妹記大排檔

營業中

休息中

朋友即將移民澳洲，佢提議去妹記大排檔，臨走之前食啲港式野。我之前未去過，所以就一齊去試吓。我哋一行六個人叫咗鬼馬油炸鬼、煎蠔餅、妹記炸豬手、沙嗲粉絲金菇牛肉煲、椒鹽鮮魷同一個菜。妹記炸豬手同鬼馬油炸鬼都係招牌推介菜式，雖然兩樣都係炸野，而我本身唔係太鍾意食油膩嘅食物，但係呢間餐廳火候掌握得非常之好，豬手同油炸鬼都非常香脆，我都忍唔住食完又食。至於煎蠔餅同椒鹽鮮魷都不過不失，唔會炸得好粉。最後就係沙嗲粉絲金菇牛肉煲同小菜，佢哋份量都好充足，味道亦幾好，唔會太油或太咸，送飯一流。呢間餐廳價錢唔貴，菜式有大排檔風味，最重要嘅係佢有冷氣提供，環境舒適，適合一大班人聚會，可以一試

黎到旺角，適合一大班人一齊食飯既選擇唔多。妹記係一個不錯既選擇，令我地係夏天咁熱既天氣下係室內食到大排檔風味既菜式！可能由於人數眾多既關係，佢地會優先比左張大枱我地，所以晚飯時間等左唔係好耐就入得去啦。(少人數既食客可能要係繁忙時間等好耐)菜式方面都有好多選擇，個人認為比較好食既係蚵仔煎，豬手，椒鹽豆腐等等份量方面唔算多，轉一圈已經清光了😂但有個壞處係店內環境好嘈，加上好多人，唔容易同朋友傾計。整體而言，價錢實惠合理，可以再黎。

要數香港既美食風景，一定唔少得大排檔，不過夏天熱辣辣，要係戶口食又好似會大汗疊細汗咁。而呢間妹記就岩曬啦，可以係室內嘆住冷氣咁食到大排檔既味道，一流。去得大排檔就梗係叫香口野啦，炸豬手都幾好，好大份，似足德個餐廳個d原隻上，炸得香口而肉質唔乾，點返兩支大啤送酒一流。除左炸豬手，黃金蝦都可以推介。鹹蛋黃炒到好綿，唔會一粒粒散開，均勻咁包住每隻蝦，好香口。不過煎蠔餅就麻麻地了，炸粉厚，不過蠔都有唔少既。另外要推介既仲有安格斯牛柳粒，牛肉嫩，薯仔入味，又係送酒之選。仲有叫左其他野食，都唔錯既，大家自己望下。

👉🏻椒鹽八爪魚咀🐙(瞓身推介✨) 💲78應該叫做瞓身唔推介先啱💩個八爪魚咀勁硬🙂咬極都唔斷🌚好似咬緊橡皮💩咁仲要炸皮同個八爪魚咀一咬就即刻分離🤦🏻‍♀️炸粉超厚 基本上係厚到你見到佢散咗係唔會想食返 因為感覺好油膩🌚極力唔推介呢碟千祈唔好叫😹〰️〰️〰️〰️〰️〰️〰️〰️〰️〰️👉🏻尖椒炒豬頸肉(瞓身推介✨) 💲78又係一碟瞓身唔推介🤦🏻‍♀️啲豬頸肉一啲都唔香口仲要勁少😥成碟基本上青椒先係主菜但我哋冇人食😹所以係叫咗碟好似原封不動咁冇食過🙂唔鍾意食青椒嘅就真係唔好叫😹〰️〰️〰️〰️〰️〰️〰️〰️〰️〰️👉🏻金沙蝦球🍤(瞓身推介✨) 💲118個人都幾鍾意食呢個😻因為蛋黃味勁香勁多😽亦都好入味不過超漏😹一定要送飯食🤨蝦肉都幾爽口彈牙👍🏻〰️〰️〰️〰️〰️〰️〰️〰️〰️〰️👉🏻黑椒薯仔牛柳粒🥔 💲128呢個幾好食😗樣樣野都煮得幾入味😙炒得都幾香😙〰️〰️〰️〰️〰️〰️〰️〰️〰️〰️👉🏻鬼馬油炸鬼 💲78 上次食過今次唔多介紹啦🤨佢係魚肉嚟架🐟個人來講幾鍾意不過有人都唔係太鍾意🤣〰️〰️〰️〰️〰️〰️〰️〰️〰️〰️👉🏻蒜香骨🍖 💲68好似真係食骨咁 我完全食唔到有肉😹蒜香粒係好多但一啲都唔入味〰️〰️〰️〰️〰️〰️〰️〰️〰️〰️👉🏻沙嗲牛肉炒西蘭花🥦 💲78我食完先知原來佢係沙嗲炒牛肉😹感覺

今日又繼續在旺角搵食，之前在妹記大排檔食過晚餐，味道唔錯，所以今日黎試下中午套餐。中午有套餐，就係碟頭飯，包飯包湯包汔水。午餐套餐有炒粉面飯，又有碟頭飯可選擇。今日就揀左個咖哩薯仔牛腩飯，份量好足，咖哩味道偏向日式和葡式，帶一點點甜味，沒有泰式般辛辣，味道很好。牛腩好多，而且炆得好冧，食完都唔會黐牙。薯仔炸過後外脆內軟，大細又適中，非常入味。環境又舒適，雖然叫大排檔，但並唔似一般大排檔難坐，枱與枱之間距離寬敞，比一般茶餐廳更好坐。

妹記大排檔個名聽左好耐，但都未有機會去試，今次終於有機會試啦。首先，妹記個位置真係幾難搵😂搵左陣先搵到個位置，上到去都等左陣先可以入座。朋友推介我食豬手（朋友講到好好味），咁就試試佢啦。豬手既份量都幾多而價錢唔係貴，同埋個皮都幾脆，如果下次再黎都會食。😋不過令我最失望既就係椒鹽鮮魷，炸到有d硬，其他大排檔既椒鹽鮮魷都好味過佢😞茄子煲個人認為都係麻麻，可以唔洗叫。菜既份量就好多，性價比都叫高既😂

之前食過尖沙咀果間但愈食愈麻麻就試下旺角呢間分店順便farewell班同事吾理三七二十一同佢地最後晚餐當然啤一啤佢果戰鬥碗真係好正果碗仲要雪凍左嫁夏天甘熱甘樣飲真係好牛柳粒竟然甘多個送之中最好吃☺️☺️黑椒味很濃！好正！豪餅d粉炸到吾多掂🙈🙈🙈好硬好少豪好多粉不行不行！咕嚕肉都可以不錯吃果豬手就麻麻地有點硬啊除左以上仲有點左個帶子西蘭花呢個反而好好吃總括而言，其實都不過不失！但有得選擇就未必去了！

六年前去完台灣交流，返到嚟香港，大家各有各忙，讀書嘅讀書，結婚嘅結婚，今日因爲台灣嘅教會朋友嚟香港分堂靈修，而令我們再聚首一堂。台灣嘅朋友第一次嚟香港，點都要盡下地主之誼，帶佢去食好西，嚟到香港，點都要試下d特色嘅港式餐廳，但大熱天時又唔洗朋友咁鬼辛苦，於是帶左佢嚟食有冷氣嘅大排檔，妹記大排擋！同一般嘅大排檔唔同，呢間妹記大排擋係樓上鋪嚟，完全唔洗驚無冷氣，而且唔似傳統大排檔咁衛生環境油麻地，而且座位都幾寬敞，完全唔怕為旅客朋友帶嚟壞印象。我地一行五個人叫左四個餸，一個炒粉麵，飽到個個反晒艇，仲游說位新婚朋友唔好煮飯帶食剩嘅俾老公食算XD，都認真幾大件夾抵食！原炸脆皮炸豬手（$198），一上檯嚇到我地嘩嘩聲，事關無諗過隻豬手咁粗，仲隨碟將佢嘅屍骨上埋盤，驚死我地唔知d肉係邊度嚟咁，哈哈。豬手炸得非常好，脆得嚟唔會太油膩，外皮脆而肉質仲係好嫩，豬肉本身做過調味，唔需要泰式辣醬都夠哂好味，讚呀！鬼馬油炸鬼（$78），見佢名咁有趣，叫佢嚟試試。油炸鬼就真心唔多似啦，食落應該係魚似拎去粿粉再炸，食落去金黃酥脆，魚肉入口鬆軟，班女人個個都話怕肥，但keep住密密放入口食，你班友仔唔方唔鬼馬喇。有

一大班朋友，當中有興祝生日一早book左位，但都要等一陣先入得好趣不太油，但啲粉多得濟甘啲蠔亦不太多其實幾咸，啱有碗白飯戰鬥碗，賣的叫哈爾濱啤酒好淡口既，冇乜特別叫個碗特別啲個豬手係最好食，不冇影到相整體來說，係食大排當既氣氛囉搬左上樓比較乾淨食物質素不過不失但要留意！係超多人排隊既！！！如果要等甘耐先有得食。。。我會覺得唔值得另外，我覺得好嘈，完全傾不到計可能我地坐起中間位置應曬四方既聲音。。。

從加國回來旅行的女生朋友掛念大牌檔小菜，讓我帶她吃一餐。我心想，這30度的天氣要吃真正户外大牌檔，你忍到我也忍不到，吃龍肉都無味。於是，靈機一觸記得這家位於食廈內、冷氣開放的妹記大排檔，也能暫時頂上。甫坐下，即叫伙記送上啤酒降溫，點了4道小菜。椒鹽豆腐小食先上椒鹽豆腐，剛適合送酒。淺黃色的炸皮脆度不足，又沾不上蒜辣香氣。仔細一看，原來豆腐並沒有與香料混在一起炒，只淋上現成的辣粉脆蒜，完全沒有大排檔的勁度，相當馬虎。蒜香骨伙記隨即送上蒜香骨，一看，又是剛才出現過在椒鹽豆腐之上的辣粉脆蒜，明顯是有欠誠意。用上腩排位置，這幾塊蒜香骨皆相當油膩，也吃不到肉鮮味。荷葉籠仔蒸雞兩道炸物之後，有荷葉籠仔蒸雞，入面放了些雲耳作配料。蒸雞過油，雞肉盡是雪味，丁點荷葉清香都沒有，雲耳也是碎得離譜，叫人無法完成整道菜。飛天炒通菜必須有辣椒的飛天通菜，變成了只放蒜蓉炒。本來還叫做炒得合格的一碟，也要避免不了令人失望。雖然叫作大牌檔，妹記只是有名無實，完全欠缺大牌檔應有的鑊氣。吃大牌檔，材料是次要，若連炒功這個最低要求也未達標，那就完全沒有值得光顧的原因了。

對於聚餐超喜愛食大排檔的人黎講，妹記係唔錯既選擇，因為冬天唔洗係外面吹風，夏天室內有冷氣，但又有大排檔風味。當日是有訂位的，人到了一半就可以入座了，座位算多，但係又唔會覺得焗，都好闊落。食物方面：蒜香骨炸的好香脆啊，味道唔會太鹹，可能本身中意咬軟骨，有好多舊軟骨，口感好好。鹽酥魷魚都係我既最愛，不過略歉炸粉同d肉分得太開。再黎就係炒飯，飯都炒得粒粒分明既，唔會太淋。仲有一個好特別既菜，全名唔係好記得，叫唔知咩油炸鬼的，但真係值得一試。生日最少不了既就係蛋糕喇，本來d朋友想製造下驚喜，但係職員好直接走過黎問係咪上蛋糕喇，哈哈，當時我地全部人都笑曬，沒左個驚喜添，不過成餐飯都幾開心既。下次會繼續幫襯。

之前不嬲覺得妹記係一個唔錯選擇，可惜今年過完年食左一次失左水凖，以為大廚放假未返，今日再次試多次都係失望，換左過大廚之後，唔知大厨邊度鄉下炒好多菜色都加入咸魚，啫啫生菜煲丶尖椒豬頸肉、連通菜都加入咸魚最離譜的係連瑤柱蛋白炒飯都加咸魚，我未試過食呢個炒飯會有咸魚囉？直頭錯矖囉，d咸魚唔洗錢家？唔會再去食喇

今晚慶祝母親節，媽媽話想食啲地道菜，一於就帶佢黎呢間香港人既大排檔啦！應該係母親節週末既關係，傍晚六點幾黎到已經人山人海，好彩我地book坐位，等候時間就係我地行入去嗰三秒鐘我地叫咗豬手、蒸雞、椒鹽豆腐，再加咗個例湯同埋炒菜！豆腐即炸即上枱，細細粒熱辣辣好好味，炸粉落得好少豆腐味好出好正呢個豬手既皮十分香脆，送飯送酒都咁岩！最後上枱既係籠仔蒸雞，放咗一堆雲耳喺底再放雞肉喺面蒸，蒸既時間岩岩好，啲雞肉好嫩滑又夠味

星期一既夜晚，雖然係blue monday, 但係都一樣要食飯，一樣要見朋友，之前同男友都嚟過一次妹記，但係因為兩個人太少，想食既野太多，所以好遺憾食唔到晒想食既野，所以今次再同班朋友嚟過，一定要試晒啲招牌菜妹記第一招牌菜！就係用戰鬥碗飲啤酒🍻其實就係普通既啤酒喇，不過用碗飲果feel唔同啲，同班frd一齊好有氣氛，連平日滴酒不沾既我都飲咗啖！香炸豬手，見到每枱都點咗碟，正宗既皮脆肉嫩，尤其鐘意皮肉之間果層肥，充滿油香👍🏻👍🏻👍🏻炸墨魚🦑咀，好香脆惹味，係送飯一流既餸！黑椒薯仔牛柳粒，牛柳粒有啲哽，不過薯仔甜甜地幾好食！最後不能少一碟菜✋🏻

聽妹記大排檔就聽得多，但我都係第一次黎食！你嘅時候已經夜晚九點幾，但等位嘅人依然非常之多，大概等左40分鐘，差唔多10點先有位！入到去就算人非常之多，啲職員嘅服務態度依然好好！嗌咗沙拉骨啦金沙鮮魷啦蠔餅啦馬拉盞通菜啦，但係最好味嘅都係椒鹽九肚魚，超級推介！妹記最出名就梗係戰鬥碗啦，攞住隻碗飲啤酒，非常有特色！