安利魚蛋粉麵

營業中

休息中

假日既早上，來到筲箕灣想食個早餐。好多鋪頭都未開門，唯獨呢間「安利」特別多人係門口排隊，一於排埋一份🤓等左五分鐘左右，好快就入到(預左要搭枱)嗌左個雲吞撈幼面、西多士同一枝樽裝可樂西多士有得揀糖漿或煉奶，識食一定揀煉奶仲要係自己任加既太好了😝😝😝個撈面黎到望落已經好味，再加上個清清甜甜既湯，very nice👍🏻而呢個西多士真心冇得輸！出面薄薄一層脆皮，入面既麵包竟然keep住鬆軟😱食落一啲都唔乾，非常推介！必食！

話咁快又到星期六，今個星期就約咗班朋友喺筲箕灣食lunch。嚟得筲箕灣，就緊係要去東大街搵食啦😋東大街有好多食肆，當中有兩間同名都係叫安利，而兩間安利門口都有好多人排隊，今次就試下天后廟斜對面望落比較新淨嗰間。據說呢間牛腩好味，另一間就魚旦比較好味。我地12:30去到排隊拎飛，等咗20分鐘左右就入得，喺出面排隊嗰陣已經諗好哂食咩，入到去即刻落單，呢到雖然好多客，但上菜速度好快，店員爽手有效率。提提大家落單嗰陣有咩要求記得一次過講埋(e.g. 肥腩瘦腩多葱走葱加腩汁等等)。片頭爽口彈牙湯底清甜鮮味，一啲都唔咸，飲哂啲湯都唔會覺得口渴。好鐘意食呢到嘅牛腩，唔會太冧，夠火喉入味得嚟依然保持到咬口。唔鐘意食韌腩嘅朋友可以叫肥腩，入口鬆軟同時帶有油香。撈麵冇撈到打哂結一舊舊又唔油，每條麵都均勻上色，但個人認為味道偏淡，要再加埋秘制辣油先夠味，麵質爽彈，口感十足。爽腩勁爽，但份量略嫌有點少。牛筋鬆化好入味。呢到嘅奶茶香濃幼滑，茶味重得嚟一啲都唔會澀，鐘意飲奶茶嘅朋友一定要試。絕對係必食推介，一塊麵包加牛油煉奶hkd$15可能感覺上有啲貴，但食過就知道值回票價。由於我地3個人食，特別要求多士"一開三

約左朋友去行山，出發前完全無食過野，搭左成一個半鐘車過黎！已經肚餓到痴左線。去附近搵下野食唯獨見到呢間餐廳出面有人排隊等緊，我地都唔係等好耐即刻有位坐我叫左碗牛腩魚片河，湯頭唔錯好入味，魚片有好多塊，值得一讚但美中不足就係牛腩我鍾意食再軟熟少少。另外我同朋友再叫多左個西多士一齊食，食左一舊不得了！首先一上碟已經好貼心切好晒一舊舊，最岩我呢啲懶人，佢有得落揀煉奶/糖漿，食左一口，外脆內軟，無得彈！下次再黎會無條件食西多士

平時食安利，都係食開舊裝潢既～今次因爲晚上來吃，得新果間開緊～都試下先啦！雖然吾知邊間係始祖，又有人話兩間都一樣架啵一入到去，好光猛呀！比舊裝修果間闊落好多！叫左碗牛腩魚旦撈粗～正呀！牛腩好入味！魚旦好彈牙～再睇下d麵一睇就想食啦嗎？最後叫左杯熱奶茶！無叫茶走架～但比想像中滑！好喝

久唔久都會好想食好味嘅潮州魚蛋，喺九龍就會去九龍城嗰間排隊魚蛋粉店，喺港島就一定會去筲箕灣呢間無論要排幾耐隊都會想去。冇錯街邊其實都有其他魚蛋粉幾好食例如我之前介紹過西環嗰間，但係安利就係安利冇得傾。人哋排咁耐隊一定有佢原因啦，咪就係佢好食囉。假期你都要預等大約半個鐘先入到去，但係佢上菜又好快所以其實一個鐘點到食完。肚餓嘅話咪去買個雞蛋仔或者格仔餅頂住。呢度所有嘅料都做得好出色，無論牛腩清湯腩定係魚蛋製品全部都係出得大廳。面類來講撈麵同埋河粉亦都好出色。魚蛋你真係食得出有大地魚味，撈麵又夠彈牙雖然有少少太鹹。雖然有啲重口味但真係好正。盞鬼嘅係佢又有好味嘅多士。夥計有人情味，不過都係有效率個隻。

優-收銀呀姐和待應的服務態度好好-店裏亦無加一或最低消費-上菜上得好快，一落單，5分鐘有得食劣-星期日下午去，勁多人排隊，2個人等位等左差不多半個鐘先入到去-叫左一碗切腩四寶河$52，諗住咩都可以試下，碗野算ok足料，有切腩、魚片頭、白魚蛋、牛丸、雲吞，但一食覺得中伏，所有野甚至湯底都普普通通，無任何特別，隨街都可以搵到類似質素，完全唔明點解禁多人要黎食，浪費曬我等左半個鐘，下次一定唔會再encore!

正當大家都話 安利魚蛋粉麵 嘅 #切腩🐮 係最正🤔 但係 #小秘書 就覺得啲牛煮得太老火、似柴皮😝 相反地我就好欣賞 #安利嘅 #柱候炆牛腩 🐮 廚師將啲牛腩炆得又淋又入味，將腩汁💦配埋河粉個味就最夾👍🏻 仲有嘅就係 #安利 嘅 #魚旦、#炸魚片🐟 都係我嘅首選🙌🏻🙌🏻 魚旦、炸魚片都好鮮味，就算外賣拎返屋企放湯煮麵一樣好味，直頭唔使加調味料😋如果你係奶茶控，就必定要試埋 #安利 嘅奶茶，茶膽做得幼滑好好，好甜嘅仲可以改飲 #茶走，味道會更香更濃☕️

某天與朋友來上成長課前先來東大街覓食醫醫肚，向他們推介這間粉麵店，故一起來試試。片頭米 ($34)有多塊魚片，本身想點魚蛋的，但店員表示因休魚期故沒有魚蛋，可見確實是真材實料的魚蛋! 魚片頭同樣厚身之餘，口感相當爽彈，不錯!牛腩片頭米 ($40)，份量不少呢! 雖然是雙併，但牛腩份量比我們想像中多! 牛肉味道濃，十分軟腍，牛筋又爽彈有咬口；重點是腩汁很香濃，但又不會太鹹，絕對是整碗的靈魂!雲吞麵 ($34)好像有4/5粒雲吞，雲吞不算大粒，內裡是蝦肉和豬肉，蝦肉爽彈，雲吞皮也算薄，麵則不是我偏愛的味道。鮮油奶多 ($15) 一份，是這裡的名物! 我們點了兩份，確實是有點貴。麵包多士有厚度，烘得香脆! 麵包之間是邪惡十足的鮮牛油與煉奶，帶點冰凍的鮮牛油和甜美的煉奶，與熱烘烘脆身的多士配合得天衣無鏠!相當滋味! 推介呢!某天再來這裡，友人想一試這裡的切腩撈粗 ($44)，也陪他來到一試! 坑腩色澤深邃，味道濃郁，口感帶有嚼頭，但絕不柴口! 麵條亦有咬口又入味! 但如果愛吃牛腩的軟腍口感，這碗就未必是你杯茶了!整體來說這間的食物質素確是不錯，難怪不時爆場呢!

近月工作都很忙， 大腦都冇時間抖抖，所以今日趁著有半天空閒時間，就專登走到東大街食久違了嘅安利魚蛋粉麵，然後遊個電車河，乘機放空自己。其實早年有段時間客戶公司在附近，當時要日日去，歷時個多月，所以周邊嘅食肆都食到熟哂。但今日再臨，東大街已經換了一批新嘅餐廳，好多以前食開嘅都不在了，唯獨安利依然健在，聽講時至今日，繁忙時間仍然排長龍。幸好今日我很早就嚟到，十點半，早餐剛過，午餐時間又未到，所以唔使等就可以食到。通常嚟安利嘅大多會點名物切腩魚片頭撈粗，我都唔例外，今次仲加點鮮油奶多，打算一餐食埋兩餐嘅份量😝。率先到嘅就緊係鮮油奶多啦！一片厚厚嘅牛油用塗上煉奶兼烘脆嘅多士夾住，好難會輸。再加上佢一份只用上一片麵包嘅份量，就算好似我咁一個人嚟，都可以加配，增加佢嘅被點率👍。之後到主角登場切腩魚片頭撈粗，賣相好豐富，不過我情頭魚片頭再多一點，牛腩反而可以少點，因為我其實好懶，嫌佢太有咬勁😝。但個撈粗真係一絕，好味到唔識形容😍😋😋😋！個醬油好夠味好香但又唔鹹喎，雖然略為油左啲，但係要咁啲麵先會上枱後俾我左影右影攪完一大餐佢都依然條理分明，爽口彈牙冇痴埋一舊👍。實際上我覺得淨撈粗已經好好味，唔知可唔

讀書時期lunch差唔多每一日都係東大街渡過的，安利亦係每星期最少食一次既食店。但畢業之後，都無再食過安利了。今日舊地重遊，友人話想試下安利，咁我地就點了切腩魚片撈粗同牛丸麵。牛丸麵真係好一般，牛丸唔係特別彈牙。切腩魚片撈粗係對比下就比較好，牛腩好淋，撈粗麵撈得非常之均勻，好入味，又唔會話特別咸咁。不過，魚片真係有點咸。店鋪職員禮貌就好一般，一坐低就好似希望你可以即刻落單，真係睇多餐牌一分鐘都覺得阻住佢做生意咁，個感覺比人真係認真麻麻。

看見排隊的人很多就以為很好吃，滿懷期望結果期望越大失望越大，魚蛋片頭不外如是，牛丸牛切都不太好吃，份量超小，湯多料小，另外叫了一杯凍好立刻，淡口无味，店內冷氣不夠冷，客人需要拿着小風扇來吃麵，店員態度惡劣，尤其是收銀員

通常去港島東區都係去最出名的太安樓食小食，但係係附近其實有一間好好食既魚蛋粉！如果係假日或者繁忙時間黎就一定大排長龍，醒目既我當然揀唔係食飯時間黎啦，無咁多人可以坐得舒服少少。雖然以魚蛋粉黎講價錢會高少少，但係最緊要好食啊嘛！魚蛋非常爽滑彈牙，而且魚蛋味好出，魚片好有鮮味。另外湯底真係整得好好！係真係有鮮味，唔會感覺好似飲緊味精咁咁鹹，就算飲對幾啖個湯底都唔會覺得口乾。河粉亦都好幼滑，真係好滿足！

多年後重臨安利，裝修格局也比以前來得有格調。可惜，仍然不覺得它的粉麵有何出色之處。$44碗切腩河，份量不算多，牛腩不見得有濃厚的牛味，亦未見冧身。還比不上銅鑼灣 潮x的$2x一碗的牛腩河。$22碟的時菜，又與我在普通粉面店的$10碟有多大分別。最好食的買是$15的鮮油奶多.....但，又，牛油+煉奶+麵包這個組合又點樣爛食呢...！？總結: 可以一試，但絕不值得排隊及捧上天的平凡麵店。補充: 多年前已試過撈粗，不是我杯茶，已沒有印象了。

今日約左朋友去龍脊行山，行完山搭小巴出筲箕灣，正值晚飯時段，於是上網查下筲箕灣有咩好嘢食～上網見到好多人推薦呢間魚蛋粉話好好食，於是決定黎試下～好多人都推薦食呢個奶油厚多士，於是又試下，得2舊份量好小，就係一舊有d脆既厚多士夾住一塊牛油，但味道好普通...而我覺得呢碗嘢都係普普通通，無話好好味，只不過係普通既一碗粉，魚片頭簡直同平時自己街市買既一樣，湯底又冇特別，味道太清冇乜味完全就係勁普通既一碗魚蛋粉，唔明點解咁多人話好味？真係試一次就夠，出名既美食店也不過如是...

安利無論咩時間都咁多人，我地lunch等左20分鐘到就入左去，由於人流都多，所以食完都唔會預坐底吹水!不過忙之餘店員嘅態度都好nice唔差，其實都唔會話趕人走！叫左四寶河($46)以牛腩湯做底，四寶分別為魚蛋魚片、炆牛腩、雲呑、牛丸其實份量都好多，尤其是牛腩都有好多舊，仲有牛根添，非常入味！雲呑大大粒，魚蛋彈牙好鮮！！❤️連d河粉都勁入味真係大讚！46蚊都算抵！女仔食係非常非常之飽！會再encore