安利魚蛋粉麵

營業中

休息中

通常去港島東區都係去最出名的太安樓食小食，但係係附近其實有一間好好食既魚蛋粉！如果係假日或者繁忙時間黎就一定大排長龍，醒目既我當然揀唔係食飯時間黎啦，無咁多人可以坐得舒服少少。雖然以魚蛋粉黎講價錢會高少少，但係最緊要好食啊嘛！魚蛋非常爽滑彈牙，而且魚蛋味好出，魚片好有鮮味。另外湯底真係整得好好！係真係有鮮味，唔會感覺好似飲緊味精咁咁鹹，就算飲對幾啖個湯底都唔會覺得口乾。河粉亦都好幼滑，真係好滿足！

多年後重臨安利，裝修格局也比以前來得有格調。可惜，仍然不覺得它的粉麵有何出色之處。$44碗切腩河，份量不算多，牛腩不見得有濃厚的牛味，亦未見冧身。還比不上銅鑼灣 潮x的$2x一碗的牛腩河。$22碟的時菜，又與我在普通粉面店的$10碟有多大分別。最好食的買是$15的鮮油奶多.....但，又，牛油+煉奶+麵包這個組合又點樣爛食呢...！？總結: 可以一試，但絕不值得排隊及捧上天的平凡麵店。補充: 多年前已試過撈粗，不是我杯茶，已沒有印象了。

今日約左朋友去龍脊行山，行完山搭小巴出筲箕灣，正值晚飯時段，於是上網查下筲箕灣有咩好嘢食～上網見到好多人推薦呢間魚蛋粉話好好食，於是決定黎試下～好多人都推薦食呢個奶油厚多士，於是又試下，得2舊份量好小，就係一舊有d脆既厚多士夾住一塊牛油，但味道好普通...而我覺得呢碗嘢都係普普通通，無話好好味，只不過係普通既一碗粉，魚片頭簡直同平時自己街市買既一樣，湯底又冇特別，味道太清冇乜味完全就係勁普通既一碗魚蛋粉，唔明點解咁多人話好味？真係試一次就夠，出名既美食店也不過如是...

安利無論咩時間都咁多人，我地lunch等左20分鐘到就入左去，由於人流都多，所以食完都唔會預坐底吹水!不過忙之餘店員嘅態度都好nice唔差，其實都唔會話趕人走！叫左四寶河($46)以牛腩湯做底，四寶分別為魚蛋魚片、炆牛腩、雲呑、牛丸其實份量都好多，尤其是牛腩都有好多舊，仲有牛根添，非常入味！雲呑大大粒，魚蛋彈牙好鮮！！❤️連d河粉都勁入味真係大讚！46蚊都算抵！女仔食係非常非常之飽！會再encore

相信住喺港島區嘅人又或者去過筲箕灣東大街搵野食嘅人對安利魚蛋粉麵唔會陌生。安利魚蛋粉，仲有腩類食物都幾名，遇著週末假期經過呢度，就會發現大排長龍。天氣比較悶熱，如果要排隊等食可能都要花啲時間，所以我同老公會選擇閒日嚟食，免卻排長龍等待嘅情況出現！鋪頭環境都算闊落，唔會覺得坐得好迫，乾淨企理。 叫咗切腩四寶河四寶分別有魚旦，魚片，牛丸，雲吞同埋切腩 ，魚旦爽滑彈牙但唔腥，魚片有魚鮮味。切腩肉質略帶少少肥肉，但都易咬口。鮮油奶多 麵包烘得香脆，牛油份量十足，加上煉奶，大愛唔少得飲番杯涷奶茶，茶味香濃。值得一讚嘅係員工服務態度良好，很有禮貌。

前幾天和友人到東大街覓食，我們聞說安利粉麵在東大街上很有名，於是大家都付出我們的第一次。我們晚上7:15進入，見到原來佢收八點，好彩好彩👍😊呢度單拼$34, 雙拼$40, 價錢合理。不過正值休魚期無魚蛋賣，得魚片頭，於是我揀了一碗雙拼牛腩魚片頭米粉，友人就揀了一碗雲吞麵和另一碗魚片米。我地見到有鮮油奶多，都係$15一份，於是我們再點了兩份😋先試佢嘅牛腩魚片頭米，佢嘅牛腩果然係最出名，不得了！牛腩肉質炆得夠腍又入味，又有d牛筋相伴，牛筋入口即溶勁多骨膠原，重點係佢嘅腩汁，好濃好濃的牛腩精華入哂去，好多花椒八角香料的香味，可以令到成碗粉面即時昇華，所以我建議無論叫任何粉面都一定要加腩汁！其他雲吞同埋魚片頭就正常，冇乜特別。不過佢嘅先奶油多真係無敵，朋友首先試食嘅時候，嘩了一聲出來，原來佢除左鮮牛油，入面仲有煉奶㗎，真係超正！！😍加上微烘多士夾住，又軟又硬，每一口都好soft 又好rich, 雖然＄15得兩小片，但係每一口都係幸福嘅感覺，救命真係好正，超邪惡，都要食😋😋😋 下次再嚟幫襯我已經知道要食乜啦，唔使諗一定encore佢嘅牛腩粉麵同埋鮮奶油多😋😋😋 —————————————————

吃了數次的一家粉麵餐廳感覺越來越商業化味道也大不如前希望不要步翠華後塵四寶河$48四寶河“是日伙計話無魚蛋轉魚片比你有無問題？當然無問題”落單後5分鐘上枱四寶河個名好似改弱左上枱目測已經唔只四種餸牛腩牛根炸魚角雲呑魚片豬肉丸應該叫六寶比較合適碗細細 餸料足但河粉較少湯底過份地“黑” 唔似腩汁果種“黑”貌似落重老抽 而且重口味偏咸加上辣椒油本身咸令到整碗麵咸上加咸鮮油多 $18除了魚蛋河的另一招牌：鮮油多方包似烤定？包皮已經乾身偏硬而且比以前細碼左？鮮牛油咬落凍冰冰軟滑但無牛油香似用無鹽牛油如果用有鹽牛油效果可能會好D最後頂唔順太咸加左杯凍檸茶$20冰多到檸檬都篤唔到………

每次去筲箕灣東大街，一定要幫襯下佢先至安樂，不過最憎佢就係成日都咁多人，有時要等30分鐘，但係一場黎到，冇理由空手而回呢度啲河粉特別滑特別好味，仲有個湯底好鮮甜，蛋又有魚味，咬落口彈牙不特止，真係食極都唔會厭！

這家粉麵店十分有名，平常來都會排隊，所以我們都會選下午茶時間來。這裡比平常的寬敞, 就算要搭檯而坐也不太狹隘, 感覺乾淨之感舒適。奶油多入口超香，麵包烘得剛剛好，香脆之餘加上入口即融的牛油，放入口的感覺太好。牛油厚切奶味香濃，加上甜甜的煉奶，完全是一種簡單的邪惡滋味！魚蛋是用兩種新鮮魚打手而成, 可是魚蛋不夠彈牙爽口, 伹味濃。魚片經油炸後，水份被抽走，味道較魚蛋濃。切腩吃下帶嚼勁, 因脂肪含量較少, 相對香口程度較低。河粉帶清爽口感, 湯清而香濃。

假日去下d平時唔會去嘅地方行下揾下野食，星期六熱辣辣貢入筲箕灣，行下foodwise (貨品好無聊，喜居生活有趣過佢多多聲，)。見有兩間安利，一樣人多，橫掂都係要等去新d嗰間。天氣又熱，條街又曬，人又多，又多車喺街邊着車等入餐廳。等左9個字先入到去，拿拿臨叫鮮奶油多、魚蛋魚片切腩麵同牛丸xx撈麵 (唔重要冇特別好食忘記左)。鮮油奶多只有半塊，再切成兩塊正方形。方包本身唔錯，包面乾身脆身，入面有dd軟身，唔係隔夜嗰種扮乾再烘下。煉奶夠多，但又唔會重手到打直食嗰陣流到成手係。鮮油冇溶，但唔係雪到實的的 (我鐘意雪到好硬嘅牛油)，未至於好淋一pat，都ok。兩樣加埋味道啱啱好，唔太甜唔太油，半塊唔漏不過唔夠喉。好想係實的的牛油啊...魚蛋魚片切腩麵，老實，失望。唔會話難食，但算不上特別or好食，唔咸囉...魚蛋魚片口感味道冇特別。切腩唔韌，軟但唔係軟滑or香肉味or牛脂味。反而牛丸試左粒幾好，偏實既彈牙，有咬口有肉汁，稍稍偏咸。最後叫杯凍奶茶，茶底冇茶味有d澀同鞋口，糖漿重手得滯太甜，唔啱我。對於一間被讚魚蛋魚片切腩嘅舖頭，出到嚟以上冇一樣叫得做出色都幾失望。反而牛丸同鮮油奶多係唔錯，前題係

Happy Friday 同同事特登搭車去食安利😍見到條人龍真係嚇親! 但人流都算去得快，等左大概20分鐘就有位。本身我係叫左牛腩雲吞米，見到人地食河粉又臨時轉，好彩員工都好好肯俾我轉，仲非常友善!(係到講聲唔好意思，麻煩到人😣)牛腩炆到好林好入味，肉質略嫌有少少「鞋」，但加埋牛腩汁湯都好好食!另外仲叫左鮮油奶多😍😋包底烘得岩岩好，好脆口又唔會太燶，夾住一層厚厚嘅牛油，仲有煉奶，入口即溶非常軟滑，邪惡極致! 😈咁好食，唯有做多兩轉運動先得啦…😂

每逢夏天，去石澳沙灘之前，指定動作到東大街搵食，呢間貴人少少但又偏偏要幫襯，原因就係食開有感情，佢地啲夥計個個好有性格，佢哋未必會對你笑面迎人，不過呢啲地道餐廳往往就係有咁嘅人情味，人總是犯賤的千祈唔好午市或者假日嚟，一定大排長龍，食嘢都會影響心情，雖然係為食而食，但係都唔好背脊頂背脊吖印象佢哋重新裝修都有兩年左右，簡潔舒適，好多人都特登揸車嚟食，儲落好多熟客價錢貴唔貴？見仁見智，不過個人覺得好食嘅嘢，就算貴少少都係值得嘅魚蛋河⭐️⭐️⭐️⭐️⭐️另一半最愛魚🐟蛋河，佢話河粉幼滑，與別不同，魚蛋魚味特出，彈得來你會覺得有豐富膠質，湯底清甜，食後沒有口乾感覺切腩片頭撈粗⭐️⭐️⭐️⭐️⭐️黎呢度都係為咗佢，配搭滿足晒我所有願望一囗坑腩，一囗魚片頭，再沾上一口滿佈蔥花的上湯，特登嚟食都有價值鮮油奶多⭐️⭐️⭐️⭐️⭐️必食三寶之一，我又點會忘記你吖，外脆內軟嘅多士，包住慢慢溶化嘅牛油，加埋煉奶嘅香甜，無可抗拒加多杯港式凍奶茶少甜，就更加perfect啦，另外提提大家呢度逢星期四休息，唔係摸門釘就唔好啦

呢啲名氣大嘅魚蛋粉麵店通常員工態度都不友善，所以我一直避免受住氣食飯。不過今日天后誕，和朋友行完山就去到東大街午餐，反正所有食肆都要等位，就把心一橫排安利。等了半個鍾頭多點，終於入座，雖然超多人排隊，但店員都不會勉強逼客人坐到密密麻麻，加50分！而且負責點餐的員工伯伯超友善，keep住微笑，又有禮貌，我地都受寵若驚。魚蛋拼柱候炆牛腩麵，生麵彈牙，牛腩軟腍入味，而牛筋有軟硬度適中，份量又不少，果然名不虛傳。魚蛋雖細粒，但彈牙爽口，而且仲送了粒魚片頭給我！奶油多不錯，勝在即製，牛油軟滑，難怪每枱都點！非常值得等侍，而且有幸見到舞獅，全店氣氛高漲，很熱鬧！

與朋友在龍脊行山後，便到東大街的安利魚旦粉吃午飯。正值佛誕，街上熙來攘往。我們等了大約半小時才入座。餐廳採用懷舊、工業風格，店員全穿上整齊的綠色安利Polo Shirt制服，懷舊的粉麵店帶著現代的餐飲管理方式，有趣有趣！來到安利「魚旦粉」，必定要點「魚旦河」啦！下單五分鐘後，店員便捧上熱剌剌的湯河。先咁喝一口湯底，非常濃郁的魚鮮味🤤魚旦魚片非常彈牙，唯魚片頭有點過鹹。下次必定再光顧！

在筲箕灣食街「筲箕灣東大街」裡面，我幫襯得最多的食店應該就是「低調高手」，至於其他的食店我還是會抱着「一試無妨，下次難講」的態度。所以今次我在「筲箕灣東大街」又試食了新食店，食店名稱叫做「安利魚蛋粉麵」。「安利魚蛋粉麵」位於「筲箕灣東大街」道路差不多接近盡頭的位置，關鍵在於食客還有沒有耐性繼續向前走而已。由於筲箕灣在香港島東區屬於漁民漁船的聚腳點跟住處，所以在筲箕灣亦不難找到，跟海鮮水產相關食品和餐廳，例如中式魚蛋粉麵，「安利魚蛋粉麵」正正就是筲箕灣海鮮水產相關食店。漁民處理多餘賣剩漁獲的最佳方法，就是把魚類加工製成魚蛋魚片類的食品。我小時候在西貢墟，就曾經在舊墟海邊，近着魚類批發市場旁邊，食過正宗的魚蛋魚片河。可惜那些魚蛋粉麵店現在已經大多結對，剩下在新墟小巴站的中式粉麵店，亦都已經所餘無幾。現在我在西貢墟，已經很少機會再試食魚蛋類的粉麵。「安利魚蛋粉麵」應該很有可能是我近年，吃過最多，感覺亦是最深刻的中式「魚蛋魚片」類粉麵。如果真的要講「安利魚蛋粉麵」與別不同，應該說是「安利魚蛋粉麵」以醬油撈粗麵，作為配魚蛋魚片的首選食材。「安利魚蛋粉麵」的樓面，相對於其他中式粉麵店都比較新淨與整