季季紅風味酒家 (已結業)

大時大節，請長輩黎屋企食飯諗左好一陣都諗唔到煮咩最尾order左有米豬！意頭好由於係早一日訂，所以order已full唔送貨要自取Packing內已有埋手套，剪刀非常貼心，處理起來亦好方便BB豬一點都唔肥唔油、而且肉質好滑話曬只係bb，所以肉唔係特別厚入面的飯亦香噴噴下次有人拜訪又懶得煮可以encore!6-8人食就

公司gathering，同事特意到季季紅訂乳豬齊齊吃。今次訂了無米豬，除了乳豬還有很多其他食物~無米豬豬準時送到，保溫袋紅噹噹好搶眼。乳豬算大隻，同事立即替乳豬點睛乳豬原隻上，沒有切開。等其他食物都到齊就開始切。乳豬皮脆肉嫩，雖然已經放了約半小時，但豬仍保持然微暖, 皮脆卜卜，不會太過油膩。我們還有點其他食物，乳豬切後約40多塊，夠晒飽!!

一句服務由頭到尾也是差，不會再來！全部冇礼的金毛鄉音阿姐服務員。說2人不搭枱，有大量4人枱，也不給我們坐，真不知在等什么，等了十分鐘，改比三人茶💲，說明不搭枱，才比四人枱我們坐。坐底又比冇礼阿姐話可能有一位搭枱，嘈了一論。。。收銀短髮帶眼鏡阿姐唯一正常人，有礼貌。見到佢不繼受金毛服務員氣，可憐！唯一好食，燒賣

屋企人生日 搞搞新大意思 食有米豬唔食蛋糕一早訂左自己拎 有較剪同生日牌送👍🏼極速撘的士返屋企 沿途已經香噴噴 返到去急不及待切開佢黎食哇 隻乳豬仔脆皮到不得之了 肉嫩而厚身 食落完全唔覺油膩話明有米豬 又點會少左米呢肚仔藏住金黃色嘅蝦米芋頭炒飯炒飯吸收左豬仔啲味道 好香同炒得夠乾身飯粒 粒粒分明而且有咬口 正👍🏼雖然唔算平 不過一年一次 其實值得嘅😁

今日成TEAM人一行17人到了荃灣的季季紅吃了一頓過年前的最後午餐，同坐一枱即使坐在店方聲稱的18人大枱仍然感到擠逼，沒法子，Pre-團年飯當然要坐在一起吃。凳還未坐暖，上司率先發板點了一隻「有米豬」，就是原隻燒乳豬，底下鋪了一層金黃色的炒飯。乳豬燒得非常香脆，皮脆而且肉嫩，脂肪和豬肉均極富油脂肉汁，吃起來啖啖也非常juicy，但略微有點太膩了。乳豬燒得有一點點焦，特別在豬頭的部份，唯有點美中不足。光是乳豬部份實屬不錯，可惜這「有米雞」的米卻很失色，金黃色的炒飯混入了蝦米炒香，沒什麼肉，味道欠奉，而且飯粒太乾之餘，更是完全冷掉，非常可惜。

...季季紅, 最出名有米豬, 做冬訂左一隻, 結果隻豬d皮....勒到咬都咬吾難, 十幾人成餐飯, 都係食左兩三舊, 最後得知,...原來隻豬可能起燒之前, ...冇做"鬆針", 一間老字號居然會甘出錯, 最氣憤係...打電話去投訴, 回覆你一句"我地會跟進", 冇晒下文, 以後我都吾會再食黎間野

是日跟媽媽辦理完續領回鄉卡手續後,便移玉步到上層的''季季紅風味酒家''喝早茶。可能時間尚早, 食客不多尚算清淨,我們二人更可以不用搭檯坐, 挺不錯。只可惜服務員的工作態度實在強差人意,食客們舉手示意下單卻裝作看不見、又拋用來盛載洗碗碟水的盤子、及筷子到檯上 = =''要求添熱水, 既黑面又發脾氣大大力蓋上茶壺的蓋子.....青蛙真的攪不清誰是客人 >.<青蛙挺喜愛它們的紅、綠色的茶壺,盛載洗碗碟水的盤子圓圓的, 很有趣 ^^想不到''季季紅''的食物種類挺多, 早晨時段還有特價點心, 不錯呢。芋絲炸春卷 ($8.8)新鮮即炸夠熱又夠脆;芋絲充滿在整條春卷內,十分香口好吃~另外我們還叫了一份早茶自選孖寶 ($21.8兩款)蜜汁叉燒腸 (孖寶之一)叉燒隱形, 只有數條肉絲,腸粉皮厚薄適中, 呈微暖~整體上屬於一般。灼合時蔬菜 (孖寶之二)一般茶樓的灼菜大多是菜心或芥蘭,想不到這裡有青蛙喜愛的通菜 ^^通菜夠腍沒有渣, 配上腐乳來吃, 正!!黑椒蒸大腸 (大點)黑椒味特強, 夠惹味~大腸清潔乾淨沒有異味;而且蒸得夠腍又入味好吃喔!只是伴碟的咸酸菜十分酸, 不好吃~

其實記得多年前曾到過這店飲茶，其時食物質素已是属於差，這天太座話這店可生存這麽多年，人家又說他們的有米豬買去拜山好正，應該多給一次機會試一下，看看是否有改善，結果證明這店是非常能夠保持他們的"水準"，多年後仍是一樣(難食)。百花釀魚肚，大家請看清楚，相中的是魚肚還是豬皮，總之我入口是不淋不爽，味道只有'雞湯'味。雞扎，上檯時已蒸到過火，腐皮也爆開，有相為證，以免被開飯的編輯又指本人在食評中發放不實、捏造的事實，又指是惡意、猜測及誤導成份的內容。鮮蝦腐皮卷，入口油膩味甚重，內部餡料有點漿糊口感，細心看看下見有些雜菜粒和起茨狀的物料。白灼通菜，說實話，這菜是全部我們點的食品中最好的，菜本身夠鮮嫩，灼得也不過火，入口鮮甜，加一點點腐乳漿，味道更佳。蝦腸粉，粉皮厚如棉胎，也不滑，口感又漿，內裏饀料的蝦也不覺爽口，無蝦味。乳豬燒鵝瀨，太座話聽說這裏的有米乳豬出名，又見檯面有推介燒鵝出名，就加點一碗乳豬燒鵝瀨粉，落單時侍應還說要去問有沒有瀨粉，回來說有時還鄭重聲明要原價$56一碗，問我們是否要落單，既然你講得這麽清楚，我們當然無問題，照落單，誰知上來的'瀨粉'只是米線，乳豬表皮是脆但有點焦燶，却是

當天先點了特價38元的味菜火鴨絲燘米。雖然特價姐,但亦不可弄到一bat漿出來吧! 那碟東西上台, 我便拿起筷夾起, 嘩! 居然整個米粉如碟型漿成團, 本人有感價錢便宜便不作更換。吃下火鴨過騷, 無咸味。即是無味既粉與好咸既味菜味道分開!真係好難食。服務員又等收工,下午茶要沖水可能要自便!

第一次來，當然要食鎮店之寶 --- 乳豬。我地叫左乳豬飯，好似$58蚊，其實味道幾好，皮又脆，不過真係好膩，食唔哂!另外叫左鳳爪排骨飯，夠熱，味道唔錯不過又唔係特別出色，呢個飯卻食得哂。最精彩係奶黃千層糕，上台時好熱，入口軟綿好食，俾個LIKE佢!呢度食野價錢比較抵，好岩一家大細來，不過要搭台，係港女最"怕"，都係一班佬黎食穩陣!

公司開聖誕Party，有朋友仔拎了一大個紅噹噹的季季紅袋子來，立刻吸引了大家的目光呀!!打開，原來是季季紅最有名的「有米豬」~~ 賣相造型一百分!乳豬燒得紅卜卜的，內裡裝著滿滿的炒飯，香氣噴鼻!看著這隻小豬豬真的不知從何入手呀.... 幸好隨豬附送了一把剪刀及"說明書"，教大家如何分解這豬豬呀~ 好不容易等同事分好這豬豬，終於可以試一試啦~滿心歡喜的把一小片豬豬及一口飯放入口，炒得粒粒乾身的炒飯吸滿了豬豬的油分，加上用了不少臘味，油潤豐滿，不過豬豬虛有其表，沒有很脆身，肉質也沒有很鬆化，吸引力大減呀...這豬豬其實都頗膩，食一片已經飽飽~用這豬豬來慶祝節日，其實真的頗驚喜開心的，不過味道就真的有改進的空間呀!

舊年試咗季季紅嘅有米豬，新奇又好味，所以今年再接再厲又encore，準時六點已到達，去到所有豬已經包好一字排開等緊，一攞上手已經覺得唔熱，問位侍應點樣整返熱，佢即時講：剛燒好，熱㗎喎！我都二話不說9秒9即去搭的士，用咗16分鐘返到屋企即時開飯，一打開嘩😱。。。。已經係凍哂兼超迷你，縮哂水，同舊年差得多，非常失望@@@無下次😠😠

This was our father birthday dinner. It was Friday night and we know it is quite popular restaurant so we in advance booking one week b4.We order the deluxe meal combo set and upgrade the fish for dad.The Meal Combo set is as below :1) pan Fired fresh pawn with mixed vege .the pawn and the vege is quite fresh . We like it2) Deep fired Crab cake :I personality like this diah so much . The Crab cake is so yummy and cripsy.3) Stream Red snappy fish with soy sauce and spring onion and ginger We spen

今日(18-10-2014 Sat)中午,男友整完o野過o黎,叫我食lunch,我諗唔到食咩o野?由佢發版吧.佢決定o係呢o度買,問我食咩o野?我答蝦餃,其他佢話事.佢買到o到,有$18.00o既蝦餃外,重有$22.00o既鳳爪排骨飯,同$24.00o既四寶飯.所有o野都好熱,我先食蝦餃,蝦餃算幾大粒,蝦仁爽,味道正常冇問題.然後到鳳爪排骨飯,好大碗,但餸唔多,排骨鬆軟,鳳爪夠腍,味道OK,但飯就太乾同有啲硬.最後到四寶飯,四寶飯有叉燒,紅腸,鹹蛋同燒鴨.呢個份量好似都少o左啲,紅腸薄切,叉燒細件,所有o野都係正常冇問題亦燻突出.

第一次食小菜,前菜係一碟豬耳,但係唔知是否放得太耐,定放係雪櫃定點,好淋,部長明明話爽脆,但又淋又多淋又難食,一個字怪.小菜點左一個淮山百合木耳,京都骨,金菇粉絲肥牛煲,雜菜煲,椒鹽豆腐. 淮山百合好清,好味呀,我鍾意食淮山,呢個係我要叫的,不過木耳唔夠多,金菇粉絲肥牛煲好香,賣相都好吸引,金菇,牛肉都好多,好味道呀,唔會好辣,正. 但係粉絲較碎呀. 雜菜煲都好多粉,有幾隻大蝦,西蘭花,粉絲,白菜...等等,OK呀,幾清.幾甜的.椒鹽豆腐唔夠香脆,唔夠入味呀. 京都骨真的係一件骨頭,份量少,味道都幾惹味,香口的.最後來碗紅豆沙作結,紅豆沙好好味喎,好沙,紅豆好綿的啊.正.