安安燒 (染布房街) (已結業)

平時工作壓力大，到咗星期五放工，不禁要高呼”TGIF!!!” ，當然要食餐comfort food慰勞一下自己。已經唔係第一次黎安安燒喇，之前同朋友食過覺得唔錯，決定要encore!!我真係好鍾意食串燒，一黎有好多嘢食可以揀，二黎可以同朋友飲下啤酒傾吓計，感覺好chill，可以好好放鬆下🤗星期五嘅夜晚，座無虛席，好好彩我哋等咗大概15分鐘就有位。好肚餓啊!! 即刻嗌野食先!!蟶子皇，有勁多蒜蓉喺面，好惹味。沙茶醬金菇，正啊！牛肉串同雞軟骨串，孜然味好香😋😋烤翠玉瓜，要食返啲菜balance下。一口甜薯同玉子燒，呢兩個就一般啦。