安利魚蛋粉麵

營業中

休息中

好想問, 安利係一間都幾出名的粉麵舖, 但在openrice卻很少人品評, why?彈頭河係今日我吃的食物, 彈即係魚旦, 頭即係魚片頭, 最愛反而係十分好食的炸魚皮, 當然, 魚旦都做得十分出色, 只係覺得, 片頭比較厚, 所以無咁好!辣椒油好香, 像炒香了蒜蓉加上辣椒子做成! 見出出入入做了多轉生意, 老板想必收錢收到笑, 沒有太多的宣傳, 口碑一樣好, 佩服!

去拜山前去食片頭切腩撈粗.....門面光鮮了...不過食物令人失望!!!d 撈麵好多油..食到胃都唔舒服切腩好瘦好un...好似煲過湯o既豬肉...冇味...我都咬唔開係d 魚片仲幾好食...不過d餐廳出o左名就唔憂做......咁o既quality...一定唔會再去

兩點過後,顧客仍然非常擠擁,叫了碗魚蛋切腩河,魚蛋保持一貫水準,但始終都是魚片頭好食過魚蛋,但切腩,就覺得是非常非常的一般貨式,主要原因是不夠腍,要很用些牙力才能將牛腩嚼爛,但嚼時完全感覺不到牛腩的香味,三粒魚蛋,一塊魚片頭,一份切腩,收$26,不值!

上星期一班同事, 三五成群咁走黎食麵. 先講下食物先我就喜歡夠肥o既牛腩, 所以我叫左一碗坑腩片頭河, 加一件鮮油多, 再黎一杯熱奶茶添. 對於豉油豬油撈麵, 我一向都係覺得麻麻地, 可能因為我在澳門食過一d太好食o既撈麵, 返黎香港總係食唔係返果種味道, 索性就不再吃撈麵了, 傾返個坑腩先, 夠哂肥美, 吃一啖已滿口油花,正呀! 魚片頭就好普通, 不是特別有魚味. 鮮油多, 呢樣係我最期望架, 最鐘意就係脆脆的多士, 夾住一片厚度適中而又開始溶梗o既牛油, 一啖咬落去, 脆軟綿糯感覺一次過有齊.奶茶, 香而且滑, 同鮮油多最夾, 真係次次黎呢度都會飲一杯架.一段小插曲 : 見鄰檯有對夫婦, 一位老人家, 仲有幾位OL, 當侍應生送上食物時, 那位中年男士對侍應生咆哮道: 你唔好將d野亂咁放! 而侍應即慢條斯理地娓娓道出各人所點的食物, 從而去證明"我唔係將d野亂放", 中年男士竟然將茅頭指向身旁的女士 : 人地放d野嚮度, 明明係你o既, 做咩你唔出聲呀!! 我心想: 難道要高呼"這一份是我的"才為之合理...然後, 侍應生又端上中年男士的切腩撈粗, 中年男士大聲道:

第一次光顧，是1998年夏天，當時還在舊舖(即斜對面、名副其實的安利大排擋)當時，已經是客似雲來，最出名的是切腩魚片撈粗(麵)、炸魚皮今天再次光顧，舊舖執了，聽說是因為加租加得勵害在新舖的這一邊，依舊的人山人海，單是排隊等位，已經費了10-15分鐘了，勵害吧？叫了切腩魚片撈粗、魚蛋魚片河、鮮油多切腩魚片撈粗︰切腩既香軟又林，妨似一入口即融，撈粗也是尚佳水準魚蛋魚片河︰魚蛋十分彈牙軟滑，在第二家店舖是吃不到如此水準的鮮油多︰厚切牛油配上多士，好味道；但他被今天的兩位主角切腩魚片撈粗、魚蛋魚片河搶去了風頭了！水準依舊、客似雲來十多年來香港經歷多番風雨、人事更代替，但他卻沒有改變！

很久沒有到安利了，今天放假，很難得的假期於是決定到安利一次，安利的舊店己經不存在，變為一間新式的雲南米線度，附近開了很多的新食店，才幾個月的光景，東大街好像變了很大。上次吃了它的牛腩撈粗，今次叫了片頭撈粗(22)，片頭有魚味而且亦帶有一點的脆口，與一般坊間的魚片頭不同，魚味更濃，而撈麵名不虛傳，每一條麵都撈得入味，好味，加上撈麵的清湯也很美味，絕對值得一試。http://icuteee.mysinablog.com/index.php?op=ViewArticle&articleId=1580975

上次星期日早上去, 兩店都大排長龍,今天星期六11點去到,等三張枱有位都好快. 新店大了清潔了感覺更加好. 我們點了魚蛋乾撈粗麵. 魚蛋依舊好味, 只是粗麵有點咸, 而魚片頭也沒有銅鑼灣潮興的好味.至愛此終是鮮油多. 麵包牛油都是厚厚的,奶茶也可以但不是最好.價錢其實也算幾貴, 唔洗排隊就不防一去, 要排長龍的, 就不值得了.

下面的積奇安祖，我相信爽腩並不是如此！我剛去吃爽腩米，正正就跟你相中的一模一樣，因為睇過so far so good亞蘇既介紹，於是問佢點解睇電視個D唔係咁？佢就就話爽腩係得d皮，有肉個D係磞沙。起初信以為真，回到公司立刻搜尋。但結果係雖然爽腩係有依，但都有D肉黐住，而唔係得D皮。爽腩係有肉ga！！！ 太過份，唔係錢既問題，仲要搞到我老公怪我。而且跟本硬到食唔到，本人並無虛言，全是事實之全部，最好就係親身去叫碗爽腩試下。

細細個爺爺嫲嫲就帶我哋嚟食, 由一間鐵皮屋鋪開到有2間冷氣鋪, 人流依然有增無減, 其間雖然有"冒牌"鋪出現, 但絶對造唔成威脅...1) 切腩撈粗 ($25) ~ 保持到水準, 非常受歡迎食品之一2) 切腩+雲吞米 ($25) ~ 切腩同雲吞好好味, 值得一試3) 三寶米 ($25)4) 凍飲 ($11)p.s. 炸魚皮係招牌貨之一, 星期日下晝二點幾都己經售罄, 大家下次去可以試下5人共消費 :$169

游水過後,便來這裏試我計劃裏的第一店.沒理會新舊舖之分,見有位便行了按其它食評的提示,點了切腩撈粗,魚旦河,凍熱奶茶各一.湯還不錯,但和河粉一樣還是較喜歡江仔記而片頭就真得不錯,比江仔記的好吃,總括而言亦不差切腩撈粗有驚喜,平常不愛吃牛腩,但這裏的牛腩是很痛咬口,而且撈粗亦好吃,不咸,很幸運呢!!!奶茶就超過預期的好,很少會在粉面舖飲到好飲的奶茶.此店如果要等位的,我應該不會來,還不算值得吧. 除非那天我超想吃牛腩+凍奶茶這一套配搭吧!!

當日(29/9) 好有決心去食<安利>, 因為之前食過出名的撈粗, 味道唔錯0架喎. 今次就同個學生仔一齊去食, 一入到去就有位啦!!! 1. 爽腩魚旦米 ($25) ~ 碗米0黎到, 只見到一d 米色的根狀物體, 而發現唔到有腩喎, 於是就問一問個侍應. 積奇梨：「爽腩係咁0架???」 佢就話： 「爽腩係條根0黎0架嗎!!!」我即時O嘴 + 無奈, 不過都要接受. 究竟爽腩有冇腩0架??? 今次呢碗湯米就比較普通, 下次都係去返<華姐>0個度食我鐘意食個隻0既爽腩!!!整體評價：撈麵好食, 湯類普通!!!

安利絕對是東大街的一哥，名氣和人流及都是No.1。經常有人願意額外多付三百二十元，也要光顧這間人氣名店。我以前每逢到東大街附近工作，都會毫不考慮到安利吃馳名的切腩片頭撈粗。飯後請不要吃糖水了，因為你會更需要一支一公升蒸餾水。或許是時候轉轉口味了！

呢條街有三間安利, 但係我自己以前就慣左來呢間分店, 不過都有一年半無來過, 早幾日中午來到都仲係咁多人, 要攞籌等一等, 不過都好快, 大約十分鐘左右就坐低呢度牛腩分切腩(清湯腩)或炆腩, 以前我多數係叫魚片頭切腩撈粗, 但今次我叫左切腩撈粗, 老婆試左切腩撈幼, 另叫一條炸魚片, 凍檸茶同凍檸賓各一先上兩碗蔥花上湯, 味精一定有架啦, 不過尚算鮮味切腩撈粗($25)的切腩有6-7舊, 有少少肥, 唔un, 肉味十足, 清湯腩有此水準實屬不錯, 粗麵用小量豬油同豉油撈過後, 非常可口同夠味, 當然豉油味已蓋過左鹼水味, 美中不足為粗麵麵質較~林~切腩撈幼($25)的幼麵則大不同, 麵質爽口, 但可能麵較幼, 因而令到麵表面索到較多醬油, 所以比較入味而且偏濃, 但係還可以接受今次叫左原條炸魚片($33), 係將原條炸魚片厚切連魚片頭上, 炸魚片都幾好味, 口感有少少彈牙, 但無出面個d咁咸, 味道適中, 厚切令大大啖食落去時滿足感甚大, 但如果叫碗淨魚片雖然只需$17, 但唔係厚切, 亦可能無魚片頭, 所以都係貴d都要食原條, 起碼過癮d, 佢地一條炸魚片亦無出面賣的咁長, 只係得一

這店很出名係一條街有三間鋪頭可想而知有幾多人光顧，推介友人食魚片頭切腩豉油撈麵自己食過幾次所以今次食鮮油多士同四寶河，多士用厚身方包烘焙好熱加大塊涷牛油一冷熱好好食，四寶裹有魚蛋牛丸肉丸柱侯牛腩，朋友鍾意食清湯腩但覺得這裡的不好食完全冇味道結果為有我食晒，她反而覺得我碗粉的柱侯牛腩還好食，上湯ok魚蛋片頭新鮮彈牙至於牛腩就見仁見智喇......!

趁今日放假去了筲箕灣出名的『安利魚蛋粉麵』，其實之前去過好幾次，感覺上好像不太好，但那個跟撈麵的湯是我的至愛，所以今天又再光顧，不過真係冇諗到食物質素會越來越差，又叫左個肥切腩片頭撈麵，一件多士，今日又冇肥腩，牛腩又瘦又乾，好似阿媽煲完湯後啲豬肉咁，真係幾難食，多士又一啲都唔香口，決定以後不會再幫襯。