安利魚蛋粉麵

營業中

休息中

天氣這麼好也就是去拍照的好時機 ,, 約了朋友去石澳 , 大家先在筲箕灣會合再坐巴士過去 , 之前大家也想醫一醫肚 , 朋友們說要去非常出名的 “安利”, 只可以說自己孤陋寡聞 , 從來沒有聽過這間的麵店 , 反而知道香港仔有一間出名的雲吞麵店 . 一條街有兩間安利, 朋友選這間因為味道比較好 . 店舖也算大 , 大多數的客人也是吃魚蛋和魚片或是牛筋 , 自己不吃牛 , 只好吃魚片 . 最近勁愛吃粗麵 , 又可以真正地試到廚師的功力 , 這裡的粗麵好彈牙 , 不會有我最討厭的繭水味. 片頭好爽 , 可能自己比較喜歡濃味 , 如果可以濃味多少少會比較好 .看見不少人也點了鮮油多 , 點了一件和朋友們分享 , 其實沒有什麼特別 , 但是就有點不明白為何這麼多客人點的呢 !筲箕灣的食店真是數不清 , 但是如果吃魚蛋麵的話 , 安利也算是一個不錯的選擇 .

東大街的美食, 一早已經聽聞過.只不過這條街的美食太多, 很難短時間內逐一擊破.今日有機會同女友專程來到! 只見整條街, 只有一間食肆是被人群包圍, 心想.應該是她了 --「安利」先問店員拿了票, 然後在店外看看餐牌, 和名人的介紹, 報紙雜誌的介紹等等...終於有得入! 未坐下已知自己為什麼而來,點了切腩片頭撈粗,鮮油奶多, 女友點了魚旦切腩湯米!鮮油奶多: 定確不錯, 厚厚的, 內裡的鮮油也熱騰騰~ 12蚊, 定價合理! 切腩片頭撈粗: 粗麵已一早做好, 只見師傅加所需食材, 再現以少許醬汁就上菜了~ 唔.. 不過有點兒偏鹹了, 因為她是這條街數一數二的「名店」, 故小弟對其食物質素都有所提升! 女友點的則是湯米, 呷了一口湯, 覺得湯米比撈麵略勝一籌!整體來說, 鮮油奶多和片頭是必吃! 請呀!

下午2:30到達，不是太多人等，可能下雨天。同朋友照舊首先點了：炸魚皮依舊好食，魚味夠加點湯一流片頭撈粗真係至愛，片頭魚味夠，味道適中雲吞撈粗這裡的雲吞都好食，豬肉同蝦肉份量剛剛好凍奶茶茶味好夠，不太甜。(我平時要少甜，這裡不需)最後來個鮮油奶多，真係一個完美的午餐見隔離檯叫撈河，下次要試吓先。

好多人鍾意放假去筲箕灣安利開餐，貪排隊咩這間出名麵店吸引好多明星貴客幫襯個個簽個名留個字做免費宣傳話明係安利魚蛋粉麵，當然要食魚蛋粉　不過，老實講，魚蛋真係唔掂，唔彈牙，有腥味轉食切腩反而好味好多以前食安利，中午前已賣斷的魚皮，居然俾我食到諗住重溫炸魚皮的香脆誘惑可惜事與願遺，買到未必好食落口的炸魚皮今非昔比可惡　臨走俾杯熱奶茶順返條氣，茶味香濃，必飲

我早排終於有機會回到安利食片頭腩撈粗 安利的片頭腩撈粗真的很讚. 除了片頭很有咬口外. 那些粗麵還和豉油溝得恰到好處。(5)雖然牛腩比我想像中勒，有點難咬，但還是可以的。 反而我細路怪我食之前無話他知。 他說這個撈粗太少又太貴，叫我應該食四寶河......

雖然午市好多人, 但係一入去就搵到位三個人都叫同一樣片頭切腩撈粗 + 凍奶茶我係第一次o係度食, 睇下佢地D招牌菜得唔得唔洗兩分鐘, 即上凍奶茶過多五分鐘, 就有面食片頭都唔錯切腩個人認為麻麻地, 唔係特別好食, 都係鍾意坑腩多D粗面因為預先撈好蠔油, 蠔油份量o岩o岩好, 唔會太濕或太咸 價錢都合理, 如果趕時間又想食好野, 呢度都係一個唔錯o既選擇

日日人山人海有早收有晏收 魚旦唔係突別彈牙, 不過麵同湯可以加分, 行開有時間都要食返碗(如果冇咩人排隊) 有人等既 閒閒地等 3個字有車人仕可以泊門口 成條街都係車, 有人抄牌都店員都會同你講聲 開唔開走就自己事啦.. d 間水麵 d間水唔係太濃 個湯都好清 環境就嘈就緊, 塔位都要...雖然我唔鍾意同人同檯食野...overall 去開 筲箕灣 都要試一次!

筲箕灣安利魚蛋粉夠經濟，所以學生基本上都會成日黎。星期日好多街坊.片頭切腩撈粗最正, 魚蛋夠彈牙，魚味無以前咁香，不過也是可以的。牛腩一般，撈麵正，上色夠均勻，麵夠爽，好味道。跟撈麵個湯淡咗的。星期日LUNCH TIME門口企滿人，見到有好多街坊特登黎食。

記得讀書的日子，中一第一日開學日，老師一口氣介紹幾間適合學生去食LUNCH既地方，安利係其中一個，魚蛋粉夠經濟，所以學校d學生基本上都會成日黎。好耐冇黎過，今日到筲箕灣搵人，順便坐底食碗麵，人好多，不過都係一個人易搵位，要了碗魚蛋切腩撈粗。魚蛋夠彈牙，魚味無以前咁香，不過也是可以的。牛腩較韌，食落冇咩牛味，撈麵依舊不錯的，上色夠均勻，麵夠爽，好味道。跟撈麵個湯就冇咩特別，淡淡的。人氣勁，見到有好多人特登黎食，還有明星呢。

小弟少在筲箕灣覓食，同事大談安利的食物如何有水準，牛腩和鮮油多是必點的，為食的我，第一次與新公司同事拉隊出去吃午餐，一行多人去食牛腩。不知真真假假，同事帶路，就入來這一家。在平日的午餐時間，人流比食評和想像中也算少，我們就熱熱鬧鬧坐在一角，大家點的東西近乎一樣。我點的是牛坑腩片頭河。坑腩未算很淋，有一點痴牙，每一塊的邊邊也有些少膠質。魚片頭，只有一塊是，其實也是魚片，吃得出幾有魚味，而皮是炸過，香口入味帶點點鹹，個人幾喜歡。而河粉不太淋，湯底幾清，牛味不多，一般吧。鮮油多是此店的招牌，多士比一般的厚一丁點，一上碟給我的感覺是很靚很完整。包烘得剛剛好的脆，外脆中間還帶些少淋，做得不錯。鮮牛油凍了點，入口時還有凍的感覺，就算是脆多士不應令牛油即時溶，在口中也應該要溶吧。現在是外暖內凍的，是差了些訐，因為烘得好，也算是收貨了。如果你想慕名而來，不必了，如果你真的在附近經過，還可一試的。食物平均來說是吃得過，但是沒有如想像中的好，較喜歡的是魚片頭炸過的皮。

又到 Happy Friday, 當然 lunch 又出去食好野, 不過今次食激 D, 冇錯, 0係鰂魚涌搭車去筲箕灣食, 因為同事成日推介, 咁我地就用 lunch 果一個鐘去食, 出發, 因為有個同事0係東大街住, 所以好快搵到<安利>, 不過到步後我要扣少少分個環境, 因為隔離係回收紙舖, , 去到好彩唔駛點等, 我諗三分鐘已經有位, 算好彩到了正題, 既然同事帶路, 順便由同事 order, order 左 切腩魚片撈粗 , 魚旦魚片河 牛坑腩河切腩魚片撈粗呢個係我食, 牛腩都算 " 林 ", 不過自己唔係咁0岩切腩, 所以我唔會長期食切腩, 同埋都有少少梘水味 魚旦魚片河 魚旦同魚片都係手打, 所以咬感係食得出, gd牛坑腩河我同事食, 而佢又冇咩 " 彈 "不過最好食就真係一定要食, 鮮油奶多, 我地都食到要再 order總括黎講, 都可以一試

經過筲箕灣，知道安利名聲不錯，特意一試。叫了碗牛腩河，一看之下，河粉少得可憐，但見牛腩也算大件，便沒再理會。牛腩一咬之下便知不妥，得個靱字。本人也走訪過多間牛腩面鋪，未曾食過咁難食既牛腩。一塊牛腩足有三寸長，而且是順紋切，顯出這次不但是牛腩熬不好的關係，而且是結構性的問題 -- 連點切牛腩都唔識。但見墻上門旁貼滿各名星，食家的簽名，評語，本人尤感氣憤。希望各兄弟姊妹不要被虛名騙了，以免食到一肚氣！

由對面舊鋪食到新鋪, 己有十幾廿年了, 算是老顧客, 尋日响天悅換証件後再次光臨, 一家人都大嘆水準不再如前了...1) 魚蛋米 ~ 媽咪話魚蛋無以前咁新鮮咁好味, 普通一碗粉賣 $19 唔多值2) 片頭牛腩米 ~ 叫咗走青無走, 牛腩又靱又無味, 而片頭一碗只得一件, 但又無乜特別... 雙併要加多 $4 實在唔值3) 雲吞切腩米 ~ 雲吞同切腩都ok4) 雲吞米 ~ 同上5) 炸魚皮 ~ 炸魚皮係唯一一樣可保持水準既4人合共 $107

係柴灣返工，午餐唔係泛亞就係外賣，今次約左表姐就打的去左另一間安利食LUNCH啦~話說呢間自係正宗我同表組LUNCH時間之前到步但又已經有好多人等不過可能佢比另一間大間~流轉都快D等左10-15MINS左右就入到去了我都係食魚蛋粉〝表姐都係同時又叫左個鮮油多又再叫左凍OT鮮油多先上~ 除左係上環的炳記都有食下呢D之後都無食過LU~係好好食~個面包烘得鬆軟夾住塊牛油~罪惡但真係一流再上魚蛋粉其實~講真~我覺得同個間叫安利大排檔的差不多啦~沒有大大的不同(可能我唔識分)但一樣都好好食~ 好鍾意個D彈彈又有魚味的魚蛋呀~好好食~炸魚面又係我至愛~河粉不會太淋~湯又夠~呢個LUNCH真係差足電再去做野 ~

早上的安利不用排隊，魚蛋粉的河粉滑，魚蛋彈牙有鮮味，另叫了一份鹹牛肉蛋治，熱辣辣的，很香口，但果然很鹹的，下次不叫這款了。