安利魚蛋粉麵

營業中

休息中

每次去安利，都會叫呢個，佢個坑腩片頭豉油撈粗真係超吸好味。 就算要排好耐先有得食都係值得既。坑腩 - 唔肥，好香，夠淋滑。魚片- 我覺得鹹左少少，如果減d鹽就更好喇。撈麵 - 超讚，彈牙，無乜鹼水味，個豉油鹹甜甜地同帶d豬油香味，正呀。

想不到在環頭環尾還可以找到一個大眾化的魚蛋粉餐廳。這年頭越來越少人在魚蛋粉加炸魚皮﹐ 安利絕不含糊﹐魚蛋彈牙﹐ 粉爽滑。魚蛋粉加清湯牛腩更是一絕﹐ 味適中﹐ 牛腩不肥﹐韌度恰到好處。

一放工就來利安食魚蛋粉，一見店舖的客人只有少貓三四隻，心想今日係咩日子呢?? 咁少人嘅....記得上一次下午4-5點來食都爆晒棚，一於唔理~~入去整返碗魚蛋粉食先!! 點知一入去職員就同我地講要關門了....下....咁早收好彩師傅話最後做埋我地先收~~師傅真好!!叫了碗魚蛋米，看起來感覺很細碗，但是放得滿滿的，份量足夠。喜歡它的魚蛋很有魚味，湯底很清，不會太咸。彈牙就一般，其他的店舖只求做出彈牙的口感但是乏略了魚味。喜歡它的辣椒油......夠辣~~沾少少已經好夠辣，內裡好像有些蝦乾。

好好彩果次唔駛等位就食得，點左個四寶，腩係淋，魚蛋魚片無之前爽口但唔係差，雲吞就真係唔夠鮮，河粉同麵都ok。食就對比幾年前的確失色左唔少。服務呢，坐低就問人點野好似好趕，上野係上得極快。可以接受。

難得晚上有男友接放工, 就去了安利食野..其實之前都有食過, 覺得好味先同大家介紹男友叫了切楠河, 而我大食d叫了候柱牛楠魚片頭河, 男友話切楠河好味, d牛楠好<林>, 我就覺得我個候柱牛楠麻麻..因為唔知係咪我接受唔到個味道!好彩魚片頭加返分!!!p.s魚片頭去安利必要食!!推介!!

筲箕灣安利出名，就來試試魚蛋墨丸河($28)和魚片墨丸河($28)。每碗附送香脆魚皮，本應沒魚片的那碗也附上兩塊魚片，很窩心。然而魚蛋墨丸魚片並不怎麼樣。試一次滿足了好奇心，就算了。

成日都想試下食安利，終於有機會， 同男友坐底後，睇都都有時間睇可以食咩，個待應叔叔就催我哋落單，咁見個個都係食切腩魚片，我哋就叫左兩碗切腩魚片河，一個鮮油奶多，凍奶茶。先講番果碗切腩魚片河，真係好差，牛腩咬吾開，魚片頭好腥，湯冇味，只得河粉可以入口，我食左一半都冇胃口食落去。鮮油奶多，賣相吾錯，但麵包烘得太耐，變得太乾身，感覺好似食緊梳打餅加牛油。。。冇咩特別凍奶茶，一般食品，冇特別。整體感覺真係好差，吾係傳說中咁好食，服務又吾得，只係催你落單，完全吾俾時間客人去諗食咩，地下又多垃圾，又吾清理。所以吾會有下次。

舊年由小西灣行山行到大浪灣, 然後坐小巴到筲箕灣東大街搵食, 朋友想食安利, 不過我地排咗半個鐘都冇起色, 另一個朋友已經走咗去酒樓攞位... 唉... 乜咁o架... 冇機會試新o夥添...今日晴空萬里, HONEY好好興致咁話早D去應該冇咁多人排隊...11:45AM到達... 等咗5分鐘左右就有位... 比預期中快... 好彩...其實天氣已轉涼, 不過餐廳入面實在太多人, 攪到好似冇冷氣咁, 連我都標晒汗... 仲要同4個陌生人坐埋一張枱, 佢地刻意"呀"開對脚同手o黎坐, 迫到我同HONEY要縮埋一齊食, 好辛苦... 唯有快D食完快D走...餐牌右下角有米芝蓮公仔, 唔知係拎咗米芝蓮咩名堂...切腩魚片撈粗--招牌菜!!! D撈粗用豉油撈勻咗, 好好好味呀!!! 我本人係唔鐘意食撈麵, 但係佢呢個撈麵真係好正!!! 牛腩都幾入味, 又夠淋, 可惜薄如蟬翼, 有少少美中不足~魚蛋魚片河--招牌菜!!! 魚片爽口, 魚蛋又滑又彈牙, 河粉都滑過人, 難怪咁多人排隊...菊花蜜--糖水一杯...12:15左右離開, 門口已經堆滿人, 同我地上次食唔成果時一樣... 呢度起碼要等4

對上一次幫襯安利，巳經係幾個月前的事，個時巳經覺得冇以前咁好食， 禽日再去幫襯，叫左坑腩片頭撈粗，淨雲吞，唔....只可以講維持係近年低水平，同幾年前相差幾皮，坑腩幾鞋，魚片頭唔爽口，雲吞只係周圍都食到的水準，個湯得個咸字，餐後覺得好口渴，味精十分之重手。很唔明解店外條人龍仍然咁長，唔通真係食開會上癮???好彩我冇俾導到。

看了食評去食的結果失望而回片頭切腩粗面最差的面一舊舊又冇味道牛腩也無特别，魚旦一般，藓油多士份量很小、我不介意等位的時間、為美食，結果不是食評說得那么好、下次試試隔离其他店、不会再回頭的食店

曾經有掙扎過好唔好淨係寫好食既餐廳,但為左加強食評既客觀性+ 証明好食既餐廳係可能係我食過10間8間中好食哥間+希望大家注意到我食過唔好食/須要改善既餐廳,所以想寫埋唔係咁好既餐廳之前曾經去過呢間人氣2012米芝連魚蛋粉小店,但因為佢已經收工今次特登又左去試, 點知失望而回之前曾經去過呢間人氣2012米芝連魚蛋粉小店,但因為佢已經收工今次特登又左去試, 點知失望而回點左人氣切腩片頭豉油撈粗+凍檸荼

係東大街搵食一定唔少得來安利食切腩粗, 今日仲要加多3粒雲吞.明知道此店米芝連食店更係唔可以撞正午飯時間來,等到2點後免得排隊之苦每次來此店都喜歡叫切腩, 可惜今日切腩偏瘦令到有點鞋口好似炆得唔夠淋及入味有點失望, 為何主打既切腩都可以做到是好是壞令人難以相信粗麵同樣麻麻地有點鹼水味唔好食, 連湯底同樣偏咸, 成個切腩麵就不合格只能慶幸雲吞既蝦肉夠鮮夠彈牙, 只覺得此店已經名過於實, 價錢又不平宜, 令人失望而回

星期三晚上有事到筲箕灣一趟, 民以食為天, 決定先醫肚...時間尚早未夠七時, 經過傳說中的長龍店安利, 見只有幾個客人而店員剛好走出來招呼坐下, 原來已接近收鋪, 我和老友記小美美問有甚麼好介紹, 阿叔推薦四寶河$37, 好, 就來一碗兩份吃! 小美美一眼見到餐牌上的'鮮油奶多士$10'即說要吃, 我都很喜歡鮮油奶多, 所以索性一人叫一碟, 免得到時...粗俗啲講句...."到喉唔到肺". (題外話: 見餐牌圖片真的很吸引, 想起上次在九龍城添X記吃了一客後決定將該店打入冷宮就想起都很久沒吃到好吃的鮮油奶多, 有點期待一會上枱時是不是如圖所示...咁靚?!)等了一會, 四寶河已來, 阿叔醒目自動送上兩個碗以便我們分享, 不一會竟然再另上一碗湯給我們, 說是如湯粉吸了湯不夠兩人分可方便我們自己添, 真細心! 魚蛋夠彈但魚味不夠濃, 牛腩入味, 湯加了腩汁, 但全晚無再在街飲嘢都無口渴, 都算唔錯. 多士上來時確如圖所見無走樣, 包脆, 微暖, 而鮮油尚在, 你所見到的就是我所吃到的....真好! 吃了幾口才醒起想寫食評讚一吓. (不要以為這是必然的, 因為我打算寫

安利出名，已經衆所周知。周日下午茶時間去，不用排隊。安利出名牛腩魚蛋，是日點了魚片頭撈粗。在我而言，安利必吃的，其實是撈麵。醬油平均分佈每條麵條，非常惹味，麵地亦可口。不過因爲是事先做好的，麵少不免不夠熱。幸好有湯做補償，夠熱之餘亦非常鮮甜。魚片頭彈牙爽口，外皮香口，有魚味。不夠喉再點了魚蛋粉，不過還是撈麵好吃！

好耐好耐無去安利了，　以前多數係母親去開ｓｈａｕｋｅｉｗａｎ買餸，　然後買外賣比我同細佬食（因為堂食真係好多人），　近年母親無去ｓｈａｕｋｅｉｗａｎ買餸，　所以我地都無得食安利。。哈哈。今日同母親去ｒｅｎｅｗ回鄉證，　有機會食了。１２：３０ＰＭ，　都滿滿地坐，　不過我地２位，　都唔洗等，　即時有位。（我的慣食）切腩片頭撈粗：仍然覺得好食，　切腩唔太肥唔太瘦；片頭幾好味，　不過得一嚿係片頭，　其他係魚片ｏｎｌｙ；撈粗仍然好食，　好入味。鮮牛油多：外脆內軟、大大件牛油，　ｙｕｍｍｙ。食物ｋｅｅｐ到水準，　不過價錢就比以前貴，　ｓｅｒｖｉｃｅ都仍然係快快快。。不過都係有禮貌的。