31
37
26
餐廳: 季季紅風味酒家
資訊:
出街都想食得健康啲? 梗係揀「有營食肆」啦!
認住「有營食肆」標誌,點選餐牌上貼有 標誌的「有營菜式」。
港鐵荃灣站 B1 出口, 步行約2分鐘 繼續閱讀
所有分店 (4)
電話號碼
2615 9333
營業時間
今日營業
06:30-00:00
星期一至日
06:30-00:00
付款方式
Visa Master 現金
其他資料
酒精飲品
加一服務費
電視播放
食評 (120)
又幾大碟 焦點食評
等級4 2017-04-16
508 瀏覽
難得有家人由加拿大回港,全家人決定出去食餐飯洗塵,屋企又坐唔到咁多人又唔想煮,咁就梗係出去食啦。我地一行十二人,就梗係行一圍菜。先黎講白菜豬肺湯:就比較咸,飲得出有味精,d湯渣得好少,但豬肺洗得算乾淨,如果少d鹽就更好。有米豬:季季紅名菜:真係好大份,隻乳豬肉比較多,但食得多會好油,皮好脆,但味道就偏淡,個飯因爲被乳豬包住所以比較油,炒飯入面有蝦米,芋粒,仲有d好似柴魚咁嘅野。我地9個大人3個小朋友都食唔哂要打包拎走。西蘭花炒斑片:斑片都係偏淡,但好大塊,成份餸嘅份量真係好大份 西蘭花偏硬。菜膽斑頭腩:好腥........炸金蠔:佢面頭包住左一堆豬肉,中間先係蠔,所以件蠔係好細粒。但豬肉偏咸,蠔就欠缺蠔味。金蒜粉絲蒸大元貝:個元貝完全冇味....但係底嘅粉絲勁咸....上湯浸時蔬:係菠菜同雜菌,仲有杞子。味道都係偏咸。仲有個炸子雞冇影到相,但皮夠脆,但一樣個雞偏咸。壽包:都係平時食嘅一樣,冇咩特別。成圍菜2千2百蚊左右,就冇飲品嘅。酒樓夠大所以好多位,服務都不錯,只係食物全部一係好咸一係好淡....水準好唔平均。 繼續閱讀
(以上食評乃用戶個人意見 , 並不代表OpenRice之觀點。)
等級2 2017-05-14
64 瀏覽
母親節,媽媽點名要食尼間嘅有米豬。所以提早打電話去訂,點知話唔使訂位,有米豬都唔使提早訂🤔。心中有點半懷疑,尼啲需要時間同功夫嘅嘢都唔使提早訂?今晚去到,媽媽一見到餐牌寫有米豬“即點即燒”,以為要好耐,所以一坐低就落單。結果唔使五分鐘就上菜。姐係唔係即點即整啦🤦🏻‍♀️不過賣相都幾唔錯,份量好多。真係要十二人一圍先食得曬。少人食就預咗要打包返屋企。乳豬好嫩,皮好脆。不過食兩塊就已經好滯。入面嘅飯唔係好油,但好似唔夠熱。所以食落唔夠香口。總體上來講都唔錯,至少兩位老人家滿意。另外侍應介紹咗蓮藕餅同雜菜煲。蓮藕餅一般,只有細佬欣賞。雜菜煲味道幾鮮甜,可以中和下有米豬嘅油膩。大概98蚊一煲,食材豐富,都算抵食。魚香茄子煲,好味。但尼道餸應該好難整到唔好食?🤔(個人偏見)配白飯會更好!是晚母親節,酒樓都唔算太滿,不過由於安排位置係走廊位,所以食飽都無坐太耐。 繼續閱讀
(以上食評乃用戶個人意見 , 並不代表OpenRice之觀點。)
等級1 2017-05-14
54 瀏覽
個d老員工,幾個一堆傾計唔帶位都冇所謂,仲要完全唔想做咁款,叫又唔理,仲要d 說話係悔氣,我個刻終於明白點解係星期日,仲要係中午一點最忙既時間點解全場都仲好多位好空,完全唔洗等,真係冇下次,不如唔好請樓面推廣自助型式啦,真係把火 繼續閱讀
(以上食評乃用戶個人意見 , 並不代表OpenRice之觀點。)
等級3 2017-04-24
242 瀏覽
今日中午喺荃灣辦事後行過見到呢間從未黎過飲茶既季季红於是就入去食午飯,入到去地面嗰層,其實環境感覺麻麻,地板上有少許垃圾及好似好耐冇拖地咁算啦食午飯一陣間啫,揀嘢食先揀咗個頂點既鳳爪排骨飯只係5分鐘左右就送到,目測以為幾好,有幾條菜而D飯又好似一粒粒幾靚,但食咗第一啖飯就覺得非常多油而且好淋,再試吓排骨,我諗就算冇牙都應該食得到,差不多好似豆腐咁淋我諗呢個飯應該蒸起咗好耐,只係放喺熱爐保暖,D油蒸番出黎再滲入D飯度,呢個鳳爪排骨飯一個字……差至於鸭腳扎就合格,正常既味道,而且應該係即蒸既所有都ok好食不過總結……如果有得選擇其他,我估我唔會再揀呢間黎飲茶,因為環境感覺一般,再加上清潔也麻麻,所以短期內不會再黎,希望日後會有所改善啦 繼續閱讀
(以上食評乃用戶個人意見 , 並不代表OpenRice之觀點。)
等級1 2017-03-20
414 瀏覽
我點明要食瘦,個燒味師父比份量都少仲要係全肥,全心玩嘢!!之前都唔係咁,越嚟越差,個盒大有义用咩…食物質素咁差,我仲特登行去買,已經好餓,真係嬲爆!三個師父掛住傾計,都唔理下個客人需要,我未試過食嘢令我咁嬲! 繼續閱讀
(以上食評乃用戶個人意見 , 並不代表OpenRice之觀點。)