妹記大排檔

營業中

休息中

乾淨企理嘅樓上大排檔環境唔錯晚市比較熱鬧 多人嚟食比較適合一大班人嚟打冷今次同朋友嚟食叫咗四樣嘢每樣嘢食都大大碟都夠飽如果係大食嘅人就覺得岩岩好好不過 我覺得多數你食大排檔嘅人都係志在同朋友吹下水見下面蠔仔粥分量都大啲蠔都幾新鮮 鮮甜但有啲蠔食落去有少少沙叫咗碟炒菜味道算唔錯同平時酒樓 其他大排擋嗰啲差唔多 冇太大分別沙薑雞啲雞肉都滑 啲汁夠包住啲雞肉食落我同啲朋友覺得佢唔似係新鮮雞不過都ok嘅咸豬手我自己平時好少食嘅都唔太差落單速度快上菜速度都好快前後都冇十分鐘就上哂所有菜色

一人多食飯就頭痕人多就嘈d friend 又大食所以唔可以揀d貴餐廳通常去MK 首選都係去妹記有必食推介一定要食墨魚嘴炸得香口第二款必叫既就係豬手份量多 （四人以上先好叫）我d 朋友仔就會必叫薯仔牛柳粒食咁多肉一定要迫佢地叫一個菜海鮮雜菜煲d 菜有海鮮既鮮味佢地次次都會叫炸大腸熱辣辣好香口呀通常食飯都走唔甩會叫貴妃雞半隻就算人多都係叫半隻另外半隻會叫風沙雞同埋去得妹記食飯我都會叫湯一個湯大約可以有六至七碗人多就叫兩個😂😂

有冷氣，地方闊落，坐得舒適。炸大腸，炸得過火乾身，食落吾嚼口，脆卜卜，似食烤鴨皮。沙嗲粉絲牛肉煲，沙嗲醬汁有點稀，不夠濃厚，粉絲份量不多。黑椒薯仔牛肉粒，薯仔冇炸過，無香味，牛肉不過不失。

一家旺角樓上大排檔，座無虛席，仲有好多年青人黎食，環境舒服。招牌炸豬手好大份，肉質有點咸，外皮勁脆，食落卜卜聲。鬼馬油炸鬼，真系好鬼馬，吾知系咩餡，食落有豆腐既清香。

約朋友係旺角食飯，因為唔想食樓上cafe，但係旺角好難搵到個地方一班friend傾計，朋友介紹去妹記食大排檔。一路以為大排檔一定係露天，跟朋友行下行下，先發現呢間大排檔原來係室內，地方仲要幾大。不過可能因為係假期，所以等飛都等左好耐先至入得。我地一行四個人叫了四個菜，妹記豬手同埋鬼馬油炸鬼都係出色既，點個個醬個味道好夾，兩個菜都係比我地最快夾曬，極度推介！「飛天通菜」炒得都幾入味，幾好送飯；「豉椒炒蜆」份量太少，好似殼多過肉，味道唔錯。因為我地四個人都唔飲酒，無得試呢度最出名既戰鬥碗，不過淨係食餸的話，呢間都係唔錯既選擇。唯一最唔好既係環境太嘈，基本上好難同朋友傾到計。

妹記大排檔適逢有個大學同學係大陸落左黎香港搵我地 就決定帶佢去食下大排擋 就揀左妹記啦因為有冷氣舒服啲 而且有個戰鬥碗影下相 今次係我第三次去食啦 每次都要等二十分鐘到 因為呢個地方好適合一大班朋友聚餐活動 所以等枱期間都會見到waiting area係一堆堆一大班人係到haha好熱鬧架 不過就一定要人齊先可以入座今次我地嗌左三個餸 蠔餅我覺得太厚粉啦食唔到啲蠔薯仔炒牛柳粒好味好香好好送飯魚香茄子煲不過不失啦我覺得食物係一般既但勝左環境好適合一班人聚會

還挺喜歡吃大排檔的，不過一般都會去新界吃，陳根記是讀書時候吃得最多的一家，不過現在辦到了紅磡著，有點遠啦，後來看到了旺角妹記就去試試，感覺也很不錯，價格便宜，味道還可以

朋友去過尖咀分店之後極力推薦，咁啱今次經過旺角見到又幾想食大排檔就去左試呢度叫大啤酒唔會比杯而係會比幾隻冰凍過嘅碗，最特別係上面仲寫住左戰鬥碗好搞笑原隻脆皮炸豬手豬手份量好多，皮脆肉嫩而且味道咸香最啱用黎配搭啤酒香煎蠔餅蠔仔算多而且都幾飽滿，但係漿粉略多易膩椒鹽八爪魚嘴八瓜魚味道鮮甜但係唔夠軟腍，不過新鮮即炸金黃香脆配酒好啱黃金蝦咸蛋黃都幾多加上蝦肉肉質緊實好上癮，但係整體偏濕炒得唔夠乾身欖菜肉鬆四季豆四季豆嫩綠爽脆，欖菜惹味加上肉碎爆炒夠哂鑊氣

👉🏻 避風塘炒蟹幾香脆 脆到我朋友話啲蟹殻可以食埋落肚😹😹😹係一啲都唔辣架😗但佢fake我又話好多蟹膏😹〰〰〰〰〰〰〰〰〰〰〰〰👉🏻椒鹽豆腐外脆內軟嘅感覺真係好正🤤豆腐熱都我食唔到😹雖然份量比較少但豆腐係比起其他鋪大粒啲啲嘅🤔〰〰〰〰〰〰〰〰〰〰〰〰👉🏻椒鹽鮮魷我覺得呢個比較普通 仲要椒鹽味唔重 唔夠香😟〰〰〰〰〰〰〰〰〰〰〰〰👉🏻豉椒炒蜆味道係幾好嘅但得啲殻 冇咩蜆肉 就算有都好似縮左水咁 仲有幾粒未開殻😟〰〰〰〰〰〰〰〰〰〰〰〰👉🏻蠔仔煎餅好太塊 不過炸粉佔左大部分😹蠔唔多😹〰〰〰〰〰〰〰〰〰〰〰〰👉🏻黃金蝦呢個份量少不過幾好食😛蛋黃唔多不過每粒蝦都有都夠味 再重口味啲就好😹😹😹〰〰〰〰〰〰〰〰〰〰〰〰👉🏻鬼馬油炸鬼好似係油炸鬼包住啲魚滑 配埋個酸汁食落好好味🤤〰〰〰〰〰〰〰〰〰〰〰〰👉🏻椒絲腐乳炒通菜呢個我覺得好一般 腐乳味比較少😹〰〰〰〰〰〰〰〰〰〰〰〰👉🏻紅燒乳鴨皇由於我唔係好中意食乳鴨 所以我冇食到😹😹😹😹〰〰〰〰〰〰〰〰〰〰〰〰👉🏻原隻脆皮豬手平時好少食 不過呢到嘅豬手又真係幾好食🤤皮脆 豬手肉唔肥 又大大碟😗人地話太鹹不過我又唔係好覺😛〰〰〰〰〰〰〰〰〰〰〰〰Overa

妹記大排檔咁出名真係第一次去食，同埋在女人街原來有個咁既餐飲商場又係第一次知等𨋢等勁耐，所以我地去咗行樓梯最開心係可以用呢啲碗去啤一啤佢！食物方面不過不失，蠔餅好食，通菜都唔錯，不過個蜆就略嫌普通咗啲雖然氣氛好，但在室內大排檔實在太嘈太嘈，尤其我們人多，坐圓枱，真係完全聽唔到對面岸啲朋友講乜，要聲嘶力歇先勉強溝通到，所以下次成大班friend都未必再揀呢度

同朋友仔一行10人聚會，每次諗食乜都會好頭痛，又唔想坐得太遠你有你傾，我有我講，所以通常同呢堆朋友聚會都會揀中式餐廳，最好有圓枱。而今次朋友就揀左位於旺角女人街嘅【妹記大排檔】，店員安排左圓枱比我地。 1人揀一樣，10人揀左9樣餸菜同1碟炒飯，靚仔(即係白飯)都唔洗嗌。上菜速度都算快，食野前以茶代酒飲杯先！首先介紹左清一色炸野類，都係果類顏色👇【原隻脆炸豬手】皮脆肉嫩又大份，唔錯！【鬼馬油炸鬼】冇諗過油炸鬼入面加左墨魚滑會咁配，點埋甜酸醬食好夾。【脆皮炸大腸】每次去大排檔必點但好冇益嘅炸大腸，炸得夠脆口。【黃金圍蝦】炸完再落鑊用咸蛋黃炒香嘅黃金蝦，係我最鐘意餸菜之一，妹記處理得唔錯，唔會油膩又夠香口，每一隻蝦可以連殼吞晒。【沙拉骨】醬有d太多好膩，如果少d會更好【尖椒炒豬頸肉】d豬頸肉得好少，得幾條，同埋炒得有D油。【金銀蒜粉絲蒸勝瓜】不過不失，但D粉絲好矜貴，比想像中少太多，就眼見果少少墊住，然後就冇喇。【西蘭花帶子】唔知點解D蔬菜類嘅餸份量都好細，帶子都合理嘅，但西蘭花好少。味道都係一般。【咸魚雞粒豆腐煲】呢個煲嘅份量終於正常番，好惹味，好啱送飯。【菠蘿海鮮炒飯】呢個唔記得影相，就

以前好鍾意去妹記食，因為香港好難搵到大排檔。無去一排，今日諗住去下，但感覺大不如前。唔通換左廚師？叫咗個蠔餅，炸得幾靚，但味道一般。太粉了，好似食緊脆脆多過蠔餅。仲有碟青椒。好似係其中一款推介嘅食物，但真係無乜特別。炸大腸份量好少，醬唔夠多，好難點。真係有的失望。好多細節位無晒，無左以前大排檔個種豪氣嘅感覺。啤酒就一樣，公雞戰鬥碗，但食物感覺大不如前，得番隻碗做gimmick，夠唔夠吸引力留住舊客？

黎到旺角，幾乎每一條街都有好多不同嘅美食，我哋香港人當然要支持一下本地嘅美食👍🏻這間妹記大排檔最特別的是可以嘆住冷氣食大排檔😆因為我哋一大班人去食飯，所以食中餐就是最好不過了😋一坐低當然要啤一啤，每一個碗都寫上戰鬥碗，成為了我們今日的一個話題😁這個是鹹魚茸飛天通菜煲，味道非常好，又不太鹹，但是就比較油了一點，錯入面有一些鹹魚粒，夠晒野味👍🏻👍🏻原隻脆皮炸豬手$198 豬手皮卜卜脆，肉帶一點爽口，鹹鹹地送啤酒最好不過😋配埋甜酸醬，味道一流椒鹽八爪魚咀$78，份量很少 ，炸皮很薄，炸完之後墨魚咀依然非常爽口，完全沒有乾身的感覺脆皮炸大腸$68 配埋啤酒一流，味道較為鹹了一點， 皮脆，大腸較為薄身😝黃金蝦 😋鹹蛋黃的味道非常濃郁，蝦也非常爽口，大約有10隻，我們有8個人，每人平均一隻就沒有了，所以不夠喉，我們要再order多一碟😂

妹記大排檔上左樓之後我都好少去，最廣為人知嘅莫過於戰鬥碗飲啤酒。今晚做野夜咗，就嚟呢度食野飲啤酒。叫咗蠔餅，個樣放得幾靚，餅身連芫茜一齊炸，但無乜漿，好似食極都係粉，有別於一般嘅蠔餅。仲叫左叫青椒，幻想佢會有魚肉，原來無。唔關佢事，只係見呢個價錢，無理由只得青椒。自己諗多左。食落都惹味。炸大腸，外皮酥脆，如果有菠蘿伴碟更好。甜酸醬略嫌少左啲。感覺上同之前好唔同，唔通又係開左分店後啲廚轉左或者有走動，所以品質差左？

同男友行行下街 行到甘10:30pm 撞到朋友仔 大家都原來未食晚飯，大家都好肚餓之際...突然之間我就諗起妹記大排檔，乜都唔諗大家就決定去食夜晚可以宵夜時段呱...11點 唔算多人 好易搵到位一坐底打開本餐簿，第一樣必食就系 😂🤣鬼馬油炸鬼！ 因為自細都中意食油炸鬼，大左無咩地方食到...又叫左南乳香酥骨 ，炸大腸，飛天通菜 出色既大大窩蠔仔粥....足夠4人食... 但當時2男2女☺️☺️一共叫左5樣野 .... 埋單 都系$450 正常價 系旺角食到環境唔差 夠火喉既大排檔風味 我本人覺得抵食既