妹記大排檔

營業中

休息中

自己生日飯居然簡左大排檔, 看來年紀大了, 不是什麼美麗餐廳都不要緊,重要的是舒服, 跟誰吃, 跟誰過. 已經很感恩了^^大排檔內裡當然很道地, 不過有強勁冷氣唔洗驚覺得熱, 椅子有背既, 果日我地都行到攰攰地, 有得挨下岩哂啦~~然後我發板嗌左啫啫雞煲, 金沙魷魚, 椒絲腐乳通菜樣樣都好有穫氣又炒得好食~~ 特別係金沙魷魚，第一次試係配魷魚，都幾特別，咸咸香香咁～菜都炒得剛剛好～ 係雞煲就爭少少~肉唔夠滑如果多人食仲可以嗌多幾樣野仲正!!

朋友仔一早就訂左檯，門口帶位話要人齊先準入，之後啲人齊晒，都要再等4個幾字先有得安排入座😅門口位哥哥仔禮貌好一般～咬唔開的椒鹽鮮魷，啲粉都厚厚地唔係講笑😤豬手， 個皮脆卜卜，呢個幾好食！可以叫呢個！蝦醬通菜炒牛肉， 熱辣辣，但份量好細呀😣黃金蝦球，好咸，好油，啲黃金唔好食，太濕，唔好食。生炒骨 - 正正常常炸大腸， 又係咬唔開既😂啲野食真係普普通通，太多人，服務又好一般，如果要食大排檔，我諗仲會有好多選擇😿

今日係MK上完堂， 適逢假日全街都係拖喼黨， 入到大型商場搵嘢食多人到只係填飽個肚， 完全談不上享受一餐飯。反而入到橫街窄巷就搵到一啲地方舒舒服服慢慢歎，推介呢間妹記， 夜晚就多人可能個個以為晏晝冇得食，原來呢度晏晝都有套餐，仲要係40幾蚊有湯，有飲品 ，平過連鎖快餐店，仲要係味道唔差， 最食得開心嘅就係嗰一班侍應生， 大部分都係中年人 ，但經驗老到見嘢就做，而服務態度都十分好， 唔係話有禮貌嗰隻好 ，而係非常醒目 ，完全值回票價。地方大一大，完全唔使搭枱。冇花冇假真係平過連鎖快餐店。湯料十足真材實料。 碟頭飯量充足，但蝦係有雪蝦 嗰隻"假"脆爽口感no good，但40幾蚊真係叫做交到貨。

平常出街吃，都是我們兩大一小的組合。而今天晚上就比較特別一些，除了有我們一家之外，還加入了親愛的外父大人....人在女人街附近，登時想起第一個念頭，便是鑽進街內地攤兩旁的食店內尋吃....此時經過其中一幢食廈，看到"妹記"的大招牌，才醒起已有多年沒來此了....記起最後一次來時，店仍在金巴利街的排檔內。事隔多年，店已人面全非。昔日的年輕老闆娘不知現在身處何方呢 ?沒有預先訂位，被安排在一個盡頭角落坐下，我們對此絕對沒所謂，反而更是樂得清靜....外父大人在的話，小弟一定會將點餸任務交給他。我們有四個人，就點四個菜好了....很可惜，第一道粉絲蒸鮮魷就落筆打三更，魷魚基本上是完全咬不到的尤如在食橡膠般，而且是一點味道全無；相反那粉絲卻是鹹得要命，吃後馬上要吞幾口白飯才能溝淡那份鹹味....鮮蕃茄金銀蛋肉崧白菜仔嬴在份量夠足大大碟的上檯，每樣配料皆用料足毫不含糊，論味道亦挺不錯，起碼茄湯沒有給人一種太酸太甜，很假的味道....外父大人點名要叫的鴛鴦蒸烏頭，一面是蒜頭豆豉蒸而另一面則是用檸檬處理，一邊是濃郁惹味而另邊則清爽易入喉，結果是將面前的一大碗靚仔全部吃完清倉。外父邊食邊大點其頭，最後

食大排檔最緊要夠鑊氣夠麻甩！妹記大排檔之所以響朵會聽過吸引在佢用戰鬥碗飲酒呢啲gimmick嘢🥳用嚟打卡真係一流佢仲會雪凍隻碗先俾你☝🏻同三五成群飲酒勁爽呀🍻🍻🍻鬼馬油炸鬼 $78呢個係次次都嗌嘅餸🤟🏻熱氣邪惡但好味脆卜卜嘅油炸鬼釀滿墨魚膠再點埋甜酸醬，勁有口感諗起都流哂口水🤤🤤想encore鋼鍋雞 $108呢味第一次試，佢落咗好多蔥蒜，好香😍雞就有啲嚡，但個汁辣辣地幾惹味啲荀吸哂汁，成鍋最正係啲荀😏菠蘿生炒骨 $68生炒骨嚟講，佢都算幾大粒🤣唔似出面啲舖頭咁，放咗落口無肉食味道正常無乜大特別🤷🏻‍♂️🤷🏻‍♀️成日怕大排檔油煙多又污糟嘅話，妹記環境都幾企理，呢個係加分位🤩🤩下次約朋友食飯又多個唔錯嘅選擇喇！好味指數：

這是一間 ok 同 之間水平的店。因為好友的盛讚及安排，在此吃了一次晚飯。又因為其店特色裝修，帶了家人來此吃了一次週末午飯。整體來說，小菜水準未算好到只是天上有，基本上很多平民店有過之而無不及，只可以評為抵食，ok。反而一般的套餐給我感覺是非常抵食又好味。乾炒牛河掂，椒鹽肉排飯亦很惹味。蠔仔粥有很香莞茜氣味，但又是犯了鹽多，極度鹹！黃金咸蛋魷魚鬚，用心以牛油推開蛋醬，味算達恰到處，但汁變了很稀，魷魚鮮度及口感以及漿粉，全未能勝人一籌。如果晚飯，就一定要訂位，座無虛席。週末午餐最正，清靜，招呼都好得很且貼心。俾個全因為是今時今日咁街坊價格而食物“不差”，算是用了心做，只是尚欠一步，還要是處於旺角區，沒有砍客之意，算是勝了。

依間出名多人要等 可能我平日去7:30仲還早 所以都係得左10分鍾左右就入得啦~我地今日就五個人,叫左6樣餸+一支啤酒!第一樣:椒鹽八爪魚咀炸得真係好香 唔厚粉 好大陣椒鹽 食完我都怕熱氣第二樣:蠔仔煎餅D蠔算係大粒~佢比得都算多 一口一蠔 送飯一流呀第三樣:西檸雞都係炸野 但加檸檬味成件事就唔同曬啦 酸酸地 幾開胃第四樣:雜菜BOO好少地方會比埋帶子 帶子都好大粒 菜既份量都好多 入面有 小白菜 菜心同埋一D姑  夠曬5個人食啦~第五樣:黑椒薯仔牛柳粒E 樣係我最鍾意 牛柳UN UN 地 好有口感 薯仔唔係林 正正因為錦厚實所以好好味最後:飛天通菜真係飛左出黎 菜好新鮮 蒜香味濃 值得一試!最後飲埋鬼佬涼茶,功德圓滿~總結:好滿足既一餐,飽曬!

記得第一次食妹記係剛剛入大學嘅時候宿生會邀請所有新生一齊去食開學飯個次係第一次接觸妹記 同妹記最出名嘅戰鬥碗時至今日,仍然懷念當初青春既味道當初相識既朋友 都成為今日既老死所以不時都同班兄弟去食妹記星期一晚放工 約埋成班人去妹記啤啤佢唔使講 都係叫個幾味豬手-外脆內軟 跟埋個甜酸醬 好味黃金蝦-鹹蛋黃味重 蝦又夠彈牙豉椒炒聖子同帶子炒西蘭花都係正路味道最重要一路食 一路用戰鬥碗 飲碗哈爾濱啤酒同班老死吹吹水 講下舊事 傾傾近況 人生一大樂事

聽左妹記呢間野好耐，不過一直未有黎試，旺角呢一間分店仲裝修得好靚，完全唔似大排檔，唔講以為係西餐廳。餐廳內外是日晚好多人，等左25分鐘左右先有位。食物選擇好多推介菜式，都係大排檔價錢，依家食大排檔其實都唔平，再加上佢舖租同埋名氣，都理解點解定呢啲價位。鋼鍋雞　$108有啲似啫啫雞煲，係招牌之一，用左一啲泰式香料炆焗，但食落冇乜味，醃得唔夠時間，似普通豉油雞。妹記炸豬手 $68必點！因為真係好抵食，同埋都係招牌，份量唔算少，以$68黎講真係好抵，咁大份，出面食個豬手閒閒地都$200，估唔到妹記做咁平既價錢，而味道都OK ，皮夠脆，肉質粉嫰，唔油溢，真心推薦。鬼馬油炸鬼 $78又係另一公認招牌菜，本身唔知係咩黎，原來係將油炸鬼掏空心，之後釀啲魚肉漿、墨魚漿入去炮整成。油炸鬼唔算好香脆，魚肉幾有彈性同咬口，配上酸甜汁，幾夾，不過如果油炸鬼可以整到好脆就更好。椒鹽八爪魚咀 $78全部點哂招牌，呢個都係，但就真係可以唔洗叫，如果炸豬手仲平過呢碟八爪魚咀，呢碟真係好唔抵食，炸粉好厚，八爪魚咀冇乜特別，椒鹽唔夠香口，不值一試。我地一行7個人，當然唔止叫呢啲野食，仲叫左菜，但主要呢4款都係招牌菜式，我

好幾年無幫襯尖沙咀妹記，試試旺角分店先。菜色都係大同小異。望夠菜牌可以點菜。藍妹，戰鬥碗同您死過！炸墨魚咀，高質吸引，香口爽脆索索聲，墨魚味甜美多汁，乾身點更好！鬼馬油炸鬼，墨魚膠無味，外層炸透法包皮，no good！薑蔥炒蟹，全無鑊氣可言，您地係用電磁爐炒？暖暖地，薑蔥還薑蔥、蟹還蟹，完全無融合一齊，薑蔥汁撈蟹，蟹夠新鮮肉彈但蟹味淡，整體一般。避風塘炒蟹，質素好過薑蔥少少，夠熱但無鑊氣。難怪不用 5 分鐘兩碟蟹送到，有做定之厭！蟹肉夠鮮彈但蟹味淡，比薑蔥炒蟹甜，炸蒜辣椒夠惹味香辣，味道唔錯。豉椒炒蟶子，依舊無鑊氣，豉椒撈蟶子罷了，好采蟶子都夠爽甜，煮多兩秒就過熟喇！炸豬手配泰式雞醬，預期之內麻麻地，我諗切片點醋當燻蹄食會好味好多！咸魚茸飛天通菜，比起剛才兩碟蟹同蟶子，依個菜最好食最有鑊氣，蝦醬鮮濃，通菜爽嫩多汁！炸大腸，都好食既，外脆內嫩無過咸，沾上甜酸汁點綴一下，醒神醒胃。雞蛋焗魚腸，熱辣辣但蛋香不足，味啖微腥帶泥味，凍左直頭入唔到口，連飯都費事叫黎撈喇。洒上大量胡椒粉鋪面都無補於事，勁腥食唔到。黃金蝦，暖暖地唔夠熱，蝦肉霉，海蝦細，一般。

星期四晚約埋一班失散多年嘅舊同事聚聚吹水食吓晚飯,有囡囡推介依間樓上舖。估佢坐落女人街應該唔難搵,原來行到去俾啲檔口遮住都唔易搵㗎第一次上嚟唔知頭唔知路就讓後生女佢哋揸fit喇,自己就事前上網睇過蠔仔粥唔錯喎蠔仔粥最先上檯,七個人每人都可以分到兩碗有多。入口感覺好入味,唔似有啲食得出係白粥加入餸料果隻。佢嘅粥水都非常入味,蠔仔飽滿軟滑豬手真好似網友嘅分享一樣好脆口,唔油膩。但就略嫌凍凍哋,其實我哋係第二三檯客咁早到。廚房師傅唔應該咁早就踢晒腳喎沙拉骨都交到貨同樣係入口香酥而唔油膩,咬開時都好juicy,加上汁液亦都好惹味唸住叫個菜食吓,我就覺得依個菜一般,唔似係佢哋嘅強項(炸物)。後加依個鮮魷都幾新鮮,不過大家睇吓佢嘅賣相都幾(求其)

有無人同我一樣鍾意食下d小炒呀 大排檔咁呢？👀👀👀呢間火喉夠 道道菜都好鬼正🤤 仲要價錢好抵食！上次帶fd黎 個個都話呢間正！🙈🙈真心推💘💘🙈黃金蝦 同豬大腸必嗌之選！

收工黎到旺角，係時候祭下五臟廟，諗緊食乜之祭，朋友就話：「不如試下妹記大排檔？」我心諗，下，三十幾度去食大排檔？，但我又唔好意思掃佢興，唯有硬住頭皮話，「好啊，你想食就一齊去啦！」我地行到登打士街附近，再開google map，先塭到呢棟隱藏係漆黑之中既食肆，似係新裝修，lift lobby都光猛既，搭lift上到2樓，就係「妹記大排檔」。聽到「大排檔」， 以為係傳統嗰啲坐接櫈，大熱天時都冇冷氣嘅大排檔，好彩實情唔係咁，呢度等位都有櫈坐啊！我地walkin，等左大概半個鐘就有位。叫左金沙鮮魷 $78色澤好靚，散出陣陣咸蛋香味，咸蛋黃都好成功咁痴住d鮮魷，唔會一夾起就甩皮甩骨。魷魚都大大塊既，夠爽口。沙嗲粉絲蝦煲 $78熱辣辣成煲上，份量大到一定夠2個人飽，細食既有機會食唔哂，但我地就當然食得哂啦！沙嗲味夠香，食落濃郁，條條粉絲都索哂d沙嗲味，芽菜完美融入左d粉絲，每一啖，都食緊幾樣野，蝦既份量都多，蝦肉爽甜，唔會梅。

今日去食人人都話唔錯的妹記，係門口已經見到好多人係度排隊，好彩我地預先book左未，如果唔係的話都不知道要等多久。餐廳的裝潢很有有懷舊的味道，是按舊式香港的大排檔味道，墻身挂滿餐廳的餐牌，招牌菜等等。不同的是環境變了，以前的大排檔是在街邊，香港轉型後，大排檔現在都開在樓上店了。我地叫左好多野食，味道到唔錯的。飛天通菜都算係妹記招牌菜，上菜時仲熱辣辣，通菜非常翠綠，好快就食曬。蠔餅好大份，炸到金黃色買相好吸引，但係味道都一般，面粉味較多，鮮味不足有少少失望。戰鬥碗的碗是冰涼冰涼的，用來喝啤酒好爽。

相約左一班莊員去食飯，諗左好耐邊到有得成張圓枱一齊坐，仲有得飲啤酒🍻呢？最後決定黎妹記，貪佢可以有個戰鬥碗飲啤酒，夠豪氣係餐廳門口要齊人先入得去，有好多人排隊，好似仲無得book位添，於是等左差不多一個鐘先入到去，然後我地就拿拿聲叫野食，因為實在好肚餓。。。。先黎既有蠔仔粥，好大鍋，而且粥底夠綿，裡面有好多蠔仔，雖然唔太大粒，但粒粒都好飽滿，搞到我地每人食足兩碗先至停之後有個西蘭花🥦炒帶子，個帶子炒得岩岩好，唔會炒得太老，份量都唔算少~~再黎就係鬼馬油炸鬼，其實就係將魚肉放到油炸鬼中間，炸得好香口，加埋個醬汁更好好味，就算肥幾磅都要食跟住係個金莎骨，相較起其他菜就失色左少少，較為普通最後係原隻豬手，炸得好好，裡面仲係有好多肉汁，外層係脆既，內軟外脆，食完係想再encore!!!!餐飯食得好滿足，價錢又合理，唯一希望改下既係等候既時間可以短d就好