安利魚蛋粉麵

營業中

休息中

昨天去了筲箕灣出名的安利魚蛋粉麵下午茶食麵途中我們竟巧遇志明 原來余文樂真的十分型和靚仔>> 片頭切腩撈粗片頭原來是指魚片 我真的去到才知道腩是牛腩 不過我覺得整個麵都偏咸令我完全去不到有牛味 牛腩我只是吃到好像熬湯的西施骨但牛腩真的煮得好軟身 確是不錯真的是期望愈大失望愈大>> 鮮奶油多厚切的牛油夾在厚厚的多士上 再沾上一層甜甜的奶油真的超級美味 只是略嫌凍了少許但其實真的不明白為何會有那麼多名人光顧 因為質素真的非常普通可以說是不值這個價錢

既然都係去柴灣,不如趁有空檔試下名震天下既「片頭切腩豉油撈粗」......個湯胡椒味幾重,仲好似落左「師傅」咁,有D口乾.....不過個粗撈真係幾好食,每條麵都好入味,又有菜平衡D肉肉肉.....可惜D腩真係纖維過高,咬都要幾花牙力......而片頭丫,so so la....其實剩係切腩豉油撈粗都已經OK,平返四蚊@@"如果叫肥腩而唔落湯撈都OK既.....

基本上整個東區啲食店真係都唔多得，尤其係東大街，又會可以咁成條街都唔好食，但又唔執笠。就算呢間所謂馳名的食店，也只是正常水準。唔通東區啲人食嘢真係咁求其，咁飢不擇食。食物方面，片頭的確不錯，叫做有魚味，但呢個唔係正常的片頭的要求嗎？無魚味的話，係正常人都唔會去食啦。要排隊排咁耐先入到去，座得又迫，價錢又貴，我就覺得唔多值。總括而言，要食嘢都係儘量唔好係東區。

尋日放工同班同事去左食魚蛋粉~但夜o的會食飯, 所以就點左一碗牛腩魚片粗撈share~食完都覺得無咩特別~o的牛腩仲咬極都唔爛~反而o的多士有驚喜~好軟好好味~我同事話杯奶茶都唔錯~如果去食多士的話還不錯~p.s.o的人態度真係差左o的~唔會再去囉~

今次吃午飯，叫了三款食物------切腩魚片撈粗、魚片河、鮮油多切腩魚片撈粗薄薄的切腩，既煮得夠軟夠淋，一點也不痴牙，一入口有點鬆化，口感極佳，絕對是上乘的牛腩，值得推薦魚片夠滑夠爽口，再加上豉油撈粗麵，實在唔錯魚片河魚片夠爽滑之餘，河粉也夠爽滑鮮油多剛剛烘起的多士，熱騰騰而香脆，夾著厚切的牛油，也是相當美味！但進食時一定要夠快，否則牛油好快融掉可惜當天另一款招牌菜炸魚皮賣光，唯有下次再光顧啦

一班同學走到過來筲箕灣，是時候找點東西來吃午餐走到過來東大街，一條很多餐廳的街道經多番商量後，雖然安利很多人，還是選了它，皆因這裏的好評(果間大排檔，都搞左我地好一陣，究竟哪間才是真的...)係時候講講食物先片頭雲吞河片頭只有一塊，其他都是普通魚片，不過都算了片頭普通，試不出有何特別，但魚片切得很薄，好'雲吞就薄皮的，不是厚厚，頗好河粉？不用說了...凍奶茶奶與茶份量適中，很好飲奶油多點解唔揀鮮油奶多？全因價錢問題，差成一倍... ($7 vs $14...)多士又薄又脆，但奶油好似略嫌不多，或許是我的同學拎走半件時拎埋d 奶油掛...服務不可不講有位同學落辣油落得太多，搞到太辣，果d 侍應就二話不說同佢換左換湯，仲同佢斟左幾杯凍水，仲比左一卷紙巾，值得可嘉個收銀話：「d 辣油好辣架，下次唔好落咁多啦」，笑左我地一陣...不過牛腩看似真的麻麻，某同學曰不是太好食，都係唔好揀牛腩啦

來到筲箕灣本來想去食咖哩, 但同事建議去安利, 想也不想便入去了入到去已經好多人, 邊行邊觀察其他人食什麼, 幾乎個個都係食魚片頭撈粗.建議我地入來既同事一坐底二話不說已經叫左魚片頭撈粗, 其他同事亦跟叫魚片頭撈粗, 當然我都叫左 上菜都好快一陣間就有野食, 第一下入口, 已感覺同其不同之處, 平時食個d 總係不夠乾身, 醬汁都沖到淡哂, 但安利既就完全無呢個通病! 讚 魚片頭一入口就知係新鮮炸起的! 微脆外皮入面熱啦啦! 好正呀! 讚~讚 食完都唔係太口渴. 讚~讚~讚食完一碗心想不太夠喉的時間, 身邊同事已大大聲order多一碗我都係小吃多滋味吧!味道真的很好, 不過size細了點, 女仔食剛剛好, 男仔就小吃多滋味吧!

難得放假,來到東大街,就會去安利,永遠的有條人龍在等着.今天也不例外,其實係唔係真係值得就見仁見智,不過如果你/妳係鍾愛港式奶茶,咖啡,這裏一定不會令你/妳失望.我亦會在此略言之我對它的必食品感覺:豉油撈粗 - 每條麵條都撈有醬油,唔咸,佢已涼,附出的湯,味精比較重.炸魚片原條 - 夠味,加辣油,香又野味.冇嘢係十全十美,它給我懐夠味,其實食物要新鮮,用心,它做到,但每人口味唔同,好與壞實屬個人口味

一大早食完時新漢堡包，之後又途經東大街，本應都好想喺安利打碗片頭切腩撈粗，不過男友大人話只食得落鮮油多，所以就叫咗一件外賣試試(因為之前我未食過呢度嘅鮮油多)。我個人覺得個麵包又係烘得好適中，外脆內軟，配埋兩片中厚牛油又真係非常之匹配，不過又唔係真係好特別好味，一般啦，如果去開食麵都可以再食嘅。

服務一般食物唔錯魚旦好一般.湯底都係一般...反而牛腩好正,又淋.又唔肥...又清甜做得好食個牛油包都幾好.....好食而香...唔錯

安利是區內馳名的魚蛋粉麵檔，除了不了區內食客支持，也有不少慕名而來的食客，當中不少是駕車人士，更有不少名人呢記得我十多年前第一次光顧是，安利仍在現舖位斜對面的舊舖十多年來，經歷了家族生意拆伙，在舊舖旁另起爐灶打對台，去到數年前由舊舖搬到新舖今天在午市光顧，依舊在門外有大批人輪候，要排隊拿籌由舊舖搬到新舖，店外一樣有大批食客等位，也泊滿駕車外來的食客，十年如一日，勁！難怪他們的營業時間是朝七晚七，連晚市都唔使做等了不消一會便有位，先叫了切腩魚片撈粗、魚蛋魚片河、炸魚皮負責落單的侍應是這裏的老伙記，十多年前我首次光顧時已經認得他們他們不單做得耐，而且效率更保持一流水準，當然你不能期望會有甚麼殷勤的態度與禮貌吧！甚至連他們的服飾，也是十年如一日的。十年前他們愛穿著波衫返工，十年後的今日也是如此很快切腩魚片撈粗、魚蛋魚片河便送上這兩碗粉的質素是令人滿意的薄薄的切腩，既煮得夠軟夠淋，一點也不痴牙，一入口有點鬆化，口感極佳，絕對是上乘的牛腩魚蛋甚為彈牙爽口，魚片夠滑夠爽口，也是安利的招牌菜再加上豉油撈粗麵、河粉的爽滑，令我不得不給「味道」一項五分吃完兩碗粉後，還未送上炸魚皮，再三催促下終於送上，好

雖然已經係成個月前嘅事，但真係唔寫唔得…話說國慶日專登早啲起身，同屋企人去咗筲箕灣食好出名嘅安利魚蛋粉，點知…首先，落單嗰位阿叔十分串咀，話說我哋5個人去食，叫左4碗麵、2碟菜、1碟魚皮、1杯嘢飲…點鬼知個阿叔串我哋「咁多人剩係叫1杯嘢飲咋？」(重複咗幾次…)，心諗：乜一定要叫嘢飲架，又唔係咩特飲，難道佢知道自己啲嘢落咗勁多味精，食完一定會好口渴？跟住啲嘢到齊就開餐啦，發覺好唔得囉，啲牛腩硬到好似柴咁，臨尾有兩舊真係咬唔開被遺棄、湯底只係落咗牛精煲嘅味精水，唔怪得猛叫我哋嗌嘢飲啦、仲有啲炸魚皮潮咗韌嘅…講真，隨便搵間雲吞麵鋪都好味過佢呢！其實服務差係預咗，但啲嘢食質素咁差真係始料不及，一定唔會再幫襯呢！

上星期日, 一行5人去完海防博物館,路過入去食了魚蛋河, 牛腩河, 清湯腩撈粗, 西多士及牛油多士,其實食物算普通水準, 不是什麼特別出色,但當日粗麵太多"梘水", 好難入口 madmad(希望係當日麵廠生產出了問題啦)最氣頂係最後埋單, 樓面阿姐多多說話 .. huffy"食咁少東西, 用咁多碗!!", 聽完真係俾佢吹脹!! huffyhuffy埋單都成百蚊, 人均消費都成 $20...咁都算少呀????幾時有 minimum charges 最低消費呀????咁差的服務, 下次唔使人去食啦!!! huffyhuffy

因為oct 17, 09同筲箕灣之友嚟東大街食嘢,佢就介紹我去買牛丸粗。之後嗰日就喺屋企淥熟佢淨食 : 1) 牛丸粗 (hk$28)-只有1打(12粒)-每粒唔喺好大-入口好彈吓,有質感因都會有攪碎咗嘅牛筋-食到溫溫嘅牛味,但隨之而嚟就喺好出位嘅中芹香味-因為呢度嘅牛丸好有自己嘅個性,混以唔少嘅中芹碎-其實個芹香都唔多唔少搶咗個牛味,但我都好愛濃芹香嘅菜色,所以都合我意-可能佢無預淨食,所以微微鹹咗少少,如果配以粉麵食仲會更好-好彩友人教我用清水煲熟就得.........(我仲以為要用史x生清雞湯添),否則到時真喺會好鹹喇

老迷向自己推介多時的「安利魚蛋」，一直未有光顧，因今晚將會是最後一晚到柴灣開工，於是便籍此理由前往一試。晚上六時左右到達筲箕灣，在東大街看見有兩間安利，一間在名字上多了「大排檔」三個字，而另一間則沒有，直覺相信後者應是舊一點的店子。雖然名字只差三個字，但店內的情況卻差異甚大，舊的全場爆滿，而新的差不多全完，這點亦是我選擇後者的原因。走進舊店內繞了一圈，在近廚房位置附近找到坐位，坐下來沒怎樣想馬上點了切腩魚片頭撈粗($29.00)，五分鐘內送到。先呷一口跟來的清湯，味道淡淡，不覺清甜，沒甚麼特別。切腩偏瘦，咬了一口，跟預期的不同，肉質雖瘦仍嫩，牛味濃郁，算是不錯，只欠一點油香，否則更好。魚片外皮煙韌，肉質彈牙，但味道欠奉，未算出色，只屬合格。撈粗的色水均勻，每條麵也撈得黑黑，豉油有咸香，麵質帶點爽，實在不錯。由於今晚預計要工作至午夜，而現在時間尚早，再加上胃納仍有空間，即向服務員點了熱奶茶($11.00)及鮮油多士($9.00)，其實熱幼茶是為了鮮油多士而點的。熱奶茶先來，沒有期望會十分出色，還好水準也不瀨，茶味雖不濃，但奶與茶的分配算是平均，收貨。鮮油多士麵包夠厚身，烘得香脆，而賣相亦