安利魚蛋粉麵

營業中

休息中

因為要排長龍，好耐冇去呢今天下午經過，居然只有一兩人排隊，好快排到喇切腩片頭撈粗，超好味，片頭好掂，切腩有趙口，撈粗最正，最精彩，每條面都沾滿左醬油，夠林，夠入味！雖然切腩只有數片，但撈粗可以補償一切鮮沺奶多，厚多士香脆，熱辣辣，牛油半溶，再混合煉奶，味道提升，食到舔舔脷!

筲箕灣必食～安利魚蛋粉應該冇人唔知🤔好似係遊客必到嘅食店～即刻試試佢好冇味👉🏿✨牛腩河 hkd38 💸 之前食過九記牛腩如果對比起嘅話，我會覺得九記牛腩啲牛腩好食啲🤔因為我安利呢間實在太硬太un了😢唔易咬。不過啲河粉係幾彈牙幾滑幾好食嘅^_^開頭就咁飲一啖湯會覺得好鹹，但如果攞埋啲粉食又會啱啱好喎，一啲都唔咸，好神奇😅入面仲會有兩條菜食落冇咁寡～👉🏿✨淨魚蛋 hkd32 💸魚蛋係幾大嘅但係都會有少少腥..可能因為我本身麻麻哋魚肉，所以覺得冇乜特別😂魚蛋同魚片頭黎講我會鍾意佢嘅魚片頭多啲～彈牙啲，索晒啲湯汁👍🏿點都要食番次，遊客打卡✔️

話說尋晚食咗餐豐富嘅住家邊爐，今日就諗住要食清啲 潔淨吓。不過唔講尤自可，一食就食到邪惡嘅盡頭... 西！多！士！😂😂😂去開 安利 嘅粉絲們都應該唔會只係叫坑腩片頭撈粗啦，要劃上圓滿嘅句號就必定要加多份鮮油奶多，又或者係以下影到爆mon嘅西多士，怕肥都係咁話。溫馨提示：要有心理準備weekend食晏時段係一定要等位，所以唔餓得嘅你就要俾啲耐性喇 (當然亦可以外賣啦)。

安利係筲箕灣東大街其中一間永遠都大排長龍嘅餐廳。坑腩片頭撈粗牛坑腩夠軟林，魚片頭爽口彈牙，撈粗麵顏色均勻。可惜份量較少，男仔可能唔夠飽。鮮油奶多 (必食)烤過嘅麵包夾住一塊半溶嘅牛油，加上甜甜地嘅煉奶，非常邪惡！

星期六一號風球下午茶時段安利竟然walkin有位，雖然唔算好肚餓但為食病又發作，直衝入舖坐低點咗切腩撈粗麺加樽裝忌廉！切腩乾咗啲，但牛味同夠腍搭夠，撈粗仍然係至愛❤️❤️❤️，無硯水味，條條有濃濃嘅豉油味又彈牙！👍🏽👍🏽👍🏽服務喺繁忙街坊店就一向無乜期望，但今次有個阿姐又好好服務，我本來想食炸魚皮阿姐話只限星期日供應同埋午市後多數買哂，態度好親切咁叫我聽日再嚟！唔知如果聽朝八號波夜晚仲有無炸魚皮呢？

今日走去筲箕灣食，好彈牙嘅魚蛋粉同埋兩個同事一齊食清清地，夏天無胃口，食粉麵就最好啦我同事叫了一碗，牛丸黑椒面，混雜着黑椒牛丸有少少辣，好大大粒牛丸，好有牛味添。最後叫杯Lipton 紅茶沖嘅奶茶，都幾香滑

安利喺筲箕灣好出名周不時有明星黎幫襯我一得閒就會自己過黎食(要預返啲時間等位)!!!每次黎到安利門口，一定大排長龍就算夏天熱辣辣，都無損大家食安莉既決心！好彩今日等左15分鐘就有位今日叫左切腩片頭撈幼，由於天氣太熱，叫左杯凍檸茶解解渴個片頭好有魚味，而且好彈牙😋😋😋平時間中會幾廿蚊買條魚片頭返屋企俾媽咪加餸，冬天打邊爐，熱天就咁煮面食，一樣過癮溫馨提示，過黎食面要預返多少少時間，等位係必要的 😞

因為同老公下晝一齊唔駛返工, 所以有時間排隊試下呢間好多人等位嘅安利魚蛋粉😊等左15分鐘左右就叫到我地嘅號碼, 午市時般人很多, 基本上全部枱都坐滿搭枱嘅客人。我地點左一碗湯河, 一份撈麵, 一份西多同一份多士, 湯河嘅湯底好清, 牛腩都幾腍, 魚片好彈牙, 撈麵正常, 西多同多士正常水準😁不過可能因為比較出名, 所以價錢都比其他店貴d😁

唔知甚麼時候開始、魚蛋粉美食成為香港人嘅集體回憶之一。。。一場嚟到"安利"當然係必點之一啦，本來落單時點咗一條魚片、點知伙計可能聽錯，嚟到係一碗淨魚片（十塊）。。。錯有錯著、可能係休魚期間 ～ D 魚蛋魚片咬落有點"粉粉地" 同小小腥味。。。應該是食材原料的問題、非戰之罪。湯頭係用豬骨煲、味偏咸加炆腩汁係傳統舊派味道。切腩撈租同杯熱奶茶就保持平時嘅水準，老實講、香港地周街都係魚蛋粉麵店，老字號嘅安利可以做到一值都保持平穩嘅水準，家族式企業經營管理真係一D都唔容易。。。"安利" ~ 又係一間值得大家支持的小店！

筲箕灣出名 多野食 呢間安利出名到個個都遠到而黎 我住新界都要出黎試一試間野新裝修過一次 而家簡潔 靚仔得多招牌西多士 厚到好罪惡感牛腩河 牛腩好軟身又Lum 好夠味當然唔小得碗魚蛋面 仲要叫碗雜丸試食哂咁多種！！！

無Q厘頭去到東大街，要試下安利嘅切腩、撈麵、魚旦、牛丸、雲吞、片頭、多士。本來想試埋炸魚皮，但是原來假日限定。牛丸：可以唔食魚旦：唔係好彈，但有魚味片頭：比一般細件，美味雲吞：大小適中，有蝦子味撈粗麵：還有少少鹼水味切腩：我要求肥腩，但唔肥，也很爽滑多士：有點嚡口一試無防

安利...一家好出名既魚蛋粉麵軓門店今日... 離得係香港島o個邊.. 所以決定一試我同朋友2點鐘去到門口一堆滿排隊入去食野既人我地等左半個鐘左右我同朋友各order 左一個切腩撈麵我叫幼, 朋友叫粗食落去朋友的粗麵口感比幼麵好而切腩牛味無乜.. 口感仲係硬既其實我又唔係覺得咁好食但個湯..雖然咸左小小但味道就幾好淨魚蛋..我覺得一d口感都無.反而呢個鮮油奶多就真係幾出色多士烘得岩岩好, 外層脆脆的質感鬆軟中間夾住一大片的鮮牛油及甜甜的煉奶一個人食完碗麵仲可以食到一份um.. 食完後.. 我會覺得其實名過於實期望過高... 失望左dd.

近排見喉嚨唔舒服，清淡少少黎到東大街呢間經常很熱鬧的安利魚蛋粉麵。究竟魚蛋粉麵如何做得如此出色，吸引一大班食客？我大概晚上6點左右到，已經見店內人山人海，冇一張枱係空，需要搭枱坐。如果一間店的餐牌裡有鮮油奶多，我一定毫不猶豫地下單。🙈對鮮油奶多、奶醬多有一種情意結。安利的鮮油奶多，麵皮烘得較脆，但又不至於烘得過火，很香口。以厚身麵包做，不連麵包皮，Size較為細分，兩口就可以食得完。美中不中的地方係片牛油唔夠融，煉奶太少，引致味道偏鹹。我習慣食一啲多士仲係有餘溫，令到牛油融化，牛油汁吸左係麵包，再加上煉奶就很滋味。之後要講下柱候炆牛腩，我配河粉食。河粉比較吸到多啲湯底，所以個人認為好味少少就應該配河。柱候牛腩湯底好足味，偏濃味，如果平時食開清淡嘅朋友仔就應該唔太啱食，因為都幾鹹。正正因為重口味，牛腩味好香，我就算唔太餓都會選擇食晒啲腩，食剩河粉。平時我好少食剩，除左因為自身唔太舒服之外，我唔太鍾意河粉太碎，夾幾夾就跌返落碗到。我鍾意好長一條過嘅河粉，食時比較方便。但呢間河粉唔知點解好碎，一條河粉得平時用嘅原子筆一半，變相我夾好多次落匙羹先食到。有啲美中不足咁啦！撈粗麵有口，夠彈性，因

小妹係OPEN RICE第一篇食評, 一諗就想寫安利啦.係東大街安利都係數一數二出名既食肆, 呢度有二間安利, 呢間係天后廟斜對面果間.想唔使排隊食既話就要早啲去, 或者四點左右去. 盡量避免係PEAK HOUR去食, 除非唔趕時間及有心理準備等20分鍾以上啦~撈粗 - 平時我會食魚片或者坑腩, 撈面好滑又爽口加上豉油汁好夾. 今天坑腩比較瘦, 個人鍾意有少少肥. 其實落單既時候可以要求要全瘦, 半肥瘦的.鮮油多, 我鍾意燶啲脆啲(大火)都可以要求的. 厚厚既鮮油....食果一刻簡直係人間美食, 食完就好有罪惡感. 不過唔理咁多, 食左先算XD

難得放低阿囡緊係食啲要排隊既野，要排隊拎飛可想而知有幾好味🤤，一個人唔使等好耐就入坐✌🏻炸魚皮只有星期日供應😞撈面撈粗成日食，撈河唔係好多地方有，今日一試👍🏼每一條河粉都撈到醬油而又唔會淋pat pat，牛腩好有肉味😋