨 好入味呀 出面有脆身既一層呢個燒韭菜餃 外脆內軟即燒最好味 又juicy最後豬腩肉 唔脆 好香口唔錯唔錯食串燒 食下一串 食下一串都幾飽下 佢每串份量都適中呢樣做得唔錯 最岩我鍾意share!

收工想食串燒, 朋友介紹就去左呢間. 係旺角地鐵站行8分鐘左右蒜蓉燒扇貝 - 大量蒜蓉, 小量辣椒, 好香口, 扇貝十分新鮮及彈牙燒生蠔 - 無睇清楚,  原來係朱古力燒生蠔, 味道特別.燒粟米 - 我覺得最好吃的東西, 十分爽甜, 自己做不到這個味道.燒雞腎 - 小辣, 雞腎爽彈, 佐酒一流.燒牛舌 - 十分大件, 牛味濃郁.燒波羅 - 最後來個燒波羅, 十分清甜.總恬來說味道不錯, 待應服務有禮, 價錢亦合理

今晚約咗家姐去旺角食飯，雞煲同串燒最後揀咗串燒，因為成日經過都覺得好香我哋三個人點咗好多嘢呀，食物都算可以，不過可以再熱啲，而罐裝飲品可以再凍啲，坐位最好唔好咁迫會食得再開心啲

放工後與同事短聚，來到了附近的串燒店，想不到除了燒物選擇多，酒類也很多元化。蒜蓉燒扇貝扇貝有鮮味，烤得剛剛好，不會太乾身，仍保留著扇貝肉汁，加上大量蒜蓉是最佳組合，非常惹味。香濃芝士燒生蠔 生蠔尺寸較想像中大，蠔肉飽滿鮮味，濃濃芝士經過炙燒，邪惡至極，卻不會蓋過生蠔味道，我和朋友都很喜歡。極品烤餃子釀雞翼雞翼烤得香脆，內裡juicy。一口吃下去，除了雞翼的味道，還有平日餃子餡料，很特別又美味的組合，貪吃的我感覺很滿足。招牌芝士撈丁這裡的芝士撈丁不愧是招牌，面層那炙燒過的芝士有種焦香，芝士醬混合了三款不同芝士，非常濃稠，黏著每一條麵條，作為串燒後的主食也是不錯選擇。蒜蓉生燒茄子茄子鋪滿了生蒜和辣椒粒，加上孜然粉，讓人忍不住一口接一口。平日不太嗜辣的我，實在是愈吃愈過癮。三麥蜂蜜手工啤酒之前在台灣學過三麥出品的手工啤酒，品質不錯，想不到這裡也有售。啤酒帶有陣陣蜂蜜清香，配串燒一流。

今晚在旺角逛了一整天，轉眼間天色已漸沉，走到染布房街，食肆滿佈街上，陣陣香氣帶我們走進<安安燒>。在琳琅滿目的點餐紙上點了十多款串燒，款款有特色，推介原件羊架，附上薄荷醬及沒有羊顫味，肉質鮮嫩；燒花枝丸口感十足，開邊燒更見脆口。原條燒茄子🍆沒有馬乎，燒熟到剛剛好，加上大量蒜蓉辣椒教人垂涎欲滴 ；不要忘記招牌菜「一流高級吊片魷」，魷魚乾身脆邊，配一口啤酒🍻簡直是上等人享受。另外，餐廳有引入本地品牌手工啤酒，是串燒最佳拍擋之除也可以支持一下土炮出品！

我未曾係香港食過串燒燒烤，因為覺得好貴，大陸¥1已經有一串，香港就賣$20！但朋友就唔會返大陸，而又好想食串燒，唯有陪佢食一次香港串燒！旺角火車站一落黎，一橫落數十間餐廳，我記得有一兩間食串燒，於是行過去睇睇，剛好未有需要等位，店員又好熱情咁招呼我們進店，兩人半推半就下坐低左！望見一頁兩面的點菜紙，就知款式多，價格亦同我心目中差不多。因朋友少食串燒，就由佢點菜。串燒離不開肉，海鮮，蔬菜，而呢到竟然有安格斯牛，$50一串，約有4粒，價格高但物有所值，口感軟熟，濃濃牛油香，好想食埋朋友個串！而厚切牛脷亦相當吸引，前後點了4串，燒得剛好，唔會太乾，邊𡁻牛香就一直湧出黎，無得頂！燒鱔魚相當有驚喜，好彈口，可想而知鱔魚是十分新鮮，配上特製燒汁，一串我自己食哂，朋友無得食！粟米好甜，燒到好香，有少少燶，簡直完美！我肯定下次係香港想食串燒的話，必定會再次光臨安安燒！

行完街街肚仔餓，經過呢間串燒店，座無虛席咁𠶜，好彩剛剛有枱客走，我哋好快有位喇！串燒嘅種類都唔少，我哋order咗唔少嘢，皇牌燒牛舌，牛舌都算厚砌，厚砌零舍有口感。燒法式羊架，估唔到咁大件，燒完仲好肉嫩多汁。我好鍾意燒車喱茄煙肉卷，車喱茄同煙肉卷一齊食，好清新，唔會滯。再叫咗芝士燒生蠔和燒白鱔，生蠔同鱔都好鮮甜。特別推介個安格斯肉眼牛柳串，入口滿口牛味，又香又juicy，一定要試！個燒花枝丸、頂級墨魚丸都好香好惹味。然後就係食串燒嘅例牌出場，燒雞翼、粟米、茄子等等，成班朋友齊齊食下串燒，飲下啤酒，真係大滿足！

好耐冇食串燒，難得約到幾個朋友，一於就去旺角開餐食港式串燒，食到多款之類又可以每樣都試下！我地一行5人都叫左成台野，但都上得好快！我最鐘意嘅係蒜蓉燒扇貝，燒得好香，加埋小小辣椒🌶又鮮又惹味😋食串燒又點可以唔食燒茄子🤣呢度嘅燒茄子好大條！又夠多肉，唔會燒到乾曬，好正🥳呢到竟然有芝士撈面！應該係呢到嘅招牌菜！濃濃芝士味愈食愈味～友人叫左個燒豬頸肉、雞軟骨、仲有安格斯牛柳，遠遠都聞到好香，好有過年去掃街嘅感覺😂😂食到咁上下有啲漏，可能食左太多燒肉😂我地就叫左個燒金菇想洗下油膩嘅感覺。一送嚟果然好fresh! 最尾仲食左啲燒雞翼、玉子燒，都依然係燒到好香口又唔會乾，成台野除返開都只係每人二百幾！咁抵食下次可以再嚟！

一大班人就最好去食串燒，氣氛熱閙又可以一路食一路傾，同事之前介紹尼間位於旺角嘅串燒店食飯時間坐無虛席，未入坐已經感受到熱鬧的氣氛，一坐低大家已七咀八舌不停落單，最後叫到成枱都係嘢食玉子燒甜甜的，燒得有技巧，夾起一點也沒有散開芝士撈丁，滿滿的芝士層在面層，入口滿是芝士味，好邪惡豬頸肉燒得香脆可口，值得一試燒過嘅粟米十分清甜，粟米大大粒，非一般平價貨牛小排肉質煙韌有口感，燒得出色肉汁juice燒花枝丸彈牙，燒韮菜餃惹味，燒羊串夠juice野味辣汁浸海蜆，味道不太辣，蜆吸收辣汁更好味厚厚的燒牛舌做得出色，燒得外脆內軟，入口肉質軟熟，牛味香濃燒鱔，墨魚仔，雞軟骨，燒鱔燒得出色，燒得外皮脆脆，肉質彈牙。一點魚腥味也沒有，證明是新鮮貨，墨魚仔口感不錯，雞軟骨爽口食咗咁多肉，點左個燒韭菜清下油膩感，韭菜燒得一點也不乾最後點少得燒波蘿，燒過嘅波蘿份外甜美今餐真係大滿足，又飲又食又暢談，尼度真係聚腳好地方

對於有嚴重選擇困難症嘅人嚟講，要諗食咩真係好頭痛，所以多數都係「食過返尋味」！之前食安安燒係食筲箕灣個間，依家旺角有分店，依然咁受歡迎。燒娃娃菜（$15.5@1）份量唔多，但勝在燒得唔乾，少少辣幾惹味。燒清香翠玉瓜（$16.5@1）每次食串燒都會嗌燒翠玉瓜，因為啲汁全部鎖住係入面，一咬落去好juicy～燒一口甜薯（$22.5@1）今次個皮燒得有少少韌，但入面都幾軟心，甜薯必食😍燒蟶子（時價，$42@1）蟶子好新鮮，啲肉好飽滿，抵食！多蒜，但無落孜然粉等，所以唔會搶唨佢嘅鮮味，抵讚👍🏻燒雞腎（$24.5@2）比起平時一片片嘅雞腎，一粒粒咁樣口感更好，食落更加爽口～燒雞軟骨串（$25.5@2）軟骨邊仲有啲肉，脆卜卜👍🏻燒鹿兒島豚肉串（$47@2）豚肉串有2-3成係脂肪，唔會有太大邪惡感，不過肉質就唔係特別嫩滑。惹味鰻魚汁三重芝士撈丁（$49.5）店員好好提我地要趁熱撈，如果唔係我地一定掛住食其他串燒唔記得撈😂三重芝士味道好濃，同鰻魚汁嘅味都好夾，但芝士味就重好多！兩個人最後食埋個撈麵真係好滿足！平日晚市都好多人，而且啲野食嚟竹戈

吃川式麻辣串串多，今晚来个日式串烧换一下口味。旺角日式串烧店非常多，但品质参差不齐。很多坑和套路的店只做一至兩款外表好看的串串用来打卡，整体食物和服务都跟不上。经多个朋友介绍来到这店。老板很好玩，三个不同名字的店来显示不同的产品档次，安安是其中之一。可能生意太好的关係，枱与枱之间是有点窄，好像併枱一般。食物方面，很明显是看得出食材的新鲜和厨房的认真操作。点了几个基本款式，都觉得他味道鲜美肉汁丰富，尤其是那烧饭糰，真是一绝。

2個人食左400幾蚊嘢。食完好似食空氣咁。坐位又唔舒服 ，環境又唔，平時見都多人食，以為好好食，點知係伏，旺角無好嘢食？唔會有下次。唔會有下次唔會有下次唔會有下次。