妹記大排檔

營業中

休息中

原諒我得一張相仲鬆陏濛同6個fd食嘢, 相機爭食失敗食咗椒鹽豆腐、啫啫雞煲、鬼馬油炸鬼、雜菜海鮮煲、仿鮑片炒菜、蛋白炒飯、肉絲炒面。7人分埋單$6x, 幾抵食。濃味/油炸嘅菜式比較有水準。鬼馬油炸鬼其實係墨魚滑包粉漿炸, 外層似多士, 唔似油炸鬼嗰層脆皮咁薄, 內層咁黏韌。但係好好食椒鹽豆腐正常水準~啫啫雞煲味濃, 但雞比較老, 似係雪藏貨至於其餘較淡味嘅菜式真係普通, 冇乜鮮味。雜菜煲湯底奶白, 但冇魚湯味...

上星期一行10人去左食旺角間妹記，book左唔使點等就入去服務還可以，但野食麻麻椒鹽白飯魚 + 椒鹽豆腐 + 椒鹽鮮魷  = 無味又難食蒸烏頭，用死魚，啲肉霉的沙彊雞還可以其他都麻麻地+一般唯一賣點係隻  豬手，皮脆好味埋單 2000，唔算貴不過無下次，野食真係麻麻地

今日一行7人喺旺角，唔知食咩好，有人提議在女人街搵嘢食，咁就睇下有咩好食啦，見到妹記大排檔都幾多好平，就去試試，上到去見到門口勁多人排隊，平日大約7:30入坐，環境勁嘈仲只得1:30時間，好似街市咁，跟住坐底啦，叫咗8款食物，椒鹽八爪魚咀，蒜香骨，鮮蕃茄金銀蛋浸白菜仔，妹記小炒皇，蠔仔粥，海鮮什菜煲，仲有個魚鮫等等，全部都勁咸，啲食物全部都唔太大碟，但喺所有嘢都食唔晒，我哋唔使45分鐘走人，一定無下次。

係同學口中成日聽到妹記大排檔嘅名，但一直無機會試。 今日難得約齊一班大學同學，一於去試下依間先！👫 👭由於星期五的關係，人龍比較長，我地一行4人等左45鐘先有位。 ⏳話就話係大排檔，但千其唔好睇小佢。入到去鋪頭就見到好有大排檔特色的裝修，🇭🇰同時又好夠冷氣，坐得舒服，非常大嘅空間好適合一大班人的聚會。嚟到大排檔當然唔少得飲啤酒，🍻先點咗枝青島啤酒，侍應附上冰凍嘅【戰鬥碗】，大啖大啖豪邁地飲，冇得頂。我地一共叫左四道熱門菜式，唔使十分鐘就上菜啦～👐🏻第一樣：妹記小炒王！👍🏻 熱辣辣嘅韭菜花配上鮮魷，腰果等配菜，超惹味。鍾意食香口野嘅朋友一定鐘意～～第二樣：椒鹽鮮魷 🤘🏻爽脆香口，表面灑上少許蒜粉，辣得嚟又幾過癮。不過就稍微太多麵粉。第三樣：咸魚茸飛天通菜煲 🚀香噴噴的，食落好有鑊氣，唯一美中不足就係太油，不過份量多搭救。最後一道菜：薯仔牛柳粒 🐂就咁睇佢嘅外表可能平平無奇，但食落去簡直係【禾旱冚珍珠】🌟甜甜酸酸嘅醬汁配落牛柳度簡直係絕配。應該係四道菜入面我最推介，友人都大讚。總括而言，小編8.5/10分推薦大家來食～-1分原因係食客輪候時候長-0.5分原因係食物稍微油膩。

今日就難得約左啲舊朋友聚會聽聞妹記都幾多人食過，就一於去試下。咁好好彩，我地（3個人）都係等左5，6分鐘就入得，聽講佢既豬手同墨魚嘴出名，我地就決定左叫黎食。先講佢既蘇炸豬手，咁我平時就唔中意食豬手既，因為佢有一陣豬穌味，咁好難得妹記既豬手冇豬穌味，同埋佢既皮真係好脆，好香口，但就肥左小小，咁豬手肥又係好正常既事，佢啲肉就鹹味適中，配埋甜酸醬送飯又幾好食。之後咁講下佢既椒鹽墨魚嘴啦，佢既椒鹽墨魚嘴又幾脆口，入面既墨魚嘴都仲係爽口，但唔叫飯就咁食既話，真係鹹左啲我地仲叫左飛天通菜同埋薯仔牛柳粒。咁飛天通菜係食既有啲獲氣既，但又冇想像中咁好食，但又唔係話好差，只係平平無奇，送飯黎講都仲算ok。而佢既薯仔牛柳粒，我就真係唔識講，薯仔就唔夠脆身，咁平時食開大排檔叫呢味菜，都係薯仔脆身香口，牛柳就只係裝飾，咁呢度既牛柳都係真係裝飾黎，雖然份量唔小，但就唔算難食，但又唔係好食。係妹記叫啤酒就真係好有特色，佢會配返個戰鬥碗你飲，感覺好有古時男人飲酒果種豪邁感覺。

一直都聽過妹記大排檔, 但都無機會試, 今次難得朋友想食小炒, 兩個人都照試一試!7點去到都已經好多人食緊, 本身仲驚2個人唔知叫幾多個餸, 但係其實d價錢都好相宜, 所以當日就叫左3個餸一場黎到點都要試下佢個招牌菜, 鬼馬油炸鬼:其實就係油炸鬼入面包住d唔知蝦滑定墨魚滑既野, 配埋個甜酸汁, 食落好似酒樓果d炸雲吞咁, 所以唔會唔好食, 只係覺得個外皮炸得有d硬, 2個人食1份就好熱氣!蕃茄金銀蛋浸白菜仔:蕃茄湯好甜, 用黎浸果個油炸鬼都幾好食, 份量都幾大碟沙拉骨:1份都有8-9件, 個沙律醬唔同平時白色果隻, 但食落係一樣, 好開胃好好送飯!總括黎講, 唔知係咪冷氣太勁, d餸黎到都唔係好熱, 但係味道比我想像中好, 只係環境比較嘈, 2個人飲埋野埋單都係$234, 所以都ok! 下次可以試埋其他招牌菜!

兩個人黎食飯，叫左三樣野食大排檔有兩款黃金蝦，大隻啲冇殼既蝦球就貴啲，要$118，因為上次食過，今次就食下平啲細隻啲有殼既圍蝦，都係一樣咁好味個殼好脆卜卜，可以連殼食！因為朋友唔食牛，所以揀左沙嗲粉絲雞球煲，第一次畀錯左沙嗲粉絲牛肉煲，再黎第二煲粉絲辣辣地，好野味！但係啲雞仲係粉紅色，炒唔熟換黎第三煲，冇晒辣味，好咸平時出面都係炒油麥菜，見依度係炒生菜，心諗唔通係好食啲？結果都係炒油麥菜好味啲

第二次光顧，因為地點方便所以帶朋友來試試本港特色大排檔。侍應1號有禮地帶我們入座，坐下後侍應2號也熱情招待，還因爲我們有外國朋友所以特別推介西蘭花，非常貼心。食物份量不算多，我們總共四個人點了四餸三飯，也不夠吃(食物評價詳情請看圖片)-重點-最後向侍應3號order一支可樂，等了5分鐘遲遲未到，再與他對望見他可能在忙，所以請侍應4號幫忙下單。大約15分鐘後結帳卻發現枱邊不知何時又多了一支可樂，向侍應4號查詢，得不到解釋又不肯退錢之餘卻想多收我們錢......最後朋友都算了希望侍應4號可以幫忙把可樂轉贈(反正錢不用退，可樂我們不要了)，他卻把責任怪罪我們。對住他我真的無言，錢你們收多了，責任卻怪罪我們🤷🏻‍♀️只會說這會是最後一次光顧。

今天來旺角做吓MK妹。天黑了，有點餓，決定來妹記碰碰運氣。平時等位等到傻，今天立即有位 入座後，差不多全場滿座。 蒜香骨 - ★★☆☆☆   蒜香骨上枱，我以為自己去了吃上校雞籃⋯⋯以籃上菜，本土風味頓時大減。份量亦然，只有寮寮數件。蒜香骨炸得蠻香口，但肉薄骨厚，而且偏鹹。 炸墨魚咀 - ★★★☆☆   墨魚咀炸得香脆、爽口，但也是偏鹹。 我懷疑師傅太忙，調味落完又落?! 腐乳炒通菜 - ★★★☆☆   通菜還算脆綠，口感夠爽。炒得頗有鑊氣，淡淡腐乳香，終於没有過鹹。以這價錢，份量未免有點少，質素亦不見驚為天人。要與一大班朋友吹吹水、吃吃飯，有更好可選。

真係吾明點解咁多人去排隊，我地幾個傻人又去跟風，又多人又要搭枱，結果點左既菜真係比一般荼餐廳仲要一般～ 但我估應該九成都係香港人，年輕老幼都有，其實環境同氣氛都吾錯，好HK style，好過而家扮高檔既美金集團，多份親切感！排左成個鐘，要搭枱坐底，見枱枱都叫炸豬手，於是就跟住點，味道都尚可，可能係我地吾識點菜啦，點左d都吾係特色名菜~ 聽隔離枱話墨魚咀好好食，但我地無叫，下次再試過！豬手：皮脆肉嫩，送飯一流蠔仔粥：普通，但吾難食聖旨：普通，但吾難食通天菜：難食，完全汁還汁，菜還菜，我諗連大家樂都好過佢環境：較迫同嘈，但尚算乾淨

小妹一向都鐘意食大排檔, 但又好怕平時D大排檔好污穢,妹記大排檔就解決到我D個問題啦!開係D靚靚既商廈, 但裝修又保持到大排檔既氣氛, 值得一讚今次OT後想醫下肚就同一班同事黎左妹記咩都唔洗講, 去大排檔第一件事一定叫支啤酒啤啤佢先妹記好特別, 有一個戰鬥碗, 我估係FOR D人鬥酒用掛, 小妹唔係好飲得, 但都幾欣賞妹記會雪凍D碗, 咁飲酒真係好飲D,妹記咁細心值得欣賞鬼馬油炸鬼叫得做招牌, 當然有返咁上下, 外脆內軟, 夠香口, 魚骨算幾彈牙, 又真係幾鬼馬喎!薯仔牛肉粒牛肉都算多, 甜甜地又有黑椒味, 好醒胃, 飯都食多碗呀豉椒炒蟶子蟶子實在太少, 而且唔算新鮮, 有少少沙, 唔算太值黃金蝦妹記都算可以將D蛋黃炒到痴晒係蝦上面, 蛋黃份量岩岩好, 幾好食, 但只係有點不夠熱雞煲雞都係太少, 但個味算幾好味, 較到可以少D食到雞既雪味, 尚可總結妹記係室內既大排檔黎講算係幾好, 雖然唔算話好好味, 但都OK啦, 而且對我講最緊要佢算比較舒服同衛生!

最近突然好想食豬手，想食佢脆脆既豬皮，豐富既骨膠原!!所以今次黎到炸豬手好出名既「妹記」!同朋友兩個人六點左右就黎到，唔駛BOOK枱可以直入建議如果七點先黎到既話，最好就先BOOK枱，因為滿座率已經有七八成!!本身想叫個炸豬手，點知職員話「六十幾蚊呢款炸豬手唔脆架，原隻果款先脆!」心裡有萬個問號，炸完既野唔脆?! 點解?但重點係兩個人點可能食得哂原隻炸豬手?!…所以放棄左兩個人叫左三個小菜，同兩個白飯 ($10)鬼馬油炸鬼 ($78)我估呢味應該係妹記第二款必點菜式呢款小菜鬼馬在於蝦滑釀左係油炸鬼入面，之後拎去炸但即使炸完，蝦滑都唔會變乾，仍然有濃濃既蝦味!! 蝦滑好有驚喜而油炸鬼炸到內外都十分乾(個人覺得硬左D)，已經食唔出係油炸鬼；但正正因為油炸鬼味淡同硬先可以特顯返蝦滑既蝦味同彈椒鹽鮮魷 ($58)魷魚分量足夠又唔厚粉，而且無炸過龍，仍然保持到外層少少脆粉漿同內裡彈牙魷魚，但略嫌魷魚味唔夠。不過，以呢個價錢食到呢個小菜已經算抵!! 出面咁上下質素都要六七十啦妹記小炒皇 ($78)呢度個小炒皇除左韭菜、蝦乾、腰果、魷魚仔、菜蒲條之外，仲多左鮮蝦仁、元貝仔同銀魚仔。材料真係勁豐富!!

想試好耐，但超多人，又成日訂唔到枱。今次終於去到食。環境好過大排檔，有冷氣，服務態度都可以接受。我們5個人食，叫左5個菜，有3個招牌菜。蠔仔煎餅最好食，比起其它店舖少粉，炸得夠香口，蠔仔新鮮夠多，而且都好大碟，夠晒份量。這兩個招牌菜就麻麻地，脆皮炸大腸沒什麼特別，同其它店舖差不多，所以有點不明，為何做左招牌菜，招牌菜應該比較特別和好食，本人意見。而另一個招牌菜，砵仔雞蛋焗魚腸，就麻麻，我感覺不像魚腸似的，雖然不腥，焗得都恰當，外層看上去都好似好好食，但沒魚腸厚感，而這道菜式，亦是本人最想食的一道，竟然有點失望這個蕃茄金銀蛋肉鬆浸白菜仔，好食，夠特別開謂，很適合小朋友食，而且個蕃茄湯好鮮甜瑤柱蛋白炒飯，蛋白夠多，飯炒得香口，不會太過硬，總結來說，餸菜都唔差，而且抵食夠份量，如果多點特別菜式，其實要求不高，而且旺區，其實已經算是平靚正，所以都值得再次光顧，只是比較人多，等位就有點麻煩。如果可以盡量改善訂枱或等位情況，我想會更理想。

妹記大排檔真係極高名氣,無論係同事朋友間, 一提大排檔, 同埋大班人食飯就會聽到呢個名當個個都話好食的時候,真係遇到成班fd都得閒就去試一次十幾人叫左十幾個仗餸, 一個字形容晒!鹹!!係激鹹!!!我懷疑個廚將糖同鹽調轉左, 呢碟菜, 都係一碟普通野...都可以係好鹹!食左一啖就放棄!期待的豬手, 其實都預算佢係鹹. 但佢真係鹹到驚...另外一款鹹中之鹹就係炸物, 基乎所有炸o既食物都係鹹..我地叫左兩款都已經唔想翻叫唯一一樣好, 佢真係熱辣辣上檯..證明佢係即叫即做!其實有碟炒飯反而有驚喜, 因為佢係唯一一樣正常食物!!試過一次咁大把, 真係以後唔會再揀呢間!

每逢晚飯時間,都要排隊比較耐.但係因為按“正統”既大排檔黎講,呢度有冷氣, 而且相對係乾淨的. 適合一班朋友黎食飯,因為佢呢度有“戰鬥碗” 可供 用黎同朋友一齊“斗”啤酒！ 先講返d 菜色, 其實菜色不錯, 賣相不錯,而且都有鑊氣. 但係唯一敗筆就係咸, 除jor 蓮藕煲, 全部都係過分咸, 雖然冇咸到想吐, 但係感覺每道菜都重口味, （可能for 客人全部飲啤酒吧） 個炸豬手不過, 不會焦呢個係油炸鬼魚肉, 好好味, 最有特色菜圃煎蛋  其實真係好咸