孖寶車仔麵

營業中

休息中

今日早左食晚餐，行左陣解餓餓地就來到葵廣搵好野食，外賣返屋企做宵夜見到呢間車仔麵好多人幫襯一定有保證唔單止有車仔麵，飯類都有價錢仲好親民小食都唔錯，竟然還有糖水宵夜同屋企人分，就叫左最方便又惹味既鹵水鹵水拼盤 $49有6大款美食：雞翼、雞腎、雞爪、豆腐、滷蛋、雞翼尖全部都夠曬入味，滷水汁很出色，夠鹹香八角香料味濃郁encore左一份雞翼 $20雞翼大大隻，性價比超高滷水雞脾 $19 食肉獸最愛，輕鬆KO感覺完全不油膩，鹵水汁甜甜地好惹味👍🏼👍🏼

呢間係我一諗唔到食咩就去食既一間車仔麵店！佢有好多餸可以俾你揀，麵底都有好多！ 依間鋪頭已經幫襯過好多次。我最鍾意食佢嘅咖喱魷魚、五香豬頸肉、雞腎同滷水豆腐。今次叫左三餸車仔麵(咖喱魷魚，五香豬頸肉，雞腎）加杯豆漿， 呢個我亦係我最鍾意嘅組合👅。我叫咗秘製汁，係甜甜辣辣既味道 非常惹味！ 咖喱魷魚係另上既，口感好脆同樣掛滿滿滿既咖喱汁🤤而五香豬頸肉方面 口感煙韌。 雞腎掛滿左滷水汁嘅味道，好入味👍🏻豆漿係一支支嘅，比較衛生啲而且方便你飲唔晒可以拎走🥰重點係低糖得黎又唔會無味！

好耐無出葵芳了，很記掛這又大又抵食，味道又好的車仔麵。三餸車仔麵 $44，額外每餸 $8，仲有熱飲。呢碗揀左四餸，牛雜 (+$4)、豬頸肉、雞腎、咖哩魷魚。要左腩汁，所以個湯更有肉香。豬頸肉有數片，肉質爽中帶點彈，口感很好，也鹵得入味。牛雜雖然要再加錢，但份量都好足，每款有2件，鹵味濃郁，個人比較喜歡牛肺及牛胃，而且全部都乾淨無異味。雞腎超級爽脆，唔會好硬，亦是入味的鹵味，份量較少。咖哩魷魚應該是一早煮好放涼，所以食前要浸下湯汁，但d咖哩味又沖淡左，不過整體味道濃重，好廣式的咖哩口味，令人懷念又回味。粗麵可吸多點湯汁，麵質帶點爽彈。另一碗揀左四餸，牛腩、牛柏葉、豬紅、蘿蔔，加孖寶辣汁+$2（小辣），叫左凍檸茶 +$3。腩汁配埋必加辣汁，揀小辣剛好，少少刺激幾惹味，越食越停唔到口。豬紅份量幾多，無腥味，又滑又夠入味。蘿蔔超入味，清甜無渣，入口爆汁，又可解辣消膩。牛腩雖然偏硬，但入口都鬆化，咬落肉感好好，牛筋先最正，味道濃郁，好軟綿又有膠質。牛柏葉好爽脆，都易咬斷，吸埋湯汁同辣汁味，真係一流。油麵的麵粉香味重，滑溜又軟腍，夠飽肚又好味。要左腩汁，所以個湯更有肉香，配埋必加辣汁，揀小辣剛好，

前排自己去左葵芳睇GAME，買完遊戲差吾多食晚飯；就諗住系葵廣入面買外賣，最後，我就去孖寶車仔麵買外賣反屋企食。車仔麵：必讚既系孖寶既車仔麵配菜真的好多，完全吾會好似出面既車仔麵店只有魚旦豬皮既普通款，所以我也ORDER左好多配菜呢！在配菜方面，黑椒牛丸好彈牙，食落吾會乾口，反而仲滲出少許肉汁。魚肉春卷，真的好耐冇食過；估吾到餐廳份量比足兩大條，口感彈牙吾會有雪味。咖哩魷魚既咖哩味好入味，魷魚口感爽口！從未見過車仔麵店可以有牛雜黎做配菜，牛雜清洗得好乾淨，吾會有陣臭味；牛雜林口又入味啊！牛肚好爽口，又入味！！由於我揀左沙嗲汁，沙嗲味好濃郁之餘又吾會太咸。車仔麵既幼麵口感吾硬吾軟而是彈牙，份量適中。整體味道好滿意，之後一定會再幫襯孖寶車仔麵！！生菜墨魚湯：墨魚數量適中，口感彈牙，當中帶有少少墨魚甜味；夾埋生菜食好配。

日日都係屋企食飯，黎到星期六更係想出街食吓，經過葵涌廣場，見到2溝碗仔翅，雙眼發光，係童年回憶.... 即係買碗食。再買多碗三餸麵食添.... 先試2溝碗仔翅，熱辣辣，正，再有好多雞絲同我最愛既木耳，雖然不算大碗，但夠足料!!魚肉夠彈牙，讚讚讚!!!  跟以前屋村所買的2溝相比，不相伯仲!!點了碗3餸麵，羅白鮮甜，無根。豬紅爽口，陳皮魚蛋夠彈牙，有陳皮味。湯底夠濃，再加腩汁，好味!價錢方面好超值，真係平靚正的一餐。仲有好多特色麵食都想試，例如招牌油渣麵、滷水雞翼麵等，下次要同埋阿媽黎食!!

之前忙完同朋友去咗葵涌廣場孖寶車仔麵剔紙仔食碗麵🤤.我叫左清湯孖寶辣汁大辣，配料揀左辣魚蛋、牛柏葉🐄龍蝦丸、包心蟹籽丸、烏冬☺️辣魚蛋嘅陳皮味好香，口感比較實，但辣度只係小辣至微辣😉牛栢葉夠爽口😋.第二碗叫左腩汁同孖寶辣汁大辣，配料揀咗牛雜🐂 蘿蔔、龍蝦丸🦞冬菇、手打麵🍜腩汁加辣汁真係好惹味👍🏻牛雜俾得都幾多，而且夠入味🥰蘿蔔鮮甜多汁又無渣😙手打麵口感似係淋身版嘅烏冬😜.三餸麵附送熱飲☕️我哋揀咗熱朱古力🍫熱檸蜜🍋🍯甜甜嘅菜蜜加上檸檬真係好好味

疫症期間，各大餐廳都有外賣優惠，計返起價錢外賣仲抵食過堂食！今日lunch我同同事都係決定買外賣！葵廣必食車仔麵一定係孖寶車仔麵👍🏻45蚊有三個餸，仲送埋熱飲。我要左滷水雞脾飯，呢度既滷水野都幾出色，滷得夠入味但又唔太咸。而雞髀真係大大隻，絕對足料。食落香腍嫩滑啖啖肉，鍾意食肉既朋友一定要揀雞髀！同事要左豬油渣、豬紅、牛腩幼麵豬油渣加四蚊，比較少見車仔麵店有豬油渣。而佢既口感幾有趣，油香味十足，鬆脆情況好似炸魚皮咁，超正😍豬紅同牛腩都係正常水準，份量都算多👍🏻

去完picnic，同朋友黎買個下午茶。🧐雖然已經有好夠客，但都希望會有所改善一下味道！😫車仔麵$48 (3餸送熱飲)〔清湯〕點左蘿蔔、冬菇、生菜米粉同加左辣菜圃：蘿蔔大大舊，好清甜；冬菇細細，有3,4粒；自覺辣菜圃係必須嘅！牛雜$20我無食，但朋友話唔太入味，好彩加左啲黃芥辣。生菜魚肉湯$26湯頭夠味，魚肉彈牙，生菜有少少太碎。滷水雞髀$19有少少期望，可惜變左失望！雞髀個皮有淺啡色，但味道入唔到肉。朋友要自己再加豉油。

去葵芳諗唔到食咩就去孖寶，平靚正，阿姨又好人三餸車仔麵食到你飽，夜晚都唔覺肚餓，又平又正！香港人嘅味道🥰豆腐超愛😋店內圓枱用亞膠力板分隔，安心晒！平靚正啱晒學生哥，節儉人士首選！

葵廣向來是平民掃街之選，不過近來市道較差，導致有不少食店倒閉，仍然留下的可算是當中強者，今天便到底層的車仔麵嚐一下。首先價格方面相當親民，當日的下午茶餐價格為$39，包了麵底，三個餸及熱飲，另外值得一提的是，亦有不同醬汁提供，較為射別。當天我選的3餸為咖哩魷魚，雞中翼及牛腩。先是咖哩魷魚，咖哩味香濃，魷魚既爽又有咬口，而且食得出魷魚用咖哩醃製相當長時間，很入味。接著的牛腩，同樣不錯，牛腩軟腍入味，有少少筋，肉質嫩口，一咬即鬆開，配上牛腩汁，好食。雞中翼方面，份量為兩隻，同樣地醃製很久，既入味又軟腍，不錯。當時所選的麵底為公仔麵，配上咖哩魷魚的咖哩汁，作為撈麵，可謂一流。當時因政府防疫政策關係，店內可提供的座位不多，於是才選擇了外賣回家，但其實堂食會提供自助區供堂食用，所以我會建議食客盡可能堂食。

讚1. 價錢唔貴，蘿蔔有水準，好入味噃，腩汁都有肉香，幼麵煮得乾爽，雖然都係啲基本野，但做得幾仔細2. 雖然係麵檔仔，但服務幾好，一坐低竟然會介紹食物，然後上菜後又會問夠唔夠咁，真心跌眼鏡彈1. 魚皮餃貨源麻麻，太硬身，魚肉春卷外皮太硬，有少少油味，唔太得噃

孖寶車仔麵位於葵芳地鐵站的葵涌廣場地下, 以前住喺附近, 成日過嚟食車仔麵, 有時早餐會食腸粉及魚肉燒賣, 又平! 又飽肚! 又好味! 今日再做外賣妹! 佢哋嘅碗仔翅同生菜魚肉其實都好味! 我最掛念嘅都係佢哋嘅鹵水雞翼尖同鹵水豬大腸, 真係超級肥美!之但係下午茶特價時段車仔麵又好抵食! $39 三餸一麵兼送熱飲, 抵到冇朋友, 唔叫對唔住自己個荷包!疫情之下, 相信好多食店都有呢個外賣特區! 買完拿拿林去公園搵個冇乜人既地方開餐!  三餸一麵 ($39 送熱飲)下午茶餐唔包鹵水豬大腸, 揀咗牛腩,牛肚及炸魚角配油麵及腩汁湯底。鍾意食車仔麵有少少辣味嘅朋友記得別忘記要求加辣菜脯, 令成碗車仔麵嘅惹味程度大大提升! 菜脯爽口就不在話下, 菜脯放咗落麵湯度, 令成碗麵車仔麵都帶少許微辣, 更醒胃!五香牛腩/牛肚 ~ 鹵得入味及肉質鬆軟, 滲透著清香的花椒、八角、香葉及其他鹵水香料味道。炸魚角 ~ 爽口彈牙油麵 ~ 夠爽滑, 索埋啲辣辣地嘅腩湯更惹味。鹵水拼盤 ($49 加配凍奶茶$11)孖寶個鹵水胆超正, 好香的花椒/八角/香葉/等鹵水香料味道, 仲有經年累月的不同肉味, 鹵水汁已經變得好順

去開葵涌廣場行街 食下車仔面，「孖寶車仔面」一向是我的最愛！每次來葵廣一定要食！下午茶平日有$39 包左3個送的，仲送一杯熱飲！心大心細的我，最後選了豬紅，出名的咖喱魷魚，黑椒牛丸，再加米粉！湯底有好多可以選的，有秘製汁，腩汁，清湯！我想食清少少，叫左清湯加蔥花！友人就叫左咖喱魷魚，滷水雞翼，韭菜雲吞配上米線腩汁！都好似好好食咁！ 我哋兩個一致認同咖喱魷魚最出眾，好入味好彈牙，亦都好惹味！滷水雞翼亦都好入味！我哋再叫咗個魚肉生菜share！一大碗 份量好足料！魚肉好滑，加埋湯底好入味！每次都是必叫的！下次想試埋腸粉同燒賣！

葵芳廣場出名多小食店好多人都會專程黎食野今日我同朋友好想食車仔麵就黎到廣場既地面層數孖寶車仔麵下午時間四點都有好多客人我同朋友每人一碗車仔麵我既配搭係手打麵加雞腎 牛肚 魚肉春卷朋友既係粗麵加豬紅 豬皮 魚蛋 咖哩魷魚汁有幾個選擇沙爺汁 孖寶辣汁 清湯 秘製汁 腩汁滿足唔同人既口味先講我果碗主要都係肉臟雞腎係有咬口薄片牛肚非常入味 而且軟熟魚肉春卷都值得一試有兩大條 好彈牙 而且好飽肚另外一讚個手打麵粗度岩岩好 吸引哂湯汁而且有口感 彈牙朋友都讚好食佢選擇既魚蛋 係咖哩口味係細細粒既款式 一口一粒 係偏硬身既魚蛋豬皮同豬血都好足料佢既咖哩魷魚係另用小碟上唔係直接放入湯到非常有心 咁咖哩汁就唔會淡左孖寶車仔麵 性價比高 價錢合理用料足 味道好

一日3餐都係屋企食，間中都要搵外賣食食😛😛係葵廣地下，係小巴落車位。方便易搵👍🏻👍🏻👍🏻👋🏻秘笈😆選擇都多，3餸加飲品都係46蚊，合理整碗都份量不少，很多款的餸味道有水準，味道濃又不是好咸，喝過湯又不覺口喝，蘿白、豬紅都係推介，魚蛋用上陳皮魚蛋，真係比個讚，車仔麵仲付上菜甫，味道更加惹味，豬腸又係一讚之選🤪🤪🤪，豬腸都係好入味，乾淨。另再加魚肉翅，魚肉彈牙，翅材料豐富，有雞絲，黑木耳，加入麻油及胡椒粉，好美滿的一碗魚肉翅。糯米雞材料都多，整隻雞翼係入面，糥米香口。值得一試。