妹記大排檔

營業中

休息中

今日去接老公放工，佢話我地呢排成日食西餐，帶我去食下大排擋咼。我當初以為大排檔食，實係個啲搭枱，坐街邊，衛生環境一般個啲啦。去到原來妹記係棟商廈入面，門口已經有好多人等位。等位期間仲有櫈坐添。等左陣就有位啦，真係好彩呀，好肚餓啦！我地叫左三個餸。沙爹牛肉西蘭花：西蘭花爽口，炒得幾有鑊氣呀！粟米斑塊: 斑塊炸到好香脆，再淋埋個粟米蛋花汁，送飯一流呀。京都骨： 寫到明用腩排，肉質比較林滑，份量都幾多，不過不失。呢個室內大排檔乾淨整潔，又可以食到有鑊氣食物，對於我鐘意乾淨嘅人就岩曬。