34
37
27
餐廳: 季季紅風味酒家
資訊:
出街都想食得健康啲? 梗係揀「有營食肆」啦!
認住「有營食肆」標誌,點選餐牌上貼有 標誌的「有營菜式」。
港鐵荃灣站 B1 出口, 步行約2分鐘 繼續閱讀
所有分店 (4)
電話號碼
26159333
營業時間
今日營業
06:30-00:00
星期一至日
06:30-00:00
付款方式
Visa Master 現金
其他資料
酒精飲品
加一服務費
電視播放
食評 (124)
又幾大碟 焦點食評
等級4 2017-04-16
1916 瀏覽
難得有家人由加拿大回港,全家人決定出去食餐飯洗塵,屋企又坐唔到咁多人又唔想煮,咁就梗係出去食啦。我地一行十二人,就梗係行一圍菜。先黎講白菜豬肺湯:就比較咸,飲得出有味精,d湯渣得好少,但豬肺洗得算乾淨,如果少d鹽就更好。有米豬:季季紅名菜:真係好大份,隻乳豬肉比較多,但食得多會好油,皮好脆,但味道就偏淡,個飯因爲被乳豬包住所以比較油,炒飯入面有蝦米,芋粒,仲有d好似柴魚咁嘅野。我地9個大人3個小朋友都食唔哂要打包拎走。西蘭花炒斑片:斑片都係偏淡,但好大塊,成份餸嘅份量真係好大份 西蘭花偏硬。菜膽斑頭腩:好腥........炸金蠔:佢面頭包住左一堆豬肉,中間先係蠔,所以件蠔係好細粒。但豬肉偏咸,蠔就欠缺蠔味。金蒜粉絲蒸大元貝:個元貝完全冇味....但係底嘅粉絲勁咸....上湯浸時蔬:係菠菜同雜菌,仲有杞子。味道都係偏咸。仲有個炸子雞冇影到相,但皮夠脆,但一樣個雞偏咸。壽包:都係平時食嘅一樣,冇咩特別。成圍菜2千2百蚊左右,就冇飲品嘅。酒樓夠大所以好多位,服務都不錯,只係食物全部一係好咸一係好淡....水準好唔平均。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-10-07
80 瀏覽
因為爺爺生日,一家人食飯成10幾人,咁點都出去食酒家,懶得煮。出去連鎖酒樓又無乜特別。咁就岩哂啦,可以去季季紅試一試個隻有米豬。有米豬係用比較細隻既孔豬烤成,所以會比較嫩口。首先隻豬會俾大家影完相,之後侍應先再將佢切開, 好貼心。豬肉嫩,唔鞋。佢裏面個飯亦好出色!粒粒都沾滿醬汁,另外仲有啲芋頭粒,所以好用咬口。另外外皮好脆,簡單點砂糖就已經好好味!如果想食全隻有米豬就一定要預早訂先有!所以大時大節就要訂定先啦! 繼續閱讀
(以上食評乃用戶個人意見 , 並不代表OpenRice之觀點。)
等級3 2017-09-02
441 瀏覽
又係gathering 時間,同老友相聚,梗係要坐得舒適。平時啲餐廳限時個半鐘食飯,趕頭趕命,都唔知為乜。食得飯嚟又唔夠時間吹水,同老友耐無見,梗係要傾耐啲。所以去咗呢間幾次,坐耐啲都不會被趕走,同朋友聚舊一流。呢間啲野比較抵食,水準亦有保正。以前有米豬🐷要叫一隻,所以唔夠人成日食唔到。而家有四份一隻叫喇,正呀!雖然嚟到啲飯涼咗,無叫原隻咁好食,不過未試過可以試下麻。叫咗個芥末牛仔粒都好好味,馬拉盞通菜又大大碟。但個炸綾魚球比較腥,之前叫蓮藕餅好吃好多,下次都係叫番蓮藕餅好了。 繼續閱讀
(以上食評乃用戶個人意見 , 並不代表OpenRice之觀點。)
等級2 2017-07-17
646 瀏覽
The food was horrible, this gotta be the worst dim sum I've had in 20+ years...蝦餃 and 燒賣: absolutely tasteless, have prices of condiments gone up by that much that the chef can't use them?春捲: why on earth was there celery in there?!炸雲吞: there was a thick layer of oil on the skin, clearly the oil they used for deep frying wasn't hot enough!牛肉賣/鯪魚賣: absolutely tasteless save for excessive Chinese parsley...粉粿: the skin was far too thick...炸兩: the soy sauce was FAR too salty--did the chef add salt into the soy sauce?麻蓉飽: the skin was far too sweet but the filling (麻蓉) was tasteless and there was too little filling anyways...To cut the long story short, the bad food from this place gives dim sum a bad name and is a disgrace to dim sum--the chef should be banned from the business for good. 繼續閱讀
(以上食評乃用戶個人意見 , 並不代表OpenRice之觀點。)
等級4 2017-07-13
603 瀏覽
我平時好少飲茶,但父母逢星期一至六都會上茶樓,就偏偏星期日一定唔會去,因為佢哋話星期日人又多,咩優惠都取消,同平時食同一樣嘢但價錢都貴好多。所以會喺同親戚聚會先會喺星期日飲茶。之前幫襯開荃新天地嘅潮館,貪佢免茶免加一。但最近潮館關門大吉,於是轉場第一次去季季紅,其中一個好處係可以訂位。星期日午市,客人約八成滿,walk in都應該唔使等位。我哋坐樓上,有大玻璃,採光好好幾開陽,望到玄圓學院嘅翠綠山頭。地方都幾闊落。小點14.8,中點18.8,比閒日貴一兩蚊,尚算合理,粉麵嗰啲就比平日貴十蚊,四五十左右。小點嘅選擇都有唔少,棉花雞、粉果等等。點心質素合格,係炸物油咗少少。最驚喜係蒸飯,當以為係一般盅頭飯,但原來用大大個蒸籠上,蒸籠底鋪有荷葉,飯面上滿滿嘅餸,賣相好吸引。豉椒汁好濃味,好有誠意。平均每人60食到飽一飽,假日價算好抵。 繼續閱讀
(以上食評乃用戶個人意見 , 並不代表OpenRice之觀點。)