安安燒 (染布房街) (已結業)

不時經過都見到安安燒成日坐滿人我就第一次食店舖啲枱比較密，同埋開放式冇乜冷氣怕熱嘅就唔好大熱天時去啦，同埋2位去的話都好大機會要撘枱，不過食呢種串燒就係要熱熱鬧鬧先開心食物性價比唔錯，價錢合理，元貝鮑魚果啲海鮮類都價錢合理，水準唔錯，唔怪得之成日都咁多人啦最驚喜係烤魷魚，真係好有煨魷魚嘅味道。飲住啤酒食下串燒真係好爽㗎由放想試多啲串燒，就冇叫呢度嘅名物芝士撈麵啦，不過見到人地食賣相都吸引，下次要試

每次經過「安安燒」都聞到香噴噴嘅串燒烤味，只做晚市都坐無虛席，今晚約好左三五知己一嘗串燒滋味～店內非常熱鬧，感覺親切，間格是開放式，內裡有風扇空氣流通就算夏天去都唔焗促。鎮店必食一定係秘製芝士撈丁，多種口味，是老闆用首創人手方法配以高級芝士秘製醬料製作而成創意芝士蒜蓉撈丁，芝士味濃幼滑，配以生蒜乾蒜，味道出奇地夾，特別惹味，芝士醬濃稠度調較得非常好，丁面不會結成一團，口感Q彈，必食推介蒜蓉生燒茄子，燒得軟硬剛好，鋪了滿滿蒜蓉和調味出色，入口非常惹味辣汁浸海蜆和水魷都係用上秘制麻辣汁，辣度適中，不嗜辣者都食到，蜆肉新鮮無沙，水魷彈牙秘製醬燒雞翼，好入味，雞皮燒得香脆，肉質嫩滑，配搭醬料特別惹味黑松露墨魚滑，墨魚煎到金黃色配以淡淡黑松露香，香口彈牙燒花枝丸、墨魚丸、自家韮菜餃和孜然羊肉串，丸類燒得香脆彈牙，韮菜餃好juicy，羊肉配孜然帶出肉香沙嗲醬燒豬頸肉大大舊，保留肉汁好juicy,沾上秘製沙嗲醬回味無窮蜜汁燒芝心獅子狗，芝士流心溢出，塗上薄薄蜜汁已經夠好食燒甜美菠蘿，非常清甜好juicy這裡醬料都係秘製，別有一番風味，必試的芝士撈丁做得非常出色，價錢經濟食物高質款式夠多，難怪常常高朋

港式居酒屋有串燒食有啤酒飲 啱曬我呢啲咁鍾意食宵夜嘅人 難得聽日放假 一於食過痛快 飲過痛快 已經夜深 入座率依然超高 皆因呢度嘅食物質素確實有水準創意芝士蒜蓉撈丁$49.5超美味嘅創意美食 加咗大量芝士溶及蒜蓉 芝士味道非常濃郁 燒韮菜$19.5 用長簽串起來 一條條的排列得相裝整齊 加上孜然粉 口感鮮香爽口 非常惹味燒牛舌$37 非常厚切的牛舌 燒至外面金黃香脆 中間煙韌彈牙 咀嚼嘅時候有種回彈嘅口感芝心獅子狗$28.5 加咗蜜糖去燒 食落甜甜地 一咬開中間有驚喜 中間嘅芝士呈流心狀態 有香濃嘅芝士味道餃子雞翼 雞翼已經去骨釀入餃子餡料 加咗秘製醬汁去燒 非常有bbq風味 咬落去淡淡肉 好滿足蒜蓉茄子$43 表面鋪滿大量蒜蓉 每一啖茄子都充滿蒜蓉嘅香味 茄子軟熟又多汁 是我每次吃燒烤都會必點嘅食物燒菠蘿$19.5 一咬落去超多汁 燒熱後嘅菠蘿變得更加香甜 當飯後甜品或飯後水果也不錯羊肉串 帶有點點羊騷味 就是喜歡吃這種特別的味道 花枝丸 真係有粒粒花枝在裏面 增加口感層次燒韮菜餃 這是自家製的韭菜餃 外皮燒到脆卜卜 很香口 餡料有大量韭菜 多汁又惹味雞軟骨&燒雞腎 兩樣食物口感都

今日約左朋友係中秋前夕聚一聚，搵左係旺角既呢間串燒店，店鋪唔算好大，一張張木檯，係正路邊的街舖，而且夜晚好多人去食，熱鬧非凡，氣氛相當唔錯～我地叫左秘制三重芝士撈丁，好多芝士，好邪惡但好好食～蒜蓉牛油焗金菇，金菇份量都幾多下，重點牛油同蒜蓉味都好出又有汁，焗完即刻上，熱辣辣好好食！皇牌燒牛舌，牛舌係厚身的，灑上秘制調味粉好食～食串燒點少得叫燒菠蘿，菠蘿好多汁好甜啊～安格斯肉眼牛柳粒肉質燒得好嫩，外皮焦脆香口～燒滑雞片&孜然羊肉串，唔怕羶味可以試下～仲有燒茄子，有好多蒜蓉，調味粉同辣椒舖係茄子上面，燒得好腍好惹味👍🏻

想搵間串燒食下，友人介紹呢間，佢話食過幾好食。食物果然吾錯，價錢合理。燒茄子正，牛油焗金菇都好好味，另外我幾鍾意佢個餃子雞亦定吾知咩雞亦(有野釀左入去果隻)，整體都不錯吃！可惜佢成間店係開放式無冷氣，一路食一路流汗，大熱天時都幾係野，都係留待冬天再幫襯！

放工最岩約埋同事一齊食宵夜 串燒店亦係我地必去嘅地方雖然地方唔係好大 枱與枱之間都比較迫 晚餐時間見到人流都吾錯入門口前見到餐牌有芝士撈丁亦係招牌菜 見到每一枱必點嘅食物芝士控嘅我第一時間叫咗碗黑松露菌醬三重芝士撈丁 芝士凍左會好難撈 所以要趁熱撈 芝士汁味道都幾濃郁 另外加咗黑松露醬都幾夾 公仔麵都煮得啱啱好燒茄子🍆又係我最愛 必點 以前想食真係要反大6宵夜檔先有 依家好多地方都有 雖然鋪滿蒜蓉同辣椒但係味道唔會好鹹 好濃味燒餃子雞翼 肉碎釀左係無骨雞翼到 啖啖都係肉 好滿足燒冬菇同埋甜番薯 唔算太突出 番薯唔會燒得好乾都幾甜燒菠蘿 出邊塗咗層蜜糖 蜜糖燒到脆卜卜好香脆 菠蘿又多汁又甜

雖然香港嘅夏天熱辣辣，不過依然無損大家對燒烤/火鍋嘅熱情，想食燒烤又唔想太熱，食人哋消好嘅串燒就最方便啦。芝士蒜蓉撈丁，係老闆用咗三款芝士秘製而成，有藍芝士、車打芝士同巴馬臣芝士，芝味濃郁，個麵煮得幾好仲彈牙，加埋同樣重口味既蒜蓉，記得趁熱食，凍左就冇咁好食㗎啦！惹味黑松露墨魚滑，多數打邊爐先會食，第一次食燒既墨魚滑，估唔到幾驚喜，一大塊燒好再切開食，入邊依然保持嫩滑唔會太乾。美國牛小排，食落幾有牛味，不過我覺得可以唔好咁熟肉質會更滑。沙嗲豬頸肉，豬頸肉食落夠爽口又唔肥膩，加埋佢個沙嗲醬更加香濃惹味。香濃芝士燒扇貝、串燒蜜糖燒賣，芝士扇貝細細粒有咬口。燒燒賣有啲小學生燒嘢食時嘅感覺，但係加埋蜜糖外脆內軟嘅燒賣的確好食。燒韮菜、秘製麻辣金菇，食咁多肉點都要叫啲菜嘅，平時多數食蒜蓉牛油金菇，今次試吓新口味，有啲似沙嗲味幾香。

今日同同事三個人晚飯gathering, 揀左燒物，睇一睇，係旺角舖，之前食過，知道多人，所以要早幾日打去book位就會好d。果然，book左八點半，都已經好多人，都要等一等先有位。舖頭吾算大，但好彩都吾太迫，尚可以。叫左拒個出名芝士撈面，之後叫左雞軟骨，雞翼，牛肉，牛舌，牛腎，多春魚，所有都好好食好香好惹味，唯一笨左，吾記得叫拒五味粉分開上，有d辣。呢個combo, 一定要叫啤酒🍻送先有feel!!!

琴晚同朋友睇完戲經過問到安安燒傳出嚟嘅燒烤味道，朋友話有啲肚餓，所以諗都冇諗嘅情況下就入咗去食宵夜，兩個人叫咗幾款串燒，上菜嘅速度叫做快，平時串燒店多數等好耐，但未食完一樣令一樣已經上枱，二人枱已經唔夠放，越叫越多野食🙈價錢中位價，燒得好味，最重要係好快就燒好，係甘眼訓嘅情況下食完即走👍

上回與同事在「安安燒]吃完串串燒，相當回味！今晚收工後又相約來燒一燒！ 這間串燒店鋪面開放式， 面積不大， 空間有限，坐位之間零 距離，但坐落一點也不覺”逼夾“，反而多了一份 特色風味感！ 職員在食客之間，不停地穿梭，快速流暢地將燒好的美食遞上，快而準，動作俐落 晚上六時多，正好放工經過時段，肚子也剛好有點餓，不等回家吃飯了，先和同事坐下吃吃小食，喝上一杯，為一日的工作，消消疲累減減壓，三五知己，真是一樂也！ 喜歡這店原因是食物好味！夠水準，小食，飲料多選擇，高談暢飲，無 拘無束！ 氣氛夠熱烈！真是一個不錯的聚脚點！

喺旺角同朋友到''安安燒"食串串燒飲番杯！ 七點半巳經九成多滿座，氣氛非常熱鬧，等左一陣先有位，等位期間聞到啲香味真係流定口水呀！ 一坐低即點！點！點！，雖然串燒店話燒物需時，但啲食物都出得好快， 效率高，超有水準！食得夠痛快！海鮮類成20款咁多選擇，仲有啲…秘製麻辣類，如麻辣水魷，川式麻辣扇貝都好好味！ 20多種肉類串燒，丸類，餃類，主食……等。十分好惹味，辣度我個人都可接受！ 燒芝士餈飯真係勁好味！熱辣辣又軟糯一嘅芝士好軟滑加埋肉鬆口感香濃！好正！ encore再encore！ 秘製三重芝士撈丁~ 又係一個令人回味嘅係傑作，老闆首創將 三種唔同嘅芝士， 藍芝士巴馬臣芝士，車打芝士等，配以秘製調味以人手方法逐少量混合而成，口味非常濃郁口感柔滑，再灑上煮得Q彈嘅丁面，味道無與倫比！燒蟶子皇好大隻！肉夠厚，鮮甜爽口彈牙，蒜汁惹味！30多款飲品，日製手工啤，樽裝啤酒，白酒，紅酒，氣水，冷飲熱飲都有，各式其式！邊食邊暢飲，真暢快！雖然 店舖 開放式，勝在冷氣夠，唔覺得熱，冇出現流住汗食，仲覺得幾有風味添！

平時經過見到好多人食，所以今晚決定約朋友一齊食。果然無揀錯，價錢平，食物質素高，服務態度好。之後都會介紹比其他朋友去試。🥳［必試］芝士撈麵🤩芝士味唔會濃，啱啱好！公仔麵唔會煮得太林。好啱口味！ 好食到停唔到口。［必試］雞泡魚干🤩雞泡魚干得好入味。點埋沙律醬食十分配，如果配埋酒飲，應該好過癮。牛舌🤩牛舌係厚切，而且燒到好入味，食落淡淡都係肉，而且好平，平過出面嘅日本餐廳，但係有日本餐廳嘅水準。［必試］牛油焗金菇🤩次次出去食串燒都一定會點牛油金菇。整體來講，所有串燒都做得好出色，而且有很多選擇，啱晒各人口味。

中秋節到了，原定約咗去BBQ，點知天氣仍然咁酷熱，怕辛苦了大家，所以一致決定改咗去旺角安安燒，舒舒服服等人燒比自己食。喺染布房街嘅安安燒地點方便，雖然全家坐有少少迫，但係翹埋雙手有得食！仲有得嘆冰凍生啤！燒烤食物種類繁多，睇到眼花撩亂，大家爭住揀自己鍾意嘅食物。阿囝叫咗燒芝士黐飯，芝士撈丁！個芝士黐飯真係好正，中間包住好多肉鬆，食完唔夠再encore。叫咗一條黃䲞倉、鰻魚串、燒扇貝同燒聖子王，啲海鮮相當新鮮，燒得好香口。個燒茄子真係值得大讚！幾乎全場每一台都點的。呢間市中心嘅BBQ真係好，隨時隨地都可以食到燒烤。

姊妹好想食串燒BBQ，便想起呢間安安燒可以串串燒，雖然地方不算大，環境一般，不過人流常滿，遲來一步便要門口排隊等位喇。侍應生好有禮貌地介紹食物串燒，真係好多嘢想食呀！係時候燒喇。。。燒娃娃菜 / 燒四季豆 / 香濃芝士燒扇貝(四隻)~四季豆有點微辣，味道有點似四川菜風格， 扇貝鋪滿曬香濃芝士食落好香口煙煙韌韌。燒甜美地捫菠蘿 / 甜蜜蜜司華力腸串串燒~~ 菠蘿好大件好厚好甜啊！沙茶醬燒龍利柳~~ 呢個比較咸，可能個汁浸住，不過魚肉係好滑嘅！如果乾燒可能更香口。😋炭燒海中蝦(二隻) / 燒法式羊架(二隻)~~串燒叉燒肋排粒~~羊架燒到恰到好處，再點埋薄荷汁芥辣醬味道更香口，沒有騷味。海中蝦都幾大隻，姊妹連蝦殼也咬碎呢！因為味道香和脆口，不覺硬👍串叉燒肋牌食落口係粒粒都離晒骨㗎！味道甜甜哋。當然唔少得解解渴嘅飲品啦！兩杯凍金桔蜜！夠大杯爽晒！總結~安心燒串串燒姊妹食得開心又滿足。✌

上星期約咗朋友喺旺角見面，留意到呢間餐廳喺網上口碑唔錯，於是乎就過去一試佢哋嘅串燒選擇非常多，而且特別嘅係有好多特色嘅創意串燒脆脆蜜燒響鈴卷，口感好得意，佢表皮查咗蜜糖，甜甜脆脆燒雞子非常好食外脆內嫩，加上佢哋嘅燒烤調味料，真係好值得推介同埋佢整體來講所有串燒都非常高質，最主要係因為佢哋廚房真係處理得好好，所有食材都燒到啱啱好，唔會有乾同燒得唔夠趣嘅情況出現，特別推介佢哋嘅燒翠玉瓜見到個燒茄子外表就已經覺得非常好食，結果冇令人失望，佢哋嘅調味料配上燒得啱啱好嘅茄子真係一流另外佢哋嘅燒韭菜餃都非常特別，餃皮香脆，一咬開韭菜肉汁就湧出嚟，其他地方食唔到燒得咁好食嘅韭菜餃