妹記大排檔

營業中

休息中

內地朋友落黎香港濕平，打算係旺角血拼，之后話同我慶祝生日，問我想去邊間餐廳。內地咩都有得食，想帶佢地去d內地少食嘅菜色，又要坐得舒服環境又唔失禮，上網睇，妹記有d菜係內地唔多見，二話不說去妹記訂位。鬼馬油炸鬼同細細粒嘅椒鹽豆腐，哩兩款菜d內地朋友話未食過，再細咗西蘭花帶子，炸大腸，蠔仔粥，蒜香骨同黃金蝦球。黃金蝦球問清楚有無蝦殼先，因為自己唔中意食有殼，黃金醬略嫌少咗d，蝦球夠彈牙，蠔仔粥蠔仔夠新鮮，所以夠滑同無腥味，炸大腸夠脆，椒鹽豆腐外脆內軟，滿意。其實每款菜色都唔錯，唯一要彈係每款菜份量都係偏少。PS:感謝內地朋友出長水遠落黎香港同我慶祝生日，謝謝，感恩。