影片
更多
2018-07-02
4002 瀏覽
六年前去完台灣交流，返到嚟香港，大家各有各忙，讀書嘅讀書，結婚嘅結婚，今日因爲台灣嘅教會朋友嚟香港分堂靈修，而令我們再聚首一堂。台灣嘅朋友第一次嚟香港，點都要盡下地主之誼，帶佢去食好西，嚟到香港，點都要試下d特色嘅港式餐廳，但大熱天時又唔洗朋友咁鬼辛苦，於是帶左佢嚟食有冷氣嘅大排檔，妹記大排擋！同一般嘅大排檔唔同，呢間妹記大排擋係樓上鋪嚟，完全唔洗驚無冷氣，而且唔似傳統大排檔咁衛生環境油麻地，而且座位都幾寬敞，完全唔怕為旅客朋友帶嚟壞印象。我地一行五個人叫左四個餸，一個炒粉麵，飽到個個反晒艇，仲游說位新婚朋友唔好煮飯帶食剩嘅俾老公食算XD，都認真幾大件夾抵食！原炸脆皮炸豬手（$198），一上檯嚇到我地嘩嘩聲，事關無諗過隻豬手咁粗，仲隨碟將佢嘅屍骨上埋盤，驚死我地唔知d肉係邊度嚟咁，哈哈。豬手炸得非常好，脆得嚟唔會太油膩，外皮脆而肉質仲係好嫩，豬肉本身做過調味，唔需要泰式辣醬都夠哂好味，讚呀！鬼馬油炸鬼（$78），見佢名咁有趣，叫佢嚟試試。油炸鬼就真心唔多似啦，食落應該係魚似拎去粿粉再炸，食落去金黃酥脆，魚肉入口鬆軟，班女人個個都話怕肥，但keep住密密放入口食，你班友仔唔方唔鬼馬喇。有
台灣嘅朋友第一次嚟香港，點都要盡下地主之誼，帶佢去食好西，嚟到香港，點都要試下d特色嘅港式餐廳，但大熱天時又唔洗朋友咁鬼辛苦，於是帶左佢嚟食有冷氣嘅大排檔，妹記大排擋！
同一般嘅大排檔唔同，呢間妹記大排擋係樓上鋪嚟，完全唔洗驚無冷氣，而且唔似傳統大排檔咁衛生環境油麻地，而且座位都幾寬敞，完全唔怕為旅客朋友帶嚟壞印象。
我地一行五個人叫左四個餸，一個炒粉麵，飽到個個反晒艇，仲游說位新婚朋友唔好煮飯帶食剩嘅俾老公食算XD，都認真幾大件夾抵食！
原炸脆皮炸豬手（$198），一上檯嚇到我地嘩嘩聲，事關無諗過隻豬手咁粗，仲隨碟將佢嘅屍骨上埋盤，驚死我地唔知d肉係邊度嚟咁，哈哈。豬手炸得非常好，脆得嚟唔會太油膩，外皮脆而肉質仲係好嫩，豬肉本身做過調味，唔需要泰式辣醬都夠哂好味，讚呀！
鬼馬油炸鬼（$78），見佢名咁有趣，叫佢嚟試試。油炸鬼就真心唔多似啦，食落應該係魚似拎去粿粉再炸，食落去金黃酥脆，魚肉入口鬆軟，班女人個個都話怕肥，但keep住密密放入口食，你班友仔唔方唔鬼馬喇。有樣神奇嘅係，姐本身非常易上火，食左兩道炸野都無好燥底，認真神奇。
事關台灣朋友未試過香港地道炒粉麵，明知同餸唔夾，都叫左個星州炒米（$58）佢試，炒米炒得非常乾身，色水均勻，大廚嘅炒功相當不錯，但調味就略為淡，無平時好香黃薑粉同咖哩嘅味，另外，加返d辣椒會更加加分。
魚香茄子煲到夠哂淋，仲因為要食佢，特登叫左兩碗飯嚟送，不過厭佢咸魚味未夠勁。
咸魚茸飛天通菜煲（$68），呢個菜就調轉頭咸得制，無左菜嘅鮮味。
總括黎講，食得舒舒服服，味道不錯，都不失為一大班人嘅飯聚之選。
張貼
