安安燒 (染布房街) (已結業)

地道 chill 美食，朋友最近新居入夥，地點在超方面的旺角麥花臣球場附近，樓下幾條街都超多美食，其中越夜越美麗的有安安燒，跟幾年前相比，越做越好的川式串燒。座位非常親近，大部份時間都座無虛席，店員服務十分爽手，有效率！安安秘製三重芝士撈丁 $48一坐下便可以寫點菜紙，安安秘製三重芝士撈丁是必食之作，亦是最邪惡的一道菜色。安安秘製的味道，三重香濃又邪惡的芝士，撈出前一丁 是絕佳的組合。喜歡吃芝士的朋友不能錯過。特色雙拼腸 $38原條台式蒜味腸+台式黑椒腸，口感實在，喜歡台式腸的香甜味道。腐竹雞蛋糖水沙冰 $29邊吃邊喝沙冰一樂也，腐竹雞蛋糖水本身是滋潤的糖水，對沖川式串燒的熱氣，冰涼好味！冬瓜檸檬冰沙 $29好有糖冬瓜的特別味道，再加上檸檬的酸味，兩者很配搭。蒜蓉燒扇貝 $50川燒海鮮特別惹味，滿瀉的蒜蓉，加上鮮甜的扇貝，食極都唔夠！餐蛋串串 $17又平又好食，厚切餐肉加蛋，粒粒串起好有口感。蜜糖燒粟米 $20燒粟米大家都鍾意食，外脆內軟又多汁。秘製醬燒雞中翼 $30幾種不同風味的秘製醬汁，新奇刺激的口味，雞中翼夠肥美。燒甜美菠蘿 $20菠蘿甜美多汁帶點微焦的香味。串燒叉燒肋排粒 $2

和朋友逛街，無意中發現了這間安安燒，門口就很香燒烤的味道。店舖不是很大，坐位比較擠迫，但為了嚐鮮，也是值得的。店舖主打芝士撈出前一丁，看到介紹是由多種 芝士混合而成的，應該很不錯，但我們更想食燒海鮮。在蒜蓉燒蠔和芝士燒蠔中選了芝士燒，蠔殼很大，但蠔肉小。燒魚來的是一條小倉魚，2人食份量剛好，皮脆肉滑，口感不錯。芝士燒帶子，帶子新鮮而且芝士香味濃。還點了燒青魚，燒雞翅和燒尤魚，雞翅只得3 隻，不夠分。整體味道不錯，就是感覺太咸，建議可適量的減鹽。

2019年12月19日 星期四今晚一放工就出左去旺角食飯，因為約咗女朋友同佢細佬表妹，諗左好耐唔知食乜好，細佬就話不如食串燒，話有同學之前食過唔錯原來舖頭係旺角東車站附近，一行落天橋就見到，仲有好多燈照住，非常光猛好彩我哋早入去食，仲未算太多人，可以唔使等位就入得，遲幾分鐘已經爆曬人餐牌圖文並茂寫低有咩串燒，仲配有彩色嘅圖畫，食慾即時大增，好想每樣都食叫咗嘢食之後冇幾耐就有嘢送到，先來嘅係秘製三重芝士撈丁，公仔麵上面滿佈燒芝士，夾上黎嘅時候輕易做到拉絲嘅效果，仲有好香嘅芝士香，食落去嘅時候又真係食到唔同嘅芝士味，我諗芝士粉一定會好鍾意之後有沙茶燒金菇，一個小石鍋咁上熱辣辣，每條金菇都有沙茶醬嘅味道，食落去好惹味跟住有燒餈飯，冇諗過餈飯都可以用嚟燒，外皮嘅飯脆卜卜，好似燒飯團咁，但係裏面又有肉鬆，好有香港嘅風格燒脆皮芝士腸，咬落去腸裏面嘅芝士標晒出嚟，係我每次BBQ都一定會燒嘅食物，脆皮腸同芝士真係好夾之後有玉子燒，冇諗過會有咁多件，咬落去食到雞蛋係軟熟嘅，唔會燒得太過火，加上幾厚身，所以食幾舊都已經幾飽仲有幾款串燒，分別係燒牛舌、燒墨魚丸同燒翠肉瓜，翠肉瓜燒完都仲有好多水份，墨魚丸同牛

當天氣轉涼，除了火鍋外，串燒亦是一個不錯的選擇。之前通常會去紅磡很有名的串燒店進餐，但在openrice見到旺角東這間串燒店似乎不錯，所以一試，想不到如此高質， 但價錢亦十分合理，選擇很多，連飲品都很有特色。我跟同事二人分別點了招牌菜：燒粢飯、韮菜、安格斯牛柳粒、鹿兒島豚肉串、滑雞片、雞軟骨、叉燒肋排粒、麻吉年糕燒、墨魚仔、原隻鮮魷以及牛油燒雜菌。當中首推一定是安格斯牛柳粒，眼見其他食客都幾乎點了此串燒。牛肉燒得火喉剛剛好，約七成熟，超多肉汁，牛味重而且很林口，齒頰留香。燒粢飯很有特色，外邊脆口，有少少似煲仔飯的飯焦，飯香十足。我認為配叉燒肋排粒吃一流。肋排粒鹹中帶甜，口感爽口彈牙，配合燒粢飯的脆口感覺，口感幾夾！另外燒原隻墨魚仔及燒魷魚亦很好吃，但個人比較喜歡燒魷魚，因為魷魚大隻，即使燒過後肉身仍十分彈牙，配合七味粉更加帶出魷魚鮮味。牛油雜菌易做得十分出色，此菜式通常都會在燒烤出現，但自己製作的牛油金菇總是燒得過熟，而且太油或是太鹹。但此燒烤店的牛油金菇牛油份量剛剛好，不會太油膩，而且調味剛好不會過重，火喉點到即止，不會過熟，吃得出金菇的鮮味！大推！在飲品方面，我見到有腐竹雞蛋沙冰，

平日晚飯時間同朋友行過旺角，都會見到呢間安安燒大排長龍 今日同朋友七點幾行過，見到冇乜人排隊，於是就去試下一入到去，佢就會俾份menu 你，同你講邊啲今日已經賣晒 ，海鮮時價係幾多。呢份貼心好好！聽聞呢度最出名係撈芝士麵！當然就要試下！我地就叫左個創意蒜蓉芝士撈丁 成碗都係芝士同蒜蓉，鍾意食蒜蓉嘅人，一定要叫 ！不過我建議至少兩個人以上先好叫一碗，因為啲芝士會令你食到好滯，食唔落其他嘢就好可惜啦另外食串燒點可以唔叫燒茄子，又係勁多蒜蓉喺上面，每一啖茄子都會有熟蒜蓉，味道剛剛好！另外我仲同朋友都叫咗好多不同類型嘅串燒，但不得不提嘅就係佢嘅燒牛舌，牛舌又厚又大塊，燒到一啲都唔乾 燒蠔算大粒，好甜點咗太多串燒，兩個人食到滿載而歸另外呢度都有好多唔同嘅手工啤酒，不過我地今次就冇點到，下次嚟到一定會試吓

每次路過旺角火車站附近，見到安安燒總是人頭湧湧，食客絡繹不絕，一定是美食多不勝數。這夜相約串燒愛好者，一同開餐。串燒款式很多，由海鮮到紅肉，蔬菜以至甜食，一應俱全。飲品的選擇也豐富，有滋潤的蜜糖，也有刺激的紅白汽酒。燒超鮮味海螺片串海螺片十分脆口，加上燒過的焦香味使海螺片的海鮮香氣使焦香調味效果培增。雖然比較有咬口，但其吸引度依然十足。燒雞軟骨串卜卜脆的口感，加上孜然粉的辣度，雞軟骨味道口感非常吸引。安格斯肉眼牛柳串用上優質牛肉，食材本身可以說已經是冇得輸；同樣使用依然粉調味，輕微的香辣與牛肉鮮味互相輝映，令這款串燒成為不能錯過之選。燒芝心丸燒芝心丸真的是必食之選，全因為它能夠外脆內軟，而且芝士味適中，不會因芝士味太濃而難入口，加上經燒香後芝士有流心的效果。烤獨家高級吊片魷一整隻吊片略嫌太大，廚師好細心的已經將其切絲，方便食，也方便分享。 吊片旁邊佐以沙律醬，可以按個人喜好加點於吊片上，更見滋味。

放工又同朋友去食串燒，旺角首選夠就腳〜安安燒，見有咁多好評就試一試非常惹味又抵食，叫到成枱都係串燒，一人先百零蚊必食燒韮菜、燒地捫菠蘿，同埋燒茄子❤︎茄子攤開超大條，蒜蓉香噴噴，味道偏辣少少，好鬼正 <3燒丸類，黑松露墨魚滑味道淡咗少少，不過不失喇〜燒花枝丸同燒雞脾菇，落咗香料燒，爽口又夠香辣！特別喜歡呢個燒蜜糖燒賣，第一次食，甜甜地剛好中和一下燒大冬菇沙茶醬燒金菇子姜糖心皮蛋，皮蛋本身好入味，再加少少糖同紅姜一齊食，幾新穎燒雞腎燒鴨舌同一口午餐肉❤︎ 午餐肉外脆內軟啊，一啖一粒，得三粒少咗啲，同場嘅青椒辣到不得了。

是晚賀壽，去壽星仔最鍾意嘅安安燒，跟住步驟仲可以獲得香檳一支慶祝生日，更加高興。餐牌圖文並茂，容易閱讀。秘製三重芝士撈丁可算是安安燒招牌之作，以香濃芝士配上即食麵，加上微微焦香，芝士迷一定不能錯過。惹味沙茶燒金菇用錫紙包裹金菇和醬料， 上碟時味道和熱度均被徹底保留，熱騰騰味道也夠濃郁，記緊打開錫紙後，要盡快進食，尤其在這冷冷的天氣，特別快會凍掉！焦糖脆番茄是個挺新鮮的組合，新鮮番茄 配合焦糖旁邊還有砂糖，甜甜酸酸的味道非常醒神；而且番茄沒有整個被烤焦，不會太過熱氣。脆脆蜜燒響鈴卷很有趣：香脆的響鈴卷上加入蜜糖，味道配搭相當得意，從來沒有想像過響鈴卷可以是甜的，喜歡新鮮感的朋友一定要試試看。從來好喜歡明火烤熟魷魚的香味，無法抗拒燒一口懷舊港式魷魚仔；加入wasabi及豉油，為港式魷魚仔添加日式滋味。頂級鹽燒多春魚是另一個人至愛，一來無需苦惱處理魚骨，而且魚春為整條魚平添 獨特口感，難以被其他魚類取代。以少量孜然粉調味，香口之餘味道更加濃郁。

成日都見安安燒好多人排隊，真係唔係講笑架！今晚超早7點前就到左價錢我覺得差唔多，唔特別平，但非常受歡迎👏我落左😁😁超厚芝士撈丁！好濃密，幾正！誰及我愛燒茄子🍆，多蒜一次半次唔怕啦😂😂左上：芝士年糕、翠玉瓜、餃子、蟶子！講真，樣樣都幾好，蟶子貴d, 餃子juicy👍🏻，翠玉瓜健康感覺必食👍🏻，年糕冇乜所謂😝😝白鱔彈牙新鮮，羊肉串惹味送酒好正最後既係金菇，未必有串燒咁好食，但熱熱的，麻辣風味幾鍾意❤️瘋狂食，200蚊一位

同老公行去旺角東站搭東鐵回家，經過染布房街見到一間串燒店叫安安燒。食店是半開放式的，見客人邊食邊談笑風生，一陣陣的燒烤香味從店內傳出來，吸引我們入座試試食店的串燒。秘製三重芝士撈丁：用藍芝士、巴馬臣芝士和車打芝士，配以秘製調味而成，芝士味非常濃郁，口感柔滑，一丁面彈牙，十分惹味！蒜蓉燒扇貝：燒得剛剛好，不會過火，扇貝鮮甜帶蒜蓉香，加在小小辣椒，無論賣相和味道都很好。芝士蒜蓉燒生蠔：生蠔新鮮冇腥味，除了蒜蓉還有芝士，蠔味濃郁，蒜蓉芝士甚惹味。甜蜜蜜司華力腸串：燒得好香口，面層塗左蜜糖，味道甜甜的滋味讓人食不停口。烤餃子雞翼：脹卜卜金黃色的雞翼已去骨，釀入豬肉，餡料飽滿，皮脆肉嫩，值得一試！燒原條黃立鎗：燒得夠火喉，面層燒至微蕉，香脆可口，肉質鮮嫩，點些泰式酸辣醬，更可令魚肉味道提升。有美食的燒烤食物，當然少不了啤酒汽水。

話說早排行旺角經過染布房街一帶， 因為平時比較少客嗰邊 ，知道嗰邊有咁多食肆， 呢日收工之後就同朋友嚟呢邊搵食， 就同朋友試咗間串燒店， 店舖唔算好大， 大概可以坐四至五十人左右， 裝修有啲似居酒屋， 都幾適合happy hour 嚟呢度吹吹水。呢度嘅串燒都幾多元化， 有多種嘅肉類，蔬菜，海鮮， 甚至乎燒響鈴都有， 我哋當然有試燒響鈴， 佢用咗少少蜜糖調味， 食落脆脆地甜甜地幾得意。海鮮方面我哋叫咗蟶子和墨魚仔， 蟶子嘅味道鮮甜， 用咗大量嘅蒜蓉同蔥嚟調味， 墨魚仔就用咗沙茶醬來調味， 比較惹味。肉類方面我哋都嗌咗好多款， 豚肉，羊肉串，牛脷 ，滑雞片， 豬頸肉， 牛柳等等， 呢度大多數嘅肉類串燒都會用孜然粉和辣椒粉來調味， 好有川式嘅風味， 蔬菜我哋嗌咗原條茄子和雞髀菇。呢度除咗有串燒食之外，仲有芝士撈公仔麵食， 我叫咗個芝士蒜蓉撈公仔麵， 芝士味同出面嗰啲有啲唔同， 呢度食到有藍芝士嘅味道。

講開食串燒，通常就會諗到企喺街上面食嘅小食不過香港人對飲食更講究，而且食物嘅花款比以前多，連串燒都唔再係喺街上面食嘅肉串咁簡單呢度嘅串燒種類比想像中多，有肉類、海鮮、蔬菜等等可以揀有啲花多眼亂，就跟據餐牌嘅推介揀咗一部分食物見呢款芝士撈丁形容得咁好味，我地又揀咗嚟試下我地每款揀咗少少試下，呢度有幾款肉串、燒茄子同燒芝士餈飯肉串並非普通肉串，係安格斯牛肉串同鹿兒島豚肉串，肉質經過燒烤但唔會好韌，而且肉味香濃燒茄子加上大量蒜蓉，十分惹味，燒餈飯就更特別，外面燒到少少脆，但內裡煙韌呢款芝士撈丁，見餐牌簡介係用咗三重芝士去整，所以食落芝士味比一般嘅濃郁好多不過一定要襯熱食，凍咗醬汁凝固於比較難拌勻燒響鈴同一般打邊爐式嘅食法唔一樣，食落脆卜卜蜆肉鮮味又大大份，雞脾菇用烤嘅方式整，食落爽脆如果有白鱔，通常我都會揀嚟試下，因為白鱔如果夠肥美，燒起上嚟外皮香脆，內裏軟滑，非常好味燒墨魚仔爽口彈牙，配搭沙茶醬夠惹味呢度食物質素好好，不過坐位唔算多，食到中途已經好多人排隊等位下次想嚟食都要預早啲時間先得

今晚晚餐想要吃得香口惹味些，「安安燒」串燒晚餐可以滿足嗅覺和味覺。惹味蒜蓉生燒茄子是必選，又腍又滑又惹味而且大大件！ 金銀蒜蓉燒生蠔，鮮嫩生蠔與調配得非常美味可口的金銀蒜蓉，加入點點辣椒碎；無比的滋味！沙茶醬燒原隻墨魚仔，估不到墨魚仔遇上沙茶醬燒，會那麼美味，齒頰留香！我愛的蒜香燒白鱔，蒜香燒沒有搶走夠新鮮的白鱔，肉質爽滑香蒜濃，好棒！沙嗲豬頸肉，色澤燒得很吸引，肉味濃郁，值得一試！皇牌燒牛舌，也是串燒必選，牛舌有脂肪，但吃起來沒有油膩感，而且肉質有爽和滑的部分，吃來有甘香味道。芝士燒翠玉瓜，綠悠悠的爽甜翠玉瓜，可以平衡多吃肉類。麻吉年糕燒，味道香濃又脆的外層，咀嚼又有煙煙靭靭的口感，每人一串的吃，很爽！麻吉年糕燒安安創意芝士蒜蓉撈丁，芝士迷一定不容錯過架！涷柑桔蜜，為我們解決熱氣（上火）問題！

其實我唔係好鍾意食串燒㗎咋！朋友話食咁就食下啦。我喺日本食串燒有過一次好好嘅經驗，嗰間鋪頭利用生果嘅酸酸甜甜味道，糅合肉味搭配，真係有喜出望外嘅感覺。所以今次食安安燒，我唔多唔少都用咗日本嗰間黎做準則（sorry係有啲唔公平嘅😅😅）咁做人應該要向完美進發㗎嘛👉🏻 最好味係豬腩肉包車厘茄，因為佢你用咗生果嘅味道去配合肉味，當然同我日本嗰個經驗冇得比啦👉🏻 份量真係太少喇 15條韮菜要成$20 豬腩肉包車厘茄得三粒 索價$25.5🔥👉🏻 玉子燒唔得❌好甜👉🏻 原隻茄子係好大分 但係$43🔥👉🏻 如果你去開超市就會見到娃娃菜係一樣賤格嘅嘢，佢得5片仔 $15.5🔥👉🏻 肉類好明顯你唔會追求牛巿牛味；豬有豬味👉🏻 總括來講係貴嘅，不過都唔關佢事，應該話食呢種串燒就係咁貴㗎啦👉🏻 再總括來講，串燒都係食泰式嘅好味啲佢上菜都上得快嘅，如果你肚餓就會覺得好正，但係環境又唔算坐得好舒服，所以都有啲好似趕住食趕住走咁。但係店員都唔會push既！

想在鬧市入面BBQ ？想唔使燒有得食？想一大班人一齊食嘢？想感受下香港有幾人煙稠密？呢度絕對啱晒你😂😂安安燒呢個名就聽得多，食就真係第一次,第一眼望見個門口已經企滿晒人等候，入面密質質用盡晒所有位置去放枱橷,好有氣氛既同時，亦都諗緊係咪真係咁好食串燒真係樣樣都好想食，尤其是係燒肉，一下子就點滿晒成張枱，燒肉就梗係唔少得啦，最特別嘅係呢度有啲特別品種要介紹下燒芝士粢飯，諗都唔會諗到唔到響到出現嘅食物, 飯面放左芝士，飯面燒得小小脆，入面係黏黏既粢飯，夠哂特別脆脆蜜燒響鈴卷,打邊爐必點之選，估唔到燒出嚟嘅感覺又幾特別,重點係面頭嘅蜜糖，甜甜地再加埋脆脆響鈴,口感不錯但最最最最最好味嘅----一定係呢個必點邪惡之選：邪惡芝士撈丁系列，所以我哋總共叫咗三款,秘製三重芝士撈丁,創意芝士蒜蓉撈丁，惹味鰻魚汁三重芝士撈丁,滋味濃郁，配搭bbq咁多餸呢個主食真係啱啱好