安利魚蛋粉麵

營業中

休息中

放假一早要任性一番。好耐冇食過咁邪惡嘅鮮奶油多士嘞，但如果早餐黎到安利唔食呢個就對唔住味蕾同個胃啦！ 每次見到佢咁靚真係超開心，佢好有standard嘅，烘得靚靚既表面，唔會太燶， 熱辣辣 既多士夾住凍冰冰嘅鮮牛油，嘩，一啖咬落去，真係唔只鮮油溶化，連我都溶化呀!跟住再嚟一件双拼三文治， 佢唔係用滑蛋既方式去做，而係用較傳統煎既方式再夾住啲餡， 一樣咁好味! 而且咁樣夾厚多士係比較容易入口，唔會食到天一半地一半!至於熱奶茶不用多講，一個字!