安利魚蛋粉麵

營業中

休息中

放假一早要任性一番。好耐冇食過咁邪惡嘅鮮奶油多士嘞，但如果早餐黎到安利唔食呢個就對唔住味蕾同個胃啦！ 每次見到佢咁靚真係超開心，佢好有standard嘅，烘得靚靚既表面，唔會太燶， 熱辣辣 既多士夾住凍冰冰嘅鮮牛油，嘩，一啖咬落去，真係唔只鮮油溶化，連我都溶化呀!跟住再嚟一件双拼三文治， 佢唔係用滑蛋既方式去做，而係用較傳統煎既方式再夾住啲餡， 一樣咁好味! 而且咁樣夾厚多士係比較容易入口，唔會食到天一半地一半!至於熱奶茶不用多講，一個字!

環境3分：正常魚蛋麵舖格局，圓枱配圓櫈，兼要搭枱。 衛生3分：衛生一般但可以接受。服務3分：服務都係快手快腳，兩分鐘內所有嘢嚟齊。食完之後一分鐘內有阿姐嚟收嘢，然後出門口埋單。味道2分：碗切腩撈粗上嚟時真係以為煲完湯嘅瘦肉，非常之瘦，食落當然係非常之韌。撈粗麵撈得非常之均勻，個粗麵得，但係啲切腩唔得，魚片頭還可以，加四蚊都接受到。跟麵嘅湯都幾好飲，啲菜心好淋。反而個鴛鴦走糖加煉奶最好飲。 抵食2分：44蚊一個切腩撈麵應該算偏貴，但係啲麵確實好食，但比牛腩扣分。呢間之前聽過好多明星會幫襯，可能明星啲牛腩會好食啲。我覺得名氣過大，即係有姿勢冇實際嗰隻。

喜歡鰂魚涌一區的小店，有著不同類型的餐廳。今次選來安利魚蛋粉麵來作午餐。之前來試過湯麵和撈麵， 今日食切腩片撈粗，滿滿一碗看已經非常吸引又香噴噴! 腩肉口感是煙煙韌韌，帶點滑溜的肥肉，肉的質感味道也不錯，說魚片，比較淋沒有彈牙口感，食落魚味並不算特別濃，粗麵唔會太軟唔爛，整體比較膩，所以最後都食不完...加多杯餐飲鴛鴦，尚算完滿

咁多年都咁多人排隊就知佢水準keep得住，每次去到必定食切腩撈粗仲要加勁多辣椒，除牛腩外魚旦同炸魚皮都係必食，個魚皮浸一浸個魚旦湯簡直係一絕，最後我都要叫多個西多士來個完美句號。

真係聞名不如見面！垃圾牛腩麵！ 靭到一舊都唔食得 ！ 兩個侍應全程見到都唔係你問下乜嘢事！ 佢哋已經做到無欲無求！ 多你一個客唔多、少你一個客唔少！ 冇下次！安利祝你好運！

去筲箕灣必食安利魚蛋粉，我的另一半就會點片頭牛腩撈粗，片頭即係魚片頭，牛腩即係炆牛腩，咁撈粗即係咩野撈粗呢？撈粗用嘅係師父自家調製嘅醬油，亦係安利大賣之選。所以話去安魚蛋粉麵，唔一定只係食魚蛋粉的。䰷油奶多咪即係鮮油多加煉奶，同樣受歡迎，奶茶咖啡以外，支裝維他奶更加係童年回憶

安利魚蛋粉賣到街知巷聞，一到假日，門口永遠是擠滿等入座的人，好厲害。難得來到筲箕灣，當然要一試這碗出晒名的魚蛋粉。魚蛋粉未到，已經溝定我喜歡的辣椒醬豉油，辣度是有的，但不夠香，加上疑似溝左水的豉油，味道麻麻😔魚蛋粉一上檯，喝下第一口湯，出事了，湯頭根本一點鮮味都沒有，完全是味精湯，魚蛋片頭雖有魚味，但不鮮，河粉尚算滑，但整體而言，絕不至於可以受那麼多人追捧的情度😞食完一碗粉，飲左成樽水😖熱檸茶同樣麻麻，檸檬片數雖多但不新鮮，令整杯檸檬茶帶苦味，可惜😐不過口味好過人，安利能有那麼多擁躉應該是有過人之處，只是我唔識欣賞🤓

晚上6時許，一行4人到達這間名店，每人各叫了一碗魚旦麵，喝第一口湯覺得很咸，繼續試試魚旦，同樣是得個咸字，不夠彈牙，想是原材料(即魚)新鮮以致無鮮味，得個咸味，招牌食品令我真失望，坐了一會原來到7時店舖要關門。

每逢去石澳沙灘游完水之後，一定會來東大街利安餐廳，食下呢個切腩片頭撈粗🍜，蔥花上湯，浸上一口鮮味腩肉混入粗麵，味蕾即時投降份量啱啱好讓我可以享受多一件鮮油奶多，脆囗加上開始溶化嘅牛油，滿足極了，再啜上一啖我喜歡的凍奶茶少少甜⋯⋯幸福指數爆燈😋凍奶茶少甜，凍檸茶少甜，完美的配搭，雖然價錢比其他粉面餐廳會貴少少，但係要食好嘢，貴少少我都覺得好值得，如果你繁忙時間來的話，可以話俾你聽，真係一位難求，我覺得佢係食魚蛋粉麵嘅冧巴溫

久違了！以前住筲箕灣每個月都起碼食一至兩次，之後搬咗就好耐無去食過！今日9點半到，等咗10分鐘就有位，好快！兩個人叫咗四寶河、油多、切腩撈粗同涷奶茶，撈粗係我最愛，一食，咸到呢，好失望。然後好期待嘅奶茶又甜到呢！下次，應該又要等好耐！

聽係西灣河住嘅朋友講呢一間牛腩好好好好食，而且開咗好多年，好有懷舊嘅味道，亦都真係好好味。朋友成日推介，但我始終因為住同工作嘅地方太遠，所以都一直未有機會去食。 呢次去開嗰邊行街、睇戲、食飯，就諗起要去搵吓佢啦! 叫咗一碗好豐富嘅魚蛋、雲吞、牛腩粗， 仲有一個至尊推介坑腩片頭撈粗，見到餐牌又同時聞到舖頭陣味都想食、見到就已經流口水、入口就細緻品嚐……嘩! 嘩! 掂呀! 超級正! 坑腩好林，好林，牛腩同坑腩兩樣都好入味真係冇介紹錯，即刻whatsapp個fd多謝佢既好介紹個撈粗都好得㗎，夠味得黎唔會鹹到狂飲水，冇得輸。最後，朋友再加推鮮油奶多，又係絕頂好嘢! 練奶同牛油嘅香味配搭得好均勻，兩種味都食得出， 太棒了! 呢個late lunch確係回味!

住新界嘅我有幾可會過筲箕灣呢邊搵食，所以今次有機會黎到筲箕灣東大街，梗要試一試出名嘅安利粉麵。🤤🤤叫左個切腩撈粗，因為午市比較多人嘅關係，所以麵都等左大概兩個字，個粉先至到。碗麵上枱時已經撈埋，非常啱我呢個懶人！🤣🤣🤣👏🏼粗麵麵質幾彈牙，撈左味道夠，唔洗另外加蠔油，幾好！至於切腩就偏瘦啲，所以咬落都有些少韌，不過可以接受。食完個麵再飲番碗熱湯，熱辣辣暖笠笠，都幾滿足架。☺️☺️👍🏼

今日我下午去咗筲箕灣，有啲肚餓所以我去咗安利食魚蛋粉。當日大約三時左右，人流唔算多但係都要搭枱。如果係下晝去嘅當日大約三時左右，人流唔算多但係都要搭枱。如果想食午餐或者星期六日去嘅話，就會比較多人了。我今日叫咗一個魚蛋撈粗，粗面鹹咗少少但係接受得到，味道無變當然最重要個魚蛋啦，魚蛋仍然都係咁彈牙咁好味。我下次都會繼續去。

這家安利就是莦萁灣小吃的代表，但已經裝修了新店，看來也有名很久了。面包依舊是覆雜名字的結合，油站呀，糖生呀啥的。醬抹的足，所以也好吃。牛腩粉不錯，但特意來沒必要。

餐廳都算大 內部好深 但唔知因為食慣大埔間魚蛋粉定點 呢間安利真係麻麻地 撈粗唔香 又多味精食完好口渴 唔會再黎試 伙記態度又差 嗌左鮮油多塊多士唔脆 唯獨個牛腩好冧 碗魚蛋河有骨