安利魚蛋粉麵

筲箕灣名物之一，每逢經過一定大排長龍，今日10點幾經過難得唔使排隊即刻入去試一試先。本身想叫崩沙腩撈粗麵，不過10點幾已經賣晒崩沙腩最後轉左坑腩，加$20既。雖然唔係崩沙腩，但係原來坑腩都好好食喎牛腩好腍，亦都好有味，加$20覺得合理，粗麵質地係好爽嘅比較乾身果種。個湯就冇乜特別。如果覺得麵太乾身可以加少少。另外值得一提係個辣椒油，平時都有食辣，因為未食過呢間㗎辣椒油所以落咗兩滴油落去撈一撈，試吓個辣度先，個辣椒油係夠辣，同埋好香，所以鍾意食辣嘅朋友不妨落少少。最後加埋個凍奶茶$25埋單90幾蚊，我覺得牛腩嘅份量都多，性價比都OK。…查看更多

呢間牛腩店真係越做越差，今次經驗差到爆炸，唔寫出嚟對唔住自己。我叫咗「爽腩飯」，點知送上嚟係一碟幾乎冇肉嘅嘢，全部都係肥膏同筋，完全唔似爽腩。**所謂「爽腩」應該係牛胸腹部位，帶適量油脂、筋腱、肉質結實、有彈性，咬落去爽口但唔鞋，唔係一堆冇肉得筋膏嘅嘢。我向店員反映，點知佢哋態度極差，完全唔願聽，仲用兇我哋：「就係得呢啲，你唔食就唔好無㗎啦」、「你咁講係侮辱我哋識牛腩嘅專業」。呢啲說話真係令人無言，完全冇半點服務態度，仲當客人係仇人。直到我話：「我有之前幾次幫襯你哋影低嘅相，要唔要攞出嚟對比下？」佢哋先開始收聲。其實早幾次嚟已經發現佢哋服務唔掂，有次侍應直接「啪」一聲將碟掟落枱，好冇禮貌，但當時覺得可能係忙冇計，冇認真計較。點知今次連食物都咁離譜，服務仲係咁差，證明唔係偶然，係態度問題。**以前覺得呢間舖有水準，所以先再嚟，但今次真係被徹底打沉。食物唔掂，態度更差，完全唔值得再幫襯。唔會再嚟This shop has seriously gone downhill — my experience was absolutely terrible.I ordered the a type of brisket (爽腩) and what they served was almost entirely fat and tendon with no actual meat. Let’s be clear: 爽腩 is supposed to be a cut from the brisket that’s firm yet tender, with a balance of meat, fat, and tendon. It should be chewy but still satisfying — not just a pile of fat and sinew with zero meatI politely told the staff that what they served didn’t look like proper brisket. Instead of listening, they snapped back in Cantonese saying: This is what we have. If you don’t want it, don’t eat.” You’re insulting our knowledge of brisket.”Their tone was straight-up rude and confrontational no apology, no explanation, just attitude.It was only when I mentioned that I had photos from my previous visits (which clearly showed better quality brisket) and asked if they wanted to compare, that they finally stfu, To be honest, this wasn’t even the first bad experience. On a previous visit, the waiter slammed the plates down on the table without a word. I gave them the benefit of the doubt back then, thinking maybe they were just busy. But now I can see — this is a pattern not a one-off.The food quality is unacceptable. The service is beyond disrespectful. I used to like this place and came back because of past good experiences — but after this, never again. …查看更多

鮮油奶多是安利的溫柔暴擊，現烤吐司帶著焦香，冰鎮牛油塊臥在其中，邊緣漸融成絲滑的乳脂，內里仍保持著冰碴般的爽脆，煉奶漫過麵包氣孔，甜咸交織出層次分明的奶香，每一口都是熱與冷的纏綿。贊！魚片魚蛋河則是街巷里的鮮氣巔峰，河粉滑過舌尖，裹著熬足數小時的骨湯，鮮甜直透喉頭。魚蛋彈牙到能在齒間跳舞，每粒都吸飽了魚鮮；魚片薄如蟬翼，輕抿即化，與河粉的軟、魚蛋的脆、湯底的濃，在唇齒間譜出鮮活的協奏曲。真是每月一吃的午餐夥伴！…查看更多

食完土魷蒸肉餅，第二站就嚟到東大街呢間安利魚蛋粉麵人氣麵店。呢間出面難得冇人排隊，就一於入去食碗麵。入內坐低後望一望個餐牌，冇乜頭緒食咩，咁就一於穩穩陣陣食個招牌切腩魚蛋米啦！佢d米粉係用銀絲米粉既，口感比較特別，切腩偏淋肉味豐富，切得比較細舊，魚蛋爽彈有濃郁既魚味，口感比較豐富，湯底唔太咸飲咗幾啖之後唔覺口渴。[米饭]口味：🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚🥚…查看更多

失望。雖然開咗幾間新嘅粉麵店，但一心一意想食安利。點知失望而回。魚蛋河同埋凍奶茶。魚蛋無魚味，死實。其實咬咗一啖，我都已經唔係太想食；不過食得唔好嘥都夾硬食晒佢。因為係外賣，所以河粉一夾就散；所以情有可原。凍奶茶簡直恐怖。我覺得有啲似泰式嘅凍奶茶。即係得甜味、無茶味、冇奶味。我飲咗一啖就唔想飲，我阿媽飲埋，因為佢話唔好嘥。星期五12點幾，冇乜客排隊。可能亦都反映咗佢嘅水準大不如前。回憶永遠是最美好的。…查看更多

安利魚蛋粉麵是香港本地極受歡迎的傳統麵食專門店，憑藉每日新鮮製作的手打魚蛋和爽滑麵條，吸引街坊和食家多次回訪。店面走親民實在裝潢，環境明亮乾淨。設有堂食和外賣，方便不同食客隨時坐下，享受一碗地道魚蛋粉麵或街頭小食。嚴選牛腩，大塊手切，燉煮至軟腍入味，帶筋帶肉，鮮香濃郁。配河粉吸盡牛腩湯汁，滑溜又爽口。湯底以牛骨慢熬，牛味突出而無羶味。愛牛腩的你必試之選。西多士是經典港式茶點，以兩片白麵包夾入香濃咖央醬，浸蛋液後炸至金黃酥脆，外層微脆內裡柔軟，香甜不膩。配上牛油和糖漿，口感層次豐富，是懷舊冰室必試的招牌甜點，深受本地食客喜愛安利魚蛋粉麵貫徹港式傳統，用料新鮮、手藝紮實，從招牌手打魚蛋粉到咖哩魚蛋及炸響鈴，都是飽肚又過癮的經典選擇。店家環境親切實在，是香港街頭快餐與尋味小吃的必訪之地。不論你愛湯麵還是小食，每次回訪都能找到屬於你的美味回憶。…查看更多

放假專程揸車到店食牛筋腩豉油皇撈粗，但今非昔比，以前食豉油皇撈粗麵是非常爽口，乾爽而富有彈性，今日再次食已經是腍啤啤成灘水，真係食不去，姐姐問我仲要不要碗麵，我同佢講不要啦，好腍啤啤，佢9秒9即刻收走。看似一點都不介意客人的回饋，感覺好可惜，為何會咁？…查看更多

📍安利魚蛋粉麵🍜切腩牛丸米粉初嘗切腩 相對崩沙腩/坑腩比較失色 可能因為偏瘦啲 個人鐘意肥美嘅腩🤤🧈鮮油多微烘微脆既多士 連埋一整舊鮮牛油放入口真係好正！！！！…查看更多

叫咗杯茶走切腩雲吞河一份多士！啲嘢都未食完已經想講我走！開頭等位都唔緊要，啲人態度極差佢哋自己嘅朋友就會放人入先又唔公道入到去叫嘢食由富富氣氣啲侍應問多兩句都好似殺咗人咁樣！想叫多樣野食都好晦氣！嘢有幾好食都冇用啦…查看更多

好食又點？態度極差，留哂啲好位俾熟客，又講大話話個客响附近，其實跟本冇留位服務。其他客人話啲夥計佢哋仲駁嘴。下次唔會嚟，又要排長龍，態度又差，入咗「態度最差流行榜」。呢啲店咪係啲人北上消費原因囉。我只係嗌咗個腩、魚蛋撈粗，價錢60尚算可以，不過係唔飽，但冇心情再叫其他嘢食。唯一可取：1） 有個女的侍應生態度算好，其他的就很差。2）係有廁所。我成日有外國朋友來香港玩，呢間我一定唔會帶佢地嚟，費時影響香港服務業形象。…查看更多

其實去買淨餸，都係想快手買完就走啫，嗰一兩分鐘望下諗下買乜，都好似阻你發達咁。香港飲食業咪就係俾呢啲所謂老字號搞差晒嗰形象囉🤷🏻‍♀️事緣係咁，今日咁啱有事去東大街附近，見難得經過，就買啲外賣淨魚蛋返屋企放雪櫃。去到門口得一邊玻璃外面貼menu，俾啲等堂食嘅客擋住左，所以行入去睇佢個貼係收銀枱面張menu，但枱面menu俾塊板遮住左，所以想推過少少睇下除咗魚蛋，仲會唔會買多少少其他淨餸。點知正當想睇清楚menu,就被收銀一男一女喝住叫「唔好推開塊板上面寫緊嘢呀！有咩問我得啦，唔使睇Menu。」好聲好氣，問完佢魚蛋幾錢？點賣？見到佢哋咁嘅態度，都已經唔想問其他嘢，快手俾錢買一打魚蛋。找完錢俾張單我之後，問去邊度拎？又態度勁差咁樣叫出邊等啦。如果唔係同長輩同行，費事勞氣，真係即刻想同佢講我唔要啦，食完都背脊骨落😒…查看更多

若地鐵站大東行出口行過去，安利差不多在東大街街尾假日會見到有人在門外排隊。佢最出名的兩款是魚片河和切腩魚片撈粗。魚片河份量適中，有魚蛋片有魚蛋。魚片質感：少少彈牙！魚片味道：比較咸！魚蛋大小：適中！魚蛋質感：鬆軟！少少彈牙！魚蛋味道：不會咸！湯底：ok！河粉：夠滑身！切腩魚片撈粗份量適中撈粗：軟硬適中，夠味也不會撈得太咸！切腩：好稔身和入味！魚片：同上服務速道：多客但都很快，很有效率。服務態道：OK環境：乾淨企理佢0既辣椒油好夠香…查看更多

馳名港九嘅安利魚蛋粉今日到訪，點咗一個一個淨魚片頭見到有牛面肉，一定要試！揀咗個雙拼牛面頰加牛腩河！果然好特別，好腍，好正環境比起其他麵檔，係十分之闊落落而且乾淨！侍應服務亦都高效快捷…查看更多

去到筲箕灣東大街就想起這店。切腩片頭撈粗 x 2加凍奶茶凍O賓各一杯。去到都差唔多近下午4點，加上係平日，算得上有唔少空位。好快就上咗撈麵，喝一口湯，覺得好正，多年不變。其實忘記叫坑腩擔心d牛腩會有D韌，但事實係唔韌，有牛腩味添。食原味，一啖牛腩爽埋D撈麵食，好好味。D麵調得唔錯不太鹹。飲品上埋，一住牛腩麵食完，喝口奶茶，個人覺得好甲，好好味。再食加醋，另一番滋味。至於凍O賓就甜咗D。以前坐位有圓枱，可能係疫情關係，變咗長枱及加坐膠板隔離。唔知係咪平日，人流不多，服務都幾好。有介紹客人坐入D冷氣涼D。主動收碗碟，仲叫可以慢慢飲慢慢坐。雖然價錢不算便宜，但味道絕對OK，可以再光顧的老店。現今北上熱風，老店買少見少，但願繼續營業下去💪💪…查看更多

我已經食咗30年，味道如一，爽腩河係我必食之選，因為實在太好食，一碗係唔夠嘅，每次都一定整多一碗，切腩撈粗，一定要落佢哋嘅自家製辣椒！味道昇華！每次都食唔到第三樣嘢！因為必食嗰兩碗都已經好飽，加多支可樂簡直係perfect😊最後都要買多一條魚片攞回家食😋…查看更多