安利魚蛋粉麵

營業中

休息中

如無意外.我會減少寫食評...我因某些原因而寫食評.時間現在過了年幾.我都應該重新開始..如果下個星期我好彩的.成功的.之後我要投入新環境..其餘原因.我感到自己熱情減退..所以我食評刪除得的資料.我都刪除左....雖則說減少寫食評.就算我咁好運..將會投入新環境.我都會寫的...我仲要食飯...哈哈!不過真係會越來越少的...回正題!!我最初寫食評..我都寫呢間店..當時係笑臉.我今天目的,係想去西灣河買曲奇.去到門口,間店有電台採訪,該店12月中在紅磡有分店.我都唔駛咁急買..之後....行去筲箕灣.重溫呢間名店...我覺得食店係人生的縮影..不是說全部人...大部份人喜歡識富貴人物.然而.富貴人物對人會有介心..仲會有種驕傲.服務.我入去坐低:店員埋來根本係無出聲...我第一個反應話一位.....店員勁惡...我問你食乜啊!!佢根本都無出過聲.....唉!!到埋單時...收銀,連望都唔會望人....唔憂做的店...會有服務質素係少..這不是人生縮影嗎?凍檸茶:大大杯...的確茶味足.檸多.甜度低...絕對好飲...牛腩米:腩好韌...而且一咬....好似貼埋隻牙..味淡...根本

Apparently this noodle place is very famous:I purposely went to try their 切腩, but that was a bit dry. Ordered a 炸魚皮 ...... although it came with a soup to dip it in, but it was a bit too hard. Although the food I most wanted to try did not exceed my expectations (as I purposely took 25 - 30 mins bus to come try) .... but the food that I didn't plan to order seems appealing. E.g., I saw others order 撈粗 (their specialities) and 鮮油多 both looks very delicious. Last but not least, I always prefer

12月16日下午...坐叮叮河至筲箕灣，行筲箕灣大街，見到恆河咖哩屋，現在變了一星後，要六時後才開。那便轉移陣地至街尾的安利魚蛋粉麵啦!以前來筲箕灣也在安利食過一頓麵，已覺得服務真的一般，這次深入瞭解，發覺更是九流。入內座下時，發覺店內並不繁忙，我們望了兩望個餐牌，已選定了魚蛋魚片河和片頭河。因為馳名魚蛋片頭，完全無諗過叫牛腩，雖然自己都幾鍾意食牛腩。片頭頗咸，但香，有魚香味。河粉，比一般淰， 似浮至發大了，滑就滑，但就吃不慣這樣偏淰的河粉。注意碗粉奇細碗，SIZE同街邊10蚊碗雲吞河差不多。魚蛋奇爽，還是真材實料的。服務方面甚麼是服務，這店似乎沒有人知曉。這兒的待應全部給人印象是持老賣老，持熟賣熟，完全沒有服務可言。趕客走，落單無聲氣，都唔知有無同到你落，回答應問題的時候又細聲到唔知講咩。例如，要杯熱杏霜，叫了陣都無人應，四周無人，當時伙記多過客，終於有伙記過來，就咁叫一聲..噢...無聲無色的落了便走開，究竟知道我要咩! 有冇落到呢? 雖然最終杏霜有來。可是，前後兩次光顧，前後幾個月，不同時間，但相同的服務素質。

趁天氣回暖, 去安利吃碗雙丸粗 $23 (牛丸, 魚蛋), 同伴吃切腩四寶麵(切腩, 雲吞, 牛丸, 魚蛋, 墨丸) $35牛丸呈不規則圓形, 應該是人手造, 牛肉味亦算濃..其他魚蛋, 雲吞, 切腩都只屬一般..沒有令人一吃會覺得印象深刻..整體只算合格, 跟王林記差不多..但當然比一般茶記賣的好..只是麵的質素與份量較平凡和少唯一要彈的是地上太多垃圾....有點污穢!吃罷路過公圜之隔既工場位置, 現已改為西餐廳..那麼現在的魚蛋工場在哪?

好少去筲箕灣，所以亦好少search依頭有咩好野食。係隔離甜品老媽食完個下午茶，意猶未盡。經過安利見到門口貼住好多雜誌介紹就入去試下。兩個人share左一碗魚片魚蛋米粉。份量唔自係太多，但係咁既價錢都合理既。最好味係個魚片，彈牙鮮味。食完有少少口渴，應該係味精作祟…

好少去筲箕灣，所以亦好少search依頭有咩好野食。係隔離甜品老媽食完個下午茶，意猶未盡。經過安利見到門口貼住好多雜誌介紹就入去試下。兩個人share左一碗魚片魚蛋米粉。份量唔自係太多，但係咁既價錢都合理既。最好味係個魚片，彈牙鮮味。食完有少少口渴，應該係味精作祟…

一行7人， 去行山前先来到 Shau Kei Wan 过鱼蛋粉。 朋友极力推介， 当然要捧场。店外起码有三十个人排队， 好夸张。 看到这个场面， 好期待。等了十分钟 （我是从来不喜欢， 也不会等位子的人）， 但朋友说一定要试， 刚刚又有一抬人走， 我们就进去， 地方挺大的。服务员记性很好， 我们7样东西， 他不用写就记得。 我点了鱼蛋拼牛腩河， 挺好吃。 鱼蛋好爽， 份量又多， 19 好便宜. 上菜只用了几分钟， 比快餐店还要快。

某天中午單身一人路經筲箕灣,反正已到了吃飯時間,便去了頗有名氣的安利了。點了其中比較出名的切腩魚蛋河,一來到, 呻一口湯,還可以, 有牛味, 也不似是味精湯,再試試牛腩,一咬下去, 「鞋口」的,而且也不夠入味,應該是未煮夠火喉吧。再試魚蛋,夠彈牙有咬口,此外便未見有什麼突出之處,說不上是十分出色。有點失望,或許是偶爾失手吧,下次會再試試。

七月中旬比較一下東大街的三間魚蛋粉店，就由最多人的一間講起。相比起其他的兩間店子，這裡是寧寧舍舍的多人一點，下午來到，閒閒地都要等十多廿分鐘。個人覺得，這裡的切腩是最好，夠腍身，吃起來爽口不韌，不錯的。另外還有柱侯牛腩的，不過看樣子已知，不會及切腩好吃的了。很多人也喜歡的醬油撈麵，反而覺得做得甜了一點，吃完還會有刺喉的感覺。想看食物相片及三間店子的比較文章，才這裡吧：http://gourmetkc.blogspot.com/2010/09/x-2.html

安利出名西多士既咩?! 真係唔知...不過人地話食過，講到咁好食，咪去試下囉。一見到就知可以byebye啦一開九件既西多士一眼就見到無餡既!!!! 又係呢D呃人西多! 面頭只有一pat "馬芝蓮"，收我14蚊一盒牛油都無過唔過份左D呀?! 用叉一拮，嘩，好淋一D都唔脆!! 仲話即整?! 似過氣既炸麵包多D喎!真係可以講係難食!! 試完一件真係食唔落去啦......一塊炸麵包值14蚊嘛??????? 不再見!

以前返小學就係東大街,返學媽咪成日都帶我黎食安利,不過以前係舊鋪,我就覺得有風味d.不過自從上左中學就好少再返黎食,之前幾次過黎都俾其他鋪吸引左過去,今日終於的起心肝唔受引誘地再食哩間老鋪,記得以前都係由媽咪拍板佢食咩我食咩,今次都唔例外都係食返以前食果樣,切腩片頭河走青,個賣相都重係更好,不過食落..湯底依然好味,但切腩唔林,片頭...好似冇乜魚味咁既??不過下次我都會再試多次,,希望只係遇以失手啦~

去開筲箕灣, 點可以唔去探吓佢, 話晒到要比面佢個麫同豉油...下午嚟到, 唔使排隊餐牌好似唔同jor, 但我都係叫嗰樣嘢, 所以唔使睇先嚟魚皮... 小二放低湯後, 望兩望張枱, 咦?! 做乜有包嘢, 係咪上手留低架? 撕開睇吓, 原來係我客魚皮飲淡湯先, 好鮮牛味, 清得嚟好甜, 不禁兩碗飲晒, 心裡叫好! 但夜啲就出事, 渴jor我成晚 飲jor3公升果汁仍然口渴魚皮極之唔得, 好厚身不特止, 仲炸到過晒火, 個心起晒渣, 點浸個湯都無補於事切腩片頭撈幼, 我永遠喺度都係食幼麫, 因為食倒佢嘅爽口同彈牙, 豉油又索得多啲 麫身帶小許鹼水味, 落番啲醋中和, 好味又開胃, 豉油鹹甜適中, 又掛倒上個麫度, 相對地, 不禁諗起"一碗麫"嘅麫同豉油, 到而家优有餘悸切腩就出事, 牛味冇乜都算, 切錯紋, 又韌又蚩牙... 我要掉番晒落啲湯度浸先叫做食得笨, 忘記叫坑腩.... 魚片, 冇乜魚味, 幾削身, 又係唔使叫...吃剩嘅魚皮...

趁國慶去東大街食野, 一早已經聽同事提起過.那天整條街, 有2間食肆是被人群包圍, 當然都是它, -一間是 "安利魚蛋粉"( 細佬開), 另一間是 " 安利大牌檔"( 大佬開), 我們入去大牌檔, 因為見到曾蔭權 幅相, 哈哈,,,魚蛋，有少少林身，有魚味.... 正!沒吃牛油多士, 可惜!切腩片頭撈粗-真的有點兒偏鹹,魚皮不錯。但觀塘那間比較有魚味.其實最正是那腐乳通菜, 腐乳超正, 一定要試.

細細個已經開始幫襯安利... 以前佢係間廟隔離條斜道度，仲係一個排檔....以前係排檔食好有風味... 但依家好多有風味的地方都拆晒啦...每次去都會叫魚蛋河...河粉好滑，個湯底清甜，魚蛋就一流...其實出面有好多賣蛋河的舖，都可以做到河粉好滑，最近食左係九龍的一間都可以做到呢個水準，但係講到魚蛋，呢間最岩我食.... 唔使太過彈牙，有少少林身，有魚的味....呢外鮮牛油多士，係好正架，但係要夠quota 先咁食，因為係有成舊牛油架.. 但真係好食...

天氣這麼好也就是去拍照的好時機 ,, 約了朋友去石澳 , 大家先在筲箕灣會合再坐巴士過去 , 之前大家也想醫一醫肚 , 朋友們說要去非常出名的 “安利”, 只可以說自己孤陋寡聞 , 從來沒有聽過這間的麵店 , 反而知道香港仔有一間出名的雲吞麵店 . 一條街有兩間安利, 朋友選這間因為味道比較好 . 店舖也算大 , 大多數的客人也是吃魚蛋和魚片或是牛筋 , 自己不吃牛 , 只好吃魚片 . 最近勁愛吃粗麵 , 又可以真正地試到廚師的功力 , 這裡的粗麵好彈牙 , 不會有我最討厭的繭水味. 片頭好爽 , 可能自己比較喜歡濃味 , 如果可以濃味多少少會比較好 .看見不少人也點了鮮油多 , 點了一件和朋友們分享 , 其實沒有什麼特別 , 但是就有點不明白為何這麼多客人點的呢 !筲箕灣的食店真是數不清 , 但是如果吃魚蛋麵的話 , 安利也算是一個不錯的選擇 .