妹記大排檔

營業中

休息中

我地叫左牛腩煲同埋蒜香骨男友以為牛腩煲會有枝竹 點知係無嘅相反有好多蘿白片我以為個牛腩煲得牛腩點會有我最中意嘅牛筋牛腩煲88$蒜香骨$68最正係佢無加一我地仲叫左個例湯個例湯好多渣🤷🏼‍♀️一碗湯入面有3條大骨基本上無乜湯飲到🤷🏼‍♀️

一堆fd最岩就係食大排檔嗌餸配白飯！係旺角就緊係黎妹記啦。店出面有堆櫈俾我地等位既時候可以坐下次次去親店入面都坐滿哂人！用戰鬥碗啤啤是必須的椒鹽豆腐好好味🤤🤤🤤 黃金鮮魷層粉好薄！正！ 但啲煲就正正常常，冇乜驚喜。蠔餅我地見枱枱客都會叫一碟，望落好大碟同好吸引！所以即刻嗌番碟！但有啲失望，蠔既比例唔多，好多面粉，好油可一不可再的感覺。食物質素不過不失，但依然係一堆人食飯既好選擇！黎緊夏天最緊要係室內唔會熱到冇胃口

..記得記得記得，係要嗌佢果隻「原隻脆皮炸豬手」，過百蚊的。唔好唔覺意寫錯68蚊果隻「妹記炸豬手」。除非你唔鐘意食肉，淨係鐘意骨頭啦。.講返先，果日嗌左碟原隻炸豬手，一碟炸墨魚咀，一碟蒜容粉絲蒸勝瓜，一個飯一支青島（戰鬥碗係今次既重點）🤣🤣，記憶中三個人，一人大約比返160蚊左右。.豬手炸得皮脆，熱辣辣上台夠大碟，肉都多。但如果你鐘意食肥膏呢個就麻麻地了，因為全碟都係偏瘦既肉。配埋個醬幾好食👌🏻.服務唔好望佢有，純粹為左戰鬥碗黎打張卡👀食個小炒，妹記呢度都仲可以考慮下。...

乾淨衞生既大排檔實屬少見，但正正因為佢位於商廈，價錢相對高，份量相對少，食物質素都算唔錯，而服務=冇服務可言 冇服務可言，事因一出Lift對住竟然係餐廳後門。當時6點半，只有幾張枱坐了人，而一排伙計只企係度望住你；同伙計講"3位唔該"，佢答你"出去拎位先"....... 其實拎咩位呀，全場大部份都係吉枱呀。之後想加飯，舉手舉左好耐，啲呀哥呀姐都望唔到。食物呢，個人感覺唔錯!1) 椒鹽豆腐 $58 - 外脆內滑，幾香口2) 京都骨（腩排）$68 - 肉比較林身，味道偏淡但不會太酸3) 蕃茄金銀蛋肉崧浸白菜 $68 - 清清地，可以當湯飲! 4) 梅菜扣肉煲 $78 - 個人唔鍾意食肥豬肉，所以評論唔到，但78蚊得4塊感覺貴左啲。 妹記大排檔 vs 傳統大排檔地點：商業大廈 對比 露天街邊 環境：乾淨整潔 對比 污污糟糟服務：懶得理你 對比 親切主動食物： 唔錯 對比 唔錯夠鑊氣份量： 少 對比 大大碟 價錢： 貴啲 對比 平啲

香港人緊係鐘意大排檔大排檔除左係街邊有之外其實樓上鋪都有仲好乾淨企理同友人去旺角，對放題韓燒已經無晒興趣都係去返自己最鐘意既屬於港人既大排檔我都食大排檔有時點少得食乳鴿，妹記大排檔嘅乳鴿又香又脆，肉質鮮嫩，而且好脆口好食，外脆內嫩，佢地保留返肉汁唔會太乾，真係好正避風塘雞翼，開頭仲以為啲雞翼好辣其實一啲都唔辣，而且雞翼肉汁好juicy ，份量亦都好多，其實每一隻都好大隻啲雞翼，一定係我必嗌嘅餸。西檸雞球， 冇錯呀又係雞啊，啲雞球炸得好脆，但係食依個一定要盡快食唔係啲雞就會俾啲汁搞到林晒，同埋係擺得越來越凍就會愈酸最後就帶咗個通才食啲通菜都好好味， 唔會住得太老，不過有少少辣唔識得辣嘅人要留意啦

今晚係到食飯，咩妹記大排檔... 咩鑊氣... 咩招牌菜，都係呃人。叫左十幾樣嘢，一叫完，竟然可以即時上菜，原來D餸菜都整好晒，凍晒，又咸又唔好食。叫個湯，極重味精，飲完個口勁乾。大排檔搞到衰過快餐店。炸豬手、西檸雞、避風塘炒蟹，連蒸烏頭都係凍既，無鑊氣唔係即極，仲大咩排檔？尖沙咀妹記食過幾次，都唔錯。第一次幫襯旺角妹記，未食過咁難食既大排檔，連最基本即叫即整都唔係，一上枱就凍晒，除左個湯係熱既，全部都係凍既。以後都唔會再幫襯

身為中國人晚餐時候通常都喜歡食返幾味家常小菜，但作為打工仔，每日放工都攰到嘔。。🤢哪有心情煮飯仔。。每次想食餐豐富啲既晚餐都會諗起佢。。。妹記🤤🤤小妹最愛既港式小菜包括炸墨魚咀、黑椒🐮仔粒薯仔、金銀蛋炒菜。。。我知呢到仲有🐷手、鬼馬油炒鬼等等好出名。。但兩口子真係食唔到咁多野。。而墨🐙魚係我地每次食飯都必叫既小菜之一，有機會大家真係要試下🤤🤤🤤

今日去接老公放工，佢話我地呢排成日食西餐，帶我去食下大排擋咼。我當初以為大排檔食，實係個啲搭枱，坐街邊，衛生環境一般個啲啦。去到原來妹記係棟商廈入面，門口已經有好多人等位。等位期間仲有櫈坐添。等左陣就有位啦，真係好彩呀，好肚餓啦！我地叫左三個餸。沙爹牛肉西蘭花：西蘭花爽口，炒得幾有鑊氣呀！粟米斑塊: 斑塊炸到好香脆，再淋埋個粟米蛋花汁，送飯一流呀。京都骨： 寫到明用腩排，肉質比較林滑，份量都幾多，不過不失。呢個室內大排檔乾淨整潔，又可以食到有鑊氣食物，對於我鐘意乾淨嘅人就岩曬。

友人想吃大排檔，但又想坐得舒適些，我們於是去了上樓的室內大排檔。黑椒薯仔牛柳粒的薯仔竟是爽中帶粉，牛柳鬆軟，很輕易便咬開，加上黑椒的香，佐飯佳作。未知蠔仔煎餅跟潮式蠔餅有何俱別，都是用鴨蛋及木薯粉混入蠔仔來煎。蠔仔雖小，仍有蠔香；煎餅勁脆，只是油膩了點。這道叫做咸魚茸飛天通菜煲，小人見過有些地方的人炒通菜時拋得很高，還要拋來拋去的；但相信這煲通菜未有飛過上去，只是取其名而已。通菜做煲都不會過腍，況且咸魚夠多，很惹味。反而蟶子令人頗失望，肉是靭的，豉椒亦與蟶子也是各不相干似的，豉椒滲不入蟶子，本不慾提，奈何叫了吃了也亦作罷。維持到大排檔的鑊氣，不過對比街邊的風味始終有別。

年近歲晚，我以為要等好耐。好彩人少少，等咗十分鐘到就有位。叫咗以下嘅野食：呢個鬼馬油炸鬼仲keep到水準喎！個皮仲係脆嘅。啲墨魚膠都係彈口嘅。食到最後一舊都仲脆，好野。 不過如果碟汁多返啲就更好。依家吾夠點……生炒骨，講真就吾夠好喇……啲粉都幾厚！而且肉比較乾……我覺得未夠入味。依家要靠個汁。佢用罐頭菠蘿，甜啲囉。 今晚主打係羊肉煲。唔……我覺得只係一般。冇so味係好，肉有連皮嘅。只係吾夠嫩滑。都有幾多料： 冬菇，蘿蔔，竹筍， 馬蹄，大蒜。

內地朋友落黎香港濕平，打算係旺角血拼，之后話同我慶祝生日，問我想去邊間餐廳。內地咩都有得食，想帶佢地去d內地少食嘅菜色，又要坐得舒服環境又唔失禮，上網睇，妹記有d菜係內地唔多見，二話不說去妹記訂位。鬼馬油炸鬼同細細粒嘅椒鹽豆腐，哩兩款菜d內地朋友話未食過，再細咗西蘭花帶子，炸大腸，蠔仔粥，蒜香骨同黃金蝦球。黃金蝦球問清楚有無蝦殼先，因為自己唔中意食有殼，黃金醬略嫌少咗d，蝦球夠彈牙，蠔仔粥蠔仔夠新鮮，所以夠滑同無腥味，炸大腸夠脆，椒鹽豆腐外脆內軟，滿意。其實每款菜色都唔錯，唯一要彈係每款菜份量都係偏少。PS:感謝內地朋友出長水遠落黎香港同我慶祝生日，謝謝，感恩。

其實依間餐聽已經係一個月前同朋友去gathering既時候食既。個炸豬手係我覺得果晚最有記憶點既。相對地黎講其他就一般般。但我食過比依間「 大排檔」更有鑊氣同風味既大排檔。所以依一間比我感覺同食小菜既餐廳差唔多。而且價錢略覺貴了一點 

冇得訂位只可以walk in 但都晚晚爆場 今次早左好多黎咁就冇死 一行9人咁岩有一枱走 我地好順利吾洗等好耐就入得💋黃金鮮魷 好咸香味 但比較濕 不過都好好味瑤柱蛋白炒飯當然一粒瑤柱都搵吾到 但毯個飯炒得夠乾身 有獲氣👍🏻 我地都系黃金怪 叫埋黃金蝦球就吾小得蝦球好爽 😍椒鹽九肚魚 炸得好透 香脆 一流咕嚕肉 酸酸甜甜 甜甜酸酸 味道適中夠熱既啫啫通菜 椒鹽豆腐 外脆內軟 食吾停口 正墨魚油炸鬼 淡淡魚肉👍🏻炸豬手 呢度既招牌 果然吾炸 吾好睇佢外面炸好到乾就以為肉會好柴....大錯特錯 好juice 不過都幾大份真系最有有四人以上或者系食肉獸朋友先會KO到

第一次來到呢家店食野服務員態度好好，又快手快腳，7個人食8樣餸差不多～叫左鬼馬油炸鬼， 真係好好食，外脆內軟又唔會油淋淋咁，就好似有個特別的炸外皮咁，雖然要幾十蚊（好似90幾，忘記了～） 但係一試難忘（現在講番都想食）還有炸蠔餅～有好多蠔，值得一提的沙拉骨，佢唔似得一般的餐廳只係加d沙拉醬，佢係有調過的，所以有少少唔同，而且係好好好好多沙拉醬，鍾意食重口味同多醬的你就可以試下了～～總括來說係值得一試（重點是咁多朋友一齊食，叫左8樣野分番開都唔洗100蚊一個人，真的不錯）

今時今日，想找好味的大排檔真不容易，朋友介紹去妹記。今天同老公就去試下。兩個人叫了三個餸。豉椒炒蜆、雞油豆苗及紅燒魚夾。下單後，d 餸好快上枱，先來豉椒炒蜆，賣相好似好好，但可惜味道一般，感覺不太新鮮，豉椒也不夠香口，失望！雞油豆苗就值得一讚，好清甜，雞油味很香，而且好大碟，由於太好味，我倆成碟清哂！最後是紅燒乳鴿，味道非常普通，乳鴿好細，肉又不香口，更有少少梅！整體感覺不太好，同預期有很大分別，不會再吃！